PAGE - 1
TUALCHHUNG :
Damlo : Malsawmsanga S/o Lalfakmawia, Damvea Sec. a mi chu thisen var (white blood) neih tlem avangin Durtlang Hospital admit a ni a, Doctor te thurawn angin karleh lam hian Vellore lam an kal dawn niin thu kan dawng.
Chesual : Pu K.Pakunga H/o Pi Lalsawmi chu March ni 4, 2020 khan a huan kal zawng\ah a lawhna-ah a tla palh a, a ban ruh vei lam a tliak a, a khel veilam a sawhna bawk a, Feb. ni 5, 2020 khan Civil Hospital-ah admit niin karleh lama zai tura ruahman niin thu kan dawng.
Nâu nei thar : Pu Lalthlanawma leh Pi Lalbiaknungi te nupa, Buala Sec. a mite chuan an fa pathumna atan BN Hospital-ah naute hmeichhia an nei thar
## Pu Laltleipuia leh Pi Lawmsangzuali te nupa, Buala Sec. a mite chuan March ni 4, 2020 khan State Referral Hospital, Falkawn-ah fanu duhawm tak an nei.
## Pu Lalfakmawia leh Pi Lalhmingliani te nupa, Damvea Sec. a mite chuan an fa pathumna atan March ni 5, 2020 khan Durtlang Hospital-ah fanu duhawm tak an nei thar.
Training duh tan : Social Work Department, ICFAI University Mizoram, Durtlang North chuan March ni 17, 2020 hian World Social Work Day hman a tum a, hemi ni pual hian sahbawn siam leh paper bag siam dan zirtirna an buatsaih dawn a, training duh te chu Local Council ah March ni 10, 2020 (thawhlehni) ralhmain in report tur a ni. Seat 2 ve ve chauh a awm avangin a dil hmasa apiang duhsak an ni ang.
Fimkhur ila : Tunlaiin in kang leh ram kang hriat tur a tam chho hle, in lam leh ram lamah kan chet fimkhur a ngai takzet a ni. In kan chhuahsan dawn leh zan mut dawnah kangmei tichhuak theite enfel hmasa \hin ila. Tin, ram lamah pawh kan meizial bung paih chung changah leh kangmei tichhuak thei dang dangah i fimkhur lehzual teh ang u.
Mitkhap kar lekah kan neih rohlu mai bakah nunna hlu tak kan chân thei a ni tih hriaiin mitin te i fimkhur tlang ang u.
HEADLINE :
Chapchar Kut ropui taka lawm a ni
Hlimen Branch in hnamlam entir
March ni 5 & 6, 2020 khan Chapchar Kut AR Lammual-ah ropui taka hman a ni. March ni 5, 2020 zingkarah Chapchar Kut Run neih a ni a, Aizawl chhim lamah Sikulpuikawn a\angin tlan a ni a, hmar lamah Chanmari kawn a\angin tlan a ni bawk a, chhim lam leh hmar lam a\anga tlante hi AR Lammual-ah intawkhawmin Programme tawi hman a ni. Tv. Lalhmachhuana Vice Pre. CYMA in he hun hi a kaihruai a, Pu Lalchhandama Ralte Minsiter chu khuallian a ni.
Hemi ni vek zing dar 10:00-ah Programme hman leh a ni a, Pu R.Lalzirliana Art & Culture Minister chu Kut pa niin Pu Pu R.Hmingthanzuala, Director Art & Culture chu Kut thlengtu a ni. Kut thlengtu hnen a\angin thusawi tawi ngaihthlak a ni a, Vaivakawn Br. YMA ten hawnna hla mawi tak an rem bawk. Tin, Kut pa hnen a\angin thusawi ngaihthlak a ni bawk a, Prof. Lalnuntluanga, Gen. Secy. CYMA chuan inlawmna thu a sawi bawk. Hemi ni hian MHIP a\angin Siktuithiang lam leh MUP a\angin Lengkhawm zai bakah mizo hnam nun zia tilang thei hmuhnawm tak tak ngaihthlak a thlir ho a ni. Siktui thiang lamah hian Hlimen MHIP Member \hahnem tak an tel a ni.
March ni 6, 2020 khan Chapchar Kut ni hnihna leh a lawmnapui ber AR Lammual-ah hman a ni a, Pu Zoramthanga, Chief Minister chu Kut Pa niin Pu R.Lalzirliana, Art & Culture Minister chu Kut thlengtu a ni. Pu Vanlalruata, President CYMA chuan inlawmna thu a sawi a, Kut Pa hnen a\angin thusawi ngaihthlak a ni bawk. Kut Pa thusawi zawh hian Cheraw kanpui entir a ni a, Aizawl khawpui chhung YMA Branch engemaw zat a\angin lam hi entir a ni a, Hlimen Branch a\ang pawhin kan Member te an tel a ni. Tin, Aizawl khawpui chhung Branch te hian cheraw bakah Tlanglam an entir bawk a ni. Mipuite mit leh beng titlai tur Item hrang hrang entir a ni a, mizo hnam nunzia tilang thei bakah hmuhnawm dang hrang hrang thlir ho a ni a, huntawp lamah zavai chai hun hman a ni bawk. Secretary, Art & Culture in lawmthu sawina hun a hmang bawk a ni.
PAGE - 2
EDITORIAL :
Rahbi
Thingtlang khaw pakhat-ah (an khaw hming ka sawi mai thei ta lo) chuan zingthawh dar an vaw \hin a, \halaite chuan zing an thawhma phah a, chu chuan rah \ha chhuahin faina kawngah hma an sawn a, an thlawhma lak leh an sum lakluh te pawh a pun phah a, hma nasa takin an sawn niin an sawi tlat mai. Eizawnna avangin zan rei tak thleng a hnathawkte pawh kan awm ta. Tin, taksa bawrhsawmna avanga mu hleitheilo engmaw an awm bawk a. Chhan hrang hrang - Kohhran Programme, pawl thil etc avanga mu hma hman lo te pawh kan awm ngei ang. Amaherawhchu,a tam zawk te chu zan lama hnathawk lem lo, T.V en leh Mobile khawih avanga mengrei te kan ni hlawm a, changkanna in a ken tel a nih avangin in dem ngawt erawh a fuh ber lo.
Englekhawle, kan menrei chhan chu engvang pawh ni se, kan tho tlai ta em em mai hi pawiin chu kawng hrang hranga hmasawnna daltu lian leh kan hmalam atana thil pawi tak chu a ni chiang khawp mai. Kan in thin harh deuh chu a ngai a ni. Tin,nu leh pa/ pi leh pu te pawhin kan tu leh faten zingkara an tihtur tuk sak thiam hi a va pawimawh em. Naupang te an nih lai a\anga zingkar a\angin hnathawhpui te, entir nan - tual han phiahfai pui mai emaw tunlai \awng taka ‘Walk’ pui emaw te pawh a \ha hle ang.
Zing kan thawh tlai a chhuanlam hman tam ber chu tih tur a awm chuanglo tih hi a ni a. Hei hi chu thatchhe \awngkam mai a ni. Thawhtlai hi thatchhhiatna bul a ni a, kan ram leh hnam hi humhalh a, dingchhuak tur leh hmalam pan zel tura a kan duh tak zet chuan kan tho tlai tur a ni a lo. Mi ropui nia khawvelin a sawi te zingah hian tho tlai an vang teh a nia
Harh la, tho hma la, hmalam pan rawh.
Advertisement....
ELECTRIC ENERGY RENCHEM HI MITIN
MAWHPHURHNA A NI
Electric bill sang lutuk vangin i buai \hin em? I electric hmang bungrua te BEE Star Label chuang ngeiin thlak ang che, Star a tam poh leh energy a hmang tlem.
* Sum tam tak senga electric siam chhuah aiin neih sa renchem leh uluk taka hman hi changkanna a ni.
* LED Bulb leh Tube light te hi en dan in ang rengah ligh bulb dang (Incandescent leh CFL) te aiin nasa takin energy an hmang tlem in an heh lo a, an tlo zawk bawk.
* Electric wiring i tih dawn in bulb leh plug load milin wire size thlang la, wire quality \ha hmang in, a zawmna awm lo thei ang ber a tih tum tur. Electric wiring i tih dawn reng rengin approved wiring contractor te chauh tih tir \hin ang che.
* Bulb leh tube ligh-te hi a balh chuan an eng pek chhuah tur 50% laiin a tla hniam thei a, chuvangin tihfai fo \hin tur.
* Electric leh oil i hmanral hian rulh leh theih miah tawh loh turin, i tu leh fate chanai i chhuhsak a ni, chuvangin daihzai leh renchem thei ang berin hmang \hin ang che.
Electric hmang bungrua te i lei dawnin BEE Star label chuang
ngei lei \hin rawh, star a tam poh leh energy a heh lo.
Issued by
State Designated Agency for Energy Conservation
Electrical Inspectorate
P&E Department, Govt. of Mizoram
F.K. SEPTIC TANK SERVICE
Septic Tank khat paih, commoth block, soak pit hlui leh thar kan siam theiin pipe fitting kan thawk thei e.
Regn. No. MSR 524 of 15 of 2013
Rate - Inbiak remna.
Ph. 7085521791
(45-3) 9615920739
Septic Tank khat tan
Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.
VL-a,
(10-9) Ph.No : 9402344486, 9615266170
ZALEN CHANCHINBU LO SEM VE RAWH LE
Mi rinawm leh taima, zirlai leh dawr nghak,hnathawh lai neite tan pawh,hna leh zirna ti buai silo, ZALEN SUNDAY NEWSPAPER sem hi eizawn nana tha tak a ni. In vengah lo sem ve ta che. Sunday chauha sem.
HLAWH Copy 100= Rs 1750 Copy 200= Rs 4000
Office- Aizawl Press Club Building,
Treasury Square, Aizawl
(4-4) Contact-8131068144/9436155847/8575278332
PAGE - 3
HRIATTIRNA :
Lo hal chung chang
1. Lo /huan hal tur te chuan March ni 15, 2020 hmain hal vek tur a ni.
2. Lo hal tur ten lo hal hmain mei kawng \ha tak a sial vek tur a ni.
3. Mi tumahin ram tih kan loh tur a ni a, Local Council te hriattir hmasa lovin mahni duhthu a lo hal mai mai loh tur.
4. Ram hnuaiah meizial bung paih leh mei chhem mai mai loh tur.
5. Kang mei laka kan him theih nan kan in leh a velte tifai \hain, awlsam taka kang kai thei ( petrol, diesel etc) lakah kan fimkhur tur a ni.
Sd/- Lalhmingliana, Chairman L.C.
Hriattirna
Pi Shillongthangi D/o, Maia (L) of Hlimen hian a LSC/House Pass/Shop Pass/Stall Pass/P.Patta No. 478 of Hlimen Veng ami hi a tibova rawn insawiin Office-ah re-issue a rawn dil a. A dil ang a tihsak a rem lohna tur chhan eng pawh hria chuan Chanchinbu a chhuah a\anga ni 30 hma ngeiin a hnuaia address ziak-ah hian hriattir tur a ni. Hetiang LSC/House Pass/Shop Pass/Stall Pass/P.Patta pek chhuah leh a lo nih chuan LSC/House Pass/Shop Pass/Stall Pass/P.Patta hmasa chu cancelled nghal a ni.
Sd/- Director,
Land Revenue and Settlement
Mizoram : Aizawl
E.Roll hriattirna
Kum 2018, nikum hmasa a Electoral Roll-a inthunluh dil tawh, Electoral Roll-a hming pawh chuang tawh, Voter ID la chhuak ve lo te chu Hlimen BLO, Pu Lallawmzuala emaw Pu Vanlalzawna emaw hnenah a hmalam a inhriattir tur a ni e.
Sim atan |ha
Tunlaiin zan rei lamah rui bengchheng hriat tur a awm leh ta fo mai a, midang tana ninawm kan ni tih inhria ila, mawl taka ruih ching tlemte hian kan khawtlang hmel a timawilo thei hle a, chuvangin hetiang ti \hinte hian sim hmak a \ha hle mai.
Advertisement...
ADMISSION OPEN
BIAKLIANA MEMORIAL HIGHER SECONDARY SCHOOL, KULIKAWN ah Class IX - XII(ARTS), 2020-2021 Academic Session atan Admission a tih theih e. Lehkhazir nana hmun fal \ha, kawngpui a\anga hla chuang si lo leh discipline \ha taka kenkawhna hmun a ni. A bikin zirlai chaklo, hlawhtlin duh si te \anpui hi kan thupui ber a ni a. Hostel a awm nghal bawk e.
Class X and XII (2018 & 2019) Results : 100% passed
**Admission fees : ` 1,000
Contact: Principal
(4-3) 9862792471/8837276476
LAWRKHAWM :
Goden Card chung chang
Mizoram Health Care Scheme hnuaiah Golden Card a siam leh theih dawn a, March ni 14, 2020 (Inrinni) hian Hlimen YMA Hall-ah Health Care a thawkte an lo kal dawn a, kum 2018 a RSBY ` 30 a ti zawng zawng (Modi a letter dawng lo pawh) ten Golden Card hi a siamtir theih dawn a ni.
Hemi ni hian Aadhaar Card leh Ration Card bakah thlalak man ` 30 ken tur a ni a, mahni kal hman lo chu passport size photo chhung ten kensak tur a ni e. Hrechiang duh chuan Nl. Lalroliani, Saichhuma Sec. zawhchian mai tur a ni e.
Vawk chung chang
1. Vawk pul hri laka kan him theih nan a him ngei tih hriatchian chauh chu state dang a\anga lakluh phal a ni. (NE State tiam lovin)
2. Bangladesh, Myanmar leh NE State a\anga vawk lakluh chu khauh taka khap tlat a ni.
3. Vety Dept. a\anga phalna neia vawk la lut te pawhin tualchhung vawk vulh te a zir in a lak luh tam lam bitliah theih a ni ang.
LAWMTHU SAWINA
March 4, 2020 (Nilaini) tlaia kan Pa - K. Pakunga chetsual thu-ah kan chhungkua in khawtlang nu leh pa leh \halaite hnenah lawmthu kan sawi mawlh mawlh e.
A chesual a ni tih hriain, zan khawthim pawh pawisa lovin a hria a piang a chetsualnaah kalin a \ul apiang min tihsak vek a. Kan thla a muang teh a sin! Kawng harsa tak karah min lakchhuahsakin Damdawi In thlengin a \ul apiang min tihsak a, Damdawi In kal thei lo ten In lamah min lo buaipui vek bawk a, mimal leh Kohhran hrang hrangte \awng\aipuina kan dawng reng a, kan thla a muangin min puihna zawng zawngah lawmthu kan sawi mawlh mawlh a ni.
In khawngaihna dawngtu
Lalsawmliani leh a fate
Hlimen Vengchhak
Field Work nei chhunzawm dawn
ICFAI University Mizoram hnuaia Social Work Dept. a zirlai mi 5 te chuan kan vengah May 2020 thleng Field Work an rawn nei chhunzawm leh dawn a, zirlai lo kal tur te hi 4th Semester, MSW te an ni ang.
Training on Substance Abuse
March ni 5, 2020 khan nileng awhin ruihhlo zirbingna training chu Mizoram Social Defence & Rehabilitation Board buatsaihin RD Hall, Chanmari ah neih a ni a, kan Branch aiawhin Pu G. Lalzahawma leh Pu K. Lalremruata te an kal.
Zu leh drugs ngawlveina hi natna a nih thu te, tihdam theih a ni a, hun erawh a duh rei thu te, drugs chi hrang hrang te leh zu te hi a hlauhawm dan a danglamloh thu te, a ti rem tura khawtlang a \anlak a, \anrual tak tak a tul thu te; a la khawih ve ngai lo ten an tih miah lohna tura \anlak a, thiam taka zirtirna pek a \ulzia an zirho a, hlawkthlak an ti hle.
PAGE - 4
KEIMAHNI :
Hlimkhawpui Budget
Hlimkhawpui Jan. & Feb. 2020 thla Budget pe tla tawh te:
1. Kapdaia Sec. 2. Vawmphunga Sec.
3. Saichhuma Sec. 4. Lalsavunga Sec.
5. Damvea Sec.
Kapdaia Sec. ten August, 2020 thleng Budget an tlak fel ta bawk.
Chapchar Kut run
March ni 5, 2020 zingkar khan Charchar Kut Run neih a ni a, Sikulpuikawn a\anga tlan \an niin hmar lam a\anga rawn tlante nen lammual-ah an intawk khawm a ni. Kan Branch aiawh a tlante - Pu Robuanga, Pu J.Vanlalbiakdika, Pu G.Lalzahawma, Pu Lalrinchhana, Pu Lawmtluanga, Pu Lal\anzuala, Tv. C.Lalrinpuia, Tv. Joseph CVL Rawngbawla, Esther C.Lalhmangaihzuali, Lalrintluangi. Chapchar Kut run a tel zawng zawngte hian T-Shirt an dawng vek a ni.
YMA MEMBERSHIP FEE & CHHIATNI FUND
Kum 2020 chhung atana YMA Membership Fee chu Section tin ah khawn mek zel a ni a, March thla chhung a khawn zawh hman tur anih angin chhungtin te lo inring lawk \heuh turin kan han inhriattir e. Tin, Chhiatni Fund pawh March thla chhung a khawn zawh tur a nih avangin chhungtinte lo inring lawk \heuh turin kan han inngen nghal bawk e.
Branch YMA lawmthu
Kumin Chapchar Kût lawmna hnam lam Cheraw leh Tlanglam, kût ni a entir tura zira lâm hote chungah lawmthu Branch YMA chuan a sawi a, chu mai bakah lam zir a thiam tak maia an lam te kha hma kan sawnna ropui tak a tling a ni. Nu leh pa ten in fate hun tam tak sêng a lam zirna hun atana hun in pek avang te leh Chapchar Kût-na a tel tura hun in pek theih avangin YMA hruaitu te in chungah kan lawm tak zet a ni.
Sd/-Secretary
Hlimen Branch YMA
Advertisement...
L.B. Granite
Kum 10 chuang thlanlung a milem leh thuziak hna lo thawk tawhin a \hutchilh turin MG Road, Upper Khatla, J.L.Building-ah dawr kan hawng ve ta. Thlanlung chi hrang hrang kan zuar nghal bawk. Granite a milem leh thuziak engpawh kan ti thei e
C.Zothanpuii
E - 21/A, Khatla
(3-2) Ph: 7005845903/9007493958
Electric Bungrua
Z.S. Electricals Saikhamakawn-ah Electric Bungraw chikim kan nei ta e. A man tlawm a\anga a to ber thlengin kan nei a, wiring pawh kan tihsak nghal thei bawk e. Tin, min dawrtu te tan Discount Item zawng zawngah kan pe zel e.
Min rawn dawr ve teh u.
(5-1) Contact : 8787781843/9862054655
INFIAMNA :
Inbuatsaih mek zel
NECS Cup 2020 lo awm tur atan kan veng Football Team-te pawh nasa takin an inbuatsaih chho zel a, practise an beingawrhin March ni 6, 2020 pawh khan 3rd MAP Ground, Mualpui ah Chaltlang Local Council team nen Friendly match an nei.
Inter Branch Cricket
2020 Inter Branch YMA Cricket tournament lo awm turah kan Branch chu khel tura in ziak lut ve ta in March ni 5, 2020 khan Entry fee pawh pek fel a ni ta. Kan Branch team te hi Central Workshop ah Cricket hi an Practise \hin a ni a, Practise pawh an \ha \hin hle niin thu kan dawng.
Keimahni Chhunzawmna......
CENTRAL YMA CHET VELNA
29.2.2020 : Central YMA hnuaia Health & Sanitation Sub-Committee, Land & Building Sub-Committee, Central YMA Office leh Press Staff ten Central YMA Office Complex tihfai hnatlang an nei a, Prof. Lalnuntluanga, Gen. Secretary leh CEC \henkhat ten an ho.
29.2.2020 : Central YMA hnuaia Vigilance Sub-Committee ten Aizawl khawpui chhunga hnamdang dan lova sumdawng nia rinhlelh survey hnatlang an nei.
3.3.2020 : SAD Conference Hall-ah Chapchar Kut 2020 Organising Committee meeting neiha ni a, Central YMA OB te an tel.
Advertisement...
CANDID ENGLISH SCHOOL
SAIKHAMAKAWN, AIZAWL
Tel: 9862049433/9077314962
“WE ENLIGHTEN THE FUTURE GENERATION”
ADMISSION OPEN FOR ALL CLASSES (Hostel & Day Scholars)
KG-I to CLASS-X
Khawvel a kan rohlu ber kan tu leh fate tan Zirna \ha, boruak nuam tak hnuaiah Admission kan hawng leh ta e. Kum 2018-19 session Class X result chhuakah khan 99% pass result neiin, kan naupangte zirna mai piah lamah Pathian thu nen nunkawng dik an zawh theih nan, zirtirtuten hmangaihna nen theihtawp chhuahin an enkawl \hin a ni.
Zirlai naupangte an zirna piah lamah an taksa leh rilru sawizawi nan activities hrang hrang neihpui \hin an ni.
Vengdang atanga rawn lut tur te tan a thu lawmawm chu 2020 session atang hian SCHOOL VAN tlan tir tura ruahman ani a, Pick-up point fel tak siam ani ang.
Admission Open
Solomon’s H/S Kulikawn Aizawl, RANGA BUILDING ah kum 2020-2021 session atan Class-IX & X tan Office hun chhungin admission a tih theih reng e. Mathematics leh science subject a harsatna neite duhsak an ni a, mathematics subject bikah free tuition kan pe thei a Mathematics subject a fail tan Amission kan free bawk e.
1. Admission fee : 2000
2. Admission Timming - 9:00 Am- 3:00 PM
Contact : 7005684281/6909913910/8729897656
H.C THAWNGA
(15-8) TOP TEN, MATHS TUTOR
No comments:
Post a Comment