Mimkut thla (September) Ni 26, 2020, Issue No. 39

 PAGE - 1

TUALCHHUNG :

Damlo : Pi Zairemthangi W/o Saithankunga(L), Damvea Sec. chu an inbul step-ah chesualin, inlamah bed rest niin enkawl mek a ni.  

4C ah lut fel : Sept. ni 25, 2020 zan khan Lalsavunga Park-a kan veng Community Covid Care Centre chu luah \an a ni ta a. An vaiin mi 15 niin heng zinga mi paruk te chu hmeichhia an ni a, kan veng LLTF te remtihna in Samtlang khua a mi leh Saikhamakawn a mi, mi pa pakhat ve ve an awm ve bawk a ni. Tuna kan veng 4C a awm te hi CCC, Melriat a\anga rawn chho te an ni a, anmahni hi Symtom nei lo niin an hriselna pawh a \ha a, a lawmawm khawp mai.

Vengchhung inkharkhipna thlahdul: Swab Sample result chhuakah Positive thar awm lova an negative tak zel avangin Hlimen Local Level Task Force on Covid-19 te chuan Sept. ni 24, 2020 a\ang khan veng chhung inkharkhipna chu thlahdulin, nunphung pangngai angin chhung lamah kal a ni a, tin, Contact tracing avanga Home Quarantine mek, test result negative ta te chu Home Quarantine na phelh sak nghal an ni ta zel bawk.  Inthlahdulna kalpui a ni chung pawhin mipui lam pawh kan fimkhur thiam chho mek zel tih a langa, a lawmawm em em a ni.


Swab Sample test: Veng chhungah Covid -19 Positive kan awm chho ve takah chuan a theih ang angin Contact Tracing chhui nghal zel a ni a, kan veng mi pakhat Positive contact  mi 28 te result chu a chhuak kim ta a, result hi a negative vek a ni. Tin, a hnathawhna hmuna Positive Contact pakhat result pawh a negative bawk.
     ZMC lama mahni sum senga RTPCR (Swab Sample Test kan tih) test tir pawh mi engemawzat an awm ta a, Sample test hi an awm chhoh deuh reng avangin a zat chiah hi chiang taka sawi a harsa a, tunah hian mi 30 bawr vel chuan swab sample hi private in an test tir tawh a, result chhuak hriat theih  chinah a negative vek a, a lawmawm khawp mai. Tin, Contact Tracing a Positive Primary contact (Hrikai te lo hnaih zual bik eg. chenpui leh hnimhnaih zual tak tak etc.) te chu a huho in  Swab Sample Collector ten an rawn la ang. Hetianga test tur hi mi 90 chuang an awm a, Private a lo in test tir an awm leh \hin avangin a zat chiah hi sawi chian a har deuh bawk a ni.

 

HEADLINE :

Community Covid Care centre

    Sept. ni 25, 2020 khan LLTF chuan Lalsavunga Park a Hall chu Community Covid Care Centre (CCCC/4C) atan buatsaih  tur a nih angin hnatlang an nei   a, LLTF member bakah Kapdaia Section a\angin tlawmngai mi \hahnem tak an hnatlang a, Kapdaia Section chungah LLTF a lawm hle a ni. Hnatlang hi Prof. F. Lalnunmawia, Bialtu MLA in a hmunah a rawn tlawh a ni.
    Covid Care Centre chu damdawiin emaw Health Care Facility ni lo eg. School, Hostel, Hall etc.te Covid -19 damlo enkawl tura a \ul anga siam rem a ni. A hmun hi sawrkar emaw mimal emaw mipui ta a ni thei. Hetiang hmunah hian Covid-19 Positive si, natna lang chhuaklo emaw na em em lo te dahna tur a ni. Tichuan, Community Covid Care Centre (CCCC/4C) chu khawtlangin  chutianga Covid-19 Positive si, natna lang chhuaklo emaw na em em lo te dahna tur a siam chu a ni. Kan veng 4C ah hian luah khat ta vek se a rualin mi 38 vel awm theih tur a ngaih a ni a.
    4C/CCCC hi din a nih hmain CCC State Management Team/ Chief Medical Officer emaw an aiawh a ruat ten LLTF te puihna in an endik tawh a ni.
    Sept. ni 25, 2020 a hnatlangah hian bawlhhlawh paihna tur khur laih te, a hmun hma tihfai leh Gate siam hna te, Electric pawh luhna siam hna te an thawk a ni.
    Hemi ni la la hian a hmun hma luah theih a peih niin a \ul angin Chief Medical Officer (CMO) lam pawh hriattir nghal a ni a, Tichuan, Melriat CCC a\angin Hlimen 4C a awm turin an lo chho a, dar 9:30 P.m. khan an awmna tur hmun an lo thleng chho a. Heti hian kan veng 4C ah kan veng mi 13 bakah Saikhamakawn leh Samtlang a\angin mi 1 ve ve an awm dawn ta a ni.
    CCC leh 4C hian danglamna tam tak a nei a, CCC chu sawrkar enkawlna hnuaiah awmin mi tupawh CCC ah hian dah luh theih  a ni a, 4C erawh chu vengchhung mi te in enkawlna bik tura sawrkar hriatpuina a din a nih thung avangin tualchhung mite tan bik a siam a ni a, LLTF kaltlangin Security leh Medical lam pawh volunteer a ruat an ni a, a \ul angin Doctor ten an vil in an enfiah \hin ang.  
    Kan veng in 4C kan neih theih nan LLTF chuan a theihna kawng kawngah hma la in Pu Lalramchuana pawhin a\ul angin sawrkar hotu lam te alo be bawk a, tin, Bialtu MLA, Prof. F. Lalnunmawia leh Dr. Thiamsanga, MLA ten a \ul anga hmala zelin kan vengin 4C kan nei thei ta a ni.
    4C kan neih theihna tur leh he Centre a awm te enkawlna tura chhawmdawlna pek chung changah khawtlang kan \angrual em em mai a, Venglai kawnah leh Damveng ah bawm dawh a ni a, mimal, pawl, Gospel Team leh Kohhranho te a\angin sum leh ei leh in tur a lut ruih ruih mai a, Pathian hnathawh ropui tak a ni tih hai rual a ni lo. He thu buatsaih lai thleng hian Task Force bawm dawh ah ` 4640 a tla tawh a ni.
Kan khawtlang hi Pathianin malsawm zel rawh se. 

 

PAGE - 2

EDITORIAL :

THUAWIH HI KAN HIMNA
    Kan hriat \heuh angin kan khawtlang chu Covid-19 hriin min luhchilh ve \an mek niin a lang a, he hripui avang hian chhungkaw tam tak khunghran niin kan khawtlangah ngei pawh inkharkhipna dan hman a lo ni ve ta reng mai. WHO a mithiam te chuan he hri hi a reh mai loh tur thu leh he hri nen a len ho/chen ho te pawh kan zirtlan angaih mai tur thu te an sawi hial anih kha.
    Mi engngemaw zat LLTF buaipuina in swab sample test te neih a ni a, tin, mimal insengso a mahni in test te pawh kan awm nual a. Result duhawm tak neih vek nilo mah se swab sample lak kan tam ang aiin positive result kan neih tlem ngaihtuah chuan thil lawmawm tak pawh a ni thei awm e. Hei hian ngaih\hatna emaw ngaihsamna min thlen mai lo se, he hun kan tawn mek hi inzirnan a kan hman a, \an kan lak theih lai, he hri venna kawng a  kan tlai sual hma ngei hian fimkhurna leh invenna kawngah hmasawnna rah \ha tak min thlen tu lo ni zawk sela a duhawm hle ang.
    Tun dunhmunah chuan khawvelah he hri danna emaw a enkawlna damdawi bik hi hmuhchhuah a la ni lova, mithiam tam takin buaipuiin enchhinna an la kalpui mek chauh a ni a. Chuvang chuan mitin ten he hripui Covid-19 lak a kan him theih nan  kan theihna zawnah \heuh kan fimkhur a kan inven thiam a  pawimawh em em dawn a ni.
    Kan ram dinhmun han thlir hian, hrikai inenkawlna hmunhma kan neih \hat loh zia te, sum leh pai lam a kan State pachhiat zia te, hri kai leh kailoh endikna man tam zia te kan hre \heuh a, mitin ten he hri kai ve lo tur a kan lo inven hian nasa takin Sawrkar kan pui a, kan ram sum leh pai dinhmun tlachhe tur kan lo veng ve a ni te pawh a tih theih awm e.
    Vanduai palh thilthu a hri kai hi awm theih mah nise a inkaidarhna tam zawk erawh hi chu inven theih a ni tih hria ila. Hmaituam, kut silfai/tihthianghlim fo, midangte nen a inkarhlat a awm, \ul leh pawimawh thil bikah lo chuan inlenpawh loh te leh he hri dona kawng a kan hotu te thu leh hla \ha tak a zawm hi a ni tih hrereng ila, khua leh tui \ha tak nih i tum zel teh ang u.

 

LLTF-Ah CCCC |ANPUINA tur MI TLAWMNGAITE THILPEK LUT ZEL
1.     Isua |hiante Team         ` 2,000
2.     Isua Krista Kohhran         ` 5,000
3.    League of Mercy, Salvation Army    ` 1,000
4.     Dr. Laldinthari, UPHC        ` 1,000
5.    Pu Biakzama (Makuka), Model Veng    ` 1,000
6.     Pi Ralmani, Chhinga Veng    Dal bag 1
7.     Er. Lalthansanga, Councillor AMC    Sanitizer
8.    Mamawia, Saikhamakawn    ` 1,000
9.    Pu F. Lalnunmawia, MLA S-III    ` 20,000 +Damdawi
10. Wuhan Zonunkima(Kira) Downline Whatsapp Group      ` 3,800 leh Buhfai bag 1

 
1.     Buala Section YMA        ` 3,000
2.     Damvea section YMA        ` 2,000
3.    Kapdaia Section YMA        ` 5,000
4.    Saichhuma Section YMA        ` 2,000

1.    Pu Lalramchuana    BS    ` 1,000
2.    Pu Zoramhmangaiha    BS    ` 1,000
3.    Nl. Laltlanpuii    BS    ` 1,000
4.    Pi Lalnghakliani    BS    ` 500
5.    Pu Robuanga    BS    ` 500
6.    Pu Lalramlawma    DV    ` 5,000
7.    Tv. Lalsanga    DV    ` 3,000
8.     Pu Duhthusama    DV    ` 1,000
9.     Pu H.Zothansiama    DV    ` 1,000
10.     Pi Lalrinsangi    DV    ` 1,000
11.     Nl.Lallawmzuali    DV    ` 1,000
12.    Pu Vanlaltlana    DV    ` 1,000
13.    Pu Jeff Lalhmingsanga    DV    ` 1,000
14.    Pu C. Lalengzauva    DV    ` 1,000
15    Pu R. Lalrinawma    DV    ` 1,000
16.     Pu Lalhriatpuia    DV    Buhfai bag 1.
17.     Pu Chalbuanga    DV    Buhfai bag 1
18.    Pu Nicky Lalthanpara    DV    Buhfai bag 1
19.    Pu Lal\hazuala    KD    ` 1,000
20.    Pu H.Lalrammawia    KD    ` 1,000
21.    Pi Lalmuanawmi    KD    ` 1,000
22.    Pu Lallianzama    KD    ` 1,000
23.    Pu Vanlalrova    KD    ` 1,000
24.    Pu Lalrinchhana    KD    ` 500
25.    Pu.Lalthlengliana    KD    ` 100
26.    Pu R Thangmawia    LSV    ` 1,000
27.    Pu Lalremmawia    LSV    ` 1,000
28.    Pi Rosangi    LSV    ` 500
29    Pi Biaki    LSV    ` 100
30.    Pi Lalnithangi    LSV    Samtawk.
31.    Pu Lalparmawia    SCS    ` 15,000
32.    Pu Lalhmangaiha    SCS     ` 3,000
33.    Pu N. Zoliansanga    SCS    ` 1,500
34.    Pu Zoramkalsiama    SCS    ` 1,000
35.    Pu Sanglawma    SCS    ` 1,000
36.    Pu Zoramthara    SCS    ` 1,000
37.    Pu C. Lalhmingliana    SCS    ` 1,000
38.    Nl. Lalsangpuii    SCS    ` 1,000
39.    Pi Lalbiakveli    SCS    ` 500
40.    Pu B.K.Remmawia    SCS    ` 500
41.    Pi Zothanpari (Maii)    SCS    Artui Case
42.    Pu Vanlaltluanga    VP    ` 2,000
43.    Pu C.Zothanliana    VP    ` 1,000
44.    Pu N.Zodinpuia    VP    ` 1,000
45.    Pi Lalsiammawii    VP    ` 600

 

PAGE - 3

HRIATTIRNA :

Health Care HRIATTIRNA
    Health Care Scheme a inziah luh hun hawn a ni leh ta a, nikum Health Care Enrollment kha September ni 30, 2020 thleng chauh a hman theih a. Tunah hian nikuma enrollment lo ti tawh leh tithar duh te tan in ziah luh hun hawn a ni a, BPL tan ` 100, APL ` 1000 a inziahluh theih a ni.
AB-PMJY Golden Card neite tan pawh inziahluh theih a ni a, Private Hospital tam zawk ah Golden Card a hman theih loh avangin Health Care ah inziah luh ve theih a ni.  Enrollment hi December ni 31, 2020 thleng tih theih a ni a, hemi hun chhunga ti ve hman lo chu a hnuah Enrollment tih theih a ni tawh lo ang.
Ken ngai te:-
1.    Nikuma Enrollment titawhte tan nikum enrollment form
2.    Ration Card
3.    Chhungkaw hotu ber ID.
    Tin, Voter ID neilo, Aadhaar Card leh Ration Card nei lo te tan pawh Health Care hi tih theih a ni bawk.

Bawlhhlawh paih chung changa hriattirna
    Aizawl Municipal Corporation huamchhunga bawlhhlawh reng reng hi a hnuaia mi ang hian thliar a fun hran ngei tur a ni a.
    Local Council in a paih ni tura an ruahman ang in paih \hin tur a ni. Bawlhhlawh fun hran dan tur - (1) |awihthei (2) |awihtheilo (3) Plastics (4) E- Waste.
    Solid Waste Management Centre ah bawlhhlawh thliar hran \hat chauh lo chu paih phal a nih dawn loh avangin mipui ten harsatna kan tawh loh nan bawlhhawh uluk taka thliar hrang vek turin kan in hriattir e.
    Sd/- K. Laldingliana
    Municipal Commissioner
    Aizawl Municipal Corporation

PUBLIC NOTICE
    Mizoram sawrkar lehkha No. F. 22012/90/HM/Covid -19. dt. 11.9.2020 angin Aizawl District chhunga PSUs, Companies, Consultant Firms, etc leh hmasawnna ruhrel/hna thawktu, State pawn a\anga worker/labourer chah chhuak tur reng rengin an mi rawihte Quarantine na hmun tur anmahni puala an enkawl vek an nei tur a ni. Hei hi sawrkar Quarantine Centre indaihlohna avaga hnathawkte chawkluh a khaihlak loh nana ruahman a ni.
    Chuvangin, State pawn a\anga hnathawktu chah chhuak tur reng rengin Home Dept. a entry permit an dilna format angin anmahni puala quarantine centre an neih tih chianna /Noc Aizawl DC Office a\anga la hmasain an thil tel ngei tur a ni.

    Sd/- R. Lalramnghaka
    Deputy Commissioner & Chairman
    DDMA/ DLTF on Covid-19
    Aizawl District : Mizoram

 

LAWRKHAWM :

Bawlhlawh paih man
    Tunhnai kan boruak avangin  September, 2020 bawlhhlawh paih man khawn dan chu hetiang hian tihdanglama nih thu kan dawng:-
    Bawlhhlawh paihna fee hi intina lut a khawn a ni lo anga, Retailer ten buhfai an sem hunah bawlhhlawh paihna fee hi buhfai la te hnenah lo khawn ve nghal a ni dawn a, chhungtinin ration buhfai lakna bakah bawlhhlawh paih man ` 50/- in rinlawk a ken tel nghal vek tur a ni a, kan boruak zir loh avang a ni tih hriain mipui ten kan hrethiam dawn nia.

TUALCHHUNG MITTHI RECORD
    Kum 2020 chhung hian Hlimen vengchhungah mi 22 lai boral kan nei tawh a, heng zingah hian mipa 12 awmin hmeichhia hi 10 an ni. Kan \hen tak te zinga naupang ber hi kum 9 mi niin upa ber erawh kum 106 mi a ni thung. February thla ah boral kan nei lova, April thla hi boral kan tam ber \um niin, mi 6 lai vuiliam an ni. Section hrang hrang a\anga chhiat tawk kan awm dan chu hetiang hi an ni :

Section                  Mipa    Hmeichhia    Total
Buala Sec.               1              1             2
Damvea Sec.           4              2             6
Kapdaia Sec.            -              3             3
Lalsavunga Sec.       1              2             3
Saichhuma Sec.       3              1             4    
Vawmphunga Sec.    3             1             4
                  Total    12            10            22

Quarry area
    Kumin chhung atan Quarry a lirthei Parking Fee khawn hna chu 407 Assn. ten an thawk chhunzawm dawn a. Tin, Sa zawrhna hmuna sa sat ten sa kan sah zawh hnuin kan hmunhma te a fai thei ang ber a kalsan \hin turin kan in ngen leh bawk a ni.

Lalsavunga park chung changa LLTF, Hlimen hriattirna
    Lalsavunga Park, Hlimen chu Community Covid Care Centre atan hman a nih tak avangin mipui vantlang tan tlawh pawh a rem ta lo a, chuvangin, vengchhung mi mai bakah hmundanga awm, kan chhungte emaw kan \hiante emaw te a remchang anga lo hrilh darh zel turin kan in ngen e.
    
    Sd/- Member Secretary
    LLTF, Hlimen

 

 Hringnun............

Father Grahama chu remna siam thiam tak a nih avangin mi’n an ngaisang em em a, \um khat chu mi pakhat hi hmusit taka an lo \awng khum avanga a thinrim lai takin a hnenah a thurawn beiseiin a lo tlan lut a. Thil awm dan sawi pahin, “Ngaihdam dil ngei tura a duh thu a sawi lang a.” Father chuan, “Tlangval, thawnthu pakhat ka’n hrilh ang che, intihthinrim hi chirhdiak nen a in ang a: a ro hnu chuan awlsam takin a khuih fai theih mai a ni. Nghak rih la inti hahdam rih teh, tuna i kal mai chuan buaina a punlun mai mai dawn asin.” Chu tlangval chuan thurawn chu pawmin nakinah chuan lungawi takin an inrem thei ta a ni.

 

PAGE - 4

KEIMAHNI :

Hlimkhawpui Budget
    Hlimkhawpui  July & August 2020  thla Budget  pe tla tawh te:
1.    Kapdaia Sec.    2. Saichhuma Sec.
3.    Damvea Sec.    4. Vawmphunga Sec.
5.    Lalsavunga Sec.    6. Buala Sec.

    YMA ROREL INKHAWM |HULH A NI.
    Kum 2016 a\anga hman \an, YMA ROREL INKHAWM 2020 chu khawvel puma Covid 19 hrileng mek avangin \hulh a ni.
    Ni. 25/9/2020 a CEC Meeting chuan tahrik ni 15 Oct., 2020 a YMA Rorel Inkhawm Mizoram University Auditorium, Tanhril a neih tura a lo rel tawh chu hripui leng mek lak a kan him zawk nan ui tak leh hreh tak chungin \hulh mai nise tiin a rel.
     Kum khat dan a neih \hin YMA Rorel Inkhawm hi ni 22 Oct., 2016 khan R. Dengthuama Auditorium ah te, ni 19 Oct., 2018 khan Vanapa Hall ah te neih a lo ni tawh a. Central YMA hian rorel inkhawm mai pawh ni lo YMA Rorelna Sang ber Central Co - Ordination Committee(CCC) leh Sub Hqrs. YMA leh Group YMA te pawh in an Conference neih tur pawh hripui leng avang hian an lo \hulh tawh a ni.
    Central YMA, Sub Hqrs. YMA leh Group YMA ten Sorkar thupek zawm leh hripui darh zel tur laka kan him tlanna tur ngaihtuaha Rorel Inkhawm leh Conference an \hulh ngam hi an entawn tlak hle a. Hripui lak ah pawh kan him phah ngei bawk in a rinawm.

CYMA CHETVELNA
(As on 25.9.2020)
19.9.2020 : NE India Conference of NGO’s Anti-Human Trafficking (Wibiner) hun hman a ni a, Prof. Lalnuntluanga, Gen. Secretary chuan Anti-Human Trafficking chungchanga Central YMA hmalaknate a tarlang.
20.9.2020 : Tungjoy hnam, Manipur-a cheng ten YMA kalphung hriat an duh avangin Biakhmuhna hmanga inkawmhona hun hman a ni.
24.9.2020 : SAD Conference Hall, MINECO-ah Discharge Protocol of COVID 19 Patient and Related Matters chungchang meeting neih a ni a, Pu Vanlalruata President a tel.
25.9.2020 : Central Executive Committee (CEC) Meeting neih a ni.

Kapdaia Section
    Sept. ni 25, 2020 khan Lalsavunga Park a Covid-19 hri kai te enkawlna tur hmun 4C a bawlhhawlh paihna tur khur lai in LLTF te ngenna angin hnatlang neih a ni a, member 20 vel an thawkchhuak a, member thawkchhuah te chungah Section hruaituten lawmthu an sawi.

Committee |hulh
    Branch YMA in Sept. ni 22, 2020 a Exe. Committee meeting a koh chu rokhawlhna a awm  avangin \hulh a ni.

 

Lawrkhawm chhunzawmna.....

Serlui humhalh
    Kar hmasa lam khan Serlui tur a hrai chungchang a report awm bawhzuiin Local Council, Branch YMA OB leh Hlimen Chhantu OB ten YMA Hall ah meeting an nei a, amaherawhchu, Serlui tura hrai tih thuthang chu thuthang diklo a ni tih finfiah a ni a, Serlui hi tur a hrai a ni lo hi a lawmawm hle a ni.
    Serlui hi tur a hrai ni lo mah se, Joint Meeting chuan Serlui hi kan tui tlan a nih bakah lui lam sa a chakkhai kan lakna a nih avangin humhalh \ha a ti a, Local Council kaihruaina hnuaia Serlui humhalhtu bik Committee din a nih hma chu Branch YMA in a \ul angin hma chak takin lo la se tih a ni a, tin, kumin October thla chhung chu eng hmanrua maha  Serlui sanghate man phalloh nise tih te an rel nghal bawk. Hemi chung chang hi veng \henawm te pawh a \ul anga hriattir nghal nise an ti bawk a ni.

Task force hmalakna |henkhat
    Hlimen LLTF te chuan Covid-19 hri dona kawngah hma a la zel a, Sept. ni 24, 2020 vengchhung mi damlo pakhat chu Swab Sample Test a ngaih avangin a test na man ` 4500 a tum sak.
    Ration buhfai sem chung changah LLTF ten ruahmanna siam in hemi zulzui hian buhfai hi sem a ni.
    Vengchhunga Positive Contact te chhui hna chu a \ul angin a thawk zel a, chu chu min bialtu Chief Medical Officer ah thawn phei leh \hin a ni.
    Ruahman lawk ang chuan Sept. ni 28, 2020 khian veng chhung mi engemaw zat te swab sample chu YMA hall ah lak leh a ni ang.

 

Advertisement...

MD  Septic  Tank  Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(23-9)    9436199884, 9862476439

 

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

      VL-a,
(10-1)    Ph.No : 9402344486, 9615266170
 

F.K. SEPTIC TANK SERVICE
    Septic Tank khat paih, commode block, soak pit hlui leh thar kan siam theiin pipe fitting kan thawk thei e.
    Regn. No. MSR 524 of 15 of 2013
    Rate - Inbiak remna.

(45-32)                         Ph. 7085521791/9615920739

Mimkut thla (September) Ni 19, 2020, Issue No. 38

 PAGE - 1

TUALCHHUNG :

Boral : Tv. Zoramthanga (K-34) S/o Rualkhuma, Damvea Sec. a mi chu Sept. ni 14, 2020 chawhnu dar 2:15 khan Pneumonia avangin Aizawl Hospital-ah a boral a, a ruang hi lumen niin a tuk Sept. ni 15, 2020 khan vuiliam a ni.

Damlo : Pu Thangkhuma (TK-a) S/o Thangphuta (L) Kapdaia Sec. a mi chu tunlai hian taksa hrisel lohna in a tlakbuak avanga investigation te tih a nih hnuin inlamah enkawl mek a ni.

##    Daniel Malsawmdawngliana S/o David Vanlalhuma Buala Sec. a mi chu a kutzung\ang tihliamin Sept. ni 18, 2020 khan Dotor ten zai sakin in lama in enkawl chhunzawm tur a tih a ni.

Hun hmang leh dawn : Hlimen Local Level Task Force ruahmanna in tun Pathianni hian vantlang information centre a\angin Pathian thu chah puanchhuahna hun hman a ni leh dawn.
    Sept. ni  20, 2020 (Pathianni) chawhma lamah Isua Krista Kohhran a\angin T.Upa Vanlalruata’n hun a hmang ang a, zanah  Hlimen Presby. Kohhran a\angin Upa Lalengliana’n hun a hmang bawk ang.

YMA in râl : Sept. ni 15,2020 zan khan Pi Zachhiarpuii M/o Lalramlawmi, Buala Sec. ralna hun hman a ni a,  ` 4,000  leh buhfai bag 1 chu a chhungte hnenah hlan a ni a, Pi Zachhiarpuii chhungte hian  YMA ah puan 2 an hlan bawk. Ralna hun hi Pu RC Lalroliana, Branch Treasurer in a kaihruai a, Pu Robuanga, Vice Pre. in hunserh hmangin Tv. Lalkhawmawia, Asst. Secy. chuan ralna a hlan a ni.
    Tin, Sept. ni 17,2020 zan khan Tv. Zoramthanga S/o Rualkhuma, Damvea Sec. ralna hun hman a ni a,  ` 4,000  leh buhfai bag 1 chu a chhungte hnenah hlan a ni a, Tv. Zoramthanga chhungte hian  YMA ah puan 2 an hlan bawk. Ralna hun hi Pu Lalrinmawia Fin.Secy.  in a kaihruai a, Pu Lalhmuchhuaka, President in hunserh hmangin Tv. Tv. R.Lalawmpuia, Secy. chuan ralna a hlan a ni.
    Hripui len lai a nih avangin chhung tinah pawisa leh buhfai khawn a ni lova, ralna hi Chhiatni Fund a\anga pekchhuah a ni.

 

HEADLINE :

LLTF in hma la zel

    March ni 22, 2020 a\ang khan India ram ah Covid-19 do beihpui thlak chhoh a ni a, kan khawtlang pawh he hri lakah hian kan him viau a, amaherawhchu, Sept. ni 16, 2020 a Swab Sample Test result (RT PCR) chhuakah vanduaithlak takin kan veng mi Positive kan awm ve ta a, ani hi he hri do kawnga ram tana mi chhuanawm, hlawh phut hauh lo a inpe (Volunteer) a ni a, ani hi Sept. ni 16, 2020 vek hian ZMC lamah in enkawl tur a phurh thlak a ni a, a mamawh \ulna apianga hman atan LLTF, Hlimen chuan ` 3000 a pai a ni.
    He hripui hi mipuia darh \an hnua Hlimen Local Level Task Force on Covid-19 ten Positive Contact Tracing kal zel a Swab Sample an test tir tawh dan chu hetiang a ni:-
Sept ni 2, 2020: YMA Hall-ah mi 14 (Negative vek)
Sept ni 10, 2020 : YMA Hall-ah mi 34, UPHC Staff - 9
(An result chhuak tawh, negative vek)
Sept ni 15, 2020: YMA Hall-ah mi 22 ( Result nghah mek)
Sept ni 17, 2020: YMA Hall-ah mi 28 (Result nghah mek)
Sept ni 19, 2020 : YMA Hall-ah mi 1
    He ti hian kan veng chhunga test tawh zat chu mi 108 an ni a, hriat theih chinah kan veng mi nisi; an hnathawhna hmun/venga Swab Sample test hi mi pahnih an awm bawk. Heng test tawh zingah hian he hri do kawnga Volunteer a thawk te chhiar tel an ni lo.
    Heng Volunteer zingah hian Tv. Zothantluanga S/o Zonuntluanga Saichhuma Sec., Nl. Malsawmdawngkimi D/o Zohmingthanga Buala Sec. leh Vanlalzami D/o Biaknghinglova Kapdaia Sec. a mite an tel a, kan veng nula/tlangval, nunna thap a ram leh hnam chhan nana ke pen chhuak te hi an chhuanawmin an fakawm tak meuh meuh a ni.  
    Vengchhungah hri a lo luh ve tak avangin Home Quarantine pawh kan tam chho ta khawp mai a, tin, mipui pawhin tunhma zawng aiin thu kan awih chho in \ul loa khawlaia chhuak pawh hmuh tur kan tlem sawt ta viau a, a lawmawm a ni.
    Harsatna kara kan din chhoh mek lai  hian he hrido kawnga hmalatu, Hlimen LLTF ah \anpuina sum leh eitur a lut chho zel a, hetiang (Kar hmasa tarlan bak) :-
Pu Lalramchuana (BS)    -    ` 1000 + Kurtai+ Cake 2
Pu Remruatkima (KD)    -    ` 1000 + Kuhva
Pu Vanlaltluanga (VP)    -    ` 1000
Marindiki (DV)    -    ` 1000
Lalnunsiami (Siamtei)KD    -    ` 1000
Pu Lawmkima (KD)    -    ` 500
Pu Amama (SCS)    -     Nesty tui tak
Pi Maawmi (SCS)    -    ` 500

 

PAGE - 2

EDITORIAL :

“NANG PAWH”
    Tolstoy-a thawnthu ziak pakhatah chuan in\henawm nu pahnih hi an inhau pek a. Pakhat zawkin a \henawmnu diklohna leh thiamlohna phawrhsakin “i chuti, khati” a tih chuan a \henawm nu leh duai bik hek suh, “Nang pawh, nang pawh” tiin phawrhsak tur a lo hmaih a lo hmaih bik lo nasa mai a. A tawpah an pahnih tan leh chhungkaw tan chhiatna nasa tak a thlen phah nghe nghe a ni.
    Mihring hi tumah intehtling thei leh tehtlin zawh kan awm lova. Keini chu sawi loh Isua meuh pawh kha he lei mihring te hian an teh tlin loh avangin khenbeh hial a tawk a nih kha. Chuvangin kan in\henawm khawven kawngah leh \hen leh rual kan in kawmhona kawngah hian thu inchuh a inbah palh a awm changin, “nang pawh, chuti khati” tih mai hi a awl \hin. Chutianga kan intih deuh sak sak chinah chuan kan \hatna aiin tlinlohna kan inthur chhuahsak ta vak mai \hin a. He \awngkamin a kentel ngei ngei chu tute chanchin kilkhawr lai leh sawi chakawm loh lai phawrh hi a ni a. Induhsakna \awngkam thlum tak hman \hin aiah huanah kel inkhalhluhsakin  há inhawlhsak hi he \awngkam hnih lek hian zuk kengtel thei a !!
    “Nang pawh” kan intih fona hi a chhan her danglamin khawtlang leh pawl tana chhenfakawm lamah her tum ta i la a \ha hle awm e. He \awngkam dengkhawng tak hi \awngkam thlum takah siam tum ta ila. Midangte \hatna lai leh duhawmna lai inphawrhsakna \awngkamah thlak ila. Mizo upa in “sem sem dam dam, ei bil thi thi” an lo tih nun hi nunpui tlang ila, kan \henawm te tan thil pawi leh an rilru natna tur ka sawi em tihte hi inchhut nawn fo ila. Chuti chuan khawvel hnam tam tak ten an neih ve loh \henawm khawveng te nena inpawh tawnna leh khawtlang nuam chu kan nei ngei ang.

 

ZIAKTUTE HUANG :

Hlimen hi Khua nge Veng!?
- Zonunsanga
    |hang tharte ti ti leh inhnial fona chu Hlimen hi ‘Khua nge Veng!?’ tih hi a ni. Whatsapp leh hmun \henkhatah he thil avanga inhnial ta bap bap hi an awm nawk mai. AMC Area-a rinluh kan nih hma kha chuan he thil avanga inhnial hi a awm kan hre lem lo a, Hlimen khua kan inti mai \hin. Mahse, tunah chuan ‘khua leh veng’ tihah kan inhnial alo ngai ta a, hma kan sawn tih alang a; a lawmawm letling phian mai.
    He thuziak hi Hlimen kum 200 (1812-2012) Bi-Centenary Souvenir, Hlimen Branch YMA Diamond Jubilee (1946-2006) Souvenir leh Hlimen Branch YMA Silver Jubilee (1946-1996) Souvenir te rawn chunga ziak a ni. Hlimen khaw chanchin hi zawhna tawite chhang tur pawhin thil tamtak sawi tel angai \hin a. Tun \umah pawh hian a bul\hut deuh a\anga tarlan hi kan hriatna tizau-ah a \hain ka hria a, amaherawhchu kim taka tarlang tur erawh chuan hmun a awm loh avangin a tawi thei angin kan tarlang dawn a ni.
    He Hlimen khua hi a \o bul a\ang rengin sawi dan leh ziah dan a inang lo zung a. Kum 1811-ah Sailo lal Lalsavunga’n Hlimen tlang rawn kaiin, kum 1812-ah a rawn luah ta a ni tih hi rintlak ber leh kan rin mek chu a ni. (Hrechiang duh tan Hlimen Bi-Centenary Souvenir phek 2-naah leh Hlimen Branch YMA Diamond Jubilee Souvenir phek 56-naah chhiartur a awm) Tin, kum 1810-ah Hlimen hi din niin, kum 1906 tangin mei mit lovin kan awm \an tih ziakte pawh a awm bawk. Amaherawhchu kan khua in kan rin ber erawh kum 1812-a ni tih theihnghilh lo ila.
    Tichuan, Hlimen khua din a nih a\anga kum 11-na kum 1823-ah Lalsavunga chu Aizawl lamah khaw thar zawngin a kai phei leh ta a ni. (Hrechiang duhtan Hlimen Bi-Centenary Souvenir phek 5-naah chhiartur a awm) Aizawl-a an kai phei hnu hian tuna Aizawl City Park kawngchhak tlâng bâwk, Governor compound saw Zawlbûk awm na lai a ni nghe nghe.
    Kan inhnial \hinna lai tak Hlimen hi ‘khua nge veng!’ tihah hian ngaihdan kan siam hmain hei hi i hre hmasa ang u. AMC Area a rinluh kan nih hma kha chuan Hlimen khua tihah khan kan lung a awi tlang mai a. Mahse, AMC Area-a rinluh kan nih chiah khan kan inla veng ta em em mai niin  a lang. A nihna takah chuan AMC Area -a rinluh kan nih hma kum 1982, June ni 2-ah daih tawh khan (He tih lai hian South Hlimen kan la ni a, kum 1999, November ni 17-ah South tih hi paihin Hlimen tih hi kan hmang \an leh a ni. South Hlimen kan nih hma hian Hlimen kan ni tih hre tel bawk ila) Hlimen hi Town Area-ah puan lo ni tawhin Aizawl-a Veng pakhat kan lo ni daih tawh.
    Chutih lai chuan Hlimen khaw din a nih atanga kum 11-naa din, a dintu lah kan khaw dintu ni bawk. Tlawmngaiha lak dawn chuan lak ve theih tak a ni. Tuna Aizawl dinhmun chu kan hre vek a, Aizawl khua ni \hin kha tunah Veng tam takah thendarh a lo ni ta. Aizawl hi Mizoram khawpui ber nilo se Aizawl-a veng pakhat nih hi kan chak ngût emaw chu; amaherawhchu ‘khua’ tih hi thing ta riau a ngaihna leh ‘veng’ tih a changkang ta riau a hriatna hi \halaite’n kan nei tlat a, thil sual phei chu a nilo. Mahse, kan hriatreng tur atana \ha ka tih chu Aizawl-a veng tamtak nen sawn kan inang lo tih hi a ni. Kei ka ngaihdanah chuan Aizawl a khaw pakhat nih mai hi \hain ka hria. Nang enge i ngaih ve dan le???

 

PAGE - 3

HRIATTIRNA :

Local Council HRIATTIRNA
    Tunhnai kan boruak avangin  September, 2020 bawlhhlawh paih man khawn dan chu hetiang hian tihdanglama ni e:-
    Bawlhhlawh paihna fee hi intina lut a khawn a ni lo anga, Retailer ten buhfai an sem hunah bawlhhawh paihna fee hi buhfai la te hnenah lo khawn ve nghal a ni dawn a, chhungtinin ration buhfai lakna bakah bawlhhlawh paih fee ` 50/- in rinlawk a ken tel nghal vek tur a ni a, kan boruak zir loh avang a ni tih hriain mipui ten kan hrethiam dawn nia.

    Sd/- Secretary
    Local Council, Hlimen

Bawlhhlawh paih chung changa hriattirna
    Aizawl Municipal Corporation huamchhunga bawlhhlawh reng reng hi a hnuaia mi ang hian thliar a fun hran ngei tur a ni a.
    Local Council in a paih ni tura an ruahman ang in paih \hin tur a ni. Bawlhhlawh fun hran dan tur - (1) |awihthei (2) |awihtheilo (3) Plastics (4) E- Waste.
    Solid Waste Management Centre ah bawlhhlawh thliar hran \hat chauh lo chu paih phal a nih dawn loh avangin mipui ten harsatna kan tawh loh nan bawlhhawh uluk taka thliar hrang vek turin kan in hriattir e.

    Sd/- K. Laldingliana
    Municipal Commissioner
    Aizawl Municipal Corporation


PUBLIC NOTICE
    Mizoram sawrkar lehkha No. F. 22012/90/HM/Covid -19. dt. 11.9.2020 angin Aizawl District chhunga PSUs, Companies, Consultant Firms, etc leh hmasawnna ruhrel/hna thawktu, State pawn a\anga worker/labourer chah chhuak tur reng rengin an mi rawihte Quarantine na hmun tur anmahni puala an enkawl vek an nei tur a ni. Hei hi sawrkar Quarantine Centre indaihlohna avanga hnathawkte chawkluh a khaihlak loh nana ruahman a ni.
    Chuvangin, State pawn a\anga hnathawktu chah chhuak tur reng rengin Home Dept. a entry permit an dilna format angin anmahni puala quarantine centre an neih tih chianna /Noc Aizawl DC Office a\anga la hmasain an thil tel ngei tur a ni.

    Sd/- R. Lalramnghaka
    Deputy Commissioner & Chairman
    DDMA/ DLTF on Covid-19
    Aizawl District : Mizoram

 

##############################

 

Lirthei chak tak taka i khalh \hin hian miin engtin nge an sawi zui che i hria em?? “A VA MAWL VE” an ti che.

 

LAWRKHAWM :

Swab Sample la leh
    Sept. ni 17, 2020 (Ningani) chhun khan kan veng mi, mi 28 te Swab Sample chu Medical Team ten an rawn la leh a, heng mite hi kan veng chhunga Positive first Contact te an ni a, tin, Sept. ni 18, 2020 khan a hnathawhna lama Positive Contact mi pakhat chu a sample test tura laksak a ni bawk.

Kuangsiam hnatlang nei
    Sept. ni 19, 2020 hian Hlimen Branch YMA hnuaia Kuang Sub- Committee te chuan kuang siamsa a awm tak loh avangin kuang siam hnatlang an nei a, he chanchinbu buatsaih lai hian an hnatlan dan kimchang hriat hman a ni lo.

Clearance nei
    Sept. ni 19, 2020 khan Electric line thing leh hrui ten a hawlh nasa lutuk chu sam fai  a ni a, Hlimen Electric Duty pakhat zawkin taksa lam harsatna avanga chawlh a lak avangin Hlimen Chhantu Member engemaw zat, Hlimen Driver engemaw zat bakah veng chhung mi tlawmngai \henkhat ten an pui a, eng \ha takin kan nei leh ta a ni. Hlimen Electric Duty ten lawmthu an sawi tak meuh meuh a ni. Hlimen Chhantu hi Hlimen Branch YMA hnuaia Sub Committee peng pakhat a ni.

Quarry Area
    Kumin chhung atan Quarry a lirthei Parking fee khawntu hna chu 407 Assn. te an thawk chhunzawm dawn a. Tin, Sa zawrhna hmuna sa sat ten sa kan sah zawh hnuin kan hmun hma te a fai thei ang ber a kalsan \hin turin kan in ngen leh bawk a ni.

Road Protection
1.    PWD ten kawng an siam hi mipui ten dim taka enkawl tur a ni a, a bikin two wheeler ten Free Turn leh Stand chunga tuaiher phal a ni lo.
2.    Motor Jam kam nan lung hman phal a ni lova, thing tum chauh hman phal a ni.
3.    Helmet khum lo leh kum tling lova lirthei khalh khap tlat a ni a, dan bawhchhia man an nih chuan action lak (chawitir) an ni ang.
4.    Motor zan riaka kawngpui dungah dah khap tlat a ni.

Fimkhur ila
    Thosi tam lai a ni a, Malaria hrik thehdarhtu thosi nu (anopheles) pawh he hun hian a pun lai a ni a, mitin kan fimkhur a ngai hle. Zan mutna-ah thosilen zar \ha ila, ramriak mite tan phei chuan thosilen zar a pawimawh zual hle. Thosi inthlahpunna tui tling awm lo se, kan tuizem te khuh \ha ila a \ha hle awm e.

 

Advertisement...

MD  Septic  Tank  Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(23-8)    9436199884, 9862476439

 

PAGE - 4

KEIMAHNI :

Hlimkhawpui Budget
    Hlimkhawpui  July & August 2020  thla Budget  pe tla tawh te:
1.    Kapdaia Sec.    2. Saichhuma Sec.
3.    Damvea Sec.    4. Vawmphunga Sec.
5.    Lalsavunga Sec.

Branch YMA Committee nei dawn
    A hnuai a hun leh hmun tarlanah hian Hlimen Branch YMA Exe. Committee neih tur a ni a, Committee member ten hei hi kohna a ngaih tur a ni e.
    A hun     :    Sept. ni 22, 2020 (Thawhlehni) 7:30 Pm
    A hmun    :    YMA Hall

CYMA CHETVELNA
    Sept 16, 2020 Healt Minister ho va Covid 19 chungchang inrawnkhawmna ah Pu Vanlalruata President a  tel.
    Sept 17, 2020 (Ningani) 2pm a SAD Conf Hall MINECO a Covid 19 chungchanga Health, Home, I&PR Minister te leh Sorkar mi pawimawhte inhmuhkhawmna ah Prof Lalnuntluanga, GS leh Pu Fabian Lalfakawma Treasurer te an tel. Thurel tlangpuite:-
1)    Incident Commander te an bial vil \ha zawk tur leh LLTF te nena thawhhona tha zawk nei tura tura hmalak ni se.
2)    CCC tam zawk ngaihtuah belh a ni a, hmun engemaw zat ruahman a ni.
3)    Partial LD hi Pathianni (20.9.2020) thleng a kalpui rawt a ni
4)    TruNat khawl Pvt. Hospital a dah chungchangah Law Dept.  ngaih chan mek a ni.
5)    Test kit engemaw zat lo thleng tura beisei a ni(by flight)
6)    Covid +ve rei tak lo ni tawhte, -ve hlei theilo te enkawl dan tur SoP duan mek a ni.
7)    CCC atana mamawhte Finance lam a\angin tihfel thuai tum ni se.
8)    Inzirtirna uar zawka kalpui ni se.
9)    Saitual Jail sak thar la luah loh chu BSF te QC atan hman ni se, Thenzawl QC chu mipui tan ruahman ni se.
10) BSUP Durtlang chu CCC atan hman ni se.
    Sept 18, 2020 (Zirtawpni) dar 1:30pm Hon'ble Health Minister hovin Secretariat Conference Hall meeting neih a ni a, CYMA aiawhin Pu Vanlalruata President a tel. He hunah hian Discharge policy for CCC and quarantine centres, Quarantine period & contact tracing, community quarantine/isolation centres chubgchangte sawiho a ni

 

Advertisement...

F.K. SEPTIC TANK SERVICE
    Septic Tank khat paih, commode block, soak pit hlui leh thar kan siam theiin pipe fitting kan thawk thei e.
    Regn. No. MSR 524 of 15 of 2013
    Rate - Inbiak remna.

(45-31)                         Ph. 7085521791/9615920739

 

Chhiartute Ngaihdan......

##    Khawtlang hmasawn zel leh \hang mek ah hruaitu ten an sawi tam pawl tak, ui khuahkhirh kawngah \anlak thar kan ngai leh ta khawp mai. kawnglaiah ui ek a tamin ui hmuh tur a tam em mai.

- Ui ninga

 

KAN |HEN TAK 

ZORAMTHANGA (TETEA) KUM 34
    Zoramthanga (Tetea) hi Pu Rualkhuma leh Pi Lalfeli-te fa tlumber niin kum 1986 March ni 15 khan a lo piang a, an unau hmeichhia 2 leh mipa 3 an ni.
    Tetea hi a naupan tet atangin mize zawi, \awng tam lo leh \hian ngaina tak a ni a. Infiamna lam hi a ngainain Football, Volleyball leh TableTennis-te pawh a khel ve nasa thei hle.
    Zirna lamah Primary leh Middle School hi Hlimen-ah kalin Matric hi kum 2004-ah Govt. Mizo High School atangin a pass a. HSSLC hi kum 2009-ah Govt. J.L. Higher Secondary School a\angin a zo leh a. Pawl 12 a pass hnu hian kum 2010 - 2011 khan VFA Training lehin First  Division-ah a pass a. Chumi hnuah Vety Department hnuaiah Contract-in Champhai-ah a awm a. Chumi hnuah Hliappui-ah sawnin a thih ni thlengin a awm ta a ni.
    .A hnathawhna hmun a\angin August 26, 2020 khan rawn hawin dam lohna leh insawiselna hran pa em em a nei lo va. September ni 9,2020 vel a\ang khan a taksa a chauh deuh thu leh a nawm loh deuh thusawiin drip-te khaisak a ni a, tlemin a zia ve deuh a. Mahse, September ni 13, 2020 (Pathianni) zan a\angin a thaw rawn hah chhovin Aizawl Hospital panpui a niin an rawn haw leh a. Ziaawm lam pan thei vak lovin, a tuk September ni 14, 2020 (Thawh\anni) chawhma dar 11:00 vel khan Aizawl Hospital panpui leh a ni a. Damdawi in thlenpui a nih hian  ICU-ah dahluh nghal a ni a. Doctor leh Nurse te’n a nunna chhan tuma theih tawp an chhuah chungin chawhnu lam dar 2:15khan min lo kalsan ta a ni.

 

KAN VENG CHHUNGKAW ZAT
    Hlimen Branch YMA in Chhiatni Fund a tukna a\anga a landanin kan venga chhung zat/dinhmun hetiang hi a ni :-
       Section Hming         Chhungkaw zat    
1.    Buala                            156
2.    Damvea                        158
3.    Kapdaia                        146
4.    Lalsavunga                     46
5.    Saichhuma                    141
6.    Vawmphunga                  67
                 Total                   714

Mimkut thla (September) Ni 12, 2020, Issue No 37

 

PAGE - 1

TUALCHHUNG :

 

Boral : Pi Zachhiarpuii (K-76) M/o Lalramlawmi Buala Sec. a mi chu Sept. ni 11, 2020 chawhnu dar 2:30 khan Mitliam avangin a boral a, a ruang hi lumenpui niin a tukah Thlanmual-I ah vuiliam a ni.

Damlo : Zodintluanga S/o Lalhruaitluanga, Damvea Sec. a mi chu Sept. ni 10, 2020 khan rulin a chuk a, Aizawl Hospital panpui nghal niin admit a ni a, enkawl mek a ni.

Hun hmang leh dawn : Hlimen Local Level Task Force ruahmanna in tun Pathianni hian vantlang information centre a\angin Pathian thu chah puanchhuahna hun hman a ni leh dawn.
    Sept. ni  13, 2020 (Pathianni) chawhma lamah Salvation Army a\angin Pu Lal\anzuala’n hun a hmang ang a, zanah  Hlimen Vengthar Presby. Kohhran a\angin Pu Ramnundanga’n hun a hmang bawk ang.

Swab Sample la : Sept. ni 10, 2020 (Ningani) tlailam dar 5:00 vel khan kan veng mi, mi 34 te Swab Sample chu Medical Team ten an rawn la a, heng mi 34 te hi Pet Division, Kulikawn  leh KR Mobile Centre Kulikawn a mi tlawhtute bakah kan veng UPHC tlawhtute leh Positive Contact nei te an ni a, tin, kan veng CQF a awm mi pakhat Swab Sample lak a ni bawk. Tin, UPHC Staff 9 te pawh an Swab Sample hi lak sak an ni bawk a, an Test result hi Sept ni 12, 2020 khan chhuakin vanneihthlak takin an negative vek a ni.

Task Force ah : Pi Lalzamliani Saichhuma Sec. leh Pu Lawmtluanga Damvea Sec. a mite chuan Task Force te tha tih chak nan a \ul apianga hman turin LLTF, Hlimen hnenah ` 1500 ve ve an pe a. Tin, Pu R. Lalremsanga MCS, Damvea Sec. a mi chuan vengchhunga sem tur Mask \hahnem tak a pe bawk .
    Tin, Pu Zosangzuala’n Task Force te hi tuk\huan a buatsaih sak bawk a, mi inphal, thilpek petu te chungah LLTF, Hlimen chuan lawmthu  a sawi tak meuh meuh a ni.

 

HEADLINE :

HLIMEN LOCAL LEVEL TASK FORCE
COMMITTEE THUCHHUAK

    Hlimen LLTF Committee chu Sept. ni 11, 2020 khan YMA Hall-ah neih niin thurel tlangpui te chu hetiang hi an ni a, thu leh awm hma chu hman tur a ni ang:-

1. Dawr hawn chungchang : Dawr hawn hun hetiang hian ruahman a ni:-
    
    Thawh\anni     :    Zing dar 6:00 - 10:00
                Tlai dar  3:00 - 5:00

    Zirtawpni     :        Zing dar 6:00 - 10:00
                Tlai dar  3:00 - 5:00

    Zinglamah : Buala Section, Saichhuma Section leh Vawmphunga Section te dawr ah an kal thei ang.

    Tlai lamah : Damvea Section, Kapdaia Section leh Lalsavunga Section ten  mamawh an lamkhawm thei bawk ang.

2. Hnathawh chungchang : Ram lama hnathawh hi remtih a ni a, amaherawhchu zing dar 8:30 ah khawchhung an chhuahsan hman tur a ni a, tlai dar 5:00 hnulamah khawchhung an lo lut thei ang.

    Ram lam hna tih loh chu khawchhungah hnathawh remtih a ni lo.

3. Thlai zawrh chungchang : Thlai zawrh hi Inrinni zingkar dar 6:00 - 10:00 chhungin remtih sak an ni. Thlaihnah kharchhawn chungchangah chuan a hma a kalphung kan neih sa anga kal leh tur a ni.

4. Auto-rickshaw & Taxi Service chungchang : Auto-rickshaw leh Taxi hi service remtih a nilo a, \ul bik thilah erawh chuan Committee in a ngaihtuah \hin ang.

5. Quarantine chungchang : Hrikai ni a rinhlelhte chu mahni inlamah inkhunghranna tur remchang an neih loh chuan Community Quarantine Centre lamah khunghran mai nise tih a ni.

    Hlimen Local Level task Force chuan fimkhur zual a,a \ul tawp a nih loh chuan pawna chhuak lo turin mitin te a ngen tak meuh meuh a ni.

 

PAGE - 2

EDITORIAL :

        Dan hi kan tân a ni
    Sorkar in emaw Local Council ten emaw dan an siam \hin a, chu chu mipui vantlang \hatna atan te, nun a nawm nan leh mipui zalenna atan te a ni \hin. Dan hian mihring min khuahkhirh a, chu vek chuan zalenna min pe bawk si a ni.
    Ruk ruk khapna dan chuan rukru lo turin min khuahkhirh a,  chu dan avang vek chuan thil bo a tlem phah thung a ni. Chutiang bawk chuan sorkar in ui khuahkhirhna dante a chhuah a, he dan avang hian zalen taka ui vulh a khirh a, mahse he dan avang vek hian leh he dan kan zawm tlan chuan ui seh mai maite a tlem mai bakah kan khawtlang a lo thianghlim phah thung ang.
    Dan hi kan vai atan a ni a, sorkar dan siamte,  Local Council siamte leh NGO ten an siamte thleng pawhin \ha taka kan zawm hi keimahni tan leh kan khawtlang tan a ni a. Tunlai khawvel intlansiakna leh duhamna a kan khahna ah hian dan zawm a harsa kan ti hlein a lang a, hetih lai tak hi dan zawm a \ul hunlai a ni si. Danin hremna a ken hlauh vang mai hi ni lovin; keimahni leh kan khawtlang tan avang zawkin kan zawm tur a ni.
    Dan hi ram changkang leh hnam fing apiangin an zah thiam a, nun pawh a nuam a ni. Chuvangin sorkar dan siam emaw Local Council dan siam emaw reng reng zah thiam hi mimawl an awm ngai lo. Mihring hi awmho lo thei lo kan nih avangin dan tam tak kan mamawh a, kan zawm thiam leh keimahni tan a nuam \hin. Mahni ngaihdan ngawt hmanga; dan leh kalphung pawh ngaihtuah lova kan tal mai mai chuan chhungkua, khawtlang leh ram tan mi hnawksak kan ni ngei ang le.

 

ZIAKTUTE HUANG :

HMA LAM I PAN ANG AW
    -Hruaia Pa
    He khawvel eng hmu tura kan pianchhuah phat a\ang hian upa \awng takin; lung delh loh, thing delh loh chu an lo puitling ve mai \hin an ti a. Nausen tet a\anga pitar putar nih thleng hian tu pawhin hmalam pana,  hmasawn zel turin zirtur leh tih tur kan nei \heuh mai, chu chu ngaipawimawh a zir peih apiangin hma an sawnin mipuitling an lo ni mai chauh a lo ni.

    Hmalam i pan zel ang aw han tih hian lehkha zir san lam leh thiam sanna kan rilru in a tinzawn nghal mai awm e, chu chu a \ha e. Mahse, mi tam zawk tan chuan chhungkaw dinhmun zir loh vangte, khawsakna in a zir loh vangte leh chhan dang dang avangte in lehkha zir thei lo (chawlhsan) tam tak kan awm mek bawk. Chutiang dinhmun a ding mekte tan pawh hma lam pan zel turin zir tur leh hriat tur a tam hle a ni.

    Vawiin a A B C emaw A AW B emaw zirna kawnga harsatna tawka zir zawm thei ta lo tan pawh hian awmdan mawi leh \ha, changkanna leh finna an zir peih chuan khawtlangah leh ram tan pawha mi hman tlak, parawn/nurawn tling takah a inzirchhuah theih a ni. Kan ramah leh kan khawtlangah ngei pawh zirna lama thleng sang tak ni lem lo, mahse awmdan mawi leh \ha leh finna zir taihmak avanga khawtlang hruaitu, parawn/nurawn tling sawi tur an kat nuk mai zawng a nih hi.

    Hmalam i pan zel ang u ka’n han tih chhan pawh lehkha zir zel tura harsatna nei, zir zawm lo (tawp san), hun thlahdah tak mai a hmang, mi pangngai nun pawha nung \ha duh lo, hma lam pan chu sawi loh mahni nun hial tichhia a, khawtlang leh chhungkua pawhin an nin, ram leh hnam khawtlang tan pawh a hmelma a insiam ta mai \halai zingah te, pavalai/nu valai zingah thlengin an pung tual tual mai si. Tin, mipat hmeichhiatna kawngah nise, puipunna hmun a mite tana ka rimchhia a ni ti a inthlahrun nachang hrelo te hian an mahni mai ni lovin chhungkua, khawtlang an timualpho mai mai a ni si a.

    A hun leh hmun a zira nundan leh awmdan thiam zir tlang ila, khawhar in a awm dante, puipunna hmuna awm dante thlengin zir nachang hria ila. Tuna mi hmuhsit a awm \hinte leh nun inthlahdah avanga khawtlang leh chhungkua pawhin hnawk an tih ngawih ngawihte pawh hi khawtlang hruaitu, ram hruaitu kan ni thei a ni tih hriain hmalam pana  kan kal zel theih nan sim ngaite, bansan ngaite bansan ngamin, kan tih ngai loh tih tur \hate ti ngam ila, khawtlang leh chhungkua, ram leh hnam in hma a sawn zel dawn a lo ni. KHAI LE.... HMALAM I PAN ANG AW...

 

PAGE -3

HRIATTIRNA :

Bawlhhlawh paih chung changa hriattirna
    Aizawl Municipal Corporation huamchhunga bawlhhlawh reng reng hi a hnuaia mi ang hian thliar a fun hran ngei tur a ni a.
    Local Council in a paih ni tura an ruahman ang in paih \hin tur a ni. Bawlhhlawh fun hran dan tur - (1) |awihthei (2) |awihtheilo (3) Plastics (4) E- Waste.
    Solid Waste Management Centre ah bawlhhlawh thliar hran \hat chauh lo chu paih phal a nih dawn loh avangin mipui ten harsatna kan tawh loh nan bawlhhawh uluk taka thliar hrang vek turin kan in hriattir e.

    Sd/- K. Laldingliana
    Municipal Commissioner
    Aizawl Municipal Corporation


HLIMEN VENGTHAR WELFARE HRIATTIRNA
    Chhungtinte inpekna in vengchhung kawngdung a bawlhhlawh te hi naupangin an chhar fai \hin a, chung bawlhhlawh te chu Kg a bukin leisak \hin an ni.
    Vengchhung mi leh lo kal tlang \hin te paw’n kan thil eina leh bawlhhlawh a chang thei chi reng reng khawlai dungah min paihsak lo turin  kan inngen a. Tunah hian vengchhung ah Faina in zirtirna tur pawh buatsaih mek a ni e.

    Sd/-
    Secretary,
    Hlimen Vengthar Welfare

Local Council HRIATTIRNA
    Tunhnai kan boruak avangin  September, 2020 bawlhhlawh paih man khawn dan chu hetiang hian tihdanglama ni e:-
    Bawlhhlawh paihna fee hi intina lut a khawn a ni lo anga, Retailer ten buhfai an sem hunah bawlhhawh paihna fee hi buhfai la te hnenah lo khawn ve nghal a ni dawn a, chhungtinin ration buhfai lakna bakah bawlhhlawh paih fee ` 50/- in rinlawk a ken tel nghal vek tur a ni a, kan boruak zir loh avang a ni tih hriain mipui ten kan hrethiam dawn nia.

    Sd/- Secretary
    Local Council, Hlimen

 

Advertisement...

MD  Septic  Tank  Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(23-7)    9436199884, 9862476439

 

LAWRKHAWM :

LAWMTHU SAWINA
    Keini Hlimen Badminton Club ten kan mamawh em em mai - Net Post thar tha tak  Er. Lalthansanga AMC Ward Councillor kaltlangin Hlimen Local Council ten min pe a, Hlimen Local Council leh Kan AMC ward Councilor chungah lawmthu kan sawi tak meuh meuh e.
    Sd/-Secretary
    Hlimen Badminton Club

Lawmpuina hun hmang
    September ni 6, 2020 ( Pathianni) chawhnu dar 2 :00 khan Hlimen Presbyterian Kohhran Hall ah MPF Hlimen Local Forum buatsaihin 2020 -2025 Local Council te Pathian hnena hlanna leh inkawmkhawmna hun \ha tak neih a ni a, he hun hi Upa Rinngaia Chairman, MPF in a kaihruai a, Pu JK Lalengzauva Secretary in report a pe bawk. Hemi hnu hian Upa R. Lalrinawma Vice Chairman in  Local Council thlan thar \awng\aisakna neiin heng thlanchhuah thar mi 7 te hnenah MPF te thilpek Bible (Thuthungthar leh Sam bu)  a sem nghal bawk.
    Hemi hnu hian Local Council atangin  Pu Lalhmingliana, Pu Zosangzuala, Pu Rothuama leh MPF a\angin Rev. Vanlalvena hnen atanga thusawi ngaihthlak niin Rev. Vanlalvenan \awng\aiin hun kharna a nei a ni.

Drain siam
    Local Council hmalakna in |helretkawnah drain siam niin drain tur hi laih a ni tawh a, amaherawhchu, lockdown avangin hna hi chawlhsan lailawk a ni a, boruak a ziaawm deuh hunah chhunzawm leh tur a ruahman a ni.

|an tlan ava |ul zual ta em
    Kan hriat \heuh angin Covid-19 chuan kan vengchhung pawh min luhchilh chu a ni chho ta der mai a, he chanchinbu buatsaih lai thleng chuan veng chhung mi Positive hriat la awm lo mah se, Positive contact kan awm ta nual a, swab Sample pawh mi 34 te laksak niin la lak loh engemaw zat kan awm a, tin, tunhnaiah vengdang mi, Covid -19 Positive chu kan vengah a rawn bazar a nh tih te hriat a ni ta zel a, heng te avang hian Hlimen LLTF chuan Community Quarantine Centre pawh nei leh turin ruahmanna a siam leh ta a, tuna CQF tur a ruahman mek hi State pawn a\anga rawn haw te tan chauh a ni tawh lova, vengchhunga Home Quarantine na tur nei \ha tawk lo leh an case a zira Quarnatine ngai te tan a ruahman a ni a, kan vengchhung khawsak te en in Relief lam pawh LLTF te hian an din thar leh bawk a ni.
    Kan boruak sut chhoh tur hi chhut lawk thiam har leh rorel thiam har tak tak te pawh a ni chho dawn a, tha leh zung bakah  Invenna lam, Sanitizer, Disinfectant etc. leina,Duty mamawh leina, Quarantine te an chhungkaw dinhmun a zira puih nan (Chhawmdawlna) etc. sum leh pai pawh tam tak sen a \ul leh ngei dawn tih chu a lang chho a, chuvangin, mi inphal, he hri dona kawnga mi inhawng kan awm a nih phawt chuan Hlimen LLTF chuan \anpuina sum engtik lai pawhin a dawng thei reng a. Kan zavaia kan khawtlang kan \anrual a \ul chho tak meuh meuh dawn a, midangte tana malsawmna thlentu ni theih turin LLTF chuan mitin te a sawm a ni.

 

PAGE - 4

KEIMAHNI :

Hlimkhawpui Budget
    Hlimkhawpui  July & August 2020  thla Budget  pe tla tawh te:
1.    Kapdaia Sec.    2. Saichhuma Sec.
3.    Damvea Sec.    4. Vawmphunga Sec.
5.    Lalsavunga Sec.

Thlan laih report
    Kan hrileng avanga Branch YMA hnuaia Section te thlanlaih (Thlanlaih lawk)dan chu hetiang a ni:-
    Section    Thlanlai zat
    Buala     28
    Kapdaia     35
    Saichhuma    19
    Damvea    35
    Lalsavunga    21
    Vawmphunga    28
Heng tarlan bakah hian Thlanmual Sub- Committee ten thlanlai hi an enpui \hin bawk a ni.

THLANMUAL SÂM |HULH
    Sept. ni 12, 2020 (Inrinni) zing kara Thlanmual sâm hnatlang neih tuar tih chu veng chhungah Chhiattawk kan awm mai bakah Partial Lockdown te a lo ni bawk nen \hulh leh a ni a, hnatlan hun tur chu remchanga inhriattir leh a ni ang.
    Sd/- Secretary
    Hlimen Branch YMA

 

Local Level Task force on covid-19, hlimen thuchhuak
    1. Sept. ni 12, 2020 (Inrinni) zingkara  thlai zuar, la hralh zo hman lo te tan tlailamah in zawrhna hun hawn sak an ni. Pawn lama chhuak te reng rengin mask hren vek tur a  ni a, dawr nghaktute emaw thil zuar te emaw chuan mask an hren bakah sanitizer an inchhawp ngei ngei \hin tur a ni.

    2. Tunhnai a Swab test mi 43 (Tualchhung mi 34 + UPHC a thawk 9) te result a negative vek avanga khawtlang huapa Pathian hnenah lawmthusawina chu  Sept. ni 12, 2020 (Inrinni) zan dar 8:00 hian neih a ni dawn a, vantlang information a\angin kaihruai a ni ang.
    He hun hi ngai pawimawh \heuh turin LLTF, Hlimen chuan chhungtinte a ngen a ni.

    3. Positive contact te list mumal tak siam chhoh zel a ni dawn a, heng mite hi test an nih zel theih nan LLTF chuan theihtawpin hma a la zel dawn a ni. 

 

Advertisement..

F.K. SEPTIC TANK SERVICE
    Septic Tank khat paih, commode block, soak pit hlui leh thar kan siam theiin pipe fitting kan thawk thei e.
    Regn. No. MSR 524 of 15 of 2013
    Rate - Inbiak remna.

(45-30)                         Ph. 7085521791/9615920739

 

KAN |HEN TAK
Pi Zachhiarpuii (Kum 76)

 
    Pi Zachhiarpuii hi Phuaibuang khuaah June 17, 1944 ah Pu Lalaua (L) leh Pi Lalvenpuii (L) te fa hmingkoh ni turin a lo pianga. Pianpui unau 9, mipa 6 leh hmeichhia 4 a nei a ni.  Anmahni hi Chawngluai(Thado)hnam an ni.  Pi Zachhiari hian Fanu pakhat neiin a makpa leh tute pahnih a kalsan a ni. An chhungkua hi Presbyterian Kohhran a lawi an ni.
    Kum 1969 ah Pu Sangkamlova, Khawlian nen innei in fanu pakhat Lalramlawmi an nei ani. Chhungkaw rokhawlh na avangin an nupa hi an in\hen a, pasal dang nei tawh lovin a fanu chu a \ul pui ta a ni. Kuthnathawk mi niin mi taima tak a ni bawk a, lehkha pawh zir lova a nu\a te lehkhazirna tur a hnathawk a in hmang zo vek  a ni. Kum 1984 khan Phuaibuang khua atangin Tuithiang ah an rawn pemthlaa, kum 1987 ah Hlimenah lo pheiin an in bengbel ve ta a, kum 1999 July thla khan a fanu Lalramlawmi te hnenah hian awm vein eizawnna kawng engkimah a puibawm a, tu leh fate hmangaih tak leh an tan a tha leh zung zawng zawng inhman duh mi ani a, kawng engkim ah a sulsutu berah a \ang zel \hin. Damsam manglo chung pawh hian ‘ka dam phah zawk ang’ tiin hna te pawh a thawk lui hram hram \hin a, awmnikham pui a nat pawh a nei ngai meuhlo a ni.
    May, 2020 thla tir te khan a awm nuam vaklo a, mi taima tak niin awm mai mai thiam lo anih vangin hna thawk turin huan lamah a inphur liam ta tho va, a lo haw chu a kawng a nuamlo ta hle mai a, a inherh emaw a in ti a damdawi te eiin a in enkawl a, nawm tak tak a neih theih tak loh ah chuan May ni 25 khan Dr. Thangchungnunga, amahin a  beisei angin an panpui a, mahse dam lam a pan thei chuanglo a ni.  Civil Hospital, LRM damdawiin leh Ebenezer Hospital ah te a\ul angin a natna hmuhchhuah tumin an endik a, ni tam tak buaipui a nih hnu ah Hnungzang ruh T.B leh Pneumonia a ni tih hmuhchhuah a ni.
    July thla ah LRM Hospital-ah dah luh ani a, ziaawm tak tak a neih theih loh avangin in lam ah haw pui leh a ni. Engemaw chen inlamah enkawl anih hnuah a natnain zual lam a pan zel avangin August ni 28, 2020 ah Aizawl Civil Hospital ah admit leh ani a, Mitliam a nei tih hmuhchhuah leh a ni.  Damdawiin ah pawh ziaawm lam a pan thei chuang meuh lo.
    A thawte hah in a thawk a buai fo a, a natna chu a nasat em avangin nitinin a tlahniam telh telh a, Sept. ni 9, 2020 ah khan nasa takin a dinhmun a \halo leh a, ziaawm lam pan tawh lovin Sept. ni 11,  2020 chawhnu dar 2:30 ah chuan a tu leh fa ten an la thlakhlelh em em lai leh Doctor leh Nurse ten theihtawp chhuah a an enkawl a, a nunna chelh an tum chung pawh in a natna tuar loin min kalsan ta  a ni.

 

Mimkut thla (September) Ni 5, 2020, Issue No. 36

PAGE - 1

TUALCHHUNG :

Damlo : Pu Robuanga, Branch YMA Vice President chu Aug. ni 25, 2020 khan Aizawl Hospital-ah a mit zai niin in lamah enkawl chhunzawm mek a ni.

##    Pi Lucy Lalremsiami W/o Pu Vanlaldawla, Saichhuma Sec. a mi chu Aug. 25, 2020 khan Aizawl Hospital-ah a hnute zai a ni a, enkawl mek a ni.

YMA in râl : Sept. ni 1,2020 khan Pu Nikhuma ralna hun hman a ni a, chhungtin a\anga pawisa khawn ` 5,510 leh Chhiatni Fund sum a\angin ` 2,000, a vaiin ` 7,510 chu a chhungte hnenah hlan a ni a, Pu Nikhuma chhungte hian  YMA ah puan 2 an hlan bawk.

Nâu nei thar : Sept. ni 1, 2020 khan Rosangpuii D/o F.Zosangzuala, Damvea Sec. a mi chuan Alpha Hospital, Kulikawn-ah naute hmeichhia duhawm tak a nei thar.

##    Sept. ni 2, 2020 khan Pu Lal\hasanga leh Pi Lalnunmawii Kapdaia Sec. te chuan an fa hmingkoh atan fanu duhawm tak City Hospital-ah an nei thar.

Lo tifai lawk ila : Sept. ni 12 ,2020 (Inrinni) zingkar hian Branch YMA chuan Thlanmual sam hnatlang a ko a, hnatlang runpui a thlanmual sam a nih hma hian hun danga kan lo tih \hin tawh angin mahni chhungte thlan \heuh lo tihfai lawk vek tur a ni e.

Fimkhurna sauh ang u : Kan hripui leng chu mipuiah a darh \an tih chu zep rual a ni ta lova, a damdawi rintlak tak tur hi ram changkang leh fing zawk te pawhin an la siamchhuak hrih lo a ni si a,  chuvangin, kan himna ngaihtuahin kan fimkhur a pawimawh em em a ni.
    Vanneihthlak takin Mizoramah he hri avanga boral kan la awm lo hlauh a, hei vang hian kan khawsak phung en hian kan in muan deuh em aw a tih theih awm e. Chutihrualin, he hri hi kan lo kai palh a nih chuan a hmasa ah kan chenpui, kan chhungte kan kai ngei a anga, chutiangin buaina lian zawk a thlenchhoh dan tur chu kan hrethiam vek awm e. Chuvangin, kan lo him zawk nan Task Force ruahmanna te zawm zel ang u.
 

HEADLINE :

2020 - 2025 Local Council Body siam fel a ni ta
    
    Kum 2020 - 2025 chhung atana Hlimen Local Council tur Aug. ni 27, 2020 a thlanfel a nih hnuin Sept. ni 2, 2020 khan Local Council Body hetiang hian an in siamfel ta a, hun remchang hmasa-ah charge an inhlan ang :
    
    Chairman    :    Pu Lalhmingliana
    Vice Chairman    :    Pu Joshua Zotea
    Treasurer    :    Nl.Laltlanmawii
    Members    :    1.Pu J.Vanlalbiakdika
            2.Pu Rothuama
            3.Pu Zosangzuala
            4.Pi Lalsangzuali
    
    Secretary    :    Pu J.Lalhlimpuia
    Tlangau    :    Pu Lalhunthara
    
    Tarlan tawh angin Hlimen Local Council 2020-2025 ah hian MNF chuan Seat 7 ah seat 4 lain sawrkarna an chang a. Pu Lalhmingliana hi Chairman a nih leh chuan term thum lai mai Chairman ni thei a ni dawn ta a, Local Council kan nih hnua a zawn a Chairman ni rei thei ber a ni dawn ta a ni.
    Kan Local Council thlan thar ten \ha taka hna an thawh theih nan kan theihna zawn \heuh ah finchhuahin khawtlang tana an thawhna kawngah  thlawp tlat zel ang u.

 

##########################################

 

CYMA CHETVELNA (As on 4.9.2020)

2.9.2020:    Chief Secretary’s Conference Room-ah State Executive Committee (Disaster Management  &  Rehabilitation)  meeting  neih  a  ni  a,  Pu  Vanlalruata  President  leh  Prof.Lalnuntluanga General Secretary te an tel.

3.9.2020:    Chief Secretary’s Conference Hall-ah Recommendation Committee for Padma Award meeting neih a ni a, Dr. Malsawmliana Assistant Secretary a tel.

4.9.2020:    Sub-Hqrs. YMA thar din tur chungchangah Study Group ten Lunglei leh Serchhip-ah Sub-Hqrs. YMA hruaitute nen inkawmin hun hman a ni a, Study Group atangin Prof.Lalnuntluanga  General  Secretary,  Dr.  Malsawmliana  Assistant  Secretary,  Pu  R.Lalngheta CEC, Pu Lalbiakzuala CEC leh Pu R. Lalduhawma CEC te an kal

 

PAGE - 2

EDITORIAL :

HRINGNUN
    Khawvela thlaler hrehawm berte zingah Atacama chu hmun rô ber pakhat a ni a, mihringte hriat theih chinah vawi khat mah ruah la tlak lohna laite pawh a awm a ni. Sahara te, Thar thlaler te pawh hetiang bawka hmun rô; zing a\anga tlai thlenga ni êng chauh lanna hmun a ni. Ni êng chauh lo chu thil danglam engmah han puakchhuah tur a awm lo a ni.
    Mihring nun pawh hi hlim leh lawmna chauhin a hmuah; lungngaihna leh lawm lohna ten a chim ngai loh chu thlaler anga nelawm loh a ni tih kan hriat a \ha ang. Kan tum leh duh ber chu hlim leh lawm a ni a. Amaherawhchu, chutiang ringawt chuan nung chho ta ila; kan \hian te, chhungte leh bula midang tan chuan nelawm loh tak, hriat thiam har tak kan lo ni mai dawn a ni.
    Tin, hlimna leh lawmna chauh kan beisei lai hian mahni hmasialna chauh kan lo nei thei bawk a. Han inngaihtuah chian chuan kan thil duh neih kan tumna kawng hi keimahni hmasialna mai a nih chuan insiam\hat ngaihna kan nei thuk hle dawn tihna a ni. Chuvangin mihring nunkawng hi chhut mite leh mi thil chikmite chuan thil chi hrang hrang a tawk chauha inlumlet a thei lo a nih pawhin kan chan \heuhah lungawi tumna kan neih a pawimawh hle a ni an ti.
    Burma ramah chuan hnim chi khat, lei chârah a awm pawhin mawi taka par, tui luang laia a awm pawhin a parmawina \hulh chuang silo a awm e an ti a. Hei hi mihring nun kaihhruaina \ha tak a ni awm e. Harsatna leh lawmna kan chunga a thlen pawhin  nunphung mawi taka kan parchhuah reng hi min siamtu Pathian duhdan a nih hmel a. Chuvangin, kan tum leh tum loh anga thil a kal pawhin kan nun hi mawi takin parchhuak zel mawlh rawh se.

 

ZIAKTUTE HUANG :

Incheina
    - Andrew Khawlhring

    Sap Missionary te lo lan hma kha chuan hnam mawl kan niin thawmhnaw mumal pawh kan la ha lova. Mipa in puante vengin hmeichhiain kawrte chu an ha ve a, khang hun lai khan incheina kha a la nep hle a ni. Hun a lokal zel a Sap Missionary te lochhuakin Kristian te kan ni \an ta a, chubakah hmasawnna tam tak kan ramin a hmuh phah a ni.

    Khawvelin hma a sawn ang zelin Mizote pawhin hma kan sawn a,  tunah phei chuan Computer khawvel hun (Computer Age) ah kan cheng tawh a, chutih lai chuan incheina lamah hma kan sawn a \ul hle awm e. Naupang te te lo chu kelawngin kan kal \ha duh tawh lo a, mi \henkhat erawh chu ke lan hlau viau siin lang chi lo zawk tihlan an chak erawh hi chu a pawi a ni. Tleirawl te te in kekawr tawi lutukte, kawr ban bul lutuk kan han hate hi chuan kan mizia a tilang chiang hle awm e. Rawltharte lah hi thawhchhuah nei mang si lovin kan sam te lah hi Emo, mahawk, horse Cut tih te kan uar hi chu a pawi a ni.

    Make-Up man to tak tak -Avon, Oriflame, Jaffra Company tihvel a mi kher lo chu kan hmang duh lo lehnghal a, thawhchhuah kan neih si loh chuan a zahthlak hle in ka hria. Tin, inkhawm na a pawnfen chhing tak tak fen te hi a mawi lovin mipa rilru a kuaiher awlsam phah hle a ni. Naupang khawmpui Senior Meet hunlai vel a ni a, naupang \henkhat ten incheina avanga inkhawmpui loh an tum hi chu nu leh pa thiamloh niin ka hria. Chutihrualin, zirtirtute pawhin kan Sunday Sikul naupangte; Lal Isua avanga inkhawmpui an nih te, thawmhnaw neih ang chhun chhun tihfai a hak a pawi loh thute sawi a, nu lehg pa te hnena lei ngen lo turte leh an leisak chuan lawm tur tihte hrilh a \ha. |henkhat chuan khawmpui thawmhnaw hi an sawisel a, kei ka ngaih ve dan chuan a leina tur neih chuan leisak a, kumtin kan leisak thei lo a nih pawhin fate hnena \ha deuh a sawi a \ha.

    Chubakah, \henkhat chuan lo inkhawl \ang \anga, khawmpui thawmhnaw man atana lo inkhawlte pawh an awm thei a, a pawng ataka sawisel chi-ah ka ruat lo. Khawmpui thawmhnaw man neih loh chuan rilru chu a hah ngei ang. Mahse, tlai lam umpawng par a, a dawn hnai a ngaihtuah chawp chuk chuk hi chu a finthlak ber lo a ni. Begginer a\anga Senior ka nih thleng hian khawmpui thawmhnaw chu vawi khat emaw chauh ka lei a, chu pawh chu pheikhawk a ni, khawmpui loh ka nei  ngai lo, ka damlo a nih loh chuan.
    A tawp bera ka sawi duh chu Lal Isua hi a hmasa berah dah ila, khawmpui thawmhnaw avanga lungngaih a ngai lovang. Incheina hian min timawi a, mi a tihlim a, mi a tilungngai thei a, mi a tilawm thei bawk.

 

PAGE - 3

HRIATTIRNA :

Bawlhhlawh paih chung changa hriattirna
    Aizawl Municipal Corporation huamchhunga bawlhhlawh reng reng hi a hnuaia mi ang hian thliar a fun hran ngei tur a ni a. Local Council in a paih ni tura an ruahman ang in paih \hin tur a ni. Bawlhhlawh fun hran dan tur - (1) |awihthei (2) |awihtheilo (3) Plastics (4) E- Waste.
    Solid Waste Management Centre ah bawlhhlawh thliar hran \hat chauh lo chu paih phal a nih dawn loh avangin mipui ten harsatna kan tawh loh nan bawlhhawh uluk taka thliar hrang vek turin kan in hriattir e.
    Sd/- K. Laldingliana
    Municipal Commissioner
    Aizawl Municipal Corporation

Hlimen Chhantu, Branch YMA
    Sept. ni 9, 2020 hian heng a hnuaia kan tarlan te hian dawr rawk chung changah te, thil ruk chung changah te leh mi ina lut ru te Chhantu YMA chuan a man a ni.
1. Lal\hazuala S/o Zoremsanga DV
2. Lalhriatpuia S/o Lalhmangaiha (L) DV
3. Zomuanpuia S/o Zoramthangi VP
4. Lalhriatpuia S/o B.K Remmawia SCS
5. Moses Malsawmdawnga S/o Lalhmangaiha DV
    Tunlai hian kan veng chhungah ruihhlo a tamin a hluar hle mai a, hemi kawngah veng mipuite Hlimen chhantu chuan thawhpuiah kan sawm che u a, kan veng a lo thianghlim zawk nan nasa taka hmalak chhoh zel tum a ni a, thuawihlo leh vengchhung tana hnawksak chu Hlimen Chhantu YMA chuan a dim dawn lo a ni.
    Sept. ni 4, 2020 khan Hrangthanpuia H/o Lalrinsangi leh Lalrinmawia S/o Das-a, Kapdaia Sec. ve ve te chu zu kaihhnawihah man niin an lo zilhhau tawh bawk.

HLIMEN VENGTHAR WELFARE HRIATTIRNA
    Chhungtinte inpekna in vengchhung kawngdung a bawlhhlawh te hi naupangin an chhar fai \hin a, chung bawlhhlawh te chu Kg a bukin leisak \hin an ni. Vengchhung mi leh lo kal tlang \hin te paw’n kan thil eina leh bawlhhlawh a chang thei chi reng reng khawlai dungah min paihsak lo turin  kan inngen a. Tunah hian vengchhung ah Faina in zirtirna tur pawh buatsaih mek a ni e.
    Sd/-
    Secretary, Hlimen Vengthar Welfare

 

Advertisement...

MD  septic  tank  service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(23-6)    9436199884, 9862476439

 

LAWRKHAWM :

Chhiatni Report
    Pu Nikhuma puala buhfai leh pawisa khawn khawm dan ziaka hmuh theih chin :-
    Section        Chhungkua    Buhfai    Pawisa                

Buala                     98             108        1,020        

Damvea                108            109        1,340        

Kapdaia                112            113         1,185        

Lalsavunga             43              43           460        

Saichhuma           105             125        1,090        

Vawmphunga         43               45          420                       

            Total        509             543         5,510

LAWMTHU SAWINA
    Aug. ni 29, 2020 (Inrinni) a kan pa, kan pu, Pu Nikhuma’n min boralsan a, khawtlang mipuite min hmangaihtute chungah lawmthu kan sawi tak zet a ni. Tun hripui len avanga punkhawm tam an phallo chung pawhin min lainat a min hmangaihtu ten kan tih ve ngai lova engkim min buaipui avangin kan lawm tak zet zet a, thinlung takin in chungah lawmthu kan sawi a ni.
    In khawngaihna dawngtu,
    Ngurchhingi leh a tu leh fate
    Hlimen Damveng

LAWMTHU SAWINA
    2020-2025 Local Council inthlan neih zawh takah Pathian leh mipui khawngaihna azarah liau liau sawrkarna chang theiin kan awm leh ta a, Kan party Official Candidate- a tlingte leh vanduaithlak taka in hlang kai zo ve ta lo te pawh, in vote hlu tak hmanga lo vote tute leh lo thlawptute zawng zawng  chungah keini Hlimen MNF Unit te chuan lawmthu kan sawi tak meuh meuh a, kan party aiawha thlantlin tak te hi a fing fel ber ber an ni bik hauh lova, chuvangin, hun a lo kal zel ang,an famkim tawk lohna zawnah pawh sawisel lama ram\ang mai lovin finchhuah dan kawng zawng zel zawk turin khawtlang mipuite kan in sawm nghal bawk a ni e.
    Kan khawtlang hi Pathianin malsawm rawh se.
         
    Sd/- C. Zoramchhana    Sd/- Joshua Zotea
    Secretary    President
Hlimen MNF Unit

 

Advertisement..

Bawngsa...Bawngsa
    Bawngsa rep khai khat ` 450 leh rep loh (ahring) ti Kg khat ` 550, a thin Kg khat ` 600 in lei tur kan nei reng e. Min rawn pan ve teh le.

    Lalchhungpuii, Saichhuma Sec.
(1-1)    Ph. 9862375253

Cake Order theih
    Birthday cake, Anniversary cake etc.. Tharlam leh tuihnai, thianghlim leh man tlawm. I duhthusam ang siam turin kan awm reng e, rawn order rawh le....

    Mazuali
    Saichhuma Sec. (Thlanmual)
    9862375195

 

PAGE - 4

KEIMAHNI :

Hlimkhawpui Budget
    Hlimkhawpui  July & August 2020  thla Budget  pe tla tawh te:
1.    Kapdaia Sec.    2. Saichhuma Sec.
3.    Damvea Sec.    4. Vawmphunga Sec.

Budget tlak
    Buala Section te chuan kumin chhunga Branch YMA a an budget ` 5,000 chu an tlak fel ta.

THLAN LAIH & THLANMUAL SAM
    Section hrang hrang Thlan laih hnatlang chung chang, lehkha kan lo inpek tawh, harsatna avanga \hulh tak kha hetiang hian ruahman thar leh a ni a, mahni Section ah \heuh a \ul anga hma lo la tura ngen leh beisei kan ni e.
    Hetiang hian Section te Thlan laih hnatlan hun tur siam a ni.
a) Dt. 7.9.2020 (Thawh\anni) - Buala Section
b) Dt. 7.9.2020 (Thawh\anni) - Kapdaia Section                     (Thlanmual-II ah)
c) Dt.8.9.2020 (Thawhlehni) -  Saichhuma Section.
d) Dt.9.9.2020 (Nilaini) - Damvea Section.
e) Dt.10.9.2020 (Ningani) -  Lalsavunga Section.
f) Dt.11.9.2020 (Zirtawpni) - Vawmphunga Section.
    Thlan laihna hmun leh a \ul ang lo buaipui turin Thlanmual Sub-Committee te ruat an ni a, Section  hnatlang te an ei leh in senso atan ` 1,000.00 zel Branch Secretary hnenah lam tur a ni.
    Dt. 12.9.2020 (Inrinni) zingkar hian Thlanmual sam hnatlang neih tur a ni a, mahni chhungte thlan \heuh lo tihfai lawk tur a ni. Thlanmual - II hi Kapdaia Section ten an sam anga, a bak zawng Section ten Thlanmual-I hi an sam ang.
    Section hrang hrang te thlanlai enpui turin Thlanmual Sub- Committee lam atangin heng mite hi ruat an ni bawk..
1. Buala Sec.    :    Pu Zolianchhunga leh
        Pu Ngurchhuana
2. Kapdaia Sec.    :    Pu Laltanzuala leh
        Pu Lalramenga
3. Saichhuma Sec.    :    Pu Lalbiaknunga leh
        Pu Lalrinmawia
4. Damvea Sec.    :    Pu Jerome Lalduhbika leh
        Pu Lalhminghlua
5. Lalsavunga Sec.    :    Pu Zoramhmangaiha leh
        Pu Jerome Lalduhbika
6. Vawmphunga Sec.    :    Pu R.C.Lalroliana leh
        Tv. C. Lalrinpuia

Kapdaia Section
    Sept. ni 7, 2020 hian Thlanlaih hnatlang neih tur anih avangin member a tam thei ang ber thawkchhuak turin kan inngen a, chaw fun tur a ni a, chawhmeh chu Branch in a tum ang.

    Sd/-
    Secretary

 

Lawrkhawm chhunzawmna.....
Lehkhabu tlangzarh
    Sept. ni 4, 2020 (Zirtawpni) 12:00 Noon khan MZP Conference Hall, Treasury Square-ah  Tv. Chinkhanmanga S/o Chinthanga Saichhuma Sec. a mi ziak ‘ Mizoram zalenna sualtu L. Malsawma Colney’ tih lehkhabu chu Pu R. Hrangthanzauva, Dir. Arts & Cultural chuan a tlangzarh.
    He lehkhabu tlangzarh inkhawm ah hian Upa Rinngaia’n hunserh a hmanga, Branch YMA President, Pu Lalhmuchhuaka pawh sawm a nih angin a kal bawk.
    Tv. CK Manga hian he lehkhabu 3 lai mai chu Branch YMA Library a dah turin a donate a, a chungah Branch YMA a lawm takzet a ni. Hetianga kan veng tlangval ngei maiin  lehkhabu \ha tak mai tur a sual chhuak  thei hi a lawmawmin a chhuanawm hle a ni.  He lehkhabu man hi ` 250 chauh a ni a, vengchhung mipuite ngaihhlut sakin lei sak thei \heuh ila a \ha khawp mai. 

 

KAN |HEN TAK

NIKHUMA (Kum 93)
    Pu Nikhuma hi Salhnawnga (L) leh Lianpuii (L) te inkarah kum 1928 khan a lo piang a. An unau hi 5 niin a naupang ber a ni. A unaute hi an lo boral vek tawh a ni.
    Vanlalnghaki (L) nen inneiin fa - hmeichhia 2 an nei a, an nu hian kum 1976 khan a lo boralsan tawh a ni. Pu Nikhuma hian tu 10 leh tuchhuan 40 a nei a, kum thum a hmu hman bawk a ni.
    Pu Nikhuma hi pa hrisel tak mai a ni a, damloh em em pawh hi a nei ngai lo. Pa taima leh tlawmngai tak mai a ni a, kum 72 a nih thlengin thlan lai turin a la thawkchhuak peih a ni. Tin, YMA ten tuikhur hiah leh kawng tihfai an neih reng rengah a rawtchhuaktu-ah \angin tlawmngai takin a thawkchhuak \hin. Tin, mi invawng fel tak a ni a, thlasik lai pawh nise zingkarah tuikhur a inbual a \hulh ngai lo.
    Kum 1983 khan P&E Deptt.-ah MR in a lut a, kum engemaw zat a thawh hnuah a lo upat tak deuh avangin a tupa a aiah a kaltir ta a ni. Kohhran inkhawm pawh a \hulh ngai mang lova, sunday sikul pawh 2018 thleng khan kaikim lawmman la theiin a la awm a ni.
    Kum 2020 kumtirah pawh sunday sikul pawh \ha takin a la kai thei a, lock down a nih chhoh tak avangin pawn chhuak thei lovin a awm a, a mit leh beng \halo in a tlakbuak chho ta a, Aug. ni 22, 2020 a\ang khan lo chaklo zualin drip te khai a ni a. Aug. ni 29, 2020 ni khan Drip te khai leh niin hemi ni chawhnu dar 12:50 khan chatuan ram min lo pansan ta a ni.

 

Advertisement...

F.K. SEPTIC TANK SERVICE
    Septic Tank khat paih, commode block, soak pit hlui leh thar kan siam theiin pipe fitting kan thawk thei e.
    Regn. No. MSR 524 of 15 of 2013
    Rate - Inbiak remna.

(45-29)                         Ph. 7085521791/9615920739