PAGE - 1
TUALCHHUNG :
Boral : Pi Raltawnkimi M/o Pi Marami, Kapdaia Sec. a mi chu March ni 7, 2020 (Inrinni) khan Civil Hospital-ah a boral, a ruang hi lumen niin a tuk March ni 8, 2020 khan vuiliam a ni.
## Malsawmsanga S/o Pu Lalfakmawia, Damvea Sec. a mi chu March ni 8, 2020 (Pathianni) zan dar 10:30 khan a boral. A ruang hi lumen niin a tuk March ni 9, 2020 khan vuiliam a ni.
Khiangawi : Baby Lalmalsawmi D/o Laikunga Saichhuma Sec. a mi chu March ni 12, 2020 khan Roreldika, Khatla South a mi tawnah khiangawiin a liam ta.
Nau nei thar : March ni 10, 2020 khan R.L Lalngaihawma leh Remlalnghaki te nupa Buala Sec. mi te chuan BN Hospital ah fanu duhawm tak an nei thar.
## March ni 9, 2020 khan Pu Lalbiakmawia leh Lalhruaitluangi te nupa, Kapdaia Sec. a mite chuan State Referal Hospital, Falkawn ah fa duhawm tak phir hmeichhia 2 an nei. Pu Biakmawia te nupa hian fa 4 an lo nei tawh a ni.
## March ni 10, 2020 khan Pu Lalhmangaiha leh Pi Lallawmpuii te nupa, Kapdaia Sec. a mi te chuan State Referal Hospital ,Falkawn ah fapa duhawm tak an nei thar.
Chhun zawh a ni ta : |helretkawn kawng chhun chu zawh a ni ta a, a la char \hat tawk loh avangin PWD lam duh dan angin March ni 28, 2020 ralhman chuan lirthei eng chi mahin zawh hrih loh tur a ni tih kan in hriattir e.
YMA in ral : March ni 9, 2020 zan khan Pi Raltawnkimi ralna hun hman a ni a, ralna pawisa tlingkhawm ` 9,810/- chu a chhungte hnenah hlan a ni. A chhungte hian \angkai taka hman atan YMA ah puan an hlan let bawk.
Tin, March ni 10, 2020 zan khan Malsawmsanga ralna hun hman a ni a, ralna pawisa tlingkhawm ` 9,710/- chu a chhungte hnenah hlan a ni. A chhungte hian \angkai taka hman atan YMA ah puan an hlan let bawk.
Hetiang puan hlan te hi Branch YMA chuan lawm takin a dawng \hin a, \angkai takin a hmang leh \hin a ni.
HEADLINE :
CYMA CHETVELA
9.3.2020 : Central YMA Committee Room-ah YMA Kumpuan “Zirna Uar” bawhzui dan tur chungchangah Central YMA leh MJA ten inrawnkhawmna hun an hmang a, Pu Vanlalruata President, Tv. Lalhmachhuana Vice President, Er. Lalrinmawia CEC, Pu K. Lalrinawma CEC te bakah Kumpuan Sub-Committee member te an tel.
9.3.2020 : Vaivakawn Branch YMA-in “Cultural Centre-cum-Auditorium” an sak chu hawn a ni a, Dr. Malsawmliana Asst. Secretary, Pu Fabian Lalfakawma Treasurer, Pu Roneihthanga Fin. Secretary, Pu J. Lalramthara CEC, Pu F. Lalfakawma CEC, Pu Lalchhuanmawia CEC leh Pu C. Lalfakzuala CEC ten an hmanpui.
10.3.2020 : CM’s Conference Hall-ah Corona Virus (COVID-19) chungchanga hmalak dan tur meeting neih a ni a, Pu Vanlalruata President a tel.
10.3.2020 : Sakawrhmuituai Group YMA-in Nisapuiah Rorel Inkhawm an hmang a, Pu Fabian Lalfakawma Treasurer, Pu R. Lalduhzuala CEC, Pu K. Lalrinawma CEC leh Pu Lalfakmawia CEC ten an hmanpui.
10.3.2020 : Central YMA Office a thawk tur Peon-cum-Chowkidar hna dilte interview neih a ni.
11.3.2020 : Mission Director, NHM Pisa-ah State Level Co-ordination Committee on Early Childhood Development meeting neih a ni a, Pu Lalsawma Ralte CEC a tel.
11.3.2020 : Chief Engineer, PHED Pisa-ah Central YMA leh PHED Co-ordination Committee meeting neih a ni a, Prof. Lalnuntluanga Gen. Secretary, Dr. Malsawmliana Asst. Secretary, Pu Fabian Lalfakawma Treasurer te an tel a, PHED leh CYMA thawhdunna bawhzui dan tur leh faina kawnga hmalakho dan turte an sawi.
VENG MIPUITE LEH DAWRKAI /SUMDAWNG TE HNENA NGENNA
Tunlaiin hmun \henkhatah Dawrkai/Sumdawng ten an thil zawrh te rate pangngai aia sanga hralh te an awm a, hetiang thil a nih avang hian Veng chhunga Dawrkai/Sumdawng ten a man pangngai aia sanga tumah in thil hralh lo turin kan in ngen a ni.
Mipui lam pawh lungngai lo tur leh Sawrkarin chak takin hma a la mek a ni tih hre tlang ila, a man pangngai aia sanga hralh an awm chuan YMA hruaitu te hnenah i hrilh vat ang u.
Mi mangang te tan khawtlang hruaitu leh YMA a awm reng a, harsatna nei tan biak a, thu thlen theih reng a ni e.
Heng zawng zawng aia pan tur dik, belh tur dik tak PATHIAN kan nei tih i hre fo ang u.
YMA HLIMEN BRANCH
PAGE - 2
EDITORIAL :
KOHHRAN LEH YMA
Chanchin \ha zâra lo ding Kohhran leh YMA chu khaikhin chi vak pawh a ni âwm lo ve. Kohhran chu chatuan nun hawlh tlang thil a nih tlat avangin tu mahin kan dah nêp thei lo va, sawi tam ngai lovin a chungnung sa lãr a ni. Chutih rualin YMA rawngbawlna hi mihring kan nih a, Mizo kan nih bawk chhung chuan dah nêp theih a ni bik lo bawk. Engtik lai pawha chhiat \hat tâwk reng thei Mizote nunah hian hmun pawimawh a luah reng lo thei lo a ni.
YMA chu kan hriat \heuh angin tlawmngai pawl lian ber tia kan hriat lar a ni. A dintute pawh tu dang ni lovin kan kristianna la luttu kan zosap missionary te tho kha a ni. An din \an a\ang khan kristianna nen inmil tak, kohhran nen pawh a inzawmna thuk tak nei a din a ni. A thupui innghah nan pawh thil \ha tak vek a ni tih hrilh nawn ngai lovin kan hre vek awm e.
A nihna takah chuan YMA rawngbawlna hi ham\hatna tur awm miah lo, midangte tana inpek ral \hakna a ni a. Chu chu kan rin Lal Isua nun dan leh zirtirna chiah kha a ni bawk. Lal lsua pawh midangte tan malsawm thlentu, midangte \anpui \hintu a nih kha. Kohhran inkhawmah ringtu nun dan tur a thuin kan zirin kan ngaithla a, a taka kan hman chhuahna tur chu YMA-ah a ni. Kan lei taksa kan la put chhung hi chuan râu riaiin kan awm ngawt thei lova, midangte nun kan ngaihchan thiam a kan dah lal thiam a ngai. YMA rawngbawlna kan phat hreh loh viau laia Kohhran programme kan dah lal hlur ringawt chuan Kohhran hrang hrangte phuar khawmtu YMA a chau ang a, kan inzawmkhawmna a chhe thuai dawn tihna a ni ang.
Tin kohhran |halai a kan active avanga YMA hi hmuh khawvel viau tur a ni lo, hmuh khawvel viauna tur a awm hran lo. Khawvel leh a chhunga thil awm zawng zawng hi Lalpa ta a ni tih kan hriat reng a \ha. YMA pawh Lalpa ta a ni. Chuvangin, kohhran hrang hrangte huapzo pawl awmchhun leh phuar khawmtu YMA rawngbawlna hi mahni kohhran huang chhung \heuhah a âwm tâwk ang zelin chawi sang thiam ila, kan khawtlang leh kohhran hi ati nuam ngei ang. Ringtute midang te tanpui a; midangte tana malsawmna ni tur kan ni tih i hre reng ang u. Lal Isua hi khawvelah lo kal leh ta se, \anpui ngaite tanpuitu YMA hi a thlawp ngei a rinawm a ni.
Advertisement.....
ELECTRIC ENERGY RENCHEM HI MITIN
MAWHPHURHNA A NI
Electric bill sang lutuk vangin i buai \hin em? I electric hmang bungrua te BEE Star Label chuang ngeiin thlak ang che, Star a tam poh leh energy a hmang tlem.
* Sum tam tak senga electric siam chhuah aiin neih sa renchem leh uluk taka hman hi changkanna a ni.
* LED Bulb leh Tube light te hi en dan in ang rengah ligh bulb dang (Incandescent leh CFL) te aiin nasa takin energy an hmang tlem in an heh lo a, an tlo zawk bawk.
* Electric wiring i tih dawn in bulb leh plug load milin wire size thlang la, wire quality \ha hmang in, a zawmna awm lo thei ang ber a tih tum tur. Electric wiring i tih dawn reng rengin approved wiring contractor te chauh tih tir \hin ang che.
* Bulb leh tube ligh-te hi a balh chuan an eng pek chhuah tur 50% laiin a tla hniam thei a, chuvangin tihfai fo \hin tur.
* Electric leh oil i hmanral hian rulh leh theih miah tawh loh turin, i tu leh fate chanai i chhuhsak a ni, chuvangin daihzai leh renchem thei ang berin hmang \hin ang che.
Electric hmang bungrua te i lei dawnin BEE Star label chuang
ngei lei \hin rawh, star a tam poh leh energy a heh lo.
Issued by
State Designated Agency for Energy Conservation
Electrical Inspectorate
P&E Department, Govt. of Mizoram
KAN THEN TAK
RALTAWNKIMI (87)
Pi Raltawnkimi hi Pu Saichhingpuia (L) leh Pi Thanghnemi (L) te fa upa ber dawttu ni turin kum 1933-ah a lo piang a, an unau hi hmeichhia 3 leh mipa 1 an ni.
Pi Raltawnkimi hian fapa 8 leh fanu 4 a nei a, a fa te ber hi a sen laiin a boral.
Pi Raltawnkimi hi Pathian \ih mi, kohhran ngaina leh bel tlat mi a ni a, a phak tawkah rawngbawlna a chelhte pawh theihtawpa hlen tum tum tlat mi a ni. Mi nunnem leh zaidam, awka vin a mi hau ngailo, a tu leh fate tana \angkai, taima em em a ni a, \hian kawm nuam timi leh ngaina tak a ni bawk. Kum 2019 April thla khan Kawnpui a\angin Hlimen-ah hian rawn pemin a makpa Pu H.Lalrinmawia te chhungkua an rawn bel a ni.
Hun harsa leh hrehawm tam tak a tawrh chang pawh a, hlim taka hmachhawn tum tlat mi, vuivai ve ngailo mi a ni. A hriselna a tlak hniam pawha tih tur awm angte pawh tih tum tlat mi a ni.
Feb. ni 18, 2020 khan Kawnpuiah a zin a, a damloh tak avangin March ni 5, 2020 khan a fanu Marami’n a zu hruai haw a, a pum a nat avangin March ni 6, 2020 khan Civil Hospital panpui a niin damdawi an lo chawh a, an hawpui leh mai a. A pum lo puarin a na chuan zuallam a pan zel tak avangin Civil Hospital bawk panpui leh a ni a, admit nghal a ni. Investigation hrang hrang report a alan danin a ril a pawp tih hmuh chhuah a ni a, a BP a hniam avangin chawp leh chilha zai theih a ni lova, BP sanna a enkawl nghal vat ni mah se hma a sawn theih chuang loh avangin a natna chuan a hneh zel a, March ni 7, 2020 chawhma dar 11:05 khan min lo kalsan ta a ni.
PAGE - 3
HRIATTIRNA :
Govt. P/S a lut tur tan
Govt Hlimen P/S ah kum 2020-2021 session atan April ni 1, 2020 ah admission a tih theih dawn a, zirlaibu leh uniform athlawn vekin an dawng ang. Nursery lut tur tan pawh hemi ni vek hian admission a tih theih a, class I kal chhunzawm tur tan admission a tih ve nghal theih ang. Hemi ni hian a kal tur te chuan admission tih vek tur a ni a, zirlaite an zirlai puitu atan kumtawp ah study tour neihpui a ni ang.
Govt. Hlimen M/S-I Free Admission
Govt. Middle School-I, Hlimen -ah kum 2020-2021 Session atan heng a hnuaia mite hnenah hian Admission a tih theih reng e.
Tin, April ni 1, 2020 (Nilaini) School luh ni hian School ah a tih theih bawk ang. Lut thar tur te chu School bag bak engmah ngai a awm lo (Uniform+ Free text book) Tin, kumin a\angin Mizo lam chi hrang hrang leh English-II Subject \ha taka zirtir tum a ni e.
Vengchhung nu leh pa te mahni fate chu veng chhung school ah ngei luh tir turin kan ngen e.
1. Pu R. Thangmawia, H/S veng Ph : 8787607669
2. Pu Zorina, Dam veng Ph : 8974744232
Sd/- R. Lalkrosthanga,
Head Master Govt. M/S- I
Ph : 8014196309
Advertisement...
CANDID ENGLISH SCHOOL
SAIKHAMAKAWN, AIZAWL
Tel: 9862049433/9077314962
“WE ENLIGHTEN THE FUTURE GENERATION”
ADMISSION OPEN FOR ALL CLASSES (Hostel & Day Scholars)
KG-I to CLASS-X
Khawvel a kan rohlu ber kan tu leh fate tan Zirna \ha, boruak nuam tak hnuaiah Admission kan hawng leh ta e. Kum 2018-19 session Class X result chhuakah khan 99% pass result neiin, kan naupangte zirna mai piah lamah Pathian thu nen nunkawng dik an zawh theih nan, zirtirtuten hmangaihna nen theihtawp chhuahin an enkawl \hin a ni.
Zirlai naupangte an zirna piah lamah an taksa leh rilru sawizawi nan activities hrang hrang neihpui \hin an ni.
Vengdang atanga rawn lut tur te tan a thu lawmawm chu 2020 session atang hian SCHOOL VAN tlan tir tura ruahman ani a, Pick-up point fel tak siam ani ang.
Admission Open
Solomon’s H/S Kulikawn Aizawl, RANGA BUILDING ah kum 2020-2021 session atan Class-IX & X tan Office hun chhungin admission a tih theih reng e. Mathematics leh science subject a harsatna neite duhsak an ni a, mathematics subject bikah free tuition kan pe thei a Mathematics subject a fail tan Amission kan free bawk e.
1. Admission fee : 2000
2. Admission Timming - 9:00 Am- 3:00 PM
Contact : 7005684281/6909913910/8729897656
H.C THAWNGA
(15-9) TOP TEN, MATHS TUTOR
LAWRKHAWM :
Chhiatni Report
Pi Tawnkimi puala buhfai leh pawisa khawn khawm dan leh thlanlaih dan ziaka hmuhtheih chin :-
Section Chhungkua Buhfai Pawisa Thlanlai
Buala 133 133 1,230 21
Damvea 125 128 1,300 9
Kapdaia 129 135 1,210 2
Lalsavunga 42 42 400 4
Saichhuma 115 115 1,120 12
Vawmphunga 63 63 570 6
Total 607 616 5,830 54
Kapdaia Sec. te hi chhiat tawk Sec. an ni.
Malsawmsanga puala buhfai leh pawisa khawn khawm dan leh thlanlaih dan ziaka hmuhtheih chin :-
Section Chhungkua Buhfai Pawisa Thlanlai
Buala 126 129 1,190 27
Damvea 138 142 1,310 1
Kapdaia 134 138 1,290 6
Lalsavunga 36 34 360 4
Saichhuma 115 124 1,060 10
Vawmphunga 53 55 500 3
Total 602 622 5,710 51
Damvea Sec. te hi chhiat tawk Sec. an ni.
Duty ten man
YMA Duty te chuan Lungtiawia leh Helen Lalremruati te nupa, Kapdaia Sec. a mite zû fun 17 an mansak a, Kalvaritlangthanmawia leh Zoramchhani te nupa, Kapdaia Sec. a mite zu fun 18 an mansak bawk. Heng mite hi YMA Hall-ah koh niin zilhhauhna pek an ni a intiamkamna neih tir an ni.
Zu leh ruihhlo dangte mansak kan awm chuan chanchinbu-ah chhuah zel a ni tawh dawn a ni.
-Hlimen YMA Duty
LOCAL COUNCIL E. ROLL CHUNGCHANG
1. March ni 14- 18 ( Inrinni- Nilaini), 2020 chhungin Village / Local Council Electoral Roll, 2020 siam\hat a ni dawn a. Hemi hunchhung hian roll thun, paih, siam\hat leh Transfer duh chuan mahni veng BLO hriatpuina in dilna thehluh theih a ni.
2. E. Roll a luh diltute chuan document - Birth Certificate, Aadhaar, Passport size photo, school Certificate, etc. form ah thehluh tel tur a ni.
3. Feb. ni 7, 2020 a MLA E. Roll, 2020 tihchhuah tak hnu lama E. Roll a inziaklut thar ten Local Council E. Roll, 2020 ah inziahluh nawn leh tur a ni.
4. Local Council inthlan lo awm turah vote i thlak theih nan Local Council E. Roll 2020 ah inziak lut ang che.
Advertisement...
ADMISSION OPEN
BIAKLIANA MEMORIAL HIGHER SECONDARY SCHOOL, KULIKAWN ah Class IX - XII(ARTS), 2020-2021 Academic Session atan Admission a tih theih e. Lehkhazir nana hmun fal \ha, kawngpui a\anga hla chuang si lo leh discipline \ha taka kenkawhna hmun a ni. A bikin zirlai chaklo, hlawhtlin duh si te \anpui hi kan thupui ber a ni a. Hostel a awm nghal bawk e.
Class X and XII (2018 & 2019) Results : 100% passed
**Admission fees : ` 1,000
Contact: Principal
(4-4) 9862792471/8837276476
PAGE - 4
KEIMAHNI :
Hlimkhawpui Budget
Hlimkhawpui Jan. & Feb. 2020 thla Budget pe tla tawh te:
1. Kapdaia Sec. 2. Vawmphunga Sec.
3. Saichhuma Sec. 4. Lalsavunga Sec.
5. Damvea Sec. 6. Buala Sec.
Kapdaia Sec. ten August, 2020 thleng Budget an tlak fel ta bawk.
Branch YMA Committee
March ni 17, 2020 (Thawhlehni) zan dar 7:00 hian YMA Hall-ah Hlimen Br. YMA Committee pawimawh tak koh a ni a, Committee member-te kim taka kal turin hriattir kan ni e.
Buala Section
March ni 21, 2020 (Inrinni) hian Buala Sec. te chuan sum tuak nan Blanket an su dawn a, a rate hi Double ` 200, single ` 150 a ni ang. Sec. huamchhung chhung tin ten suktir \heuh turin hruaitu ten an ngen e.
Tin, March ni 10, 2020 zingkar khan Pu Chalhnuna te huan samin sumtuak hnatlang neih a ni a, hnatlanga thawkchhuak zawng zawngte leh inhlawhna siamsaktu Pu Chalhnuna te chhungkaw chungah lawmthu an sawi.
YMA MEMBERSHIP FEE & CHHIATNI FUND
Kum 2020 chhung atana YMA Membership Fee chu Section tin ah khawn mek zel a ni a, March thla chhung a khawn zawh hman tur anih angin chhungtin te lo inring lawk \heuh turin kan han inhriattir e. Tin, Chhiatni Fund pawh March thla chhung a khawn zawh tur a nih avangin chhungtinte lo inring lawk \heuh turin kan han inngen nghal bawk e.
Advertisement...
F.K. SEPTIC TANK SERVICE
Septic Tank khat paih, commoth block, soak pit hlui leh thar kan siam theiin pipe fitting kan thawk thei e.
Regn. No. MSR 524 of 15 of 2013
Rate - Inbiak remna.
Ph. 7085521791
(45-4) 9615920739
L.B. Granite
Kum 10 chuang thlanlung a milem leh thuziak hna lo thawk tawhin a \hutchilh turin MG Road, Upper Khatla, J.L.Building-ah dawr kan hawng ve ta. Thlanlung chi hrang hrang kan zuar nghal bawk. Granite a milem leh thuziak engpawh kan ti thei e.
C.Zothanpuii
E - 21/A, Khatla
(3-3) Ph: 7005845903/9007493958
Electric bungrua
Z.S. Electricals Saikhamakawn-ah Electric Bungraw chikim kan nei ta e. A man tlawm a\anga a to ber thlengin kan nei a, wiring pawh kan tihsak nghal thei bawk e. Tin, min dawrtu te tan Discount Item zawng zawngah kan pe zel e.
Min rawn dawr ve teh u.
(5-2) Contact : 8787781843/9862054655
INFIAMNA :
NECS 2020
NECS Cup 2020 khelh chhoh mek ah Hlimen L.C Team chuan First Round ah Mar. ni 12, 2019 chawhma dar 9:30 khan Ramhlun Sport complex ah Ramthar L.C team an hmachhawn a, He inkhel ah hian Pu Lalbiaknunga chuan kan veng tan 60mins ah hmahruaina goal a khunga, hun tawp dawn 80+ ah Ramthar lam hian Goal an thun ve leh a, hun pangngaia 1-1 a inhneh tawk avangin penalty shoot out hmangin chak zawk zawn a ni a, 4-3 in kan chak ta a ni.
March ni 20, 2020 ( zirtawpni) chhun dar 12:30 khian Ramhlun Sport Complex ah Second round khelh leh tur a, Vaivakawn L.C Team kan hmachhawn ang.
HFC lawmthu
Hlimen Football Club in NECS Cup 2020 kan khelh theihna tur hian Pu Lalhmingliana te chhungkua in Jersey min sponsor a. Local Council ten mawza man, Entry Fee leh a \ul apianga hman atan ` 5000 bakah inkhelh ni a ei leh in man tur min tum sak a, Local Council leh Pu Lalhmingliana te chhungkaw chungah Hlimen Football Club chuan lawmthu a sawi tak meuh a ni.
Sd/- Secretary, Hlimen Football Club
KAN THEN TAK
Malsawmsanga Kum 9
Malsawmsanga (Sangsangtea) hi Pu Lalfakmawia leh Pi Emily Lalhmingliani te fa pahnihna ni turin Nov. ni 15, 2010 khan Durtlang Hospitalah a lo piang a. An unau hi mipa 2 leh hmeichhia 1 an ni. A pian tirh a enkawl zui a ngaih deuh tih loh chu Pathian zarah a hrisel chho viau a, naupang fel tak leh harhvang tak; nu leh pa leh aia upate thu awih thei tak a ni. Class IV zir \an chho tur a ni.
Sunday School leh Pathianni chawhnu inkhawm hi a ngaipawimawh em em a, damdawi ina a awm lai pawh hian Doctor-te dilin vawi 3 lai Sunday School hi a rawn kal hman a, a thihni March ni 8, 2020 (Pathianni) chauh hi a la \hulh a ni. A nu leh pa leh a Pi Ruati leh a pu Upa Thanchhunga te \awng\aina hi damdawi ai pawhin a ring zawk a. A boral hma hian a awh ang ngeiin nau hmeichhia a nei hman a, a nau hming hi ama sak a ni nghe nghe.
Feb. ni 13, 2020 khan a hritlang awmna leh khawsik avangin BN Hospital, Kulikawn-ah entir a ni a, thisen var tlachham a ni tih hmuhchhuah a nih avangin a tukah admit nghal a ni a, thisen var pek niin BN Hospital ah hian zan thum a awm hnuin in lamah enkawl zui a ni a, a \hat theih loh avangin Alpha Hospital, Kulikawn-ah admit leh a ni a, hetah hian thisen var unit 5 pek leh niin ni 10 an awm hnuah Durtlang Hospital-ah chhohpui leh niin thisen hi pek chhunzawm leh a ni. A dinhmun enin Doctor ten Vellore a kal mai turin an ti ta a. Amah kalpui tur hian a nu leh pa bakah a pu Sena (Faktea pa) Ramthar North a mi chu a duh a, a pu Sena hi a ngai a, a pu hian a awmpui rawt a ni. March ni 9, 2020 (Thawh\anni) khan Vellore kal tura an ticket lak ni chu a ni a, amaherawhchu a hriselna a tlakhniam zel avangin Doctor-te thurawn angin cancel a ni a. a natna chuan zual lam pan zelin March ni 8,2020 zan dar 10:40 khan Lalpa hnena chawl turin min kalsan ta a ni.
No comments:
Post a Comment