Vâu thla (March) Ni 28, 2020, Issue No. 13

PAGE - 1

TUALCHHUNG :

Boral :  Pu Lalliankunga F/o Lal\anzuala, Lalsavunga Sec. a mi chu March ni 24, 2020 Dar 12:15 Pm khan a boral. Hemi ni vek tlai dar 3:00 khan vuiliam a ni.

Damlo :  Malsawmdawngzela S/o Lalmuanawma, Saichhuma Sec. chu March ni 21, 2020 (Inrinni) khan pumna avangin LRM hospital ah admit a ni.

## Jenet Lalrintluangi D/o Biakropuia, Saichhuma Sec. a mi chu rannung seh leh zunkawng lam fello avangin State Referral Hospital, Falkawn-ah hun engemaw chen enkawl a nih hnuin UPHC Hlimen-ah sawnchhuah a ni a, enkawl chhunzawm mek a ni.

Accident : March ni 24, 2020 chawhnu lam khan Tv.Lalchhanthanga, Kapdaia Sec. (Pu Lalmuankima In luah) chu Rangvamualah vai truck nen an in su a, a khup ruh tlem a sawp a, a mal ruh leh khingkhang ruh a tliak a, tunah hian Civil Hospitalah a awm mek.

YMA in ral : March ni 25, 2020 zan khan Branch YMA chuan Pu Lalliankunga ralna hun a hmang a chhuntinah pawisa leh buhfai khawn a nih loh avangin Chhiatni Fund sum a\angin ` 4,000 leh buhfai bag 1 a chhungte hnenah hlan a ni. A chhungte hian \angkai taka hman atan YMA ah puan 2 an hlan let bawk. Ralna hun hi Branch OB ten an hmang a ni.

Nâu nei thar : Vanlalhriati D/o R.|huamliana, Lalsavunga Sec. a mi chuan March ni 23, 2020 khan State Referral Hospital, Falkawnah naute hmeichhia duhawm tak a nei.

Hnatlang : Mar. ni 25, 2020 khan Kuang Sub-Commt. te chuan Kuang siam hnatlang neiin Kuang 6 leh Kraws 7 siam a ni. Tin, Thlanmual sub-Commt. te pawhin tunlai hrileng avanga mipui punkhawm a remtak loh avangin hlawhfa ruaiin a \ul thut a hman mai theih turin thlan an laih lawk tir bawk a ni.

*****************************************

I fimkhur loh avangin nangmah mai bakah i chhungkua, \henawm khawveng leh khawtlangin hri \halo kan vei thei, fimkhur ang che.

HEADLINE :

BRANCH YMA PLATINUM JUBILEE PUALIN SUB-COMMITTEE DIN

Nakkum 2021 hi Hlimen Branch YMA din cham vawi 75-na (Platinum Jubilee) a ni a, ropui taka lawm tum a ni. Hemi pual hian Branch Committee chuan hetiang hian Sub-Committee hrang hrang a din :-

(1) Programme Sub-Committee :- 

Chairman : Pu Lalhmuchhuaka

Secretary : Tv. R.Lalawmpuia

Members : Pu Robuanga, Tv. Lalkhawmawia, Pu RC Lalroliana, Pu Lalrinmawia, Pu R.Lalngheta, Pu Duhthusama, Tv. R.Lalrindika, Pu H.Ralkapthanga, Nl. Lalbiakdiki.

(2) Decoration Sub-Committee :- 

Chairman : Tv. R.Lalawmpuia

Secretary : Nl. Laltlanmawii

Members : Pu R.Zoliana, Pu Lalzopuia, Nl. Lalbiakdiki, Nl. Lawmsangkimi, Nl. Judy H.Lalbiaknungi, Nl. Malsawmdawngkimi

(3) Souvenir Sub-Committee :- 

Chairman : Tv. Lalkhawmawia

Secretary : Pu J.Vanlalbiakdika

Members : Tv. R.Lalawmpuia, Pu Lalbiaksanga, Pu H.Ralkapthanga.

(4) Monument Sub-Committee :- 

Chairman : Pu Vanlaltluanga

Secretary : Pu George Lalzahawma

 Members : Pu Zoramhmangaiha, Pu J.Lalfakzuala, Pu Lalmuansanga

(5) Refreshment Sub-Committee :- 

Chairman : Pu Duhthusama

Secretary : Pu Zolianchhunga

Members : Pu RC Lalroliana, Pu Lalhmingliana, Pu Pakunga, Tv. R.Lalrindika, Pu Lal\anzuala, Pu H.Lalrinmawia

(6) Sports Sub-Committee :- 

Chairman : Pu Lalrinmawia

Secretary : Pu Lawmtluanga

 Members : Pu Biaknghinglova, Pu Lalbiaknunga, Pu R.Lalbiakmawia, Pu K.Lalremruata

(7) Information & Publicity Sub-Committee :- 

Chairman : Pu Robuanga

Secretary : Pu Jerome Lalduhbika

 Members : Pu Lalhmuchhuaka, Tv. Lalkhawmawia, Pu R.Lalngheta, Pu Duhthusama, Pu Zoramkalsiama, Tv. C.Lalrinpuia

(8) Ushering & Reception Sub-Committee :- 

Chairman : Pu RC Lalroliana

Secretary : Tv. Lalnunsiama

Members : Tv. R.Lalawmpuia, Tv. Lalkhawmawia, Pu Lalthantluanga, Tv. John Lalhunhlua, Pu Zoramsiama

Light & Sound Sub-Committee leh Sanitation Sub-Committee chu Branch hnuai a Sub-Committee din sate rin mai tur a ni.

PAGE - 2

EDITORIAL :

Thuawihna

Kan Pathian Thu in ‘tih nuam tak leh thuawih tak a in awm chuan he rama thil tha hi in ei ang’ a tih hi a pawimawh hle mai. 

Tin, Bible chuan heti hian a sawi leh bawk ,‘Naupang te u, Lalpa ah chuan in nu leh pa te thu zawm rawh u, chu chu thil dik a ni si a, I nu leh I pa chawimawi rawh, chu chu thupek tiam nei hmasa ber a ni. Chutichuan, i tan a \ha ang a, leiah hian i dam rei bawk ang’, tiin.

Puitling chin chuan kan nau, kan tu leh faten kan thu awih se kan duh \heuh mai. A dik a ni. Chhungkua a a tam zawk chu fel leh thuawih tak ni mah se, pahnih khat lek thuawih lo fal avangin chhungkua a hrehawm theiin mualphona nasa tak a thleng thei tih chu a hrechiangtu te \heuh kan ni awm e.

Hetiang chiah hi khawtlang kan inawpna ah pawh hian a ni leh chiah mai. Thuawihna hian in ngaihsak tawnna te, lungrualna te, thawhhona \ha te a hring chhuak a, chu chu kan veng hian kan mamawh em em a ni. Kan khawtlang ah hian Local Council bakah NGO hrang hrang - YMA, MHIP, MUP te an awm a, tunlai hrileng avangin Local Task Force te pawhin mipui zawm tur thuchhuah an nei fo. Committee kaltlangin khawtlang mipui ten kan \hatpui tur leh kan him tlan zawk na tur  thuchhuah an nei fova, thil\ha tak a ni. Amaherawhchu, thupek pawisa lo, mahni duhdan anga tal mai mai kan la awm fo mai hian khawtlang hmel a tibal leh \hin hi a pawi hle.  Midangte tana harsatna siamtu nih hi Mizo Upa te pawh khan an lo duh lovin, chutiang mite chuan an thlahte thlengin malsawmna an hlat niin an sawi \hin. Kristian te tan chuan ‘thuawih’ hi a Pathian Thu em em a ni tih i hre thar ang u.   

ZIAKTUTE HUANG :

KUM 2020-AH CHUAN AW

Robuanga, Vice-President BYMA

He kumtharah hian a \ha zawngin kum chhinchhiah/hriatreng tlak min thlen \heuh turin ka member pui te duhsakna ka hlan che u a, Kumthar Chibai ka buk a che u.

He kumthar hi i tan leh, ka tan, malsawmna kum \ha tak leh hriatreng tlak lo ni  mawlh rawh se. Hlimen YMA member nih hi a nuamin, veng \henawm leh, Zokhaw lam thleng pawh a, a \ha lam a fak leh entawn tlak ti a sawi hlawh, chhiatni ah te a ni \hin, chu mai a la nilo, infiamna kawngah leh zirna lam thleng pawhin, ram leh hnam ti hming\hatu te zingah Hlimen hian hriat a lo hlawh fo tawh \hin. Chutiang khawpa veng ti hming\ha leh chhuanawm lo ni \hin mah ila hmasawnna tur leh \an lakna tur erawh kan la ngah hle. Chung zingah chuan tlemte han tarlan ve \hahnemngaihna avangin ka duh a, chungte chu:

1. Chhiat ni kan chet velna.  Eg. Thlan laih leh Mitthi lumen

2. Khawharin kal leh khawhar riah pui te leh mitthi pual a Buhfai leh Pawisa khawn sak chungchang te hi infuihthar kan ngai ta hle niin ka hria.

Hlimen YMA member hi 1000 chuang zet niin hriat a ni a. Mithi lumen ngaih \um a tlaivar \hin te, thlan laihna a tel \hin te leh YMA hun a khawhar in a kal \hin te han in en hian kan tlem thei \hin hle, nachang hrelo \halai ni ve si kan la tam hle. Kum 2019 chhung khan mi 22 zet khawtlangin kan sun anih kha, khatiang hunah te khan, vawi engzat nge i chetchhuah ve? |halai ni ve si, la che chhuak ve ngailo anih chuan kumin 2020, kum thar ah hi chuan kum \ha, kum chhinchhiah tlak i tan a nih theih nan chet chhuah tum ngei ang che.

Kum 2020  chu Pathian in min hruai thleng leh ta a ni a, kan hma lamah eng hun nge kan tawn dawn, engthil nge kan hmachhawn dawn tuman kan sawi theilo. Chhiatna/Thihna te pawhin khawtlang min la tibuai leh lovang tih pawh kan sawi theilo, chung thilte chuan min tibuai leh palh anih pawhin YMA member 1000 chuang zet awmna ah hian chuan chhiat tawk te \anpui turin, 2019, kum kal ta aiin \an la sauh sauh ila. Nikum khan Thlan lai hi member 1000 chuang awmna vengah member 70 pawh tlin loh a tam zawk a, tin, lumen ngaiah pawh tlaivar te hian mi 50 pelh a awm tam lo hle. Mitthi puala Buhfai leh Pawisa khawnsak ah pawh Section \henkhat te kan NIL deuh thaw \hin a nih kha.

Khawtlanga chhiat tawk an awm nikhua a che chhuak ve ngailo te hi miin sawichhuak lo mahse an hai lo, an chung a chhiatna a lo thlen palhin  a   hriat fo \hin. Chuvangin \halai i nih a, i hriselna te a \halo anih loh chuan che chhuak ve \hin tawh la.

|halai ni ve si - Thlanlaihna a tel ve ngailo te, Nula ni ve si khawharin kal ngailo nih te hi rualpawl lohna chikhat a ni tih hi hriat reng a \ha. Tin, hruaitu dinhmun a ding, pawl ah hian i ni em? Office Bearer leh Committee member te phei chu member te hian min thlir/zawng ru reng a ni tih hi theihghilh loh a \ha.

Office Bearer chhiatni a chet chhuah nachang hre lo nih te, Committee member ni ve si che  chhuak ve ngailo te kan nih chuan kumin 2020 a\ang hi chuan i harh chhuak ila.

Kum kalta chhunga khawtlanga chhiatna/thihna a lo thlen a chetchhuah nachang hrelo \halai te engzat nge awm? Chung zing ah chuan ka tel ve em? ti a inzawt chungin kumin 2020 kumtharah hi chuan I PIANG THAR  ANG U. Chu chu a MIZO a, a KRISTIAN bawk em em a ni. 

KUM 2020 KUMTHAR AH HI CHUAN AW....kan ti a ni e. 

PAGE - 3

HRIATTIRNA :

Thupek zawm tura hriattirna

Covid 19 hrileng avangin ram pumah curfew/Total Lock Down kalpui mek a ni a, he thil kengkawh tur hian kan khawtlangah Local Level Task Force an awm a, an ni a\anga thuchhuak hi ngaihchan a, kan him tlan zawk nan mitinin kan zawm a pawimawh tak zet zet a ni.

Chakkhai lam theih hun an hawng a nih pawhin chhungkaw khat a\angin mi 1 bak chakkhai lam hian chhuah loh tur a ni. Tun aia thianghlimna lamah kan \hanharh a pawimawh hle, a bikin kut sil ngun ila, sahbawn in phuan \ha takin Second 20 chhung kut sil \hin tur a ni. Chhungkua Member nilo midang chu hnaih vak loh a him ber a ni tih i hre nawn leh ang u. Thuawih hi kan himna leh kan damna tur a ni. 

Tin, he virus hi taksa hrisel \ha tan a hlauhawm dan a nep deuh a ni tih kan hriat tlan a, keimahni \heuh kan taksa hrisel nan i inenkawl uluk bawk teh ang u.

UPHC Hlimen Hriattirna 

Tunlai hri leng mek COVID-19 laka UPHC Hlimen dawrtute him theih nan ahnuai a mi ang hian ruahmanna siam a ni :-

1. OPD-ah hian a mamawh zual chauh inentir tura kal nise, loh theih loh avanga inentir ngaite pawh mahni a kal thei chin chu mahni a kal tur.

2. Naupang inentir tur nilo chu hruai loh tur.

3. Natna benvawn B.P. sang leh zunthlum leh a dangte pawh an zual thut a nih lem loh chuan in lama damdawi ei chhunzawm rih a him zawk.

4. BP check leh zunthlum check mamawh ngawih ngawihte chu OPD Hour zawhah kal tur.

Advertisement....

Admission open

Solomon’s H/S Kulikawn Aizawl, RANGA BUILDING ah kum 2020-2021 session atan Class-IX & X tan Office hun chhungin admission a tih theih reng e. Mathematics leh science subject a harsatna neite duhsak an ni a, mathematics subject bikah free tuition kan pe thei a Mathematics subject a fail tan Admission kan free bawk e.

1.  Admission fee : 2000

2. Admission Timing - 9:00 Am- 3:00 Pm

Contact : 7005684281/6909913910/8729897656

H.C THAWNGA

(15-11) TOP TEN, MATHS TUTOR

F.K. SEPTIC TANK SERVICE

Septic Tank khat paih, comode block, soak pit hlui leh thar kan siam theiin pipe fitting kan thawk thei e.

Regn. No. MSR 524 of 15 of 2013

Rate - Inbiak remna.

(45-6)                         Ph. 7085521791/9615920739

LAWRKHAWM :

Mi harsate pualin thilpek lut zel

Tunlai hrileng avanga chhawmdawl ngaite chhawmdawlna atan mi inphal tam takin Branch YMA-ah sum leh thil dang an pe zel a, heng mi tlawmngaite thawhkhawm a\ang hian Branch YMA chuan chhungkaw 29 hnenah pawisa, buhfai leh dal-te hlan an ni tawh a, \anpuina pe duh tan Branch hruaitute hnenah a pek theih reng a ni. hetiang hi \anpuina lo luh tawh dan a ni e :-

1. Pu R.Lalngheta (SCS) Buhfai bag 2

2. Pu H.Ralkapthanga (VP) Buhfai bag 1

3. Pu Zoramkalsiama (BS) ` 1,000

4. Pu Ro\huama (BS) ` 1,000

5. Pu Lalhmuchhuaka (BS) ` 1,000

6. Pu Lalbiaknunga (SCS) ` 500

7. Pu Duhthusama (DV) ` 1,000

8. Damvea Section ` 1,000

9. Pu HVL Hmangaiha (SCS) ` 500

10. Pu H.Lalrinmawia (BS) ` 1,000

11. Pu Lalthanpuia (BS) ` 1,000

12. Pi Lalfakawmi (VP) ` 1,000

13. Hlimen 407 Assn. ` 5,000

14. Pu Lalrinmawia (SCS) ` 1,000

15. Pu Lal\huamliana (DV) ` 500

16. Pi Zomuanpuii (BS) Buhfai bag 1

17. Isua Krista Kohhran ` 5,000

18. Hlimen Presby. Kohhran ` 10,000

19. Pu Vanlaltluanga (VP) ` 500

Tanpuina pe

Hlimen Local Task Force ten an Duty-na a a\ul apianga hman turin mi inphal ten thilpek an pe zel a, hetiang hi thilpek luh dan a ni :-

1. Local Council ` 2,000

2. Branch YMA ` 2,000

3. SA Hlimen Corps ` 1,000

4. Pu R.Lalremsanga (DV) ` 1,000

5. Pu Lal\huamliana (DV) ` 1,000

6. Pu Zothanliana (VP) ` 500

7. Pu Ro\huama (BS) ` 1,000

8. Pu K.Pakunga (VP) ` 500

9. Isua Krista Kohhran ` 1,000

10. Pu J.Zothanpuia (SCS) ` 500

11. Pu H.Vanlaltlana (DV) ` 1,000

12. Pu Lalhriatpuia (DV) ` 1,000

13. MNF Unit ` 2,000

14. Pu Lalnunhlimpuia (DV) ` 1,000

15. Pu J.K.Lalengzauva (DV) ` 500

16. Pu C.Lalhmingliana (SCS) ` 500

17. Pu Zothansanga(Vala) SCS ` 2,000

18. Pu Lalramenga (BS) ` 1,000

19. Pu Zoramthara (SCS) ` 500

20. Pu J.Vanlalhruaia (SCS) ` 500

21. Nl. Lalroliani (SCS) ` 1,000

22. SAY Hlimen Corps ` 1,000

23. Tv. PC Lallawmzuala (VP) ` 1,000

24. Baptist Kohhran ` 1,000

25. Pu N.Zokunga (VP) ` 1,000

26. Bialtu MLA ` 5,000

27. LOM Hlimen Corps ` 1,000

28. UPC (NEI) ` 1,000

29. Hlimen Presby. Kohhran ` 10,000

30. Er.C.Thansanga, Councillor Buhfai bag 10

31. Pu Zonuntluanga (SCS) ` 1,000

Heng bakah hian ei tur pe leh thingpui lumsak mi engemaw zat an awm a, an chungah lawmthu an sawi.

PAGE - 4

KEIMAHNI :

Hlimkhawpui Budget

Hlimkhawpui  Jan. & Feb. 2020  thla Budget  pe tla tawh te:

1. Kapdaia Sec. 2. Vawmphunga Sec.

3. Saichhuma Sec. 4. Lalsavunga Sec.

5. Damvea Sec. 6. Buala Sec.

Kapdaia Sec. ten August, 2020 thleng Budget an tlak fel ta bawk.

RÂL DAWN

March ni 30, 2020 (Thawh\anni) zan hian Pu Lal\anzuala, Branch YMA Committee Member chu a pa Pu Lalliankunga’n a boralsan avangin Branch YMA Committee Member te chuan pawisa thawh khawmin ralna hun hman a ni dawn. Section tinah ralna khawn tur hian heng mite hi ruat an ni :-

Buala Section - Tv. Lalnunsiama

Damveaa Section - Pu Lawmtluanga

Kapdaia Section - Pu Lalzopuia

Lalsavunga Section - Nl. Lawmsangkimi

Saichhuma Section - Pu Lalbiaknunga

Vawmphunga Section - Pu Zoramsiama

Zirna uar Video Clip

Central YMA chuan YMA Kumpuan “Zirna uar” bawhzui nan Video Clip siam intihsiak  a buatsaih dawn a. A tel duhte chuan Branch YMA Secretary Tv. R.Lalawmpuia hnenah inhriattir tur a ni e.

Hlimkhawpui Chanchinbu

Hlimkhawpui Chanchinbu chu tun Issue a\ang hian PDF format leh Hlimkhawpui Chanchinbu Blog-ah te dahin Veng chhunga Whatsapps leh Facebook Group hrang hrangah dah turin buatsiah a ni a. Hrileng reh fel hma chu chanchinbu phek chhungtin a sem hi kalpui a ni dawn lova, chhungtinte kan inhriattir a ni. Social Media lama dah tur chuan buatsaih chhoh zel tum a ni.

Advertisement....

Electric bungrua

Z.S. Electricals Saikhamakawn-ah Electric Bungraw chikim kan nei ta e. A man tlawm a\anga a to ber thlengin kan nei a, wiring pawh kan tihsak nghal thei bawk e. Tin, min dawrtu te tan Discount Item zawng zawngah kan pe zel e.

Min rawn dawr ve teh u.

(5-4) Contact : 8787781843/9862054655

Septic Tank khat tan

Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

  VL-a, 

(10-1) Ph.No : 9402344486, 9615266170

Keimahni chhunzawmna.....

Branch day Vawi 74-na

March ni 23, 2020 (Thawh\anni) kha Hlimen Branch YMA dincham vawi 74-na a ni a, Branch Committee hmasa lamin Section tin ten mahni Section chhungah faina lama hmalaka hun hman a lo rel a. Amaherawchu, tunlai hrileng boruak avangin kan Branch Day hi hman theih a ni ta lo a ni.

Hlimen Branch YMA hi kum 1946, March ni 23 khan din a ni a, hruaitu hmasa berte chu hengmite hi an ni :-

President : Pu Liansiama

Vice President : Pu Rokunga

Secretary : Pu Challiana

Asst.Secretary : Pu J.Pazawna

Treasurer : Pu Lalnghinglova

Fin. Secretary : Pu Lalkhawthanga

KAN THEN TAK
LALLIANKUNGA (78) CHANCHIN TLANGPUI

Pu Laliankunga hi Pu Thangvela (L) leh Pi Rothangvungi (L) te inkarah kum 1942, May thla khan Darlawnah lo piangin an unau mi mipa 8 leh hmeichhia 1 an ni a, amah hi a upa lam a\anga chhiar a pangana a ni.

Pi Rohmingthangi nen kum 1962 ah Darlawnah inneiin fa 10, mipa 6 leh hmeichhia 4 neiin, tu 22 leh tuchhuan 5 lai a hmu hman.

Kum 1974 ah Darlawn a\angin Aizawl ah an rawn pem a, Republic Veng, ITI leh Melthum lamah te an awm kual hnuin, kum 1980 ah Hlimenah an inbengbel ta a ni. Mizoram Home Guard ah IV Grade hna thawkin chhungkaw eizawngtu ber a ni \hin.

Pu Lalliankunga hi zirna lamah pawl 8 thleng zirin, an hunlai chuan lehkhathiam sang tak a ni. Pathian thu lamah te a tuiin a duh fir a, Pathian thu han sawi leh titi te nuam a ti in lehkha chhiar pawh a peih hle. Amah hi \henrual kawm a thiam a,\hiante ngainat pawh a hlawh viau reng a ni.

Melthum an awmlai hian Presbyterian Kohhranah lawiin Sunday School zirtirtu te a lo ni tawh \hin a, Pulpit a rawngbawlna thlengin a lo chelh tawh \hin a ni. Hlimen a an rawn pem phei hnu hian kum 1988 a Salvation Army din a lo nih khan a dintu te zingah telin Corps Secretary hmasa ber a ni nghe nghe a ni.

Kum 2018 kum tawp lam khan a ka leh hrawk a sawisel \an a, doctor te inentirin zia awm lam a pan chho veleh mai a. Kum 2019 January thla a\angin a nghawng ah bawk hmuh ni leh a, March ni 3, 2019 ah Civil Hospital ah investigation tih niin Cancer a ni tih hriatchhuah a ni a. Zemabawk lamah refer niin treatment te la tur a tih niin, a treatment lak ni tur hian khawl lamah harsatna an tawh avangin Pathian remruatah ngaiin treatment pawh lak tum buai ta lovin a tu leh fate thlamuanin in lamah theih ang angin a inenkawl chho ta a. March ni 24, 2020 (Thawhlehni) dar 12:15 P.m khan Ropuina ram ah thlamuang takin min lo kalsan ta a ni.

Vâu thla (March) Ni 21, 2020, Issue No. 12

PAGE - 1

TUALCHHUNG :

Damlo :  Zonunmawia S/o Thanliana, Saichhuma Sec. chu Mar. ni 14, 2020 khan Mitliam avangin BN Hospital-ah admit niin enkawl chhunzawm mek a ni.

## Lalmuanpuii C/o Nikhuma, Damvea Sec. a mi chu taksa lam chaklohna avangin Seventh Day Hospital-ah admit niin enkawl chhunzawm mek a ni. 

## Lalhruaimawia S/o Vanlaltluanga, Vawmphunga Sec. a mi chu Mar. ni 18, 2020 khan mitlilam avangin BN Hospital-ah admit niin enkawl mek a ni.

Pem thar :  Lydia Lalhmangaihi te chhungkua Member 4 te chu Kulikawn a\angin kan vengah rawn pemin Damvea Sec.-ah Pu F.Zosangzuala in an luah a ni.

Bawlhhlawh thliar :  Bawlhhlawh thliar hran dan kalpui mek hi Solid Waste Management Rules, 2016 in a phut ang leh Hon’ble National Green Tribunal thupek a ni a, theihtawp chhuah a chhunzawm zel turin ngen kan ni e.  Plastic Item \ha taka fun hran chu \awihthei/\awihtheilo motor a paih phalsakin, a fun hran nan hian Garbage bag \awihthei, IS/ISO certified ni kher lo pawh hman theih a ni ang.

Hlimkhawpui Chanchinbu :  Tunlai hri leng mek avangin Hlimkhawpui Chanchinbu chu tun \um bak chu chhungtinah sem a ni dawn rih lova, chanchinbu chu buatsaih tho tum a ni a, soft copy leh Blog te vengchhung whatsapp group hrang hrangah post \hin tum a ni.

UPHC Hlimen Hriattirna :  Tunlai hri leng mek COVID-19 laka UPHC Hlimen dawrtute him theih nan ahnuai a mi ang hian ruahmanna siam a ni :-

1. OPD-ah hian a mamawh zual chauh inentir tura kal nise, loh theih loh avanga inentir ngaite pawh mahni a kal thei chin chu mahni a kal tur.

2. Naupang inentir tur nilo chu hruai loh tur.

3. Natna benvawn B.P. sang leh zunthlum leh a dangte pawh an zual thut a nih lem loh chuan in lama damdawi ei chhunzawm rih a him zawk.

4. BP check leh zunthlum check mamawh ngawih ngawihte chu OPD Hour zawhah kal tur.

HEADLINE :

BRANCH YMA COMMITTEE NEIH A NI

March ni 17, 2020 (Thawhlehni) zan khan YMA Hall-ah Hlimen Branch YMA Exe.Committee vawi 4-na neih a ni. Mipui hriat atana pawimawh thurel tlangpui ahnuai a tarlan hi a ni e :-

1. Dawr luah chung chang : YMA Hall hnuai dawr hi April 2020 - March 2021 chhung atana luah duhte tan March ni 31, 2020 (Thawhlehni) ralhmain Secretary hnenah ziakin dilna thehluh theih a nih thu chhuah nise tih a ni a, dawr atana luah tur thlan chu OB te kutah dah a ni.

2. Platinum Jubilee puala Sub-Commtt. Member : Kum 2021 Branch YMA kum 75-na (Platinum Jubilee) puala Sub-Committee din nise tia Committee in a rel, OB ten ruahmanna an lo siam chu hetiang hian pawm a ni :- (1) Programme Sub-Committee, (2) Decoration Sub-Committee, (3) Souvenir Sub-Committee, (4) Monument Sub-Committee, (5) Refreshment Sub-Committee, (6) Sports Sub-Committee, (7) Information & Publicity Sub-Committee, (8) Ushering & Reception Sub-Committee

Light & Sound Sub-Committee leh Sanitation Sub-Committee chu Branch hnuai a Sub-Committee din sate rin mai tur a ni.

3. Inter Branch Athletics Meet & Volleyball : Gen. Secy. CYMA a\anga lehkha hmuh LBS Suzuki Inter Branch Athletics Meet 2020 leh Volleyball Tournament 2020 neih turah tel tura sawmna chu Corona Virus (Covid 19) hri leng avanga CYMA in ruahmanna thar a siam hunah rel tur a ni ang.

4. Video Clip insiamsiak: Gen. Secy CYMA a\angin YMA Kumpuan “Zirna uar” bawhzui nana Video Clip siam intihsiak a buatsaih tur chu Hlimkhawpui Chanchinbu-ah chhuah nise. Tel duh an awm chuan Branch Secretary hnenah hriattir nise.

5. YMA Gen. Conference thurel bawhzuina : Gen. Secy. CYMA a\anga lehkha hmuh YMA Gen. Conference a rel tak ‘All India Service leh Central Service dangahte Zofate a tam thei ang ber kan tel theih nan Central YMA in mibikte \anpui a chhawmdawl kawngah theihtawp chhuah rawh se’ tih chu Hlimkhawpui Chanchinbu-ah chhuah nise. Hetiang mi an awm chuan Central YMA-ah report pek nise tih a ni.

6. Zirna kawnga hmalakpui atana sawmna : Gen. Secy CYMA hnen a\angin ‘zirna kawnga hma lakpui atan sawmna’ tih lehkha vengchhung zirna in tina mi tur lo semsak tura ngenna chu tihhlawhtlin nise, he lehkha hi Branch copy tur siambelh nise tih a ni bawk.

7. Kuang siam leh hmanraw lei chung chang : Kuang Sub-Committee a\anga kuang siamna hmanrua Circular Saw (Thing zaina) lei an dilna chu remtihsak an ni. Tin, mitthi pangpar pek/dah kan uar lutuk hi a \ul zual bak chu pawisa a inpek uar nise ti a rawtna an thlen chu YMA duhdan reng a nih thu leh a petute zalenna a nih thu in hrilhfiah a nih rualin Hlimkhawpui chanchinbu lamah pawh a remchan dan angin ngenna chhuah leh nise tih a ni.

Tin, thingphel neihsa hmang hian Branch Committee leh Kuang Sub-Committee ten kuang siam hnatlang neih nise tih a ni a, a hun leh \ul dang chu OB te kutah dah a ni.

Phek hnihna-ah chhunzawm a ni....

PAGE - 2

EDITORIAL :

Malsawmna

I dinhmun a khirh viau a ni thei, mite tana malsawmna nih hi i tan a theihloh niin i hria a ni thei e. Mahse, kawngkhat talin tute tan emaw chuan malsawmna kan ni thei a ni tih hi kan vawn tlat a pawimawh.

Mite tana malsawmna ni tur chuan inphahhniam \ul tlat changte a lo awm a, mahni neih ang ang pawh chan a \ul chang a lo awm bawk a, midangte kal ngam lohna ah kal te a lo tul bawk a, zahthlak tawpkhawk tawn tlang a ngaih changte a lo awm bawk. Malsawmna ka va nihna turte tana hmuh phak lek lova tlanbosan daih duh chang a awm thei.

Mahni inphatna tello chuan Malsawmna kan ni thei lovang. Kan rin Lal Isua ngei pawh kha mahni inphatin khawvel chhandam nan leh lei mite malsawmna ni turin he leiah, thilsiamte angah lo changin mihringte tawrh atana na ber thihna thlenga tuar turin a nihna leh a ropuina a phat vek a ni si a. Midangte tan malsawmna kan nih dawn chuan chu dinhmun chu kan hriatchian a ngai.

I tana malsawmna kha midangte tan malsawmna a ni ve thei em? Midangte tana malsawmna ni tur chuan engtia han thawh chhuah chi nge ni ta ang le? Mite kan tan malsawmna an nihna kawng hi ka ngaihtuah ngai em? Ka ngaihtuah \hin a nih chuan chu kawng chu zawhin midangte tan malsawmna ka nih ve theihna turin ka pen chhuak ve tawh reng reng em? Ka lungngaih laia mite min hnemna hi ching ve in midang lungngaite ka hnem ve tawh em? Ka harsat mangan laia kan ban leh kan pur \hinte hi hrechhuakin midang harsa leh mangangte tan pûr chawkna turin ka inphal ve em? Heng zawhnate hi kan rilru \heuhin ngaihtuah ila, midangte tan malsawmna ni thei turin kan rilru i siam ang u.

Phekhma chhunzawmna.......

8. Cultural Sub-Committee lehkha : Cultural Sub-Commtt. a\anga ngenna leh rawtna hrang hrang an thlen chu hetiang hian pawm a ni. (1) Art & Culture Deptt. hnuaiah hnam lam zir tur mi 3 Branch aiawh a intirh nise an tih chu mi 2 thla 3 chhung atan intirh nise, mi 1 tan thla 3 chhungin an kalna senso-ah ` 5,000 tumsak nise tih a ni, a zir tur hi Cultural Sub-Committee in an lo ruat ang. (2) Branch in Mizo thuam kawrchei a neih chu a hlui deuh tawh avang leh indaih loh chang a awm bawk avangin a thar 13 lei nise an tih chu pawm niin Cultural Sub-Committee in hma a la ang.

9. Thlanmual Sub-Committee lehkha : Thlanmual Sub-Committee a\angin ngenna leh rawtna hrang hrang Committee a an thlen chu hetiang hian pawm a ni :-

(1) Kumin kumtawp-ah thlanmual tihfai leh chei runpui neih leh nise. 

(2) Thlanmual hmanrua tihchangtlun nan Silpouline, chheni, tu\hulh leh suahdur lei nise. Thlanmual hmanrua chher hriam a, tuai tharna atan pum, tuboh lian leh tê lei nise. 

(3) Thlanmual-I a thing tam lutuk hi \hawlh \hen nise. 

(4) Thlan laih hun hi kum danga kan tih \hin angin zing chaw eikhamah laih nise. 

(5) Thlanmual Property Secretary atan Pu Lalhminghlua, Kapdaia Sec. ruat a ni.

(6) Thlanmual-I a tuichhe paihna en fel nise tih chu Local Council te nen en ho nise. 

(7) Thlan laihna ei leh in hi kum danga kan tih \hin angin dal leh chhang nise.

(8) Thlanmual-II Godown hi Committee ten hnatlang a siam nise Waiting shed pawh siam dan lo ngaihtuah nise.

10. Pem lehkha : Lydia Lalhmangaihi Sailo te chhungkua Kulikawn a\anga pem an dilna lehkha dawn niin pawmsak an ni.

Branch YMA Special Committee thuchhuak

March ni 20, 2020 (Ningani) zan khan Hlimen Branch YMA Special Committee YMA Hall-ah neih a ni. Thurel tlangpuite :-

1. Tunlai hrileng avanga boral an awm a hmalak dan tur : Tunlai hrileng Covid-19 avanga hmun hrang hranga thihna a lo thlen palh a hmalak dan tur ngaihthlak niin hetiang hian vengchhunga hmalak dan tur ruahman a ni :-

Covid-19 avanga thi/boral an awm chuan sokar ruahmanna leh hmalakna ngaichang chunga hmalak nise, sorkar in hmalakna an neih loh chuan Branch Committee ten a khawih tur bik ruahman nise tih a ni.

Tin, veng chhunga mitthi an awmin hetiang hian hmalak nise tih a ni :-

(1) Vui hun : Zing dar 10:00 hma lama thi chu chawhnu dar 1 a vui nise, zing dar 10:00 leh chawhnu dar 1:00 inkar a thi chu chawhnu dar 3:00 a vui nise, chawhnu dar 1:00 hnu lama thi chu tlaivarpui nise vui hun atan zing dar 10:00 nise tih a ni.

(2) Thlanlaih chung chang : Thlan hi lo laih lawk nise, thlanmual sub-committee ten hlawhfa tur leh a \ul ang hi hma lo la se tih a ni. Thlanvur hi chhiat tawk Section mawhphurhna nise, glove leh mask hi Branch in pek tur a ni ang.

(3) Zan lam in lenpui chung chang : YMA hun zan lama kan hmanpui \hin hi tih loh nise kan ti.

(4) Buhfai leh in ralna chung chang : In tina buhfai leh pawisa hi khawn lovin Branch in ` 4,000 leh buhfai bag 1 pek nise tih a ni.

(5) Tlaivar tur chung chang :Branch Committee te leh chhiat tawk Section bak chu tlaivar loh nise.

(6) Thingpui sem chung chang : Thingpui kan lum \hin hi lum rih loh nise.

(7) Thlalak dan tur : Thlalak naah hian 10 aia tamlo lak nise, hemi bak kan duh a nih dawn chuan in lamah a theih anga lo lak lawk mai nise.

(8) Inralna chung chang : Mitthi chhungte pawisa a kan inral \hin hi an mahni pe kher lovin ralna bawm dawh nise tih a ni.

(9) Kuang zawn/nawr chung chang : In lam a\anga ruang kan inzawn/nawr \hin hi a theih chin chinah motor a phurh nise.

(10) Sanitizer lei chung chang : Sanitizer hi Branch sum a\angin engemaw zat lei nise tih a ni.

-Phel 4 naah chhunzawm a ni....

PAGE - 3

HRIATTIRNA :

COVID-19 CHUNG CHANG A HLIMEN BRANCH YMA THUCHHUAH

Tunlai hian COVID-19 hrileng vangin phai lama Mizo zirlaite, hnathawkte leh ramdang a mite pawh Mizoramah kan haw khawm mek a, CORONA VIRUS kai leh kai loh pawh a test-na khawl kan la neih loh avangin kan fimkhur tlan a ngai tak meuh a ni.

1. State dang leh Foreign a\ang te a Zirlai leh Hnathawk leh Sumdawng lo haw te chu pawn chhuak lutuk lo a, hun engemaw chen inkhung turin kan in ngen a ni.

2. Hmun dang a\anga Sumdawng, mi ina lut a inzuar lo turin kan ngen a, Veng chhung Dawrkai te pawh hemi denchhen a an thil zawrh ti to uchuak lo turin kan in ngen bawk a ni.

3. Lalsavunga Park hi a neitu Department lamah khar hrih tura ngen an ni a, Vengchhung leh Vengpawn lam mite hemi hun chhung hian kal lo turin kan in ngen a. Department-in an khar lo emaw, khar chung pawh a kal lui an awm chuan YMA a duty dawn tih kan inhriattir e.

4. Indoor Stadium, YMA Hall, Playground leh Outdoor Games dang khelh theih naah te infiamna beihpui (Competition/Tournament) siam lo tur leh hmun dang a\ang pawh a rawn hmang lo turin kan in ngen a ni.

5. Veng pawn/hmun dangah loh theih loh thil avanga chhuak tur te fimkhur leh in veng tak chunga chetla turin kan in ngen a ni.

6. Sawrkar leh Central YMA thuchhuak angin tualchhungah puipunna lam hawi eng thil mah buatsaih loh ni se.

7. Sawrkar leh mithiamte thuchhuak ngaipawimawh a, zawm \heuh turin kan in ngen a, engemaw harsatna kan nei a nih chuan YMA hruaitu te an biak pawh theih reng a ni.

Kan ram, kan hnam damna chu PATHIAN a ni a, Amah i hnaih fo ang u.

Advertisement....

Admission Open

Solomon’s H/S Kulikawn Aizawl, RANGA BUILDING ah kum 2020-2021 session atan Class-IX & X tan Office hun chhungin admission a tih theih reng e. Mathematics leh science subject a harsatna neite duhsak an ni a, mathematics subject bikah free tuition kan pe thei a Mathematics subject a fail tan Amission kan free bawk e.

1.  Admission fee : 2000

2. Admission Timming - 9:00 Am- 3:00 PM

Contact : 7005684281/6909913910/8729897656

H.C THAWNGA

(15-10) TOP TEN, MATHS TUTOR

F.K. SEPTIC TANK SERVICE

Septic Tank khat paih, commoth block, soak pit hlui leh thar kan siam theiin pipe fitting kan thawk thei e.

Regn. No. MSR 524 of 15 of 2013

Rate - Inbiak remna.

      (45-5)                         Ph. 7085521791/9615920739

LAWRKHAWM :

Local Level Task Force din

Aizawl Municipal Commissioner a\anga lehkha hmuh angin Hlimen Local Level Task Force on Covid 19  din a ni a, hetah hian Local Council, YMA, MUP MHIP, Kohhran hrang hrang aiawh bakah UPHC Doctor leh Health Clinic a Health Worker te an tel a ni.

March ni 20, 2020 (Ningani) zan khan Local Council Office-ah Meeting neih niin hetiang hian thuchhuah an siam :-

1.Vengchhung bazar-ah : Vengchhung bazar-ah Hlimen mi lo  thil zawrh khap a ni. Bazara \hu tur te pawh zing dar 6:00 aia hmaa \hut loh tur a ni. Tin, bazar tur ni lo chu inlama tawmim vek turin kan in ngen e. Tin, bazar \hu te chu  3fts a hla in an \hu tur a ni a,  kan thil zawrh te pawh uluk takin kan khuh tur a ni.

2. Dawr nghaktute : Dawr nghaktute chu Mask vuah ngei tur leh a zing thei ang ber kut sil \hin  turin kan inngen e. Kan nitin mamawh te a tam thei ang ber lakhawm/chhekkhawm  turin kan in ngen a, thilman erawh ti to hauhlo turin kan in ngen a ni.

3. Lo haw te : State pawn emaw ram pawn a\anga rawn haw te chu anmahni emaw an chhungten emaw Local Council Chairman hnenah emaw Secretary hnenah emaw an report ngei tur a ni a, an lo haw a\anga ni 14 chhung an inkhung hrang ngei tur a ni bawk.  An harsatna tawh dan azirin Task Force chuan an mamawh te a ngaihtuahsak \hin ang. Thuawihlo a midangte himna tiderthawng zawnga in report lo, inkhung hrang duh lo,  pawnchhuak lui an awm a nih chuan a \ul angin tihluihna hman a ni ang.

4. Vengpawn lam a\anga intina lut a sumdawn khap a ni.

5. Punkhawm/Puipun : Birthday lawm, lungphun, pass lawm etc. te chu kan tunlai boruakin a zir loh avangin tih loh nise. 

6. Hnamdang chung chang : Hnamdang hnathawk, kan venga tuna khawsa mek tihloh chu midang luh belh khap tlat a ni a, vengchung a khawsa mek te pawh hmundanga hnathawka chhuah khap a ni. 

7. Kohhranho ngenna : Hlimen veng chhunga Kohhran hrang hrang te chu a tlem thei ang ber Programme siam turin kan in ngen a, Inkhawm programme pawh a tlem thei anga hmang turin kan in ngen bawk a ni e.

8. Passenger phur Taxi , Auto Risksaw khalhtu te pawhin Mask vuah vek tur a ni.

9. Covid-19 hi a damdawi la hmuhchhuah loh, tihdamna awm lo a nih avangin WHO chuan fimkhura Pawnchhuah tam loh a inkhungbo hi a damdawi \ha ber a la tih avangin mitinte chhuak vak tlem turin kan in hriattir e.   

Heng ruahmanna hrang hrang te hi March ni 21, 2020 a\anga thu leh awm hma chu hman tur a ni ang.

Advertisement....

ADMISSION HRIATTIRNA

Presbyterian English School, Hlimen a lut tur te tan Dt. 23.3.2020 (Thawh\anni) a\angin a hnuai a mi ang hian Admission a tih theih e.

1. Admission Fee: v KG - I ` 300/-

v KG - II ` 500/-

v Class I - VIII ` 700/- (kal lai tan)

` 800/- (lut thar tan)

Unau pathum chinah Concession a awm ang.

Sd/-

(2-1) Principal, PES Hlimen

PAGE  - 4

KEIMAHNI :

Hlimkhawpui Budget

Hlimkhawpui  Jan. & Feb. 2020  thla Budget  pe tla tawh te:

1. Kapdaia Sec. 2. Vawmphunga Sec.

3. Saichhuma Sec. 4. Lalsavunga Sec.

5. Damvea Sec. 6. Buala Sec.

Kapdaia Sec. ten August, 2020 thleng Budget an tlak fel ta bawk.

YMA DUTY IN ZILH HAU

Pu Lalrimawia, Damvea Sec. a mi chu a zu fun 9 man sak anih avangin Mar. ni 15, 2020 khan YMA Duty chuan zilhhauna a pe a, intiamkamna te neih  tir a ni. YMA Duty chuan chak takin hma a la zel dawn a, ruihhlo mansakte hi YMA Duty chuan chanchinbu-ah a tarlang zel dawn a ni.

Zirna uar Video clip

Central YMA chuan YMA Kumpuan “Zirna uar” bawhzui nan Video Clip siam intihsiak  a buatsaih dawn a. A tel duhte chuan Branch YMA Secretary Tv. R.Lalawmpuia hnenah inhriattir tur a ni e.

YMA Special Meeting Chhunzawmna......

2. Hlimkhawpui chanchinbu sem chung chang : Hlimkhawpui Chanchinbu in tina sem \hin hi hun engemaw chhung atan sem loh nise, a soft copy in vengchhung whatsapp Group hrang hrangah post darh mai nise.

3. Chhawmdawlna chung chang : Covid-19 avanga mi \henkhat harsa zawk leh chhuanchhamte an awm a nih chuan an mahni chhawmdawlna tur buhfai bag 5 lei nise tih a ni a, hemi pual hian Branch in ` 30,000 dah nise tih a ni. Committee member ten neih remchan ang ang thawhkhawmin khawtlangah thawh thei an awm chuan thawh theih tura puanzar ni bawk se tih a ni.

4. In chibai chung chang : Tunlai hrileng inkaina tam bera ngaih inchibai hi YMA inchibai dan anga ti tura inngen nise tih a ni.

Advertisement...

Electric bungrua

Z.S. Electricals Saikhamakawn-ah Electric Bungraw chikim kan nei ta e. A man tlawm a\anga a to ber thlengin kan nei a, wiring pawh kan tihsak nghal thei bawk e. Tin, min dawrtu te tan Discount Item zawng zawngah kan pe zel e.

Min rawn dawr ve teh u.

(5-3) Contact : 8787781843/9862054655

Septic Tank khat tan

Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

  VL-a, 

(10-10) Ph.No : 9402344486, 9615266170

Keimahni Chhunzawmna....

CYMA HMALAKNA

13.3.2020 : DC Conference Hall-ah District Level Standing Committee of Summary Revision of LC/VC Rolls meeting neih a ni a, Dr. Malsawmliana, Asst. Secretary a tel.

13.3.2020 : Mizo Photographers’ Society buatsaihin Chanmari YMA Hall-ah Chapchar Kut Lady 2020 result puan leh lawmman semna hun hman a ni a, Pu Lalhmangaiha CEC a tel.

13.3.2020 : Central YMA hnuaia Vigilance Sub-Committee ten Vairengte Checkgate-a ILP pek chhuah dan a hmunah an zirchiang a, Mizoram chhunga Petrol pawlhdal leh Gas khawih chingpen an check tel bawk.

14.3.2020 : Corporate Centre-in TDS Deduct lohna tur system thar an ruahman tak avangin, SBI Regional Manager-in CYMA OB leh MJA member te Curry Pot Restaurant-ah TDS chungchang sawiho paha chawchhun fak pui tura a sawm angin he hunah hian OB te an tel.

17.3.2020 : Minister, Health & Family Welfare Department Pisa-ah COVID-19 chungchanga hmalak zel dan tur meeting neih a ni a, CYMA OB te an tel.

19.3.2020 : DC’s Conference Hall-ah District Level Task Force on Corona Virus Outbreak meeting neih a ni a, Pu Lalchhuanmawia CEC a tel.

19.3.2020 : Chief Engineer, PHED Pisa-ah Water Tarrif Review Meeting neih a ni a, Tv. Lalhmachhuana Vice President a tel.

Advertisement....

DRIVER MAMAWH

Redwood Academy, Falkawn ah School bus Driver tur mamawh a ni a. Dil duhte chuan valid Professional Driving License (HMV) an nei tur a ni.

Interview hun : 11 Am - 2 Pm, 27th Mar.,2020 (Friday)

Interview na hmun : Redwood Academy, Falkawn

Hlawh : ` 7,000/- per month

Document ngaite : Driving License

Working days : Monday - Saturday

Work timing : 8:00 a.m. - 4:00 p.m.

(1-1)   Contact : Ph - 9366 241 224

TEACHER WANTED

Redwood Academy, Falkawn, required one (1) English teacher for the Academic Year 2020-2021. Applicants must be Graduate with D.El.Ed or above. Preference will be given to applicants with experience

Salary : ` 10,000/-

Date of interview : 11:00 a.m.-2:00a.m., 27th Mar., 

  2020 (Friday)

Place of interview : Redwood Academy, Falkawn

Please present yourself with all necessary documents.

(1-1) Contact :  Ph - 9366 241 224

HRIATTIRNA

Keini Hlimen Thingpui Dawrkai te chuan thil man te a lo san chhoh zel avangin kan eitur siam te hi tisang ve ila kan ti a, hetiang hian ruahman a ni. 

Chow full = ` 40 Chow half = ` 30

Rice full = ` 40 Rice half = ` 30

Sawhchiar = ` 30 Sanpiau = ` 30

Chana = ` 30 Sachek = ` 50

Omlette = ` 30 Soup = ` 30

Thingpui = ` 10 Chhang = ` 10