Tomir tha (May) Ni 30, 2020, Issue No. 22

PAGE - 1

TUALCHHUNG :

Boral :  Pi Lalvenpuii (K-106) M/o Pi Lalzikpuii Lalsavunga Sec. a mi chu May ni 28, 2020 khan an inbulah a lum palh a, damdawi in panpui niin a insawh nat deuh avangin hemi ni tlai dar 5:30 khan a boral, hemi zan dar 9:00 khan vui liam a ni.
    Pi Venpuii hi kan vengah chuan a upa ber ni a hriat a ni a, Zoram pum huap pawhin a upa pawl tak a nih a rinawm.

##    Pi Thangchungnungi (K-74) M/o Pi Lalrinsangi, Damvea Sec. a mi chu May ni 29, 2020 chawhnu dar 2:50 khan kal \halo avangin Alpha Hospital, Kulikawn-ah a boral. Hemi zan dar 9:00 khan vui liam a ni.

Damlo :  Amos Malsawmzuala S/o Lalfakmawia, Damvea Sec. a mi chu May ni 25, 2020  khan pum lam fello avangin Aizawl Hospital admit niin hun engemaw chen enkawl a nih hnuin a lo chhuak leh ta.

Nau neithar : Pu Zorinpuia leh Pi Sangsangi te nupa Damvea Sec. a mi te chuan an fa hmingkoh atan May ni 25, 2020 khan Civil Hospital-ah fanu duhawm tak an nei thar.

##    Pu Lalrinpuia leh Pi PC Lalramthari te nupa, Saichhuma Sec. a mite chuan an fa pahnihna atan May ni 28, 2020 khan Civil Hospital-ah naute mipa duhawm tak an nei thar.

Khiangawi :  Malsawmzuali D/o Lalrosangi, Lalsavunga Sec. a mi chuan Jeremy Lalmalsawma S/o Lalropuia, Bilkhawtlir a mi tawnah May ni 26, 2020 khan khiang awiin a liam ta.

Pem thar : Pu C.Pahlira te chhungkua chu Shillong, Haflong a\anga rawn pemin Damvea Sec.-ah Pi Thangchungnungi (L) te inhnuai an luah a ni. An ni hi UPC (NEI) Kohhran an ni.

President ah thlang : May ni 26, 2020 khan Boxer ui vulh pawl ‘Boxer Club of Mizoram’ chuan  Zosangliana, Saichhuma Sec. chu President atan an thlang leh a ni, a ni hi term hmasa a President nilai a ni.

######################################

Sorkar leh veng chhung Task Force te thu chhuah zawm \ha  ila, he hripui lakah hian nang leh kei hi i him dun teh ang aw.

HEADLINE :

Haw khawm mek zel
    Issue hmasa lama tarlan tawh angin a rawn haw hmasate baka State hrang hrang a\anga he chanchinbu buatsaih laia an lo thlen tawh dan chu hetiang hi a ni e:-
    State             Mipa     Hmeichhia     Total
    Telagana         -           6                 6
    Odhisa            -           1                 1
    Kerela            1           1                 2
    Karnataka       1          3                 4
    Gujarat          -            1                 1
     Heti hian hriat theih chinah he hri leng avanga rawn haw te hi a hma mi 11 leh GQC a awm mi 3 te tiamin mi 28 an tling chho ta a ni.
    Tarlan tawh angin Community Quarantine Centre atan hian Lalsavunga Park leh Hlimen Vengthar Presbyterian Kohhran Hall hman a ni a, heng hmunah te hian Duty mumal tak insiam a ni.  Task Force chuan CQF Security tur bik  hian vengchhung a \halai tlawmngai thei tur mi engemaw zat  a ruat chhuak a,  heng mi tlawmngai te chungah hian  Task Force chuan lawmthu a sawi tak meuh meuh a ni.
    Sawrkar ruahman angin  Community Quanrantine Facility (CQF) ah emaw Government Quarantine facility (GQF) ah emaw a ni 14 Quarantine tawh; sawrkar duh anga mahni inlama in quarantine na tur nei \ha tawk lo te chu Damveng Kohhran Hall-ah zangkhai deuh zawkin ni 7  Quarantine an ni leh ang. Hemi hnu hian an inlamah hawin kar khat pawn chhuak lo in a inkhung leh ang.
    Kan nau te hmun danga lo haw te lo dawngsawng tur hian Task Force chu a theih ang tawkin a inbuatsaih a, sum leh pai indaih lohna avangin vengchhunga Kohhran hrang hrangah vehbur khawnin Kohhran te hian sum leh pai tam tam tham takin Task Force ah \anpuina an rawn  hlan a ni. Tin, vengchhunga puan\hui thiam - Pu Zorammuana(BS), Pi Lalremruati (BS), Nl. BJ Zonumawii -i (VP), Tv. Zodailova(BS), Nl. Lalruatfeli (BS) leh Pi Lalremsangi  (VP) ten a thlawnin PPE an \hui bawk a ni. He hri dona kawngah hian Kohhran leh a khawtlang ang pawhin kan \angrual chho telh telh mai tih a lang zel a, a lawmawmin a hlu tak zet a ni.
    Mizoramah Lock down thawh 4-na kalpui mek chu May ni 31, 2020 hian a tawp anga, enge kan la hmachhawn leh dawn tih hriat lawk a har hle thung. He hri hian eng chen nge min la tihbuai dawn tih te, a invenna damdawi emaw, a tihdamna damdawi emaw hi engtikah nge hmuhchhuah a nih dawn tih hriat theih a la ni si lova, chuvangin, theihtawpa  kan fimkhur zual a pawimawh hle a, mask vuah leh social distancing  hi i ngaipawimawh deuh deuh zel ang u.

PAGE - 2

EDITORIAL :

Vanglai hun a pawimawh
    Kan vanglai hunah hian siam \hat leh theih bawk si loh a awm a, chu chu hei hi a ni - nu leh pa min hmangaihna chhanglet a duat let nachang ka lo hre tawk lo lutuk te, midangte tana theih ang tawka ka lo inhmang lo lutuk te kha tunhnu hian pawi ka ti a, ka rilru hi a na ngawih ngawih mai \hin.  Siam\hat leh chakin au vak vah mah ila kohkir theih a ni tawh si lo.
    Tun a \halai; vanglai nun hmang mek tute u, nangni chuan tunah hian hun\ha in la nei a, \ha takin bul i la \an thei reng a ni. Vanglai hunte hi i hmang nawn dawn silo tih hriain nakin a i rilru tina leh thei; i inchhir vawng vawngna tur thil lakah in veng\ha hle ang che. Inchhir leh sim tumin awmzia a neih theih loh hun i thleng palh ang e. Vanglaini te hi a liam thei dawn lo emaw i lo ti palh hlauh ang e.
    Sana i kawl chuan han en teh, a lo chek ri kauh kauh i hria ang. Second khat lek lek a rik kauh kauh apiang khan i thih hun a hnai zel a, i vanglai hun a liam hret hret zel a ni, Chu chu tuman chelhdin theih a ni lo. Tunah leh nakin hun lo awm zel tura inchhir lo tur leh hlim taka awm theihna thuruk chu nang i ni bawk a ka’n hrilh mai ang che - tun dinhmun i thlen theih nachhan i nu leh pa ten an enkawlna leh an hmangaihna che hi i theih anga tamin chhanglet rawh. Tin, midangte \anpui nan i theih anga tam i hun pe bawk ang che. Nu leh pá hmangaihna chhanglet tam apiang an nun a hlim \hin a, mite \anpui nana inpe tam apiang an lawmna a tam bawk a ni. I vanglai hun hmang\ha la, i vanglai a pelh hunah i chungah miten an vanglai hun an rawn hmang\ha ve mai dawn a ni. Vanglai hun i hmang nawn dawn si lo.

KAN THEN TAK

 
Pi Lalvenpuii (Kum 106)
    Pi Lalvenpuii  hi kum 1914 khan Pi Zochhingpuii leh Pu Za\huama te inkarah unau 7 zinga a upa ber ni turin Hriangtuinek khua ah a piang a. Hmar Zote hnam a ni. Amah hi an unau zinga upa ber leh a dam rei ber a ni bawk. Hriangtuinek a an awm hnu hian Khawlianah an khua hi an insawn leh a, hetah hian a lo seilian ta a ni.  
    A nu Zochhingpuii hian a naupan lai kum 10 mi a nihin a boralsan a, anaute enkawl in a pa Za\huama nen hian ram an \ang a, chhungkua enkawlin nu ber ang maiin a unaute a chawi lian a ni. Kum 1943 ah Lalauva nen an innei a, Phuaibuang ah a awm ta a ni. Fa 10 a nei a,tu 82 lai a nei bawk. A tleirawl lai a\angin Khawlian Presbyterian Kohhran ah a theih ang tawka rawngbawl in a awm ve \hin a, Sunday School zirtirtu ah a pasal neih thleng hian a \anga, kohhran zaipawl  ah te tel ve in theihtawp chhuah in a in hmang ve \hin a ni. Ziak leh chhiar a thiam a, lehkha chhiar hi a taima em em \hin.
    Fanau malsawmna a dawn te enkawl in a theihna zawng zawng a hmang a, heti chung hian ram lam hna thawha thlawhhma an neih na ah a pasal tluk loh ni khawp in hna a thawk \hin. Kum 1964 vel ah Pathian a lawmna thar nei in a lo Piangthar tawh a, kum 1974 ah siamtharna a chang leh bawk a, a ka a\anga ri tam  ber chu Pathian thu a dawn thar zel hi a ni \hin.
    A pasal Lalauva hian  August ni 1, 1975 ah a boral san a, chumi hnu ah chuan a fate mi 5 in an boral san a, hetiang a lu sun chung pawh hian Pathian a hriatna leh a pawlna \hin a danglam chuang lova, heng lusun na te hian a thlarau nun a tichak in a hun zawng zawng hi Pathian pawl nan a hmang zawk hlauh \hin. Tin,  a pianpui unau ten an boral san vek tawh a, heti chung hian chak lo tak chung  pawha hun a hman zel lai hian khawvel chhuah san a vanram a kal a chak tawh thu hi a sawi fo \hin a ni.
     May ni 28, 2020 chawhnu lam khan an in bul velah a kal vel a tlusual palh a, kawng ko ah a tla a, thi chhawngin hmuh a ni  a, bawihsawm a nih hnu ah rang takin Aizawl Civil Hospital pan pui a ni a,CT Scan ,Xray leh Ultrasound te tih tur a ruahman nghal a ni a, Xray te tih a ni a, a ban ruh a sawh tliak a, a mit ko a sawh a, a lu na takin a sawh bawk. Tichuan tlai dar 5:30 khan a boral zui ta nghal a ni.

Advertisement...

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

      VL-a,
(10-8)    Ph.No : 9402344486, 9615266170

F.K. SEPTIC TANK SERVICE
    Septic Tank khat paih, comode block, soak pit hlui leh thar kan siam theiin pipe fitting kan thawk thei e.

    Regn. No. MSR 524 of 15 of 2013
    Rate - Inbiak remna.

(45-14)                         Ph. 7085521791/9615920739

PAGE - 3

HRIATTIRNA :

Hun hmang leh dawn
    Hlimen Local Level Task Force ruahmanna in tun Pathianni hian vantlang information centre a\angin Pathian thuchah puanchhuahna hun  hman a ni leh dawn ang, hetiangin -
     May ni 30, 2020 (Pathianni) hi Penticos ni a, chawhma lamah Pastor Lalramliana hun a hmang ang a, zanah Pastor Lalchhuanawma’n hun a hmang bawk ang.

Local Council Hriattirna
    Khuain  a zir chuan Thelretkawn  to Mauhakkawn kawng chu naktuk ni 30/5/2020(inrinni) hian chhun belh tum a ni a,tin, ni 1/6/2020 (Thawhtanni) atang hian Mualzawl pawh Cement Concrete  tura chhun tan tum a nih bawk avangin ni 30/5/2020 to  7/6/2020 chhung chu motor tlan khap a ni leh dawn a, helama motor tlan thin te leh thil tul neite kan inhriattir lawkin hriatthiamna kan dil e.
    Fur khua a lo ni leh ta a, tuiluankawr hnawhin lirthei a ni emaw bungrua a ni emaw  eng thil mah dah hnawk lo turin kan in hriattir a, tin, inchunga tui kawngpuiah khawhthlak tir lo turin kan in hriattir a, hriattirna chhuah anih tawh hnua la tilui \alh kan awm fo a nih chuan a \ul angin Action lak a ni ang.
   
    Sd/- Chairman
    Local Council, Hlimen

Parking Fee khawn hriattirna
    Kum 2020 chhunga Quarry parking fee khawn tu atan Hlimen 407 Association chu thlan a ni leh ta a, anni hian Parking fee hi an khawn leh ang. Tin, Parking area enkawlna/vawnfai kawngah leh venhimna kawngah thuneihna sang tak an nei bawk ang.
    Tin, helai hmuna lirthei dahtu te chuan Parking Fee hi \ha taka pe turin kan in hriattir bawk e.

Sd/- Lalhmingliana, Chairman. LC

PM-KISAN (Loneitu hamthatna)
    PM-Kisan la ti duh tan ala tih theih reng e.VC pass na xerox leh Adhar card a ngaia,hamthatna hi Dak account ah a luh theih dawn avangin Account hi ` 100 in a hawn theih a, Finger Print, Phone leh deposit limit ` 100 in a tihtheih nghal bawk.
    Ngaihven duh tan tlai emaw zanah emaw number tarlan ah hian zawhfiah theih reng e.
    Lalzarliana leh Lalmuanpuii(Apuii)
    Dak In (Post Office)
    Hlimen, Damveng
    Ph.no-9862221750/7005679597

Road Protection Hriattirna
    Tunlaiin kawngpui dungah lirthei dah kan tam chho leh ta a, hei hi danin a phal loh a ni a, chuvangin, tunhnuah chuan phal lohna hmuna lirthei dah man te chungah a \ul angin Action lak a ni ang.
Sd/- Secretary, Road Protection Committee

LAWRKHAWM :

TASK FORCE AH |ANPUINA HLAN
    LLTF te hnenah mimal leh Kohhran hrang hrang ten a hnuaia tarlan ang hian \anpuina an hlan:
1. Pu Vanlalzawna, KD    `    2,000/-
2. Pu Lalramchhana, DV    `    1,000/-
3. Hlimen Presbyterian Kohhran    `    30,000/-
4. Baptist Kohhran, Hlimen    `    5,000/-
5. Hlimen Damveng Presby. Kohhan    `    30,000/-
6. Salvation Army, Hlimen     `    5,000/-
7. UPC (NEI), Hlimen    `    3,000/-

    Kan hriat \heuh angin tunlai hian State danga awmte an rawn haw mek zel a, Quarantine-na hmun hrang hrangah Duty awm zel a ngai a, sum mamawhna a sang hle a, heng sum thawhtu te chungah hian Hlimen LLTF te chuan lawmthu an sawi tak meuh meuh a ni.

Lawmthu
    May ni 27, 2020 zana thli leh ruah nasa tak thawk khan Hlimen a Electric LT Line hmun thumah a tichat a a tukah ruah sur hnuaiah a siam\hat hna thawh niin Deptt. Duty min puitute an hming kan sawi seng lo, khawtlang leh Deptt. tana kan \hatna tur tih hria a min puitute chungah Hlimen Electric Duty te chuan lawmthu kan sawi tak meuh meuh a ni. Mi tlawmngaite vangin eng \ha takin kan nei leh thei a ni.
   
    - Robuanga & H.Zothansiama
    P&E, Hlimen Duty

Thosilen chiah chung chang
1. Malaria tam hun a lo nih leh tak avangin kan him tlanna turin Mizoram sawrkar chuan mipuite thosilen damdawi chiah hnuaia mu vek turin min duh a, Office hun chhungin Health sub Centre ah engtik lai pawhin a chiah theih e.
2. Khaw dai leh lo lama riak te phei chuan chiah ngei ngei tur a ni.
3. Khawdanga hnathawk a riak chhuak te pawhin chiah ngei ngei tur a ni ang.
4. Thosilen chiah tur ten faia taka suk a, phoro sa a ken tur a ni ang.

    From Health Clinic Staff, Hlimen, Aizawl

Advertisement....

KHAWIKHA...  KHAWIKHA........
ELECTRONICS BUNGRUA CHI HRANG HRANG BAZAR RATE AIA TLAWMIN I INAH KA RAWN DAH THEI E
    SMART TV  Company hrang hrang, Fridge, Single door,double door, side by side. Deep freezer, vigi cooler, Washing machine Top loading, front loading,Fully Automatic, Dryer, Inverter , Inverter Batteries, Microwave Oven, AC.
    Heng ah hian mamawh i neih chuan Kulikawn Hlimen Taxi Stand opposite ah dawr kan hawng thar e. Bazar rate aia tlawmin i inah ka rawn pe thei che,  Company duh bik neih pawn eng Company pawh i duh ang ka rawn dah thei e.

    Siampuia Khiangte
(4-1)    Hlimen...Ph 9863457800

PAGE - 4

KEIMAHNI :

Hlimkhawpui Budget
    Hlimkhawpui  May & June 2020  thla Budget  pe tla tawh te:
1.    Kapdaia Sec.    2. Vawmphunga Sec.
    Kapdaia Sec. ten August, 2020 thleng Budget an tlak fel ta bawk.

Amplifier |ha lo
    YMA Information Mike Amplifier chu a chhia a, Branch Emergency Committee chuan hei hi Light & Sound Sub-Committee ten lo enchiang se, a \ul dan a zirin a thar lei mai nise a ti a ni.

CYMA Chetvelna
22.5.2020 : Pu Vanlalthlanpuia (38) S/o H.S. Lalhmangaiha Electric Veng, Aizawl 12.5.2020 a\anga chin hriat loh a bo chu, Electric Veng Branch YMA leh khawtlang mipuiin theihtawpchhuaha an zawn hnu-ah an la hmuh loh avangin 22 & 23.5.2020 khan Central YMA ruahmanna in Aizawl Khawpui chhung Branch YMA thehkhat te chu Group Ahrang hrangah \hen in, mibo zawn hna hi thawh a ni a, Mizo dana ni 7 leh zan 7 chhung zawn a nih hnu-ah pawh hmuh anih tak loh avangin, 23.5.2020 Dar 3:00pm khan Phunchawng RV-ah bo zawn khar Programme hman a ni. Programme hi Pu Fabian Lalfakawma, Treasurer in a kaihruai a, Pu Vanlalruata, President,  Pu K. Lalthanmawia, President, Electric Veng Branch YMA te bakah mibo chhungten thu an sawi a, Pastor Biaksailova, Electric Veng in kharna hun a hmang. Mibo zawnna ah hian Central YMA OB, CEC leh Central Disaster Response Team ten an ho thin.

26.5.2020 : YMA Senior mi 35 ten hriven thawhlawm atana an thawhkhawm ` 58,000.00 chu Central YMA-ah an hlan a, a thawhtute duh danin Langkaih Group, Zampuimanga Group, Khawthlangtuipui Group, Tuipuiral Group, Serlui Group (Vairengte)-ah te ` 11,600.00 \heuh a sem turin 26.5.2020-a OB Meeting chuan ruahmanna a siam.

Hlimen chhantu
    Vengchhung a lo thianghlim zawk nan  veng thler hrang hrang te fangin Hlimen Chhantu Pawl chuan ngawrh takin hma a la chho a, ruihhlo ti leh zuar man an nih chuan  nataka Action lak a ni ang.
    Zanlam pawh curfew lai te a nih avangin  pawn chhuak leh ruihhlo zawng veivak te man an nih chuan hrem zel tum a ni. Chhungkaw thubuai neite chuan khawtlang hruaitu te leh Kulikawn P/S Ph  8794747294 hriattir mai tur a ni e. Ruihhlo timite vengchhung pelh phal a ni lo a, a chhuak lui man kan nih chuan Action lak a ni ang. Kan thuchhuak te veng mipui ten min ngaihpawimawh sak \heuh turin kan ngen a che u.
   
    Sd/- Secretary
    Hlimen Chhantu Pawl
    Hlimen Branch YMA 

KAN THEN TAK

 
Pi Thangchungnungi (Kum 74)
    Pi Thangchungnungi (Pi Nuteii) hi April ni 19, 1946 khan a piang a, Lunglei Bazar vengah a seilian a ni. An unau hi hmeichhia 6 leh mipa 4 an ni. Kum 1962-ah Shillong-ah nurse a training a, kum 1966-ah Jorhat-ah a chho a, Dergaun (Assam) Police hmunah a thawk ta a ni.
    Pu Vanlalruata, Hlimen nen kum 1967-ah an innei a, fa 5 neiin pahnih hi an sen laiin an boral a, a pasal Pu Vanlalruata hian kum 1992 khan a lo boralsan tawh a ni. Tin, an fapa Lalsangliana’n kum 2002 khan lo boral san tawhin an fanu Muansangi’n kum 2013 khan a boralsan tawh bawk.
    Dergaun a an awm lai hian Mizo Kohhran awmah a inhmang hle a, Assam ram a nih avangin a hun lai khan mizo an tam ve viau a, an kohhran-ah hian kohhran upa in a awm a ni. Dergaun a\ang hian kum 2009-ah a pension a, hemi hmunah hian inbeng bel vein an awm a. Chumi hnuah Hlimen-ah rawn awmin Pu R.Lallianfala (a pasal unaupa fa) te nen hun engemaw chen an awm ho a ni. Hemi hnu hian Hlimen Damvengah ram leiin in a sa ve ta a, a fanu Pi Lalrinsangi te chhungkua nen an awm ho ta a ni.
    Hlimen Damveng Presby. Kohhran-ah lawiin kum 2012 khan Kohhran hmeichhe Committee Member a ni \an a, kum 2013 & 2014 khan Vice Chairman niin kum 2015 & 2016 ah Treasurer a ni bawk. Kum 2013 a\anga kum 2016 thleng khan Bial Kohhran Hmeichhe Committee Member a ni a, Hlimen Damveng Kohhran Hmeichhia-ah hian a thihni thleng hian Committee Member a ni.
    Kum 40 vel kalta a\ang khan zunthlum a nei tawh a, insawiselna a nei ve neuh neuh reng a, amaherawhchu natna lian tham em em a nei ngai meuh lo. Tunhnaiah thawhah a nei a, Alpha Hospital-ah zan khat enkawl a nih hnuin a lo chhuak leh a, hemi hnu hian insawisel lehin Alpha Hospital-ah bawk luhpui leh niin \hat lam a pan thei ta meuh lova, ICU-ah dah a ni a, thisen pawh Unit engemaw zat pek hman a ni a, amaherawhchu \hat lam pan thei lovin May ni 29, 2020 (Zirtawpni) chawhnu dar 2:50 khan Chatuan ram min lo pansan ta a ni.

Advertisement...

ADMISSION NOTICE
    Solomon’s H/S Kulikawn, Aizawl ah 2020-2021 session atan, Cl IX & X admission a tih theih e. Mathematics subject a harsatna nei te duhsak an ni.
2020 HSLC Result - 95% passed
    Distinction     - 5     First Division     - 5
    Second Division     - 11    Third Division     - 21

Letters in :    SS - 10 person          Mizo - 7 person
    Science - 2 person    English - 2 person
    Mathematics     - 1 person
Admission Timing: 10:00 Am - 3:00 Pm (Mon - Fri)
Admission Fee    - ` 2000/-

HC Thawnga, Top Ten Maths Tutor
(5-2)                              7005-684-281 / 9774-630-781

Tomir tha (May) Ni 23, 2020, Issue No. 21

PAGE - 1

TUALCHHUNG :

Damlo :  Pi Thangchungnungi (Pi Nuteii) Damvea Sec. a mi chu taksa lam hatsatna avangin May ni 19, 2020 khan Alpha Hospital-ah admit niin enkawl mek a ni.

##    Pi Sangzuali W/o Lalrimawia(L), Lalsavunga Sec. a mi chu thawhah avangin Civil Hospital-ah enkawl mek a ni.

Nau nei thar : Bradley Lalchhanchhuaha leh Lalnunsangi te nupa Damvea Sec. a mi te chuan an fa pathumna  ni turin  fanu duhawm tak an nei thar.

Tihdikna :  Issue hmasa a HSLC result rawn tarlanah khan Vanlalhriatkimi D/o Lalrenrela result ah khan Dist. L in Mz, SS, E,  tia rawn tarlan kha  Dist. L in E,Sc,SS,Mz tih zawk tur a ni e.
    Tin,     Vanlalhriatchhungi D/o MS Dawngliana    II Div.  an awmna Section awmna tarlan loh kha  Saichhuma Sec. a mi tih tur a ni bawk e. Tihsual palhah ngaihdam kan dil e.

Thupek zawm \ha ila :  Mizoramah Lock down thawh 4-na kalpui leh mek a ni a, chhun lamah dawr pawh hawn a ni ta. Hetih rual hian hnathawk leh pawimawh bikah lo chuan pawnchhuah khap a ni tih hre thar leh ila. Pawimawh avanga pawn chhuak ten hmaikawr (mask) an vuah ngei tur a ni.
    Zan dar 7:00 leh zing dar 4:00 inkar phei chu Curfew a nih avangin pawnchhuah khap tlat a ni. Loh theih loh thilah lo chuan kum 65 chin chunglam chu pawnchhuah khap tlat a ni bawk. Tin, mi 5 aia tam punkhawm phal a ni lo.
    Heng thuchhuah hrang hrang zawm lote chu dan anga hrem theih an ni a, chumi tur chuan Mizoram Sorkar hian Local Level Task Force te hi thuneihna sang tak a pe bawk a ni.

Transfomer 250KVAdahna tur :  Quarry sa sahna bula Tranformer thar dahna tur chu siam \an a ni ta a, khua in a zir chuan karleh lam chuan peihfel hman rin a ni. Transformer thar hi hman theih hun a nghahhlelhawm hle a ni.
     

HEADLINE :

Haw khawm mek zel
    Covid -19 nghawng kal zelah rampawn a awm kan veng mite pawh an rawn haw khawm mek zel ta a. 
    State pawn a awm, haw tura in report hi Task Force chuan mi 38 an record mek a, heng zinga mi pathum te chu May ni 15, 2020 ( hmeichhe 2) leh May ni 20, 2020 ( mipa 1) khan lo haw chhoin  Sawrkar Quarantine Facilitation Centre ah an awm mek a ni.  Tun dinhmunah an hriselna  a \ha a, a lawmawm a ni          Midang pawh an rawn haw chho mek zel a, tuna rawn haw chho tur te awmna atan hian Task force chuan Lalsavunga Park a lodge/ rest house/ cabin leh Hlimen Vengthar Presbyterian Kohhran Hall te a ruahman a ni. Heng CQF Centre atana ruahman te hi sawrkar lam pawhin a pawmpui tawh a ni.
    Tuna rawn haw tur a report  te hi March thla  hmalam a rawn haw mi 11, Quarantine pawh tlingtla tawh te tiam lovin India ram State 10 , heng - Assam - mi 4, Gujarat - mi 3, Karnataka- 7, Kerela- 2, Maharastra- 6, Delhi- 7, Odhisa - 1, Tamilnadu- 2 (an rawn haw tawh a, Sawrkar QC ah awm mek), Telengana - 5 leh West Bengal- 1 ( ani pawh hi sawrkar QC ah awm mek) an vaiin mi 38  an ni mek a ni.
    Tuna rawn haw te hi a hlawm deuh a rawn haw tur an nih deuh tawh avangin kan veng Community Quarantine Facilitation Centre ah dah tura ruahman an ni tawh a, kar hnih chung awmin kar hnih dang chu an chenna inah Home Quarantine neiin sawrkar duhdanin inkaihruaina feltak hnuaiah an in khung leh ang. Hetiangin -
    ‘Sawrkar leh Kohhran hmuna chawlhkar hnih chhung Quarantine a awmte chu mahni in \heuhvah haw in a chawlh karthumna chu Home Quarantine kherkhiap leh strict takin an kalpui tur a ni. Hemi chhung hian chhungkaw member dangte nen ei leh in leh thildangah hmanrua leh thawmhnawte intawm loh tur a  ni a, Social distancing chhungkua-ah tha taka tih tur a ni. In lama Quarantine chawlhkar hnuhnung ber erawh chu zangkhai taka kalpuiin mahni in chik leh in ngaihven chunga  self-monitoring atana hmantur a  ni. Home Quarantine chhung hian chhungkaw member zawng zawngte mawhphurhna a sang a; an chhungkua leh khawtlang himna an kutah a awm tih hria in chungkua-ah Social Distancing uar taka kalpui tura beisei an ni.’ ( Issue by Government of Mizoram Mizo Press Releases Quarantine chungchanga inkaihhruaina zawm turte N0.1136/2020-2021)
    Engpawhnisela, heng kan nau te, ram hla taka lo haw te hi lo thinhrik tur an ni hauh lova, lo  phili buai phah nana hman emaw lo chiai chiam emaw phah nan a hmang lo turin kan in chah a, sawrkar leh Task Force in kan him tlanna tur atana ruahmanna an siam, a thu a chhuah hrang hrang te erawh zawm ngei a \ha a. Kan zavaia himna tur atan theihtawpa kan theih na kawng hrang hrang a kan \anrual a, thu kan awih tlan hi  a pawimawh hle  a ni tih i hria ang u.

PAGE - 2

EDITORIAL :

           THALAI TE KHAWVEL
    Hun rawn inher chho zel hian changkanna chhenfakawm tak tak a rawn kentel lai hian thil \halo tam tak a rawn paipawn \un mai bawk a. He kan khawvel danglam chak tak maiin a khawih ber chu ‘|halaite’ an ni a. A \ha lam emaw, a chhe lamin emaw a nghawng nasat ber an ni.
    Tun hi \halaite hun tih a ni fo \hin a, a chhe zawnga thil a kal hlauh chuan \halaite bawk hi chhiatna thlen nasatu ber an ni dawn tihna a ni. Nun insiam lai, thil zir thiam zung zung hun lai leh tha chak vanglai a nih avangin \halai ten kan nun kan uluk hle a ngai a ni.
    Nulat tlangval kan hriat chhoh a\ang hian kan duh leh ngaihsan zawng kan laknat hunlai a ni a. Chuvangin a \hat lohna lam pawh ngaihtuah lem lova kan duh zawng kan ban huam huam mai \hin hian chhiatna nasa tak min thlen thei a ni tih kan hriat a pawimawh.
    Media hmanrua - computer, mobile phone leh internet te hi kan hmang thiam chiah em tih te inchhut fo ila. Thiamna leh changkanna in khawvel a hrut mek laia a hmang \angkaitu a lo \an hi kan tih tur chu a ni. Mahse, kan hman thiam loh chuan changkanna hi anchhia; kan nun hruai khawlo thei thil lian tak a ni. |halaite hian kan tun hun hi awlsam tê in kan tichhe thei a. Mimal, chhungkua leh khawtlang nun chhia hian ram pum a ngawng thei dawn a ni. Chutiang siam \hat leh chu thil awlai tak a ni dawn lo.
    Engpawhnise, nu leh pate pawhin kan fate nun kan venpui a ngai hle mai, kan fate thil duhzawng leh tuipui zawng hi a him leh him loh kan ngaihven a ngai a, kan fate nun a \ha lo zawnga kuaiher thei thil a awm em tih ngaihven a, an \hian te a\ang pawhin an nunphung kan zir a ngai tak meuh a ni. Chhungkaw nun hi khawtlang leh ram kalphung thleng sawi danglam thei a ni si a.

ZIAKTUTE HUANG :

 Hlimkhawpui tana ka vei zawngte
-Ruatfela pî
Khurpui kawng
    Hlimkhawpui hi Mizoram khawpui ber Aizawl Area chhunga veng pakhat a ni a. Aizawl veng hrang hrangte zinga veng thawl ber pawl kan la ni a. Veng \henkhat chu chhangchhe tak tak leh chep tak tak  ni mah se sela veng chhung plan felfai \ha tak tak,  eg. Ramhlun vengte saw kawngpui a thlur sung a, step nuam tak tak, kawng hnuai leh kawngpui inkalpawhna inkalpawhna a thlur seng sung a, a rualawh thlak hle mai. Veng tam zawkte hian chhiatni \hatni a inkalpawhna an veiin tuiluankawr \ha tak tak leh nalh tak tak an siam a, a mi cheng ten hmasawnna leh changkanna thinlung puin an compound, an lungrem te \hiah ngai leh pek ngaite pein inkalpawhna nuam tak tak an nei vek tawh ti ila kan daw tam awm love.

    Heng han hmuhte hian Hlimkhawpui plan fel tak tun a\anga vengchhung hruaitu ten ruahmanin \an an lak a, kawng plan hi a ranglama neih ve hi a hun ta hlein a lang a. Thla tin, kum tin mi kan pung chho zel si a, veng chhung kawng inkal pawhna step leh motor hun zung zung theihna plan a, mi huan leh compound sut ngaite pawh in a din hma a mark vek ni thei se.

    In sa turte pawhin hetah hian kawng plan a ni ti a lo kian mai turin Hlimkhawpui LC leh YMA hruaitu, kohhran hrang hrang hruaitute hi inhmukhawm a, kawng plan mumal tak siam hi kumin chhung ngei hian han nei thei sela tih hi kei chuan mutmawh hnarmawh taka ka vei ber chu a ni e.

    Pu C.Pahlira kawng zawn chu kum tam ral hnuin kawngpui nuam leh lun tak, veng chhung tihmasawntu a nih tak hi.

Advertisement....

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

      VL-a,
(10-8)    Ph.No : 9402344486, 9615266170

F.K. SEPTIC TANK SERVICE
    Septic Tank khat paih, comode block, soak pit hlui leh thar kan siam theiin pipe fitting kan thawk thei e.

    Regn. No. MSR 524 of 15 of 2013
    Rate - Inbiak remna.

(45-14)                         Ph. 7085521791/9615920739

PAGE - 3

HRIATTIRNA :

LLTF on Covid-19, Hlimen thuchhuak
    He hripui laka kan him theih nan Lockdown 4.0 kalpui a ni leh ta a,  chuvangin Task force, Hlimen pawhin Lockdown 4.0 hi awmze nei leh \angkai taka  hman a nih ngei theih nan sawrkar thupek te chu a theih chin chinah a kengkawh dawn a, Curfew hunchhung (7:00Pm - 4:00 Am)a  duty turin detailment pawh a siam leh a ni.
    Dan bawhchhia man te chu pawisa chawitir theih kan ni. Tin, curfew bawhchhia man ngaite chungah action lak a ni anga, tin, dan bawhchhiatna - dawr khar hun tawh a la hawng lui te, mask vuah lova khawlai a chhuah, mi 5 aia tam punkhawmna huaihawt ( hei hian inneih leh mitthi vui mi 20 aia tam lo a huam lo) te, phalna nei lova chawlhni a lirthei tlanchhuah te, midang himna ti chhe thei zawnga social distancing ngaipawimawh lo leh kuhva, tuibur, sahdah, chil etc chhak mai mai ah te pawh a \ul angin dan phal angin action lak a, pawisa chawitir theih kan ni tih kan in hriattir nawn leh e.
    Sawrkarin lockdown 4.0 atana thuchhuah a siam te zawm \heuh turin kan in hriattir bawk a ni.
    Thupek i zawm hian nang leh i chhung te, i ram leh i hnam himna atan i thawk \ha em em a lo ni reng mai a. Thuawih pawimawh zia  hrechiangtu i ni a, midangte pawh thuawih turin zirtir ve ang che.

                                Sd/ - Member Secretary

Parking fee khawn hriattirna
    Kum 2020 chhunga Quarry parking fee khawn tu atan Hlimen 407 Association chu thlan a ni leh ta a, anni hian Parking fee hi an khawn leh ang. Tin, Parking area enkawlna/vawnfai kawngah leh venhimna kawngah thuneihna sang tak an nei bawk ang.
    Tin, helai hmuna lirthei dahtu te chuan Parking Fee hi \ha taka pe turin kan in hriattir bawk e.

Sd/- Lalhmingliana, Chairman. LC

Thosilen chiah chung chang
1. Malaria tam hun a lo nih leh tak avangin kan him tlanna turin Mizoram sawrkar chuan mipuite thosilen damdawi chiah hnuaia mu vek turin min duh a, Office hun chhungin Health sub Centre ah engtik lai pawhin a chiah theih e.
2. Khaw dai leh lo lama riak te phei chuan chiah ngei ngei tur a ni.
3. Khawdanga hnathawk a riak chhuak te pawhin chiah ngei ngei tur a ni ang.
4. Thosilen chiah tur ten faia taka suk a, phoro sa a ken tur a ni ang.

    From Health Clinic Staff, Hlimen, Aizawl

Khawlai uichhuak
    Ui aneitu neilo ang mai a khawlaia chhuak hmuh tur a tamin khawlaiah an ek leh bawlhhlawh bawm a\anga an haichhuah tuihnai lo tak tak hmuh tur a awm leh ta fo mai. Ui neitute \hanharh i tum teh ang u. Kan ui vulh duhdah avangin kan veng hmel a chhia a ni tih i hria ang u.

LAWRKHAWM :

Local Council hriattirna
    Fur khua a lo ni leh ta a, tuiluankawr hnawhin lirthei a ni emaw bungrua a ni emaw  eng thil mah dah hnawk lo turin kan in hriattir a, tin, inchunga tui kawngpuiah khawhthlak tir lo turin kan in hriattir a, hriattirna chhuah anih tawh hnua la tilui \alh kan awm fo a nih chuan a \ul angin Action lak a ni ang.

Sd/- Lalhmingliana Chairman LC

Road Protection hriattirna
    Tunlaiin kawngpui dungah lirthei dah kan tam chho leh ta a, hei hi danin a phal loh a ni a, chuvangin, tunhnuah chuan phal lohna hmuna lirthei dah man te chungah a \ul angin Action lak a ni ang.

Sd/- Secretary, Road Protection Committee

Vengchhung mi
    Hripui leng avangin sum thawhchhuah a harin; sum a vangin a tawmim chho zel dawn niin a lang a, chuvangin,  vengchhunga inhlawhna awm thei chi ah chuan vengchhung mi induhsak theih hram hram zel a \ha khawp mai.
    Tin, leivung paih tur kan nei emaw  rawra, balu  etc. emaw phurh tur kan nei a nih chuan kan venga 407 Assn. te hi chhawr thiam a \ha khawp mai. Chutiang zelin veng mi leh veng mi induhsak tawn thiam ila, harsatna engemaw zah chu kan in sutkiam sak thei dawn a lo ni tih i hre thar ang u.
    Hun harsa leh hun khirh tak kan hmachhawn mek hi kawng hrang hrangah \hanharh phah nan leh in zir chhuahna  atan hmang ila a \ha hle a ni.

HNATLANG
    Kan veng mi,  rampawn a\anga lo haw te Quarantine-na tur a tih Lalsavunga Park a Cabin leh Rest Room hmunhma te thianfai leh tih tur \ul dang awmte tiin May ni 23, 2020 (Inrinni) khan Local Level Task Force leh Branch YMA Exe. Committee member te chuan hnatlang neiin member \hahnem tak an thawkchhuak a, he chanchinbu buatsaih lai hian hnatlan dan kimchang hriat hman a ni lo.
    Bialtu MLA Prof. F. Lalnunmawia chuan Quarantine Centre atan hman turin Silpouline 3 lai a pe a, Task Force, Hlimen te an lawm hle a ni.

Advertisement...

ADMISSION NOTICE
    Solomon’s H/S Kulikawn, Aizawl ah 2020-2021 session atan, Cl IX & X admission a tih theih e. Mathematics subject a harsatna nei te duhsak an ni.
2020 HSLC Result - 95% passed
    Distinction     - 5     First Division     - 5
    Second Division     - 11    Third Division     - 21

Letters in :    SS - 10 person    Mizo - 7 person
    Science - 2 person    English - 2 person
    Mathematics     - 1 person
Admission Timing    - 10:00 Am - 3:00 Pm (Mon - Fri)
Admission Fee    - ` 2000/-

HC Thawnga, Top Ten Maths Tutor
(5-1 )                              7005-684-281 / 9774-630-781
 

PAGE - 4

KEIMAHNI :

Hlimkhawpui Budget
    Hlimkhawpui  May & June 2020  thla Budget  pe tla tawh te:
1.    Kapdaia Sec.    2. Vawmphunga Sec.
    Kapdaia Sec. ten August, 2020 thleng Budget an tlak fel ta bawk.

CYMA chetvelna
19.5.2020    :    Secretary, Social Welfare Deptt. Pisa-ah State Project Management Committee under the NAPDDR for the state of Mizoram meeting neih a ni a, Pu Vanlalruata President a tel.

22.5.2020    :    Pu Vanlalthanpuia (38) S/o H.S. Lalhmangaiha Electric Veng, Aizawl 12.5.2020 atanga chin hriat loh a bo zawn hna Central YMA kaihruaina hnuaia zawn tan a ni a, 22.5.2020 hian Central YMA Disaster Response Team bakah, Phunchawngah Aizawl Venglai, Ramthar Veng, Ramthar North, Dinthar, Zarkawt, Saron, Phunchawng leh Rangvamualah Ramhlun South, Zonuam, Luangmual, Chawnpui, Chhinga Veng, Armed Veng leh Rangvamual-te an hnatlang.

Lusun
    Branch Exe. Committee Member ni lai Pu H. Ralkapthanga chu a pa, Pu H. Manhleia (K-90) chuan May ni 22, 2020 zing dar 3:30 khan a boralsan.
    Pu Manhleia hi May ni 21, 2020 zan khan an chenna hmun Tlungvelah chesual palhin Aizawl panpui nghal a ni a, vanduaithlak takin a nunna chhan theih a ni ta lo a ni.

Chhiatni kaihhruaina ennawn
 (Covid-19 avanga siam danglam)
    March ni 20, 2020 (Zirtawpni) zan Branch YMA Special Committee vawi 2-na in Corona Virus (Covid-19) hrileng avanga chhiatni inkaihhruaina a siam chu India ram LockDown kalhmang siam danglam hret a nih avangin ennawn a ni a, hetiang hian siam danglam a ni :-

    (a) Mitthi vui hun leh tlaivar :

Dar 5:00Am - 10:00Am inkar a thi chu 1:00 Pm a vui tur.
Dar 10:00 Am - 1:00 Pm inkar a thi chu 3:00 Pm a vui tur.
Dar 1:00 Pm - 6:00 Pm inkar a thi chu  9:00 Pm a vui tur.
Dar 6:00Pm - 5:00 Am a thi chu Dar 10:00 Am a vui tur.                       (Hei hi tlaivar pui tur a ni)

    (b) Buhfai leh pawisa khawn : Buhfai leh pawisa a hma a kan lo khawn \hin angin khawn leh tawh tur a ni anga, Pawisa hi Chhiatni Fund a\angin ` 2,000 ral nan hlan tel nise tih a ni.

    Heng baka kaihruaina dang chu Special Committee vawi 2-na thurel anga la kal tur a ni ang.

Lawrkhawm chhunzawmna.....

Hun hmang leh dawn
    Hlimen Local Level Task Force ruahmanna in tun Pathianni hian vantlang information centre a\angin Pathian thuchah puanchhuahna hun  hman a ni leh dawn ang, hetiangin -
     May ni 24, 2020 (Pathianni) chawhma lamah Damveng Presbyterian Kohhran a\angin Upa H. Lalnunzira’n hun a hmang ang a, zanah UPC NEI  a\angin Evan. C. Lalramngaihzuala’n hun a hmang bawk ang.

Library
    Branch YMA chuan library tuaithar leh a, theihtawpa  tihchhangtlung tumin hma a la mek zel a,  Library a\anga lehkhabu hawh chhuak duh tan  Member nih ve phawt a ngai a, Branch YMA Librarian Pu G. Lalzahawma hnenah ` 10/- pe in member anih theih reng a ni.
    Tin, lehkhabu Donate duhte tan engtik lai pawhin a Donate theih reng a, Branch Librarian hnenah emaw Branch YMA OB te hnenah emaw Donation hi a tih theih reng a ni.

Chhiatni Fund khawn chhunzawm
    Kumin atana Chhiatni Fund khawn chu harsatna avanga la pe hman lo leh hrileng avanga khawn chhunzawm tak loh chu Mizoram Lock Down kalhmang siam danglam hret a nih tak avangin May, 2020 chhunga khawn chhunzawm leh tur a ni ang. 

PM-KISAN (Loneitu ham\hatna) Leh DAK IN HRIATTIRNA
    PM-Kisan hnuaiah loneitu tan hamthatna a lak theih a,Sorkar hnathawk tan a theihloh.Ngaihven duh te tan VC pass na xerox leh Adhar card number a ngaia,hamthatna hi Dak account ah a luh theih dawn avangin Account hi ` 100 in a hawn theih a,Finger Print,Phone no leh deposit limit ` 100 in a tihtheih nghal bawk.
    Ngaihven duh tan tlai emaw zanah emaw number tarlan ah hian zawhfiah theih reng e.
    Dak In ah Passport copy 4,Adhar card xerox leh naupang tan birth certificate xerox kengin account hengte hi a hawn theih reng bawk e.
1.SB-` 500(Duh huna dahluh leh lakchhuah theih)
2.RD-` 10 atangin (Thlatin dahluh ngai-Kum5 chhung)
3.TD-Time deposit (6.9-7.25% a pung)
4.SSA-` 250(Hmeichhe naupang  Kum10 hnuailam bik tan kumkhatah ` 250 chauhin)
5.IPPB-Kum 11 chunglam tan `100 chauhin a hawn theih.India ram bank zawng zawng a thlunzawm bakah balance awmlo pawhin a nung reng.Electric bill leh tui bill mahniin a pek theih a,Bank danga mi pawh finger print hmangin a lakchhuah theih bakah Labour & Employment hnuaia hamthatna pawh a luhtheih tawh bawk e.
    Dak In ah Account neisa tan ATM card a free in passport size copy1 kengin a dil theih reng bawk e.
    Lalzarliana leh Lalmuanpuii(Apuii)
    Dak In (Post Office)
    Hlimen, Damveng
    Ph.no-9862221750/7005679597

Tomir tha (May) Ni 16, 2020, Issue No. 20

PAGE - 1

TUALCHHUNG :

Damlo :  Nl. Ethel Zotluangpuii D/o Lalzarzoliana, Saichhuma Sec. a mi chu taksa lam harsatna avangin May ni 8, 2020 khan Alpha Hospital-ah admit niin enkawl mek a ni.

YMA in ral :  May ni 11, 2020 zan khan Branch YMA chuan Tv. Zonunpuia, Saichhuma Sec. ralna hun a hmang a, Pawisa khawn khawm ` 5,920  leh Chhiatni Fund a\angin ` 2,000, a vaiin ` 7,920 a chhungte hlan a ni. A chhungte hian \angkai taka hman atan YMA ah puan pahnih an hlan let bawk. Ralna hun hi Branch OB ten an hmang a ni.

Tuakthar : Lalawmpuia S/o Lalrinpuia, Saichhuma Sec a mi leh Melody Laldingpuii, Lungdai khua te chuan May ni 15, 2020 (Zirtawpni)  khan damchhunga nupa ni turin ‘tiam tlat e’ an ti.

Samari mi\ha :  May ni 13, 2020 (Nilaini) khan LPS Samari Mi\ha  chuan Pu Vana (LPS) kaltlangin LLTF on Covid-19, Hlimen hnenah chhawmdawlna atan ` 30,000 an rawn hlan a ni.

PPE lei :  Hripui leng mekin India ramah kiam lam pan lova zual lam a pan chhoh zel avangin kan veng LLTF te pawhin a theih ang angin hma an la ve zel a, May ni 14, 2020 khan Personal Protective Equipment (PPE) \hui sa 6 leh \hui loh (|hui chawp tur) mi 15 hak vel an lei thar a, vengchhung puan\hui thiam ten an \hui sak dawn niin thu kan dawng.

Hun hmang leh dawn : Hlimen Local Level Task Force ruahmanna in tun Pathianni hian vantlang information centre a\angin Pathian thu chah puanchhuahna hun a hmang leh dawn.
     May ni 17, 2020 (Pathianni) chawhma lamah Isua Krista Kohhran a\angin Tirhkoh PC Zahlira’n hun a hmang ang a, zanah Task Force a\angin Pu Lalhmuchhuaka’n hun a hmang bawk ang.

****************************************

Pâwn chhuak lo tura sorkar in thu a chhuah hi nang leh i chhungkua tan a ni.
Inah inkhung la, i taksa ti thianghlim la, hripui lakah lo him ta che...

HEADLINE :

MBSE in HSLC result tichhuak
    May ni 13, 2020 (Nilaini) khan Mizoram Board Of School Education chuan High School Leaving Certificate result a ti chhuak ta a, kan veng a\angin passed an \hahnem hle. A hnuai a tarlan hi result kan hriat theih chin a ni a, tih hmaih palh leh tihdik loh a awm chuan E.B te min hrilh hre turin kan inngen e. 

Govt. High School Hlimen
Appear - 19, Pass -10
## Laldintluangi D/o Lalrinkimi (LSV)    II 
 ## Vanlalmuanpuia (Melthum)    II 
## Zohmangaiha  (Melthum)     II  
## Lalnuntluangi C/o Rohmingthangi (DV)    III 
 ## V.L.Hruaizeli D/o Lalrinmawia (BS)    III 
## Lalchhandama C/o Lalchungnunga (KD)    III 
## Lalruatsanga S/o Lalmuankima (LSV)    III 
## Samuel Lalenkawla S/o R.Lalmuankima(L) (DV)    III
 ## Thangbiakliana S/o Chinthanga (SCS)    III  
## V.L.Ramdinpuia S/o Lalramthara (SCS)    III

Veng pawn School a\anga pass thar hriat theih chin te:-
1.    Lalnuntluangi                Dist. L in M, Sc, SS, Mz, IIT
    D/o R. Zothansanga (SCS)
2.    Vanlalhriatkimi                           Dist. L in Mz, SS, E
    D/o Lalrenrela (SCS)
3.    C. Zohmangaihtluangi                       Dist. L in E, SS, IIT
    D/o Peter Chhangte (BS)
4.    Ngurthansangi                           Dist. L in SS, Mz
    D/o H.Lalremruata (L) (DV)
5.    Vanlallawmkimi                            Dist. L in Mz
    D/o Vanlalsiama (VP)
6.    S.R.Lalmalsawmi                            Dist. L in Mz.
    D/o Lalremruata (VP)
7.    Lalrintluangi    I, L in E
    D/o Lawmtluanga (DV)
8.    Lalchhanchhuaha     I, L in SS
    S/o R.L.Lalngaihawma (BS)
9.    R. Lalnuntluangi    I, L in IIT
    D/o R. Lalremruata (DV)
10.    F. Zoliansanga S/o F. Zosangzuala (DV)    I
11.    Vanlalawmpuii D/o Laltlankima (DV)    I
12.    Esther Lalremruatdiki D/o C. Lalramngaihzuala (BS)    I
13.    Lalbiakzuali D/o R. Lalchhandama (DV)    I
14.    Priscilla V.L. Hmangaihzuali D/o Liansangpuia (DV)    I
15.    Malsawmtluangi D/o Lalhmingmawia (KD)    I
16.    Samuel Lalrinsiama S/o Rev. H. Lalrinawma (DV)    I
17.    Junior V.L. Hmangaiha S/o Lalramchhana (DV)    I
18.    Zodinsanga S/o Zohmangaiha (KD)    I
19.    M.S. Dawngzela S/o R.Zolianchhunga (VP)    I
20. Lalruatsanga S/o Ramsanga (VP)    I
21.    Lalruatkimi D/o Zomuanthanga (DV)    II
22.    Lalruatmawii D/o Lalrinzuala (DV)    II
- Phek 4 naah chhunzawm a ni....
 

PAGE - 2

EDITORIAL :

                      Helamah pawh.....
    Mizo te hi engemawti zawng tak chuan ngaihsam tak, ngaihdamna ngah tak kan ni a, a \ha viau. Chutihrualin, khawvel a changkang zel a, mi leh sa kan pung a, eizawnna kawng a inanglo mai nilovin kan eizawnna kawng \heuh pawh kan in hriatpui mumal lo tual tual a, mahni zawn zawnah kan buai ta em em vek mai chu a nih hi. Kan khawsak phung pawh a inang lo ta tual tual a, tunhma anga kan inlaichinna kawng tam tak pawh sut herin a lo awm ta.
    Tin, hnamdang,  tunhma a an awm ang tih pawh kan rin hauh loh te nen kan inchenpawlh in; kan sum min zenpui a, kan in an luah a, chu mai a ni lo, zirna  kawngah pawh kan Quota thlengin min chuhpui a, sumdawnna hmun neiin kan kawtthlerah sum an zawng a,  lung kan rual emaw ruallo emaw Zoram dung leh vangah tual kan leng za chu a ni ta reng mai.
    Chumai a ni lo, kan khawtlang nunah ngei pawh tualthahna, inrawkna, pawngsual leh suahsualna hrang hrang a inlar nasain kan kawtkai ngeiah kan tu leh fate pawh an him zo ta lo fo mai. Heng bakah pawh hian sawi tur tam tak a la awm ang. Chuvangin,  inawpna \ha, kan himna zawk  leh rualkhai zawk a kan kal zel theih nan dan leh hrai kan neih ang ang te mumal zawk a; a taka hman kan lo mamawh zual phah ta hle  a ni.
    Mizo te hi dan hriatna lamah kan pachhe tlang pui a, kan \han harh a \ul khawp mai. Tualcharah kan dik  zia sawiin, inhrosa kuk kuk mah ila, miin dan hmanga min khin letna a neih a, dan hmanga rorelna tak tak kan hmachhawn hunah thiam loh chang zawk kan nih si chuan dawl zawrin kan zawr leh mai dawn si a, chuvangin, kan chanvo dik tak kan chan a, rorelna dik kan hmuh theih nan dan hriatna lamah hian \an la ila, biakrawn tur te pawh berawnin ; a \ul angin lehkhabu a mite pawh kan mamawh nia kan rin te chu bih peih ila, ‘dan hriat lohna chu chhuanlam a tling lo’ tih  hi i hre thar leh teh ang u.

ZIAKTUTE HUANG :

 Zirna bansan lo ang u
-Hruaia Pa
    Khawvel eng hmu tura kan lo pian chhuah a\anga pitar putar nih thleng pawh hian mahni zawn \heuhah mahni phak ang tawk zelin mitin hian zir tur kan nei \heuh mai zawng a nih hi...Khawvela kan hun hman a tawp thleng pawhin zir zawh sen a ni lo, zir tur a lo piang zel ani.Zirna bansan lo ang u kan tih hian A B C emaw A AW B zirna chauh hi a kawk lo, kan nundan mawi, awmdan \ha leh changkang te, finna te kan zir telloh chuan  A B C emaw A AW B zirna lamah thleng sangin BA, MA, M. Phil thleng pawhin thleng sang pawh ni ila; nundan mawite, awmdan \ha leh changkang kan zir telloh  a, kan tlakchham hle chuan  BA, MA. Ph.d pawh ni ila mawl tak a nih ve theih tho tih hria ila.
    Vawiina ABC emaw A Aw B lehkha zirna lamah harsatna neia zir ta lo te pawh hian awmdan mawi leh \ha, changkang, finna kan zir taimak chuan pa rawn tling , nu rawn tling, khawtlang leh ram tan pawh a hmantlakin a in zir chhuah theih tih hriat a \ha. Kan ramah hian lehkha zir sang tak ni lemlo, mahse, awmdan \ha, nundan mawi leh changkang, finnaah an in zir peih avanga khawtlang emaw ramhruaitu tling sawi tur an kat nuk tho mai. Hetia kan sawi hian lehkhathiam BA, MA, Ph.d etc tling phakte hi kan sawi nep tumna lam chu ani lo. BA, MA, M. Phil tling pha hial a mithiam kan neih te hi an chhuanawma, khawtlang an chawimawi tak meuh meuh a ni tih chu tuman kan hai awm love.  ZIRNA BANSAN LO ANG U tia ka han sawi duh chhan hei hi a ni. Vawiina lehkha zirna lama harsatna hrang hrang avanga zir zawm ta lo, nunthlahdah tak maia nung, mihring nunphung pangai pawha nung duhlo tlat, thil mawi lo leh \ha lo khawtlang leh chhungkaw tan pawh a mualphona leh  zahna thlentu, ruihhlo zawrh ngawtte, ruihhlo nena pui punna a in lar fo mai te, mipat hmeichhiatna kawng a ran ang maia kan ngaihsam lutuk ta mai te hian ram, chhungkua, khawtlang a ti mualpho ta lutuk ta deuh e. Hetiang chingtute hian nundan mawi leh \ha, hawihawmna leh finna zir hi i bansan lo ang u.
    Ruihhlo timi ka ni a, ka insum thei lo a nih pawhin a ti ve ngailo leh a tive lote laka inthlahrung thiamin, puipunna hmunah te, midang tan rimchhia leh ninawm ka ni tih hriain inthiarfihlim nachang hria ila. Tin, Mitthi In/khawhar In zaikhawmna hmuna ka kal pawhin  ruihna hmun a ni lova, zai tur a nih chuan zai ve mai ila. Khawhar In te hi lungngaite hnem tura kalna hmun a ni tih hre chungin kal \hin ila, a hun leh a hmun a ni tih hre reng ila zirna hi bansan lovang u.  Engkim hi a hun leh a hmuna zira nundan leh awmdan tur hi zirin mahni hma zawn \heuhah zir tur awm a piangte zir chho zelin ZIRNA I BANSAN LO ANG U .

Advertisement...

Septic tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

      VL-a,
(10-7)    Ph.No : 9402344486, 9615266170

PAGE - 3

HRIATTIRNA :

LLTF on Covid 19 Hriattirna
1. State pawn atanga Kan chhungte emaw kan fate emaw lo haw te chu tumah lo va hmuah emaw lo va dawnsawn loh tur a ni a, sawrkar leh task force ruahmanna ngaihchan tur a ni.
2. State pawn a\anga lo haw te hi Sawrkarin Quarantine a siamna hmunah an awm ngei tur a ni a, Sawrkar quarantine na hmun a an leng lo a nih chuan task force chuan Community Quarantine na tur hmun \ha tawk tak a ngaihtuah sak dawn a ni.
3. Home Quarantine hi vengchhungah phal a ni lo.
4. State pawn a\anga rawn haw tur kan chhungte an awm a nih chuan Task Force ah a ranglamin  report ngei ngei \hin tur a ni.
    Sawrkar in dan leh thupek a puan zar te thuawih taka zawm \heuh turin kan in hriattir nawn leh bawk e.
    Sd/- Member Secretary

Thosilen chiah chung chang
1. Malaria tam hun a lo nih leh tak avangin kan him tlanna turin Mizoram sawrkar chuan mipuite thosilen damdawi chiah hnuaia mu vek turin min duh a, Office hun chhungin Health sub Centre ah engtik lai pawhin a chiah theih e.
2. Khaw dai leh lo lama riak te phei chuan chiah ngei ngei tur a ni.
3. Khawdanga hnathawk a riak chhuak te pawhin chiah ngei ngei tur a ni ang.
4. Thosilen chiah tur ten faia taka suk a, phoro sa a ken tur a ni ang.
    From Health Clinic Staff, Hlimen, Aizawl

GOVT.HLIMEN H/S ADMISSION NOTICE
    A hnuaia tarlan ang hian kum 2020 - 2021 atan Class IX leh X tan Admission tih \an leh tur a ni e.
    A hun : Dt18.5.2020 (Monday) atangin (Dar 10AM - 12PM chhungin)
    A hmun : Hlimen High School Office
Admission fee -
    Lut hlui tan  ` 800    Lut thar tan ` 900
Ken ngai te - Transfer Certificate, Birth Certificate Xerox, Aadhar Card Xerox, Report card Original. (Admission fee nei remchang lo tan pawh neih huna pek turin admission a tih theih e)
    Sd/- Headmisstress, Ph No - 9862648980

ADMISSION HRIATTIRNA
    Presbyterian English School, Hlimen a lut tur te tan Admission Dt. 19.5.2020 (Thawhlehni) thleng hawn a ni a, admission fee chauh pek hrih tur a ni e. Hemi hnulam a Admission ti te tan chuan Late Fine chawi tel angai tawh ang.
Admission Fee:
    KG-I     ` 300/-            KG-II    ` 500/-
    Class I - VIII     ` 700/- (Kal lai tan)
                ` 800/- (Lut thar tan)
    Unau pathum chinah Concession a awm ang. Admission ti tur ten zirlai Aadhar No., Date of Birth, Phone no. ken tel tur a ni ang (naupang hruai phal an ni lo)
                                    Sd/-  Principal, PES Hlimen

LAWRKHAWM :

Chhiatni report
    Tv. Zonunpuia puala buhfai leh pawisa khawn khawm dan ziaka hmuhtheih chin :-
    Section         Chhungkua    Buhfai    Pawisa           
    

Buala                     107    143    1,250        

Damvea                 121    121    1,200        

Kapdaia                 131    140    1,310        

Lalsavunga              40    41        390        

Saichhuma            113    119    1,120        

Vawmphunga          65    65          650                       

Total                     577    629    5,920

Chhiat tawh a chunga lawmthu
    Kan fapa Tv. Zonunpuia’n May ni 8, 2020 zan dar 6:30 a Civil Hospital a min boralsan chung changah khawtlang leh YMA in min hmangaihna leh kan chunga in\hatna inlantirna zawng zawngah lawmthu kan sawi lo thei lo a ni.
    A \hat lai huna a thil chin \halo te hria a a sim theih na tura kawng hrang hranga theihtawp chhuahtu te,a damloh lai leh a boral ni a zanlama hah taka min menpui mai bakah a thlan te \hataka min buatsaih sak a amah ralna May ni 11, 2020 zana sum tam tak leh buhfai tam tak min hlan te kha kan phu loh hmangaihna a nih zia kan hriatin YMA chungah hian kan chhungkua kan lawm takzet a ni tih kan rawn sawi mawlh mawlh e.
    Lalengzami (Manuna Nu)
    Leh a chhungte, Hlimen

Lawmthu sawina
    Keini Hlimen Nghavawklui Zau leh Hlimen Phunchawngzawl Zau a ‘Thlai huan siama eizawng tute chuan kan hmakhua ngai a kan sum thawhchhuahna tura Balhla chi min pe te leh Tomato an kaihruaina hnuaia chinga min enkawlpui tura hma min lakpuitu Horticulture Dept. leh Bialtu MLA te chungah kan lawm em em a ni.
    Kan hmabakah harsatna hrang hrang a lo awm pawhin theihtawpin min \anpui zel ang tih kan ringin kan beisei a ni.
    Hlimkhawpui kaltlang hian kan lawmzia kan han tarlang a ni e.
   
Sd/- Lal\huama    Sd/- Vanlalnghaka
    Secretary    Chairman
    Nghavawklui Zau    Phunchawngzawl Zau Society

Hlimen chhantu
    Vengchhung a lo thianghlim zawk nan  vengthler hrang hrang te a tam theih ang ber fan tum a ni a, ruihhlo ti leh zuar man an nih chuan  nataka Action lak a ni ang. Zanlam pawh curfew lai te a nih avangin  pawn chhuak leh ruihhlo zawng veivak te man an nih chuan hrem zel tum a ni. Chhungkaw thubuai neite chuan khawtlang hruaitu te leh Kulikawn P/S Ph  8794747294 hriattir mai tur a ni e. Ruihhlo timite vengchhung pelh phal a ni lo a, a chhuak lui man kan nih chuan Action lak a ni ang. Kan thuchhuak te veng mipui ten min ngaihpawimawh sak \heuh turin kan ngen a che u.
   
    Sd/- Secretary
    Hlimen Chhantu Pawl
    Hlimen Branch YMA 

PAGE - 4

KEIMAHNI :

Hlimkhawpui Budget
    Hlimkhawpui  May & June 2020  thla Budget  pe tla tawh te:
1.    Kapdaia Sec.    2. Vawmphunga Sec.
    Kapdaia Sec. ten August, 2020 thleng Budget an tlak fel ta bawk.

Branch YMA Library
    May ni 14, 2020 khan Branch YMA chuan Exe. Committee hnatlang kovin  YMA Hall hnuaiah Library a tuaithar leh ta a, tunah hian lehkhabu 403 awmin chung zinga bu 37 chu english Version a ni.
    YMA Library a\anga lehkhabu hawh chhuak tur hian member nih ve phawt a ngai a, Branch YMA Librarian Pu G. Lalzahawma hnenah ` 10/- pe in member anih theih reng a ni. Tin, lehkhabu donate duh te tan engtik lai pawhin Branch Librarian hnenah emaw branch YMA OB te hnenah emaw hlan in a donate theih reng a ni.

ZU LEH DAMDAWI MAN SAK
    Ropuia H/o Lalpiandangi, Vawmphunga Sec. chu Dt. 15.5.2020 (Zirtawpni) zan khan Hlimen Chhantu YMA ten a zu leh a bilh lai an man sak a. A chungthu ngaihtuah sak mek a ni.
    Zomuanpuia S/o Zoramthari, Vawmphunga Sec. leh Andrew Zodinpuia S/o Lalbiakveli, Kapdaia Sec. te chu Dt 13.5.2020 zan khan Curfew bawhchhia a khawlai a ruihtheih thil an tih avang leh an damdawi kawl lai man sak an nih avangin ni 14 chhung pawn chhuak lo tur a tih an ni.
    Hlimen Chhantu YMA te chuan khawtlang then thianghlimna kawngah hma nasa takin a la chho mek zel a, khawtlang duhloh zawng a awm reng reng dim an ni dawn lova, ruihtheihthil mansak te chu Chanchinbuah an hming tarlan sak \hin an ni ang.

    Sd/-Secretary, Hlimen Chhantu, YMA

Budget tlak
    Vawmphunga Sec. te chuan kumin chhunga Branch a an Budget ` 4,000 chu an tlak fel ta.

En fiah
    May ni 13, 2020 (Nilaini) zanah Branch YMA Committee ten veng chhunga hnamdang vai (Muslim te) enfiah in awm belh an awm em tih te an chenna inah kal chilh an ni a, tun dinhmunah chuan mithar an awm lo ni a hriat a ni. Tunah hian hriat theih chinah mi 31 an awm mek a ni

Advertisement....

F.K. SEPTIC TANK SERVICE
    Septic Tank khat paih, comode block, soak pit hlui leh thar kan siam theiin pipe fitting kan thawk thei e.

    Regn. No. MSR 524 of 15 of 2013
    Rate - Inbiak remna.

(45-13)                         Ph. 7085521791/9615920739
 

Lawrkhawm Chhunzawmna......
PM-KISAN (Loneitu ham\hatna) Leh DAK IN HRIATTIRNA
    PM-Kisan hnuaiah loneitu tan hamthatna a lak theih a,Sorkar hnathawk tan a theihloh.Ngaihven duh te tan VC pass na xerox leh Adhar card number a ngaia,hamthatna hi Dak account ah a luh theih dawn avangin Account hi ` 100 in a hawn theih a,Finger Print,Phone no leh deposit limit ` 100 in a tihtheih nghal bawk.
    Ngaihven duh tan tlai emaw zanah emaw number tarlan ah hian zawhfiah theih reng e.
    Dak In ah Passport copy 4,Adhar card xerox leh naupang tan birth certificate xerox kengin account hengte hi a hawn theih reng bawk e.
1.SB-` 500(Duh huna dahluh leh lakchhuah theih)
2.RD-` 10 atangin (Thlatin dahluh ngai-Kum5 chhung)
3.TD-Time deposit (6.9-7.25% a pung)
4.SSA-` 250(Hmeichhe naupang  Kum10 hnuailam bik tan kumkhatah ` 250 chauhin)
5.IPPB-Kum 11 chunglam tan `100 chauhin a hawn theih.India ram bank zawng zawng a thlunzawm bakah balance awmlo pawhin a nung reng.Electric bill leh tui bill mahniin a pek theih a,Bank danga mi pawh finger print hmangin a lakchhuah theih bakah Labour & Employment hnuaia hamthatna pawh a luhtheih tawh bawk e.
    Dak In ah Account neisa tan ATM card a free in passport size copy1 kengin a dil theih reng bawk e.
   
    Lalzarliana leh Lalmuanpuii(Apuii)
    Dak In (Post Office)
    Hlimen, Damveng
    Ph.no-9862221750/7005679597
 

HSLC Result chhunzawmna......
23.    Lawmsangzuala S/o Lalfakzuala (DV)    II
24.    Lalremruata S/o Lalhruaitluanga (DV)    II
25.    Malsawmtluangi D/o Haudoliana (BS)    II
26.    J. Lalruatdika S/o J. Lalhlimpuia (BS)    II
27.    Lalchharthara S/o Biaknghinglova (KD)    II
28.    Lallawmkimi D/o Robert Lalrindika (SCS)    II
29.    Vanlalhriatchhungi D/o MS Dawngliana    II
30.    Zolawmsanga S/o Zosangzela (DV)    II
31.    Lalhmingsanga S/o C. Laldingliana (BS)    II
32.    Johny V.L. Duhsaka S/o Biak\huama (KD)    II
33.    Calvin Lalrintluanga S/o Lallawmzuali (KD)    II
34.    Lalramthari D/o Mistiri Soren (BS)    II
35.    Ruthi Lalremtluangi D/o Lalremruati (BS)    II
36.    Lalawmpuii D/o Lai\huampuii (DV)    III
37.    Johny Lalruatmawia S/o PB Lalrammuana (DV)    III
38.    Vanlalchhana S/o Zarzoliana (BS)    III
39.    C. Rosanglura S/o C. Lalthanpuia (BS)    III
40.    Remlalfaka S/o Lalawmpuii (VP)    III
41.    Lalbiaktluangi D/o Biakchungnunga (KD)    III
42.    Lalliansanga S/o Lalrindika (BS)    III
43.    Zahmingthanga S/o Lalramchuana (BS)    III
44.    Emely Zohlimpuii D/o Lalramthanga (SCS)    III
45.    Ramdinsanga S/o Lalramenga (BS)    III
46.    Hemraj Chhetri S/o Gopal Chhetri (KD)    III

Tomir thla (May) Ni 9, 2020, Issue No. 19

PAGE - 1

TUALCHHUNG :

Boral :  Tv. Zonunpuia S/o Lalengzami, Saichhuma Sec. a mi chu May ni 8, 2020 dar 6:45 Pm khan a boral a, a ruang hi Pu Sanglawma inah dah niin lumen a ni a, a tuk May ni 9, 2020 (Inrinni) dar 10:00 Am khan vuiliam a ni.

Damlo :  Lily Lalrempuii D/o Lalparmawia, Saichhuma Sec. a mi chu pum lam fello avangin May ni 7, 2020 (Ningani) khan City Hospital, Mission Veng-ah admit niin enkawl mek a ni.

Chesual : May 4, 2020 (Thawh\anni) chawhma lam khan Pu Vanrothanga, Saichhuma Section chu an In bulah chesualin a ban a tihliam a..UPHC-ah kalpui a niin UPHC hian Civil Hospital lamah refer niin a ban tha a chat tih hriat a ni a, zai sak a nih hnuin in lama enkawl chhunzawm turin hawtir leh a ni.

Hun hmang leh dawn : Hlimen Local Level Task Force ruahmanna in tun Pathianni hian vantlang information centre a\angin Pathian thu chah puanchhuahna hun a hmang leh dawn.
     May ni 10, 2020 (Pathianni) chawhma lamah Pu Lalrampana’n hun a hmang ang a, zanah Upa Sangzarliana’n  hun a hmang bawk ang.

Road Sign hlan :  Branch YMA Committee Member Pu Lalbiaksanga chuan Branch YMA in a \ul apianga hman atan Road Sign mawi tak maia a siam chu a hlan, a chungah hruaitu ten lawm thu an sawi tak meuh meuh a ni.

Thupek zawm \ha ila :  Mizoramah Lock Down kalphung tlema thlahdul hret a ni a, chhun lamah dawr pawh hawn a ni ta. Hetih rual hian hnathawk leh pawimawh bikah lo chuan pawnchhuah khap a ni tih hre thar leh ila. Pawimawh avanga pawn chhuak ten hmaikawr (mask) an vuah ngei tur a ni.
    Zan dar 7:00 leh zing dar 4:00 inkar phei chu Curfew a nih avangin pawnchhuah khap tlat a ni. Loh theih loh thilah lo chuan kum 65 chin chunglam chu pawnchhuah khap tlat a ni bawk. Tin, mi 5 aia tam punkhawm phal a ni lo.
    Heng thuchhuah hrang hrang zawm lote chu dan anga hrem theih an ni a, chumi tur chuan Mizoram Sorkar hian Local Level Task Force te hi thuneihna sang tak a pe bawk a ni.

HEADLINE :

Branch Y.M.A. Committee neih a ni.
    May ni 5, 2020 (Thawhlehni) zan khan Hlimen Branch YMA Executive Committee neih a ni. Thurel tlangpuite :-

1.    YMA Day chung chang : Kumin YMA Day June ni 15 hi a bik taka lawm kan lo neih \hin chu khawvel puma Covid-19 hrileng avangin Programme ruahman loh mai nise, YMA Day-ah hian YMA Day thuchah erawh vantlang mike a\anga puanchhuah nise, OB ten ruahmanna lo siam se tih a ni.

2.    Chhiatni kaihhruaina ennawn (Covid-19 avanga siam danglam) : March ni 20, 2020 (Zirtawpni) zan Branch YMA Special Committee vawi 2-na in Corona Virus (Covid-19) hrileng avanga chhiatni inkaihhruaina a siam chu India ram LockDown kalhmang siam danglam hret a nih avangin ennawn a ni a, hetiang hian siam danglam a ni :-

    (a) Mitthi vui hun leh tlaivar :
Dar 5:00Am - 10:00Am inkar a thi chu 1:00 Pm a vui tur.
Dar 10:00 Am - 1:00 Pm inkar a thi chu 3:00 Pm a vui tur.
Dar 1:00 Pm - 6:00 Pm inkar a thi chu  9:00 Pm a vui tur.
Dar 6:00Pm - 5:00 Am a thi chu Dar 10:00 Am a vui tur.                         (Hei hi tlaivar pui tur a ni)

    (b) Buhfai leh pawisa khawn : Buhfai leh pawisa a hma a kan lo khawn \hin angin khawn leh tawh tur a ni anga, Pawisa hi Chhiatni Fund a\angin ` 2,000 ral nan hlan tel nise tih a ni.

    Heng baka kaihruaina dang chu Special Committee vawi 2-na thurel anga la kal tur a ni ang.

3.    Chhiatni Fund khawn chhunzawm : Kumin atana Chhiatni Fund khawn chu harsatna avanga la pe hman lo leh hrileng avanga khawn chhunzawm tak loh chu Mizoram Lock Down kalhmang siam danglam hret a nih tak avangin May, 2020 chhunga khawn chhunzawm leh tur a ni a. Branch Secretary Tv. R.Lalawmpuia’n ruahmanna lo siam se tih a ni.

4.    Librarian ruat : Branch YMA in Library a din turah Librarian atan Pu George Lalzahawma, Commtt. Member chu kum 2020 chhung atan ruat a ni.

PAGE - 2

EDITORIAL :

           Kan rilru put hmang hi
    Hnam tin hian rilru put hmang kan nei \heuh a, kan rilru put hmang hian kan mizia, hawiher leh kan hnamzia a pholang a ni. Mizo-te pawh hian hnamdang te nena danglam khawpin rilru hawilam kan nei a, Mizo \heuh \heuh ah pawh kan awmna a zirin kan rilru puthmang a danglam thei hle awm e.
    Chutiang bawkin kan veng pawh hian rilru sukthlek leh hawilam kan nei a, a \ha zawng leh a chhe zawng pawh a awm ngei ang le.  Mimal ngaihdan han thawh ta ila- tun\um chu \an lak kan ngaihna zawn han thlur bing deuh \ulin ka hria a, kan khawtlang hruaitute thuchhuah  hrang hrang te hi ngun taka chhut  hian awih tak kan awm rualin awih lo fe fe, thupek zawm loh chu in lak engemaw na  emaw intihtheihna emaw a ngai zawk kan awm \hin em aw tih awl tak a ni. Tin, thingtlang zawkte  tluklohna tam tak kan neih chu hmasawnna tur atana inpeknaah hian kan la pachhe deuh niin a lang bawk. Hei hi mimal leh Pawl/Political Party .etc ah pawh a lang fo mai a, \anrual kan ngaihna zawn hi kan man pha lo fo mai. In lungrualna tichhe thei zawng a chetlakna chu langsar tak pawh a kan do ngam a \ul tak zet a ni.
    Tin, kan \awng duh tlangin thil\ha pawh kan hre em em a, sawisel tur lah kan  hre narawh e. Amaherawhchu, a tih tak tak hunah chechhuak tur a ke han pen erawh kan beithamin; a ke pen chhuak ngei ngei te pawh archuk a tui lo khawpin sawi zui mai ching kan awm letling zawk te hi kan \hanmawhbawk a ni tih i hre teh ang u.
    Hei hi kan veng, kan hmangaih- kan nu leh pa, u leh nau, tu leh fa te chenna hmun a ni a, a siam nuam theitu chu nang leh kei chauh kan ni a, rilru zau leh a englama thil thlir chunga Hlimen hmakhua ngai takin kan  hmalam i pan teh ang u. 

ZIAKTUTE HUANG :

 Midangte Tanpui
- Fel Feli Pû
    YMA hian thupui inghahna pawimawh tak mai a nei a, chu chu “|anpui ngaite \anpui” a ni. A pawimawh reng a, a pawimawh dan leh he thupui hmanga miin an lo thawh nasat zia hi he Column tawite-ah hian kan tarlang seng lovang.
    |anpui ngaite \anpui hi YMA pawl pakhat maiin a kalpui hi a tawk lo. Mitinin kan phak tawk leh kan hun tawn ang zel a kan thawh hi a \ul hle a ni. Mihring hi tumah mahni ke ngawt a ding khawchhuak thei kan awm kher lovang. In\anpui tawn kan mamawh vek a ni. Thufing chuan, ‘Lungpui pawh lungtein a kamki loh chuan a awm thei lo’  a ti a. Milian pawhin midang tel lovin amah maiin a awm thei lo a ni.
    Mahni veng chhungah \anpui ngai nei miah lo chu kan awm kher lovang a, kan thenawm khawvenga \anpui ngaite lakah engtinnge kan chet ve tawh tih a kan inbih let pawh a tul awm e. Kan Bible chuan rawngbawlna dik a tih chu - Fahrah, hmeithai leh pachhia te an hrehawm laia kan a ni. Kan veng chhungah hetiang mi, kan \anpuina mamawhte an awmin  \anpuina rilru kan pu \hin em? Pui theitu zawk nih hi a ropui a, malsawmna a ni. Vantlangin a puih luih luihte an awm laia, che ve miah lo nih tlat leh a fello zawng a thil lo thlir ngawt te hi kan \hatpui em? Malsawmna kan dawnte midangte tan kan ui tlat a nih chuan malsawmtu pawh kan ti lungnilo thei a ni.
    Kan veng mipui hian ‘a sawi a sawi mai nilo’ a taka kan chet ve hi kan mawh a ni. Khawtlangin chhiat kan tawk a, mi vengte rawn \hat zia kha thlir kir leh ang u. Heng kan veng chhung mai nilo, veng danga chhiat tawk leh \anpui ngaite lakah hian a che tlem tak veng pawh kan ni mai thei a ni. Mirethei hnena petu chuan ‘Lalpa a puktir a ni,’ tih a ni a, tin, ‘pekchhuah hi pun lehzualna a ni’ tih a ni bawk. Midangte \anpui hi siamtu duhzawng a ni a, midangte \anpui theitu kan han ni ringawtte hi Malsawmna a ni. Kan rilru pawh midangte \anpui turin siam thar sauh sauh ila, Mizo rilru dik tak chuan pachhia, chanhai, mangang leh harsate a khai chhuak \hin a nih kha.

PAGE - 3

HRIATTIRNA :

Local Council hriattirna
    AMC a\anga thu hmuh a nih angin Lockdown leh Curfew puan a nih avanga insa tur inhmun lai laklawk leh inhmun lai zo tawh si te chuan ruahtui a tlak \an tak avangin inhmun atana lei laih reng reng chu silpoulin in khuh vek tur a ni a.  Tin, leimin tur danna atana Retaining wall rem a ngaih chuan District Magistrate/ District Disaster Management Authority ah phalna dil tur a ni a, Kan \henawm te tana hlauhawm turin Construction/hna kan thawk tur a ni lo.

    Sd/- Lalhmingliana
    Chairman, Local Council

Bawlhhlawh hal chung chang
    Hmun \henkhatah bawlhhawh hal mai \hin kan awm a, chin tawh loh a \ha hle. A halna hnaih, a khu ur phakah nausen/naupang emaw thawklama harsatna nei emaw te an awm thei a, tin, mi hrisel pangngai tan pawh hriselna khawih pawi thei a nih avangin bawlhhlawh hal mai mai loh nise a \ha a ni. Bawlhhlawh hal hi Solid Waste Management Rule hman anih tak avangin khap a ni a, a tilui man te chu dan anga na taka hrem theih kan ni.

PM-Kisan (Loneitu) te tan thu lawmawm
    PM-Kisan hi loneitu tan ham\hatna a lak theih a, ngaihven duhte tan ahnuai a mi ang document keng hian a in register theih reng e. Tin, ham\hatna hi account a lut tur a nih avangin account neilo tan pawh kan hnenah a hawn theih reng bawk e.
    1. VC pass no. xerox leh area zat
    2. Adhaar no.
    3. Hming
    4. Father/Mother/Husband
    5. Phone no.
    6. Date of birth
    7. Account no. leh IFSC no.
   
    Lalzarliana leh Lalmuanpuii
    Dak In (Post Office)
    Hlimen, Damveng
    Ph.No. 9862221750/7005679597

Advertisement...

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

      VL-a,
(10-7)    Ph.No : 9402344486, 9615266170
 

LAWRKHAWM :

Ramri a duty te chhawmdawlna pe turin chhuak
    May ni 8, 2020 (Zirtawpni) zing dar 6:00 khan Hlimen Local Level Task Force te chu ramri a duty te chhawmdawlna pe turin an chhuak ta.
    Group hnih ah in then in, Group 1 ah Pu R. Lalngheta, Pu Vanlalhruaia, Upa Sangzarliana bakah Pu Zabawia te an thawkchhuak  a, Sakawrdai, Zohmun an pan ang.
    Group 2  ah Tv. C. Lalhmingthanga,  Pu Lalhmingmawia, Pu Lalramsanga, Pu RC Lalroliana leh Upa H.Lalzuiliana an kal a, Suangpuilawn panin Daido pawh tlang an tum ang.
    An chhuak tur hi Hlimen Presbyterian Pastor Bial vawngtu Pastor Lalchhuanawman \awng\aina in a thlahliam a ni. Chhawmdawlna pe turte hi Motor 3 in an kal a ni.

Chhawmdawlna leh thilpek
    Tun thlenga Local Level Task Force on Covid-19, Hlimen in a a \ul anga chhawmdawlna a pek dan tlangpui chu hetiang hi a ni :
Chhungkaw chhawmdawlna pek tawh zat - 117
Vai  (Mihring zat ) - 70
Buhfai leh dal leh pawisa faite a pek \hin an ni.
    May ni 8, 2020 khan Hlimen Task Force te chu Hmar tlangdung ramri a Duty te chhawmdawlna tur pe in an fehchhuak a, \huang hnihah in \henin a \huangkhatna te hian Sakawrdai lam an pan a, a \huanghnihna te hian Suangpuilawn an pan a. Task Force te hian Buhfai 6bags, dal 5bags, alu 5 bags, sahbawn (inbualna leh insukna), sanghatin case 1, thingpuife engemaw zat, chini 2 bags, tel 6 case , purunsen 1 bag, ORS te bakah Solar (Phone charge theihna) 3 pieces, Thosihlo te an keng a, sum fai pawh cheng ` 70000 chuang kengin a tul ang zelin an sem ang. He chanchinbu buatsaih lai hian fehchhuak te hi an lo la haw thla lo a ni.  Tin, Mamit District a Thinghlun a Duty te tanpui nan an Account ah ` 10,000 thunsak an ni bawk.
    Hemi hma hian Hlimen Task Force te hi Zomuantlang ah leh |awng\ai bethel Camping centre, sakawrtuichhun ah te an lo luangchhuak tawh bawk a ni.
    Tun thlenga chhawmdawlna leh a kaihnawiha sum fai sem ral tawh chu ` 2,04,000/- a ni a, hei hian Relief atana bungrua, ei leh bar leina etc. te a huam lo.

Hlimkhawpui Chanchinbu
    Tunlai hri leng boruak avangin Hlimkhawpui Chanchinbu hi Press lamah Print tir theih a ni lova, Issue 6 zet mai a phek a chhuah theih a ni loh hnuin pangngaiin kan kal chho tan leh tawh turah kan ngai a.       
    Tarlan tawh angin March & April man hi lak a ni dawn lova, Lock down hma a lo khawn hman kan awm a nih chuan May & June manah rin nghal mai tur a ni e.

PAGE - 4

KEIMAHNI :

Hlimkhawpui Budget
    Hlimkhawpui  May & June 2020  thla Budget  pe tla tawh te:
1.    Kapdaia Sec.    2. Vawmphunga Sec.
    Kapdaia Sec. ten August, 2020 thleng Budget an tlak fel ta bawk.

Chhiatni Fund
    Kumin atana Chhiatni Fund khawn, harsatna avanga la pe hman lo leh hrileng avanga khawn chhunzawm tak loh chu Mizoram Lock Down kalhmang siam danglam hret a nih tak avangin May, 2020 chhunga khawn chhunzawm leh tur a ni a. Section tin ten mahni Section \heuhah an rawn thual nawn leh dawn a ni. Branch Secretary, Tv. R.Lalawmpuia hnenah thehluh tur a ni ang.

CENTRAL YMA THUCHHUAK
    Central YMA Executive Committee meeting May 7, 2020 chhun dar 12:00-a neih chuan Hripui (Covid 19) dona kawnga Sub-Hqrs./Group/Branch YMA hrang hrangte hmalakna thlirhovin, hmalaknaah lawmthu a sawi a ni. Hripui kan do mek hi ziaawm lam aiin a nasa chho zel niin a lang. India ram bikah pawh a ni telin he hri vei hi kan pung chho mek zel bawk a ni. Hengte a nih avang hian hripui dona kawnga chak zawka hmala turin kan inngen nawn leh a ni.
1.    Hripui venna kawngah Sub-Hqrs./Group/Branch YMA-te khauh zawk leh kan huamchhung ngun lehzuala vil zui zel turin.
2.    Kan huamchhungah hnamdang mikhual hmundang atanga lo lut an awm loh nan veng/khaw tinte inchian thar ni se.
3.    State pawn a\anga mamawh ei leh bar leh a dang lo lutte felfai taka lo lut a nih leh nih loh chian a, mimal sumdawnna leh hlawkna um ringawt avanga lo lutte khuahkhirh a nih theih nana \an lak ni se.
4.     Mipui mimir ten hripui laka kan him tlanna tur - kut silfai, hmai tuam leh inhlat taka awmte zawm \hat ni se. A \ul hle a nih loh chuan pawn/khawlai chhuah loh ni se, mithiam zawkte thu leh hla ngaihchan thiam ni se.
5.    Hmundang a\anga lo haw sawrkar thupeka khung hran turte, khunghran an nih ngei theih nan hmalak ni se.
6.    Hripui leng avanga thil man to khuahkhirh a nih theih nan hmalak a, thuneitute thawhpui thiam ni se.
    Hripui venna kawnga thawktu zawng zawngte chungah Central YMA chuan lawmthu a sawi a ni.
YMA vul zel rawh se.                                            
    Sd/- Prof. LALNUNTLUANGA
    General Secretary,
    Central YMA.

KAN THEN TAK

 
Zonunpuia Kum 27
    Tv. Zonunpuia(Manuna) hi December ni 19, 1993 khan Pu Ngurthanga leh Pi Lalengzami te inkarah a naupang ber ni turin lo piang a, an unau hi pathum niin mipa 2 leh hmeichhia 1 an ni.
    Zirna lamah Tv Zonunpuia hian pawl VII thleng kalin Middle School-II, Hlimen ah a kal \hin a ni.
    Mi hrisel tak a ni \hin a, amaherawhchu, April ni 20, 2020 vel a\ang khan a insawisel \an a, April ni 23, 2020 khan Civil Hospital, Kulikawnah a inentir a, a zunkawngah hnai a awm tih hmuhchhuah niin an damdawi chawhte a han ei na a, ziaawm lam a pan theih loh avangin UPHC, Hlimen ah entir a ni leh a, UPHC hian Civil Hospital lamah an lo refer a, investigation te tih niin thin\ha lo leh kal function \ha lo a ni tih hmuhchhuah a ni ta a, Civil Hospital ah hian Admit nghal a ni.
    A natna hian zual lam a pan tak zel in May ni 8, 2020 zan dar 6:30 khan min lo boral san ta a ni.
    A ruang hi Pu Sanglawma ( a nu û pasal) te in Saichhuma Section-ah lak a ni a, anmahni hi Isua Krista Kohhran a lawi niin a boral tuk hian Thlanmual -I lamah vuiliam a ni.

Advertisement....

F.K. SEPTIC TANK SERVICE
    Septic Tank khat paih, comode block, soak pit hlui leh thar kan siam theiin pipe fitting kan thawk thei e.

    Regn. No. MSR 524 of 15 of 2013
    Rate - Inbiak remna.

(45-12)                         Ph. 7085521791/9615920739

Ran vulhte tana thu lawmawm
    Eng ran pawh, Ui, Vawk, Ar, Bawng, Zawhte, Kel etc vulhte tan a thu lawmawm.
    I ran enkawl a ngai emaw, chiu a ngai emaw, vaccine pek a ngai emaw, drip khai ngai pawh, zai ngai  etc.. te tan koh theih reng ka ni e.
   
    Mapuia
    Diploma in Veterinary Science (DV.Sc)
(1-1)    Ph:7085890054