Sahmulphah thla (November) Ni 28, 2020, Issue No. 48

PAGE - 1

TUALCHHUNG :

Damlo : Pi Tlanglawmi Damvea Sec. a mi chu  Thawhah avangin Nov. ni 24, 2020 khan Alpha Hospital, Kulikawnah admit niin enkawl mek a ni.

##    Pu Tlanghmingthanga (Patlanga), Saichhuma Sec. a mi chu zunthlum avangin Nov. ni 24, 2020 khan BN Hospital-ah admit niin enkawl mek a ni.

##     Nov. ni 27, 2020 khan Pu Lalchhawna H/o Thankhumi Buala Sec. a mi chu an kawtah a chesual palh a, inlamah enkawl zui mek a ni.

Passed thar : R.Lalrinsangi D/o R.Lalremsanga, Damvea Sec.  a mi chuan St. Pious College, Hyderabad atangin BA Distinction-ah a passed, kan lawmpui tak zet zet e.

Bawlhhlawh dahlawk : Bawlhhlawh paihni thlen hmain a lakkhawmna point bulah bawlhhlawh chhawp lawk kan la awm a, ui pawn chhuak ten an lo haidarh chang phei chuan a \awp thei hle \hin. Chuvangin, tun chinah chuan bawlhhlawh chhawp lawk tawh lo turin hriattir kan ni e.
    Bawlhhlawh paih hun hetiang hi a ni e :-
|awih thei phur (Pikup) : Kartin inrinni (Zingkar)
|awih theilo phur ( 407 Truck) : Thawhlehni (Zingkar), Ningani (Chawhnu her) leh Inrinni (Zingkar)
|awih theilo phur ( Pikup) : Nilai leh Inrinni (zingkar)
Step Area (Put chhuah) Venglai chuanhnuai : Inrinni (Zingkar) Bawlhlawh thliar \hat loh chu putchhuah a ni lo ang.

Chowkidar Quarter rawk : Nov. ni 25, 2020 chawhnu lam khan Lalsavunga Park Chowkidar Quater chu rawk a ni a, a rawktute hi Tlangnuam Gosen veng tlangval pahnih an ni. Hemi tlai vek hian a rawktute hi Saikhamakawnah an thil ruk hralh an tum lai man an ni a, kan veng lamah hruai phei niin thuneitute kutah hlan an ni.

Duty ngawrh : Hlimen nungcha humhalh pawl te chuan tunlai hian Serlui dunga nungcha humhalhin zanriakin an duty ngawrh hle. An inpekna a ropui tak zet zet a ni. Mipui te pawhin  lui dung mai bakah nungcha dang humhalhna kawnga hmalakna-ah thu kan awih tlangpui niin a hriat a a, a lawmawm hle.

 

HEADLINE :

KUM 2021 BRANCH YMA HRUAITU THLAN
    Hlimen Branch YMA Committee chuan kum 2021 chhunga Hlimen Branch YMA hruaitu thlan hun atan Dec. ni 11, 2020 (Zirtawpni) zan dar 6:30 - 7:30 a ruat a, hripui len lai a nih avangin Section tinah hetiang hian inthlan dan a ruahman a ni :-
Inthlanna hmun turte :
 1. Buala Section : Pu Hrangchhuana te Varanda
2. Damvea Section : Pu Duhthusama te Varanda
3. Kapdaia Section : Pu Lalthlamuana te Varanda
4. Lalsavunga Section : Pu Saibanga te Varanda
5. Saichhuma Section : Pi Lallianmawii te Dawr Varanda
6. Vawmphunga Section : Pu Pakunga te Varanda
 Hriattur \ul te :-
1. Mi paruk (6) thlanchhuah tur a ni a, Ballot Paper ah hian Nominate te hming tarlan a ni anga, kan mi thlan duh 6 hming zawnah thai (tick) mai tur a ni a, kan tih zawh ah Bawma thlak tur.
2. Section tin te mahni Section ah \heuh vote thlak tur.
3. Vote thlak hun hi darkar 1 chhung chauh a ni a, hemi hun chhunga vote thlak hman vek tur.
4. Vote thlak tur ten Pen ken vek ni se, Face Mask vuah vek tur.
5. Inthlanna hmunah hian Inthlan buaipui tu tur ten Ballot Paper hi an lo kawl dawn a, Nominate List hi Hlimkhawpui Chanchinbu lamah tarlan a ni ang.
6. Member tin te vote thlak \heuh tura ngen leh beisei kan ni.
Tunlai hripui (COVID-19) avangin Inthlan hi kum dang anga ruahman theih a ni si lova, member ten lo hrethiam turin kan in ngen a ni e.Tin, Nominate atan ahnuai amite hi ruat an ni :-

Buala Section :
1. H. Lalrinmawia    2. Jerome Lalduhbika  
3. Lalhmuchhuaka    4. Lalkhawmawia
5. Lalnunsiama    6. Malsawmdawngkimi.
7. R. Lalrindika    8. Robuanga
9. Zoramhmangaiha

Damvea Section :
1. J. Lalfakzuala     2. John Lalhunhlua
3. Judy H. Lalbiaknungi     4. Lalmuansanga  
5. Lawmtluanga     6. R. Lalbiakmawia

Kapdaia Section :
1. Biaknghinglova     2. K. Lalremruata
3. Lalrinchhana    4. Lalzopuia
5. RC. Lalroliana

Lalsavunga Section :
1. Lal\anzuala    2. Lawmsangkimi

Saichhuma Section :
1. C. Lalrinpuia    2. G. Lalzahawma
3. Lalbiaknunga    4. Lalbiaksanga
5. Lalrinmawia     6. R. Lalawmpuia
7. R. Zoliana     8. Zoramkalsiama

Vawmphunga Section :
1. H. Ralkapthanga     2. Lalthantluanga
3. Zolianchhunga      4. Zoramsiama

 

PAGE - 2

EDITORIAL :

Puitlin lam i pan ang u
    Puitling tih hi engtianga tih chi nge niang tih hi ngaihtuah tham a tling a ni. Tehna hrang hrang a awm thei awm e. |henkhat in upat leh naupan-ah an teh laiin \henkhat chuan len leh tet-ah an lo teh bawk a; tin, mi\henkhat leh chuan khawsak leh chet hmangah puitlin leh puitlin loh an lo teh ve mek bawk. A tehtu  a zirin puitling tih chin a inanglo fur thei awm e.
    Ka lo ngaih ve dan chuan mipuitling tia ka lo ngaih ve chu a upat leh naupan lam nilovin a len leh tet vang lam pawh nilovin a chetphung leh nunphung enin mipuitling chu sawi ngai lovin miten an hmuin an hre nghal mai \hin.
    Kum upa leh taksa lian apiang te hi puitling an ni vek lem lo, kum upa tawh tak pawh naupang chhe tal mai mai; chutiang bawkin taksa lian pui te pawh naupang chhe tal mai mai an awm bawk.
    Keini veng, Hlimen pawh hi a kum leh a veng lendan leh upat dan ngawta thlir chuan - Puitling tia chhal ngam chu kan ni awm e. Mahse mi\henkhat thlir danah chuan Hlimen chu kum 200-a upa a ni a. Mahse veng naupang tak ang maiin an nawi (naupang) tih te, an veng len tehlul nen an khawsak dan a naupang tih kan hlawh  fo mai. Tun a\ang chuan kum lam leh veng len lam te enin veng puitling kan ni tawh a. In leh lo kan enkawl dan te, khawlai kan enkawl dan te leh khawlai a nun kan hmandan ah te fimkhur in PUITLIN LAM I PAN ANG U.

 

ZIAKTUTE HUANG :

Lunglen anká
-Andrew Khawlhring
    Hun a herliam zel a, ber thla kan chuangkai chho leh ta reng mai. Kan nghahhlelh em em Krismas pawh kan hnaih ta hle mai. Fak hla siamtu paw’n ‘Lal pian hun pangpang a vul leh ta’ a lo tihte hian a hun lai na na na chuan a lo hlu bik em a ni. Kan rual û te hunah Tlangsam par a lo par tawh chuan Krismas a hnai tawh hle tih a hriat theih. Thil thar neihna te leh masi ruai \hehte kha a hlutna a ni. Kumin zet zawng kan hripui leng avangin a boruak a danglam zo ta. Masi thing phurhte, masi bawng kaihte kha naupang lam tan chuan a lo va nuam em!!
    Biak in chei mawi tak te, lamlian leh kawtthler chei mawi takte kha a tihlutu an lo ni. Masi boruakin min han nang a, Advance Christmas kan hman te kha a lo nuam ber mai. Rual û zawkte hunah chuan chow kan te, disco te, tun hun thleng pawh a ar kante kha a lo nuam hle mai. Kumin zet zawng khangte kha kan tawng leh ang em tih a sawi theih loh. Pathian hnenah \awng\ai a kan dil a kan thlen te pawh a \ha hle mai.
    Zan khaw tairek thleng a naupiang lawma Tlangsam par leh mizo pangpar dangte a Biak in an lo chei \hin kha hmanlai an chang zo ta. Cheimawina hrang hrang hmanga Biak in han cheite pawh kumin zet zawng a theih ang emaw chu. Kohhran \halai ten inkhawm bana Pu Rokunga hla hmanga hla kan han zir a, ‘Aw Bethlehem Judai ram a mi’ tih kan han sate kha a ngaihawm mang e. Ruai \heh a ni a, fatu ten a  chek tui, a tuipui tia an han au te kha bengah hian a cham reng mai. Hun hi a va kal chak em! Kumin zawng kohhran tam takin ruai an \heh loh tur thu kan hre ta a, a \ul miau bawk si.  Tawnmang mawl mai nise a va duhawm em!! Mahse a theih si loh. Lungleng in ni kan chhiar dawn zawng a nih hi. Mahse he hun zet zawng kum a lo vei meuh chuan thawnthu ngaihnawm a la chang ngei ang. Kan tu leh fate tan chuan chanchin ngaihnawm a la ni dawn a ni. Favang ni tla tur han thlir erawh chuan a masi ruih mai. A enga pawh chu nise, a dam kan hauh ang a, Pathian zarah kum lo thar leh tur chu Krismas kan hmang thei tawh turah ngai ila, chung Pathian hnenah \awng\aiin au zel ila, kan cho loh hripui hian kian zai a rel ve ngei ang.

 

 

 

PAGE - 3

HRIATTIRNA :

Local Council hriattirna
    Bawlhhlawh senghawitu motor in bawlhhlawh a lakkhawm hun laiin Bawlhhlawhphurtu lirthei dinna awmlo in sanitation Point ah lirthei dang emaw bungrua dang eng chi pawh dah loh tur a ni. A bikin Venglai kawn a Sanitaion Point- Pu Thartea dawr kawtah harsatna a awm leh \hin a, tunhnuah chuan helai hmunah hian bawlhhlawh  khawn laia  inpho emaw lirthei hun emaw bungrua engchi pawh bawlhhlawh phur tana harsatna siam thei zawnga dah a rem lo a ni tih kan in hriattir e.

E/Roll chungchang
    Election Commission of India thupek angin Nov. ni  16, 2020 -  Dec. ni 15, 2020 hun chhung hian  MLA Electoral Roll Special Summary Revision neih leh tur a ni a,    hemi hun chhung hian   Jan. ni 1, 2021 a kum 18 tling pha chiah chiah  leh a hmalama kum 18 tling tawh te tan Roll-ah in thunluh theih a  ni ang(1.1.2003 leh a hmalam).
    In thun thar turte chuan passport size thlalak pakhat, Birth certificate photocopy copy pakhat ,Ration card photocopy pakhat thil tel a ngai.
    Electoral Photo Identity card(EPIC) siam \ha duh tan kan siam\hat tur/thlak tur  rawn sawifiahtu lehkha photocopy ,EPIC photocopy leh thlalak pakhat a ngai.
    In sawn/transfer duh te chuan Roll a kan lo awm hmasakna Electoral roll phek photocopy ,EPIC photocopy leh ration card photo copy a ngai.
    A chunga kan rawn tarlan te buaipui tur nei chuan Hlimen BLO, Pute :-
1.Lallawmzuala. 2.Vanlalzawna  3.J.Vanlalhruaia te hnenah ngaihven tur a ni.

 

Advertisement...

MD  Septic  Tank  Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(23-18)    9436199884, 9862476439

CHURCH CLERK HNARUAK
    Himen Presbyterian Koh Dec. ni 20, 2020 ralhma in Kohhran Secretary hnen dilna thehluh theih a ni.
HRIAT TURTE.  :-
1.Diltu chu dan zawhkim,   Hlimen Presby. Kohhran    a lawi a ni tur a ni.  
2.Diltu chu computer thiam tak ani tur ani.
3.Hlawh ` 6500/- per month, kumtin increment pek a ni ang.
4.Interview hun : Dt.21.12. 2020 Zing dar :7.00    
A hmun : Hlimen Kohhran Committee Room 1

    Sd/- Secretary,
 (4-1)    Hlimen Presbyterian Kohhran

 

LAWRKHAWM :

Health Care Enrollment chungchang
    1. Healthcare Enrolment hi sub-centre/ clinic ah December 2020 thleng hawn tur ani a, mahni bial ah tlangau leh theuh tur ani, tin, whatsapp group lamah pawh thawn darh leh theuh ang u.
    2. Mo thar leh naupiang thar ration card a hming chuang lo an awmin ziahbelh mai tur ani e.
    3. Pawl chhuak nih avanga ration card neilo te chu  Remark ah  Pawlchhuak ti a ziah tur ani a, chhan dang vanga ration card neilo annih chuan an neihloh chhan chiang takin Remark ah ziah tur a ni. Ration card neilo ti a ziah ringawt tur anilo.
    4. Enrollment hi January 2021 ah submit tur ani a, submit dan tur kan inhriattir leh dawn nia.

District Coordinator, MSHCS

CENTRAL YMA THUCHHUAK
    Krismas 2020 leh Kumthar 2021 hunpui lo thleng turah Mizo mipuite duhsakna sang ber Central YMA chuan a hlan a ni. Hunpui lo thleng turah hian midangte harsatna siamtu nilova, \anpuitu ni theuh turin kan insawm e.
    Hunpui kan hman turah hian Mizo mipuite hnenah ngenna Central YMA chuan a siam a, a zawm kawngah \an la \ heuh turin kan inngen a ni.
1. Halpuah, Halmawi leh puak thei thilte hi boruak tibawlhhlawhtu a nih rualin Covid-19 hripui leng mekah harsatna lian zawk thlen thei anih avangin mipuite kan him tlan nana zuarlo tur leh hmang lo turin.
2. Mizopa Rocket (Sky Lantern) hian kangmei a chhuah theih avang leh kawlphetha semdarhna nasa taka a tihbuai theih avanga hmang lo turin.
3. Silai lem a mu kapchhuak thei hman hian nasa taka chhiatna a thlen theih avangin hmang lo turin.

    Sd/- Prof. LALNUNTLUANGA
    General Secretary, Central YMA

SCHOLARSHIP DIL duhte tan
1. Labour & Employment card attested xerox copy-1
2. Principal Hriatpuina lehkha
3. Passbook xerox attested copy-1
4. Birth Certificate xerox attested copy-1
Zirlai dilsakte Scholarship hi tun session (Current Year) 2020-2021 tur ani a,marksheet a awm theih dawnloh avangin Principal Hriatpuina thil tel vek tur ani. Dil theih hun chhung hi kumin chhung a ni. Form hi kan hnenah a laktheih nghal bawk a,xerox pawh kan ti thei nghal bawk e.
 Renew tur July leh August 2020 a thehlut hman tan Card a lamtheih tawh bawk e.

    Lalzarliana leh Lalmuanpuii
    Dak In (Post Office), Hlimen, Damveng

 

Advertisement...

Bawngsa...Bawngsa
    Bawngsa a ti hring ` 600, a ir no  ` 550, a thin  ` 600 leh a ti rep ` 450 in lei tur kan nei reng e. Min rawn pan ve teh le.

    Lalchhungpuii, Saichhuma Sec.
(1-1)    Ph. 9862375253

 

PAGE - 4

KEIMAHNI :

Hlimkhawpui Budget
    Hlimkhawpui  September & October 2020  thla Budget  pe tla tawh te:
1.    Kapdaia Sec.    2. Damvea Sec.
3.     Buala Sec.

Sum Audit
    Dec. ni 8, 2020 (Thawhlehni) zan dar 7:00 hian YMA Hall ah Branch sum, Chhiatni Fund sum, Hlimkhawpui sum, Section sum leh Property sum te Audit tur a ni a, heng sum enkawltu te hian hei hi hriattirna a ngaih tur a ni.  Auditor tur te :-
    1. Tv. Lalkhawmawia, Convener
    2. Pu Zolianchhunga
    3. Pu George Lalzahawma
    4. Pu Zoramkalsiama

Saichhuma Section         
    Nov. ni 21, 2020 a Section hnatlanna a tlawmngai a rawn thawkchhuak zawng zawng te chungah Section O.B te'n thinlung tak in lawmthu kan sawi a.Tin, Hnatlang te a tul a hman atan heng mi te atang hian Sum kan dawng  bawk a,an chungah lawmthu kan sawi nghal bawk a ni e :- 1. Pi Biakveli - Rs. 1000.   2 Tv. R Lalawmpuia ( Committee Member,Ex Officio) -Rs.300 3. Pi Nubawihi ( Pu Lalkunga(L) Thiannu)-Rs 200 4. Local Council - Rs. 500.                                    
Sd/- Secretary

 

Advertisement...

F.K. SEPTIC TANK SERVICE
    Septic Tank khat paih, commode block, soak pit hlui leh thar kan siam theiin pipe fitting kan thawk thei e.
    Regn. No. MSR 524 of 15 of 2013
    Rate - Inbiak remna.


(45-41)                         Ph. 7085521791/9615920739

Z.S. Electricals
Saikhamakawn
    Electrical goods chi hrang hrang tlawm taka zawrhna hmun, in sa thar te tana Electric bungrua leh hmanraw chikim awmna
Hmundang aia tlawmin kan lo pe ang che u.
Tin, Phone charger, Earphone, Headphone (Syska Company) etc. pawh kan nei bawk e.

(5-3)    Ph : 813195880/9612151984

Septic Tank Khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

      VL-a,
(10-10)    Ph.No : 9402344486, 9615266170

 

Lawrkhawm Chhunzawmna...

CENTRAL YMA CHETVELNA
23.11.2020 : UD & PA Deptt.-in Mizoram chhunga khawpui fai intihsiakna endik tura a ruat Pannel of Expert ten Sairang leh Lengpui an endik a, CYMA aiawhin Asst. Secretary a tel.
23.11.2020 : Assam Rifles 23 Sector DIG, Brigadier Digvijay leh Officer dangte Central YMA Office-ah an rawn leng a, Central YMA OB ten an lo dawngsawng.
23.11.2020 : Secretariat Conference Hall-ah Krismas leh Kumthar vuakvet-a Halpuah, Halmawi leh Silai lem, a mu kapchhuak thei khap chungchang Meeting neih a ni a, Central YMA OB te an tel.
24.11.2020 : Mizoram Rural Bank-a Officers’ and Staff Association hruaitute Central YMA Office-ah an rawn leng a, Central YMA OB ten an lo dawngsawng. MRB Officers’ and Staff Association hruaitute hian, hnamdang mi 19 thawk mek te Recruitment Rules kalh a dah ngheh tumna awm mek an dodalna kawnga hmalak pui turin Central YMA an ngen.
27.11.2020 : Commerce & Industries Deptt. Conference Room-ah Core Committee on Inspection of Marker Price under Covid - 19 Vegitation & Fruits Supply Chain meeting neih a ni a, Pu Roneihthanga Fin. Secretary a tel.
27.11.2020 : Mizoram Youth Commission bultumin Hyve City Hall, Tuikual-ah Khuangchera Project under Moral Reform Kick Off programme hman a ni a, Pu Vanlalruata President a tel.
27.11.2020 : Central YMA Office Building bula Central YMA muti Storey Car Parking tur Mizoram Technocrats Company (P) Ltd.-in an sak tur chu ban khur laih tan a ni.

-  ESSAY  COMPETITION  -
    A hnuaia tarlan ang hian lawmman tha tak siam in electrical energy renchem chungchangahessay competition buatsaih a ni a, tel turin mi zawng zawng kan sawm a che u.
    1.OPEN  CATEGORY: Thupui: “Electrical energy  renchem hi mitin mawhphurhna a ni
    Word: 4,000 aia tlem lo
    Lawmman: 1st Pos. - Rs. 8,000 + Citation, 2nd Pos. - Rs. 7,000 + Citation   3rd Pos. - Rs. 6,000 + Citation & 10 Nos. Consolation - Rs. 3,000 + Citation
    2.COLLEGE  &  UNIVERSITY  CATEGORY:Thupui: “Electric  energy  renchem  pawimawhna
    Word: 3,000 aia tlem lo
    Lawmman: 1st Pos. - Rs. 6,000 + Citation, 2nd Pos. - Rs. 5,000 + Citation   3rd Pos. - Rs. 4,000 + Citation & 10 Nos. Consolation - Rs. 2,000 + Citation
    3.HIGH  SCHOOL  &  HIGHER  SECONDARY  CATEGORY: Thupui: “Nitin khawsak na a electric energy renchem dan
    Word: 1,500 aia tlem lo
    Lawmman: 1st Pos. - Rs. 5,000 + Citation, 2nd Pos. - Rs. 4,000 + Citation   3rd Pos. - Rs. 3,000 + Citation & 10 Nos. Consolation - Rs. 1,500 + Citation
    THEHLUHNA  HMUN  :
    1) Hard copy- Electrical Inspectorate, P&E Dept, Zuangtui, Aizawl, 796017
    2) Online- Email : sdamizoram@rediffmail.com & Whatsapp : 8575186505
    LAST DATE  OF SUBMISSION  :7th  December, 2020  (Monday)* Hming, Contact No., leh Address chiang taka ziah tur a ni a, Category 2 & 3 te tan School /  College / University leh Class zat tarlan tel bawk tur.
(Save Energy for Benefits of Self & The Nat ion)
Organized  by
Electrical Inspectorate, P&E Department, Govt. of Mizoram
State Deisgnated Agency  for Energy  Conservation

 

Sahmulphah thla (November) Ni 21, 2020, Issue No. 47

 PAGE - 1

TUALCHHUNG :

Damlo : Pi Lucy Lalremsiami W/o Vanlaldawla Saichhuma Sec. a mi chu nerve \halo avangin B.N Hospital-ah admit a ni a, hun engemaw chen enkawl a nih hnuin a lo chhuak leh ta.

##    N. Zodinpuia H/o Pi Manteii Vawmphunga Sec. a mi chu Stroke avangin Nov. ni 15, 2020 khan B.N Hospital-ah Admit niin enkawl zui mek a ni.

Pem thar :  R. Lalrinkima te chhung, member 3  te chu  Bethlehem Vengthlang a\angin kan vengah an rawn pem a, Pu Vanhnuaithanga te inbul Kapdaia Section ah an awm.
    Tin, Pi Laltlanruali chu Mamit a\anga hun engemaw tichung awm turin kan vengah a rawn awm a, a ni hian  Buala Section a Health Clinic hnuai  a luah a ni.

Tuak thar :  Vanlalduha S/o Dengkhuma, Kapdaia Sec. a mi leh Lalruatfeli D/o Mistiri Soren, Buala Sec. a mite chuan Nov. ni 14, 2020 khan dam chhunga nupa ni turin ‘tiam tlat e’ an ti.

GNM Passed : General Nursing  & Midwifery (GNM) result chhuak ah Lalthansangi Ngente(Tetei)  D/o Zonunmawia Ngente, Saichhhuma Sec. a mi chuan Apollo School of Nursing atangin First Division ah a pass, a hlawhtlinna kan lawmpui tak zet zet e.

Polling Station thar : Voter kan pun ve tak zel avangin Polling Station thar kan neih belh ta a,  Hlimen III tih a ni ang a, Hlimen -III hi Damveng tawntirh a\anga Venglai, PWD Kawngpui thlang lam chin zawng leh Hlimen Presby.Biak In bul a\anga Phunchawng zawl kawng,tlangdung kawngpui dinglam pang chin zawng a ni ang.
    Sawi tawh angin Hlimen -III hi Polling Station thar a ni a.Kan BLO thar Pu.J. Vanlalhruaia hnenah hemi Area chhunga mi zawng te hian Roll revision chung chang pawh hi ngaihven tur a ni e.
     Heti hian Hlimenah  Polling Booth pathum a awm tawh dawn a, a hnuai mi  hi tun dinhmun a voters awm zat a ni e:- Hlimen-I  voters- 645,  Hlimen-II voters- 956 Hlimen-III voters- 670.

 

HEADLINE :

Branch YMa Exe. Committee neih a ni
    Nov. ni 17, 2020 zan khan YMA Hall-ah Hlimen Branch YMA Exe. Committee vawi-9na neih a ni a, thurel tlangpui te:-

1. Kum 2021 hruaitu thlang chung chang:- Kum 2021 Branch YMA O.B thlan turah Covid-19 hrileng avangin YMA Hall a inthlanna buatsaih chu Committee chuan remchang a ti lo a, Section tinah inthlanna hun leh hmun buatsaih nise tih a ni:-
    A hun     :     Dec. ni 11, 2020 (Zirtawpni)
            6:30 Pm-7:30 Pm
    Buala Section    :    Pu Hrangchuana in kawt
    Damvea Section    :    Pu Duhthusama in kawt
    Kapdaia Section    :    Pu Lalthlamuana in kawt
    Lalsavunga Section    :    Pu Saibanga in kawt
    Saichhuma Section    :    Pi Lallianmawii in kawt
    Vawmphunga Section    :    Pu Pakunga in kawt
Inthlandan tur : Mi 6 thlanchhuah hmanga inthlan a ni anga, inthlanna hmun tura ruat ina kalkhawm lo in, kal paha Vote thlak mai nise tih a ni.
Nomination siam : Hruaitu thlannaah hian Nominate siam \ha kan ti a, kum 2020 Branch OB leh Committee member te Nominate nise tih a ni.
R.O & Asst. R.O : 1) Pu R. Lalngheta Exe. Officio
2. Pu Vanlaltluanga
P. O : Section tina Polling Officer turin heng mite hi ruat an ni:-
    Buala Sec.    :    Pu Ro\huama leh Pu Lalengliana
    Damvea Sec.    :    Pu Duhthusama leh Pu C. Lalengzauva
    Kapdaia Sec.    :    Pu Vanlalzawna leh Tv C. Lalhmingthanga
    Lalsavunga Sec.    :    Pu Lalhmingliana leh Pu Lalremmawia
    Saichhuma Sec.    :    Pu Lawmzuala leh Pu Zosangzuala
    Vawmphunga Sec.    :    Pu Pakunga leh Pu C. Zothanliana
    Section tinah inthlan zawh hnuah R.O te nen YMA Hall-ah Vote chhiar nise. Result hi Hlimkhawpui chanchinbu-ah tarlan mai nise. Inthlanna hmunah kutsilna (Sanitizer) dah nise . Inthlang tur ten hmaituam nise, Social Distancing vawng chungin inthlanna hman nise tih a ni a. Pen ken vek tur a ni ang a. Heng baka rel ngai chu OB te kuta dah a ni.

2. Sum Audit : Dec. ni 8, 2020  zan dar 7:00 hian YMA Hall ah Branch sum, Chhiatni Fund sum, Hlimkhawpui sum, Section sum leh Property sum te Audit leh nise, Auditor tur te :-
1. Tv. Lalkhawmawia, Convener
2. Pu Zolianchhunga
3. Pu George Lalzahawma
4. Pu Zoramkalsiama

3. Thlanmual chei : Hrileng avangin kumin thlanmual chei chung chang chu December thla committee a rel atan dah a ni.

4. Kalkim lawmman : Branch Committee vawi 9 a kal kim mi 10 leh Branch hnatlang vawi 7 neih a kalkim mi 4 te hnenah lawmman pek nise tih a ni.
(Phek 4-naah chhunzawm a ni.) 

 

PAGE - 2

EDITORIAL :

I chanchin engtia sawi nge i duh
    Mi tupawh mai hian thil tih duhzawng leh sawi duh zawng leh nuam tih zawng tak kan nei \heuh hlawm a. Kan duh zawng leh nuam kan tih zawng min \awmpuitute chu kan ngaina \hin, an bula awm pawh nuam kan ti thei hle thin. Chung mite chu \hian\ha a kan neihte an ni ber \hin.
    Tin, khawvel a lo piangchhuak tawh mihring tu pawh mai hian chanchin engemaw tal chu neilo kan awm lo a ni. Dam rei deuhin chanchin sawi tur an ngah a, a dam reilo deuhin an nei tlem deuh a ni ringawt mai. Kan chanchin neihte hi mahni ngeiin kan puangchhuak lo a nih pawhin; tuemaw tal chuan loh theih lohva min puanzarsak \ul hun chu a la thleng tho tho dawn. Tam takin chu hun chu an tawng tawh a, tuna nung dama la awmte pawh hian khawvel te hi a la awm zel a nih chuan kan la tawng vek dawn. Chu hun chu kan hnukchah /thih hun  hi a ni. Kan ruang chungah ding meuhin kan chanchin hi mipui hmaah puanchhuah hun a la thleng dawn. Chumi hun chuan engtin nge i chanchin sawi se i tih le?
    Tunah khan i chanchin sawi hi lo \ul ta thut se engtin nge i duh? Tun hun i hman dan leh hun kal tawh a nuam i tih zawng leh i thil tih leh sawi \hin te chu i chanchin an rawn sawi dan tur chu a ni dawn si. I chanchin i ruang chunga ding meuh a tuten emaw an rawn sawi huna; chhungte leh laina te tana hriat nuam tak nge i duh a, chhungte zah ruk veng veng na tur, tlip mawi harsa khawp chanchin? Duh thlan tur chi hnih kan neih \heuh a, kan dam lai (\hatlai) a tihfel ngei ngei ngai a ni si.
I CHANCHIN ENGTIA
 SAWI NGE I DUH?

 

-  ESSAY  COMPETITION  -
    A hnuaia tarlan ang hian lawmman tha tak siam in electrical energy renchem chung changah essay competition buatsaih a ni a, tel turin mi zawng zawng kan sawm a che u.
    1.OPEN  CATEGORY: Thupui: Electrical energy  renchem hi mitin mawhphurhna a ni
    Word: 4,000 aia tlem lo
    Lawmman: 1st Pos. - Rs. 8,000 + Citation, 2nd Pos. - Rs. 7,000 + Citation   3rd Pos. - Rs. 6,000 + Citation & 10 Nos. Consolation - Rs. 3,000 + Citation
    2.COLLEGE  &  UNIVERSITY  CATEGORY:Thupui: Electric  energy  renchem  pawimawhna
    Word: 3,000 aia tlem lo
    Lawmman: 1st Pos. - Rs. 6,000 + Citation, 2nd Pos. - Rs. 5,000 + Citation   3rd Pos. - Rs. 4,000 + Citation & 10 Nos. Consolation - Rs. 2,000 + Citation
    3.HIGH  SCHOOL  &  HIGHER  SECONDARY  CATEGORY: Thupui: “Nitin khawsak na a electric energy renchem dan
    Word: 1,500 aia tlem lo
    Lawmman: 1st Pos. - Rs. 5,000 + Citation, 2nd Pos. - Rs. 4,000 + Citation   3rd Pos. - Rs. 3,000 + Citation & 10 Nos. Consolation - Rs. 1,500 + Citation
    THEHLUHNA  HMUN  :
    1) Hard copy- Electrical Inspectorate, P&E Dept, Zuangtui, Aizawl, 796017
    2) Online- Email : sdamizoram@rediffmail.com & Whatsapp : 8575186505
    LAST DATE  OF SUBMISSION  :7th  December, 2020  (Monday)* Hming, Contact No., leh Address chiang taka ziah tur a ni a, Category 2 & 3 te tan School /  College / University leh Class zat tarlan tel bawk tur.
(Save Energy for Benefits of Self & The Nat ion)
Organized  by
Electrical Inspectorate, P&E Department, Govt. of Mizoram
State Deisgnated Agency  for Energy  Conservation

 

PAGE - 3

HRIATTIRNA :

HRIATTIRNA
    Pi Zachhingi D/o Thana (L) of Hlimen hian a LSC/House Pass/Shop Pass/Stall Pass/P.Patta No. Azl 1972 of 1985 of Hlimen veng a mi hi a tibova rawn insawiin Office-ah re-issue a rawn dil a. A dil ang a tihsak a rem lohna tur chhan eng pawh hria chuan Chanchinbu a chhuah a\anga ni 30 hma ngeiin a hnuaia address ziak ah hian hriattir tur a ni. Hetianga LSC/House Pass/Shop Pass/Stall Pass/P.Patta pek chhuah leh a lo nih chuan LSC/House Pass/Shop Pass/Stall Pass/P.Patta hmasa chu cancelled nghal a ni.

    Sd/- Director,
    Land Revenue and Settlement
    Mizoram, Aizawl

LLTF hriattirna
    Containment / Surveillance or Contact Tracing-a Swab Sample lâk tur nghâk lai leh, sample lâk tawh, Result nghâk te rêng rêng chu Negative Result an nei tih a chian phawt loh chuan an in Home Quarantine ngei ngei tur a ni a.  Chutianga tawmim \ha duh lote chu Mizoram (Containment and Prevention of COVID-19) Act, 2020 hnuaiah hrem theih an ni.
    Tin, sorkar thuchhuak a dawr khar hun tlai dar 5:00 tih chu a tlangpuiin vengchhung dawr kai ten kan zawm \ha lo hle mai a, tun chinah chuan dan hi zawm \heuh tawh turin hriattir kan ni e.

PWD ROAD PROTECTION HRIATTIRNA
    Section No. 144 Cr. P.C (Act of 1974) in a sawi angin kawngpui area chinah heng te hi khap/Dan in a phal loh te an ni.
a)    Kawngpuiah eng thil pawh kawng ti chep zawng a dahhnawk phal a ni lo.
b)    Kawngpuiah Rod chhut phal a ni lo.
c)    Side drain hnawh in engthil mah dah phal a ni lo.
d)    Kawngpui hi phalna neilo a mahni thu a lo laih (road cutting) theih a ni lo.
e)    Kawngpuiah tuichhe paih/tui luan tir phal a ni lo.
f)    Garrage luhna turin Black toped chungah(Side drain) pelin dawh phal a ni lo.
g)    In chungsang a\angin Black toped chungah tui khawhthlak tir phal a ni lo.
h)    Kawngpuiah Motor sil/a silna tui luan tir phal a ni lo.
i)    Kan insakna leivung leh bungrua dang hmanga Side drain leh Culvert hnawh phal a ni lo.

    Sd/- Road Protection Officer, PWD
    Road Protection & Enforcement Squad
 

Advertisement....

MD  Septic  Tank  Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.
Regd. No MSR542,                      Ph.No
(23-17)    9436199884, 9862476439

 

LAWRKHAWM :

Serlui humhalh zel
    Nungcha Humhalh Pawl, Hlimen chuan Serlui chu a humhalh zel a, Hlimen Youth Adventure Club member mi 11 lai te chu Nov. 15, 2020 khan Serlui ah an zu duty ve leh a, heti hian veng chhunga Club hrang hrang te chuan Serlui humhalh tur hian ke an pen chhuak ta zel a, hetiang hi  kan venga thil la thleng zen zen lo a ni a, a ropui hle a ni. Heti hian sangha a fuan laiin serlui chu khawtlang \anrualna avang liau liau in venhim a lo ni ta a, a hnu leh zel ah pawh \anrual a pawimawh chho zel dawn a ni. Thing leh mau, nungcha humhalh kawngah kan veng \halai te kan \hangharh hi a hluin a rah duhawm tak pawh kan hmuh chhoh ngei a beiseiawm tlat a ni.

E/Roll chungchang
    Election Commission of India thupek angin Nov. ni  16, 2020 -  Dec. ni 15, 2020 hun chhung hian  MLA Electoral Roll Special Summary Revision neih leh tur a ni a,    hemi hun chhung hian   Jan. ni 1.2021 a kum 18 tling pha chiah chiah  leh a hmalama kum 18 tling tawh te tan Roll-ah in thunluh theih a  ni ang(1.1.2003 leh a hmalam).
    In thun thar turte chuan passport size thlalak pakhat, Birth certificate photocopy copy pakhat ,Ration card photocopy pakhat thil tel a ngai.
    Electoral Photo Identity card(EPIC) siam \ha duh tan kan siam\hat tur/thlak tur  rawn sawifiahtu lehkha photocopy ,EPIC photocopy leh thlalak pakhat a ngai.
    In sawn/transfer duh te chuan Roll a kan lo awm hmasakna Electoral roll phek photocopy ,EPIC photocopy leh ration card photocopy a ngai.
    A chunga kan rawn tarlan te buaipui tur nei chuan Hlimen BLO, Pute :-
1.Lallawmzuala. 2.Vanlalzawna  3.J.Vanlalhruaia te hnenah ngaihven tur a ni.

Electric Bill chung chang
    Covid-19 hripui leng avangin Central Sorkar chuan chhungtin te Electric Bill engemaw chen a rawn tumsak dawn. Electric Bill min chawi \hensak tur hi November thla Bill; December thla a pek turah hian a ni a, contracted load 1Kw zelah ` 201.67  min chawisak dawn a ni. Chhungtin te Contracted Load a in an loh avangin Central Sorkar min chawisak tur hi a in ang dawn lo a ni.

Bawlhhlawh paih hun
##    |awih thei phur (Pikup) : Kartin Inrinni (Zingkar)
##    |awih theilo phur ( 407 Truck) : Thawhlehni (Zingkar), Ningani (Chawhnu her) leh Inrinni (Zingkar)
##    |awih theilo phur ( Pikup) : Nilai leh Inrinni (zingkar)
##    Step Area (Put chhuah) Venglai chuanhnuai : Inrinni (Zingkar) Bawlhlawh thliar \hat loh chu putchhuah a ni lo ang.

 

Advertisement...

Kan hawng thar e
    Ran damdawi chi hrang hrang, ui leh zawhte chaw chi hrang hrang, Collar, leash etc.. kan kawl reng e. Tin, Frozen Food chi hrang hrang kan kawl bawk e. Min rawn dawr ve teh le.
    - Lalrinmawii @ Mami
    Pet Plus Drugs Store
    Hlimen Damveng, Near Presby. Church
(2-2)    Ph. 9612867790 / 8415836251

 

     

PAGE - 4

KEIMAHNI :

Hlimkhawpui Budget
    Hlimkhawpui  September & October 2020  thla Budget  pe tla tawh te:
1.    Kapdaia Sec.    2. Damvea Sec.

CENTRAL YMA CHETVELNA
16.11.2020  : Kum 1979- 1983 chhunga Central YMA Finance Secretary Er. K. Thangzuala (87) Chanmari chu 15.11.2020 8:50 pm khan Pneumonia avangin a boral a, a vuina hunah Pu Fabian Lalfakawma, Treasurer chuan thusawiin thlahna pangpar a dah. 

16.11.2020 : Chief Minister’s Conference Hall-ah Covid - 19 Vegitables & Fruits Supply Chain meeting neih a ni a, Pu Roneihthanga Finance Secretary a tel.

16.11.2020 : DC’s Conference Hall-ah District Level Standing Committee in Connection with General Election to Aizawl Municipal Corporation 2020 meeting neih a ni a, Prof. Malsawmliana Assistant Secretary a tel.

17.11.2020 : Bawngkawn Branch YMA-in zirlai ti thate chawimawina hun an hmang a, Tv. Lalhmachhuana Vice President-in a hmanpui a, Pu K. Lalrinawma CEC-in a \awiawm.

18.11.2020 : Synod Committee Room No. 1-ah MPF Governing Body Meeting neih a ni a, Prof. Malsawmliana Asst. Secretary leh Pu Roneihthanga Fin. Secretary-te an tel.

19.11.2020 : Secretariat Conference Hall-ah State TB Forum Committee meeting neih a ni a, Pu F. Lalfakawma CEC a tel.

20.11.2020 : Chief Secretary’s Conference Hall-ah Covid - 19 Situation Review meeting neih a ni a, Pu Vanlalruata President a tel.

20.11.2020 : Chairman, Legal Services Authority Pisa-ah Compensation of Victims of Crime Compensation chungchang meeting neih a ni a, Pu B.C. Tawna CEC a tel.

 

Advertisement...

F.K. SEPTIC TANK SERVICE
    Septic Tank khat paih, commode block, soak pit hlui leh thar kan siam theiin pipe fitting kan thawk thei e.
    Regn. No. MSR 524 of 15 of 2013
    Rate - Inbiak remna.


(45-40)                         Ph. 7085521791/9615920739

In tan dawr kan hawng thar e
    Chhiatni \hatni a ken tur pangpar leh puan chi hrang hrang, man tlawm a\anga a to thlengin lei theihin kan kawl ve ta e. In lamah leh dawr hawn thar Pu Lallawmzuala In, Venglai-ah englai pawhin dawr theih kan ni ta e.
    Tin, hmeichhe sam tan leh mipa lu meh pawh dawrah hian a tih theih nghal bawk e.
    - Rindiki
    Hlimen, Damveng
(2-2)    Ph. 9862685935

 

Phek hma chhunzawmna
5.PHE tuisem chung chang : PHE tuisem kan dawn \hin hi veng mala kan dawn \hin chu Melthum veng nen a pek kawp kan ni a, hei vang hian harsatna  a awm niin Branch YMA chuan a hria a, hei vang hian veng mala kan dawn leh theih  nan hma min laksak turin Local Council ah thlen nise tih a ni.
6. Health & Family Welfare a\anga Health care Scheme enrolment atana phungbawma sawmna chu remtih a ni.

7. Rankhuahkhir leh Faina chung chang : Local Council in ran khuahkhirh chung changa leh faina chungchanga  thawhhopui tur a Branch YMA a sawm angin thawhhopui nise tih a ni.

8. Pu Lalbiakliana te unau, Hlimen, Aizawl ten an pa, Rev. Lalchhana thlan, Mamit Presbyterian Kohhran biakin tuala mi khu Kohhran hmasawn zelnaah a hmun laih chhiat a ngaih dawn avangin Rev. Lalchhana ruhro hi a nupui, Pi Biak\huami thlan, Hlimen thlanmual-I a phum an dilna chu remtihsak an ni.

9. Pem lehkha pawm sak te :
1. R. Lalrinkima te chhung, member 3 awmna , Bethlehem Vengthlang a\angin.
2. Laltlanruali,  Mamit a\anga hun engemaw tichung awm turin.

Ui pawnchhuak
    Ui pawn chhuak chung chang he chanchinbu-ah hian kan tarlang ngun ta hle mai, a sawt thawkhat viau laiin mi \henkhat erawh kan ui vulh khuahkhirh kan la tum lo niin a lang. Ui pawn chhuak hi mihring tan a him loh bakah mi varandah leh kawng sirah te an inthiar mai \hin a, hriselna atan pawh a \ha lo hle. Hetiang ui pawnchhuak chungah hian eng pawh thleng se phun nawi chi a ni lovang. Inthiartir tura ui kaichhuak \hinte pawhin hmun ualau laiah inthiartir lo ila, hmun fianrial panpui hram \hin ang u. Kan ui vulhte midangte tan ninawm leh tenawm a ni thei a ni tih hre reng ila, i khuahkhirh tlat ang u.

 

Advertisement...

Z.S. Electricals
Saikhamakawn
    Electrical goods chi hrang hrang tlawm taka zawrhna hmun, in sa thar te tana Electric bungrua leh hmanraw chikim awmna
Hmundang aia tlawmin kan lo pe ang che u.
Tin, Phone charger, Earphone, Headphone (Syska Company) etc. pawh kan nei bawk e.

(5-2)    Ph : 813195880/9612151984

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

      VL-a,
(10-9)    Ph.No : 9402344486, 9615266170

 

Sahmulphah thla (November) Ni 14, 2020, Issue No. 46

 PAGE - 1

TUALCHHUNG :

Boral : Pu Hlimkunga (kum 84) H/o Hualthanmawii Saichhuma Sec. chu Stroke avangin Nov. ni 9, 2020 zan dar 9:35 khan a boral a. A ruang hi Hlimen Presbyterian Kohhran Hall ah lumen niin a tuk Nov. ni 10, 2020 khan vui liam a ni.

Damlo: Lallawmawma H/o Esther Lalawmpuii. Vawmphunga Sec. a mi chu  Nov. ni 12, 2020 khan Ebenezer Hospital, Chawnpui-ah khel ruh dinglam tliak chu zai a ni a, he damdawi inah hian enkawl chhunzawm a ni.

##    Tv. Lalruatkima  S/o Lalbiakvela Buala Sec. a mi chu Trinity Hospitalah Nov. ni 12, 2020 khan Admit niin enkawl mek a ni.

##    Pu Lalruatkima Ralte  S/o Lalvuana(L), Damvea  Sec. a mi chu nerve \halo avangin BN Hospital, Kulikawn-ah admit niin enkawl mek a ni.

Tuak thar : Lalchhantluanga, Kapdaia Sec. (Vengthar) a mi leh Rohmingthangi D/o Lalremruati, Kapdaia Sec. a mite chuan Nov. ni 13, 2020 khan dam chhunga nupa ni turin ‘tiam tlat e’ an ti.

YMA in ral : Nov. ni 13, 2020 khan Pu Hlimkunga ralna hun hman a ni a,  chhung tina pawisa khawn tlingkhawm ` 5,540 leh chhiatni fund a\angin ` 2,000, a vaiin ` 7,540 chu a chhungte hnenah hlan a ni. Pu Hlimkunga chhungte hian puan 2 chu YMA ah an hlan bawk a ni.

Kawng chhung mek : Vengthar Biakin a\anga Samtlang road panna kawng thla chu tunlai hian RCC a chhun mek a ni a, khua in a zira rokhawlhna dang a awm loh chuan kar lehlam chu zawh fel theih rin a ni a, chutihrualin, a la char \hat hman dawn loh avangin lirthei engchi mah a la zawh hrih loh tur a ni .

Property Tax khawn  : Nov. ni 9, 2020 zingkar a\ang khan AMC Property tax 2020-2021 chu khawn niin Local Council Office ah chhiah hi pek a ni a, he chanchinbu buatsaih lai pawh hian chhiah hi khawn mek zel a ni.

 

HEADLINE :

CYMA CHETVELNA
    Tunkar chho chhunga Central YMA chetna hrang hrangte :-

6.11.2020 : SAD Conference Hall-ah Review Meeting of the on going Lockdown neih a ni a, Pu Vanlalruata President a tel.

7.11.2020 : Tripura nena inkalpawhna kawng leh lei chei \hat mekte a hmuna enpuiin Central YMA aiawhin Prof. Lalnuntluanga General Secretary, Tv. Zochhuana CEC, Pu C. Vanlalruata CEC leh Er. Lallawmzuala Pautu CEC te an kal.

12.11.2020 : Minister, Agriculture Deptt. Pisa-ah thil man chungchang sawihona meeting neih a ni a, Prof. Malsawmliana Asst. Secretary a tel.

13.11.2020 : Saroj Kumar, Major Adjutant, 46 Assam Rifles-in an Battalion Headquarters-ah NGO’s Conclave a buatsaih a, Central YMA OB te tel tura a sawm angin OB te an tel.

Fimkhur zel ang aw
    Kan hriat \heuh angin Covid-19 chuan zual lam a pan chho leh ta a, Aizawl veng tam takah hri kai thar; natna langchhuak an tam leh ta hle mai a. Tam tak hian an kaina  awm an hre mai lo lehnghal a, nunna chan pawh pahnih lai kan awm ta; fimkhur a va ngai em!!
    Heng te hi kan hriat hnu mah nise zawm tlat tur a ni :-
1. Mask vuah uar :- Hei hi chin dan phung pangngai (Habit) a neih khawpa kan chin uar a pawimawh hle mai. Khawilo chhuahna apianga pakhat mai ni lo, a \ul dan a zira a thlakna tur pahnih pathum tal ah/ken \hin nise a \ha hle ang.
2. Midang nena inkarhlat a awm (Social distancing) :- Kan khawtlang nun nen inpersan em em ni mah se hei hi kan himna atan pawimawh em em mai a nih avangin mahni inthununna nen a taka kan hman deuh deuh hi kan tihmakmawh tur a ni.
3. Sahbawn hmanga insilfai leh Sanitizer hman :- Hei pawh hi kan nitin nunah bet tlat rawh se. Sanitizer phei chu khawilo chhuahna apiangah ah/ken mai tur a ni.
4. Kut hlei loh :- Kan kut hi engkim kan khawihna a nih avangin mitin hian kan mit, kan hmui leh kan ká te hi kan khawih nasa em em mai a. Pawnlamah kan tei chhuak a nih chuan  a \heih hram chuan kan kut kan tifai hmasa a nih loh chuan hmui hmai khawih loh tawp tum tur a ni.
5. Thuawih :- Sawrkar leh LLTF te thuchhuah awih hi kan himna tur atana pawimawh em em mai a ni a, tin, Positive Contact in report tur a tih ah kan tel emaw in rinhlelhna kan neih emaw chuan a rang thei ang ber a in report na tur a in report thuai hi hri darh zel tur venna atana pawimawh ber te zing a mi tih i hre nawn leh ang u.
    Tin, a \ul viau a nih loh chuan pawn lama chhuah  loh hi kan tihmakmawh a ni tih i hre bawk ang u.

 

PAGE - 2

EDITORIAL :

    RINAWMNA
    Khawvel hnam changkang leh ropuite hi hnam rinawm an ni duh hle a, sumdawnna lama mi hlawhtlingte pawh mi rinawm an ni fo bawk. Chutiang bawk chuan sorkar hna leh kuthnathawh lamah pawh mi hlawhtlingte chu an hnathawh a mi rinawm tak an ni chawk a ni.
    Mi rinawmlo, mi pamhamte hi a chang chuan hlawhtling angin lang mah se an daihrei lo duh hle. Khawvel ram changkang tak tak tlawhkual \hinte pawh hian an rinawm zia leh an hnathawh thleng pawha sorkar tana an inpek zia hahipin an sawi \hin.
    Hei hi khawvel kalphung a ni chiang a, tin, kan Bible min zirtir dan pawh a ni bawk. Chuvangin Mizo hi inbihchiang ila, Hlimen khaw nu leh pate pawh hi i inbihchiang teh ang u. Rinawm taka hna kan thawhna ah hian nge hlawhtlinna tak tak kan neih a depdê taka kan thawhna-ah hian tihte pawh mahni \heuh inbih ta ila; a chunga kan sawi takte khi a dik zia kan hmuchiang hle ang. Chuvangin thil tihna kawng tinrengah hlawhtlinna nei tur chuan mahni thawhlai hna \heuhah rinawm takin thawk \heuh ila, chu chuan hlawhtlinna a hring thei a ni tih i zirchiang \heuh ang u.
    Tin, kan nitin nunphung leh khawsakho naah rinawm lo, thutiam a ding thei lo leh dawt sawi mai mai ching kan tam hle niin a lang. Kan \henawm khawveng; kan bulhnai a mite hian hnung lam a\angin min nuih tih inhriat a \ha. Thufing pakhat chuan, “rinawm taka a thutiama a din ngheh tlat avangin miin engmah hloh a nei ngai lo” a ti a. Keimahni, kan chhungkua leh kan khawtlan tan hian rinawmna hi a pawimawh tak zet zet a ni.

 

 

 

-  ESSAY  COMPETITION  -
    A hnuaia tarlan ang hian lawmman tha tak siam in electrical energy renchem chungchangahessay competition buatsaih a ni a, tel turin mi zawng zawng kan sawm a che u.
    1.OPEN  CATEGORY: Thupui: “Electrical energy  renchem hi mitin mawhphurhna a ni
    Word: 4,000 aia tlem lo
    Lawmman: 1st Pos. - Rs. 8,000 + Citation, 2nd Pos. - Rs. 7,000 + Citation   3rd Pos. - Rs. 6,000 + Citation & 10 Nos. Consolation - Rs. 3,000 + Citation
    2.COLLEGE  &  UNIVERSITY  CATEGORY:Thupui: “Electric  energy  renchem  pawimawhna
    Word: 3,000 aia tlem lo
    Lawmman: 1st Pos. - Rs. 6,000 + Citation, 2nd Pos. - Rs. 5,000 + Citation   3rd Pos. - Rs. 4,000 + Citation & 10 Nos. Consolation - Rs. 2,000 + Citation
    3.HIGH  SCHOOL  &  HIGHER  SECONDARY  CATEGORY: Thupui: “Nitin khawsak na a electric energy renchem dan
    Word: 1,500 aia tlem lo
    Lawmman: 1st Pos. - Rs. 5,000 + Citation, 2nd Pos. - Rs. 4,000 + Citation   3rd Pos. - Rs. 3,000 + Citation & 10 Nos. Consolation - Rs. 1,500 + Citation
    THEHLUHNA  HMUN  :
    1) Hard copy- Electrical Inspectorate, P&E Dept, Zuangtui, Aizawl, 796017
    2) Online- Email : sdamizoram@rediffmail.com & Whatsapp : 8575186505
    LAST DATE  OF SUBMISSION  :7th  December, 2020  (Monday)* Hming, Contact No., leh Address chiang taka ziah tur a ni a, Category 2 & 3 te tan School /  College / University leh Class zat tarlan tel bawk tur.
(Save Energy for Benefits of Self & The Nat ion)
Organized  by
Electrical Inspectorate, P&E Department, Govt. of Mizoram
State Deisgnated Agency  for Energy  Conservation

 

PAGE - 3

HRIATTIRNA :

LLTF hriattirna
    Containment / Surveillance or Contact Tracing-a Swab Sample lâk tur nghâk lai leh, sample lâk tawh, Result nghâk te rêng rêng chu Negative Result an nei tih a chian phawt loh chuan an in Home Quarantine ngei ngei tur a ni a.  Chutianga tawmim \ha duh lote chu Mizoram (Containment and Prevention of COVID-19) Act, 2020 hnuaiah hrem theih an ni.
    Tin, sorkar thuchhuak a dawr khar hun tlai dar 5:00 tih chu a tlangpuiin vengchhung dawr kai ten kan zawm \ha lo hle mai a, tun chinah chuan dan hi zawm \heuh tawh turin hriattir kan ni e.

PWD ROAD PROTECTION HRIATTIRNA
Section No. 144 Cr. P.C (Act of 1974) in a sawi angin kawngpui area chinah heng te hi khap/Dan in a phal loh te an ni.
a)    Kawngpuiah eng thil pawh kawng ti chep zawng a dahhnawk phal a ni lo.
b)    Kawngpuiah Rod chhut phal a ni lo.
c)    Side drain hnawh in engthil mah dah phal a ni lo.
d)    Kawngpui hi phalna neilo a mahni thu a lo laih (road cutting) theih a ni lo.
e)    Kawngpuiah tuichhe paih/tui luan tir phal a ni lo.
f)    Garrage luhna turin Black toped chungah(Side drain) pelin dawh phal a ni lo.
g)    In chungsang a\angin Black toped chungah tui khawhthlak tir phal a ni lo.
h)    Kawngpuiah Motor sil/a silna tui luan tir phal a ni lo.
i)    Kan insakna leivung leh bungrua dang hmanga Side drain leh Culvert hnawh phal a ni lo.
Information pek theihna te:
1.    Lalengthangi, Protection Officer, 9862327066
2.    Lalbiakliana, Inspector, 8732854244
3.    PC Zosangliana, Inspector, 9612500725

    Sd/- Road Protection Officer, PWD
    Road Protection & Enforcement Squad

Local Council hriattirna
1. Bawlhhlawh hi a thliar dan tur angin thliar vek zel tur a ni a, bawlhlawh paih turin mahni bawlhhlawh hi buaipui zel tur a ni a, Sanitation Point ah bawlhhlawh chhawp lawk tawh loh tur a ni.
2. Kan khawtlang a lo thianghlim zawk nan kan ranvulh te chu \henawm khawveng leh khawtlang tana hnawksak lo thei ang bera enkawla vulh turin kan in hriattir a, faina leh thianghlimna kawngah khawtlang kan \anrual a pawimawh hle dawn a, November thla a\ang chuan bawlhhlawh hi thliar vek tawh tur a ni tih kan in hriattir nawn leh e.
    Local Council, Hlimen
 

Advertisement...

MD  Septic  Tank  Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.
Regd. No MSR542,                      Ph.No
(23-16)    9436199884, 9862476439

 

LAWRKHAWM :

Chhiatni Report
    Pu Hlimkunga puala buhfai leh pawisa khawn khawm dan ziaka hmuhtheih chin :-
    Section    Chhungkua    Buhfai    Pawisa           
    

Buala               109         113        1,030        

Damvea           125         127        1,390        

Kapdaia           130         138        1,220        

Lalsavunga        39          41            370        

Saichhuma       116         121          980        

Vawmphunga    59          66            550                       

            Total    578        606        5,540

Block President ruat thar
    Pu Lalngaihawma, Damvea Sec. a mi chu Aizawl South - III North Block MNF President atan Pu Zoramthanga, Chief Minister chuan a ruat thar. Kum 2024 thleng term a ni dawn a ni.  Pu Ngaihawma hi kum 2009 atang khan Block President a lo ni chho tawh a, Block President ni rei ber a ni dawn niin thu dawn a ni.

HLIMEN CHHANTU HRIATTIRNA

    Kan khawtlangah Ruihhlo leh ruk ruk kawngah Hlimen Chhantu ten hma an lakna chu kan khawtlang mipui ten min \awiawm \ha \an ta hle mai a. Kan \henawm leh kan chhungte kan report hreh \hin kha tunah chuan report kan  dawng \ha \an ta viau a, a lawmawm hle mai a. Chutihrualin, a \hen report pe hreh kan la awm a, i tan leh kan tan, kan him zawk nan i chhungte leh i \henawm pawh nise rawn report hram hram turin kan ngen a che.
|anrual hi chakna a ni

OXYGEN
    Branch YMA-in Oxygen pahnih kan neih hman theihloh a awm reng chu hman theihin a siam\ha leh ta a. Hmang duh leh mamawh tan hruaitu te hnenah dil mai nise, a hmangtu ten dimdawi taka enkawl zel tur a ngen kan ni. Oxygen hi vengpawn lam mi tan erawh hawh phal a ni lo.

Duty ngawrh dawn
    Krismas kan lo hnaih leh ta hle a, Hlimen Chhantu Duty ten an lo rel lawk tawh angin hunpui lo thleng turah hian Ruihhlo leh a kaihhnawih thil a man tawk te chu hunpui hmang thei lovin hremna a pe zel dawn a, hemi lak a kan fihlim theih nan Ruihhlo ti \hin te lo fimkhur a, lo inthiarfihlim  turin kan han inhriattir lawk a ni e.
Secretary, Hlimen Chhantu

 

Advertisement...

Kan hawng thar e
    Ran damdawi chi hrang hrang, ui leh zawhte chaw chi hrang hrang, Collar, leash etc.. kan kawl reng e. Tin, Frozen Food chi hrang hrang kan kawl bawk e. Min rawn dawr ve teh le.

    - Lalrinmawii @ Mami
    Pet Plus Drugs Store
    Hlimen Damveng, Near Presby. Church
(2-1)    Ph. 9612867790 / 8415836251

 

PAGE - 4

KEIMAHNI :

Hlimkhawpui Budget
    Hlimkhawpui  September & October 2020  thla Budget  pe tla tawh te:
1.    Kapdaia Sec.    2. Damvea Sec.

Branch YMA Committee nei dawn
    A hnuai a hun leh hmun tarlanah hian Hlimen Branch YMA Committee pawimawh tak koh a ni a, Committee member te kim taka kal turin beisei kan ni e.
    A hun    :    Nov. ni 17, 2020
            Thawhlehni, Dar 7:00 Pm
    A hmun    :    YMA Hall

CENTRAL YMA THUCHHUAK
    Mizoram leh Assam ramri a Assam Sawrkar-in ramri pela Mizoram lama dan palzuta a chetna avanga buaina kal zelin a thlen, Lailapur-a kawng dan pin chu karhnih dawn hnuah hawn tlang a ni leh ta. Kawng dan pin a nih chhunga Mizo mipuite dawhtheihna leh insumtheihna avangin Central YMA chuan  lawmthu  a  sawi  a  ni.  Tin,  harsatna  kan  tawh  mek  lai  hian  kan  unaute  Mizoram  pawn  hmun hrang  hrang  a  awm  te’n  kan  harsat  hlau  a  an  inpeknate,  tha  leh  zung,  sum  leh  pai  sengso  a  min thlamuannate hi a ropui kan tiin, Central YMA chuan lawmthu a sawi a ni.
    Kawng dan pin a tlang theih nan a hmalatu Sawrkar, Kohhran, Political Party,Mizoram chhungleh  pawna  pawl  hrang  hrangte  leh  Sub-Hqrs/Group/Branch  YMA-te  chungah  Central  YMA  chuan lawmthu a sawi tak meuh meuh a ni.
    Kawng hawn a nih tak avanga Nitin mamawh bungrua lo lutte a daih zai thei ang ber a mipuite’n kan chan tlan theih nan, mamawh bak aia tam chhekkhawl lo turin Central YMA chuan Mizo mipuite angen a ni.
    Kawng hawn tak hi harsatna awmzui tawh lo turin kan beisei a, harsatna lo thleng leh thei a nih avangin,  Central  YMA  thu  ngaichang  a  hmala  nghal  thei  mai  turin  Sub-Hqrs/Group/Branch  YMA-te kan inngen a ni. YMA vul zel rawh se.

    Sd/-  Prof. LALNUNTLUANGA
    General Secretary,Central YMA

 

Advertisement...

In tan dawr kan hawng thar e
    Chhiatni \hatni a ken tur pangpar leh puan chi hrang hrang, man tlawm a\anga a to thlengin lei theihin kan kawl ve ta e. In lamah leh dawr hawn thar Pu Lallawmzuala In, Venglai-ah englai pawhin dawr theih kan ni ta e.
    Tin, hmeichhe sam tan leh mipa lu meh pawh dawrah hian a tih theih nghal bawk e.
    - Rindiki
    Hlimen, Damveng
(2-1)    Ph. 9862685935

 

KAN THEN TAK

Pu Hlimkunga hi Zasiama (L) leh Roawmi (L) te fa pariat zing a upa ber dawttu ni turin May ni 16, 1936 khan a lo pianga. Kum 1970-ah Hualthanmawii nen Pastor Lalchhana (L) kutah inkutsuihin, fa pasarih leh tu 18 an nei a ni.
    Amah hi mi pawisawi lo, \awng tam lo leh taima tak a ni a, a phak tawk a Pathian \ih mi leh \awng\ai taima tak a ni. Mi thilphal leh ui neilo, midang tana luangchhuak mi, kuttling lova thil tih duhlo, mahni phak tawk a Kohhran bel tlat leh inkhawm ngai pawimawh em em \hin a ni.
    Zirna lamah Boy’s ME Sikul (Sikul sen), Sikulpuikawnah pawl 6 thleng a zir a, chhungkaw harsatna avangin zirna hi a chhunzawm thei ta lova, amah hi mi inzir peih leh lehkhabu chhiar taima, Dictionary-te en peih tak a ni.
    A kum te a lo tam ang zelin a taksa pawh a lo chaklo ve telh telh a, kumin chho a\ang phei chuan a chakloh a zualin; a hriatna te pawh a chaklo chho viau a. Kum 2010 a stroke natnain a lo tihbuai tawh avangin, hei hian a hriatna te pawh a nghawng hle a ni.
    October ni 30, 2020 (Inrinni) chawhnu dar 1:15 khan a inthiar chu stroke-in rawn tibuai leh in nikhawhrelo in a awm a. Trinity Hospital, Melthumah tlanpui nghal niin investigation tihnghal a ni a. Heta CT Scan result a\angin a thluak a thisen zam puakkehin, thi a tling nasa tih hriat a ni. ICU ah dahluh nghal niin November ni 9, 2020 (Thawh\anni) zan dar 9:35 khan chatuan ram min lo pansan ta a ni.

 

Advertisement....

F.K. SEPTIC TANK SERVICE
    Septic Tank khat paih, commode block, soak pit hlui leh thar kan siam theiin pipe fitting kan thawk thei e.
    Regn. No. MSR 524 of 15 of 2013
    Rate - Inbiak remna.


(45-39)                         Ph. 7085521791/9615920739

Z.S. Electricals Saikhamakawn
    Electrical goods chi hrang hrang tlawm taka zawrhna hmun, in sa thar te tana Electric bungrua leh hmanraw chikim awmna
Hmundang aia tlawmin kan lo pe ang che u.
Tin, Phone charger, Earphone, Headphone (Syska Company) etc. pawh kan nei bawk e.

(5-1)    Ph : 813195880/9612151984

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

      VL-a,
(10-8)    Ph.No : 9402344486, 9615266170

Sahmulphah thla (November) Ni 7, 2020, Issue No. 45

PAGE - 1 

TUALCHHUNG :

Boral : Tv. Thangkunga (K-58) S/o Thangphuta (L) Kapdaia Sec. a mi chu Nov. ni 1, 2020 tlailam dar 4:35 khan Cancer natna avangin a boral.

Damlo : Pi Mimi Zonunpuii W/o Pu Lalnunkima, Buala Sec. a mi chu taksa chak lohna hrang hrang avanga hun engemaw chen Alpha Hospital a enkawl a nih hnuin Nov. ni 6, 2020 (Zirtawpni) khan a lo chhuak.  

Khiangawi : P.C.Lallawmzuali D/o Lalnghinglova (L), Damvea Sec. a mi chu Nov. ni 6, 2020 (Zirtawpni) khan Remlalliana,  W.Phaileng tawnah khiangawiin a liam ta.

YMA in ral : Nov. ni 6, 2020 khan Tv. Thangkunga ralna hun hman a ni a,  chhung tina pawisa khawn tlingkhawm ` 5,650 leh chhiatni fund a\angin ` 2,000, a vaiin ` 7,650 chu a chhungte hnenah hlan a ni. Pu Thangkunga chhungte hian puan 2 chu YMA ah an hlan bawk a ni.

Pem thar :  Pu Tommy Malsawmdawngliana  te chhungkua chu Tuikual South a\angin Hlimen ah an rawn pem lut a, Kapdaia Sec. a Pi Zaliani  inbul a insa te khu an ni.

Kawng tlang ta : Nov. ni 7, 2020 (Inrinni) khan Huanbial a\anga vengchhak panna kawng, leitawlhin a hnawh chu Pu Lalhmingliana, Chairman LC chuan a JCB hmangin a hai tlang tir ta a, lei chhung lam a la hnawn deuh avangin tlema nal a la awm a, fimkhur deuh a \ha ang. Khua a that chhoh chuan a nal pawh hi a zia awm chhawm mai tura beisei a ni.

Total Lockdown ah : Mizoram sawrkar-in karhnih chhung Total Lockdown a puan (Nov. ni 9, 2020 thleng) ah hian Task Force te bakah  sawrkar lam mi, mi 4 an rawn duty \hin a, anni hian a \ul angin veng chhung fangin dan bawhchhia te an vai a, man pawh an nei \hin a ni. Office atan hian Nl. Bj-i dawr (Pi Lallianmawii Building) chu hman leh a ni.
    Pi Vandingliani, Kulikawn - ` 1000, Pu Vanlalchhunga Dv - ` 500 leh Pi Bawli LSV - ` 400 te chuan a \ul apianga hman turin Hlimen LLTF, Hlimen ah an pe a, Tin, Pu Tommy Malsawmdawngliana, Kapdaia Sec. a mi chuan  cake tui tak a pe bawk a, thilpek petute chungah  LLTF te an lawm hle a ni.

 

HEADLINE :

Bawlhlawh thliar |an ni ta
    Nov. ni 1, 2020 atang hian  Solid Waste Management Centre, Tuirial-ah bawlhhlawh paih \an a ni tak avangin kan vengah pawh bawlhlawh thliar a paih chu kalpui nghal a ni a, hetiang hi bawlhhlawh paih dan a ni:-

|awih thei phur (Pikup) : Kartin inrinni (Zingkar)
|awih theilo phur ( 407 Truck) : Thawhlehni (Zingkar), Ningani (Chawhnu her) leh Inrinni (Zingkar)
|awih theilo phur ( Pikup) : Nilai leh Inrinni (zingkar)
Step Area (Put chhuah) Venglai chuanhnuai : Inrinni (Zingkar) Bawlhlawh thliar \hat loh chu putchhuah a ni lo ang.

    |awihthei-ah hian choka ningnawi, sa, thlai hnah leh a rah, kuhva kawr, ar hmul leh a dangte paih tur a ni. |awihtheilo-ah hian darthlalang, thir, \helret, savun, lehkha puan leh a dangte paih tur a ni. Tin, \awihtheilo-ah hian hengte hi a hranga fun tur a ni - plastic leh plastic a\ang thil siam chi hrang hrang. E-Waste ah hian electronic bungrua, oil, bulb leh a dangte paih tur a ni.
    407 tlan dan tur ( |awihtheilo phur) : Thawhlehni leh Inrinni zingkara bawlhhlawh paih motor (407) lokal hian zing dar 6:30 vel a\angin Damveng atangin a khawn tan anga, chuta\angain venglai lam pan chho in vengthlang (Mualzawlah) in her in Vengthar Presbyterian  Biakin bul kualah in herin Mauhakkawn hla ah a kual ang.  Hetiang bawk hian Ningani chhun/chawhnu her ah a bawlhhlawh a khawn pawhin a tlan ang. 407 hian Sanitation point 20 a mi bawlhhlawh a lakhawm dawn a ni.
    |awih theilo phur ( Pikup) : Nilai leh Inrinni (zingkar) a  tlan pawh hian zing dar 6:30 velah kan veng lo lut in nilaini hian 407 luh theih lohna Damveng chuan chung, vengchhak leh vengthlang chuanhnuai leh Mauhakkawn a mi te a la khawm ang. Inrinni khian Vengchhak lam leh High School veng a hruat thung ang.
    |awih thei phur (Pikup) : Kartin inrinni zingkar 7:00 vel a\anga chhuak \anin Main road a fang ang. He motor hi tlan thar tur a ni.
    Step Area (Put chhuah) : Hei hi Venglai chuanhnuai (Step Area) a mi Inrinni zingkar Bawlhlawh phur lirthei in a lak hman ngei tura put chhuah tur a ni a, a put chhuah man hi a hran a pek a ni ang.
    Hetiang taka bawlhlawh thliar a nih chho dawn tak avangin a bul\an leh Awareness ni pah fawmin Local Council te chuan bawlhhlawh phur motor hi zuiin bawlhlawh paihte an enfel pui a, bawlhlawh paih dan hrethiam lo tlem azawng tak tak chauh kan awm niin thu kan dawng a, hma kan sawn in mipui lam pawh kan \ang zawk em em niin a langa a lawmawm takzet a ni.
    Kan bawlhlawh paih man hi AMC hian 80% a tum a, 20% hi mipui a khawn a\anga pek a ni a, tunah hian a \awihthei paihna tur lirthei pakhat hman belh a ni ta a, chuvangin, mipui lam pawhin bawlhlawh paih man hi tun aia \ha zawk a pek hi a \ha a ni.

 

PAGE - 2

EDITORIAL :

     I LUNGAWI EM ?
    Lungawi taka awm hi a hahdamthlak mai ni lovin a hrisel a, lungawina nei ngailote chuan nun hrisel an nei mawh hle. Kan nitin hun hman danah hian kan thil tihte hian lungawina min pe em le? tih hi chhut tham a awm \hin a ni.
    Khawvela kan awm chhung hian lungawi hi a har em em mai a. Sum leh pai, rohlu leh thildang neih tam leh tlemah pawh lungawina hi a innghat ber lem lo niin a lang a. Khawvela mi hausa ber berte pawh an chantawkah an lungawi chuang lo. Chuvangin, engmah nei lo mah se, a thil neih chhunah mi a lungawi miau chuan chu tluka hlu chu a awm lo hial ta ve ang.
    Lungawina hi a man a va sang tehlul em!! Chutihrual chuan mitin ban phakah a awm lawi si. Kan rilru a pamham a, kan duham em em a, chu chuan kan rilru a tihah a, lungawina; kan banphak reng chuan min kiansan \hin a nih hi.. Lungawina zawngin kan tlan sup sup a, a tawpah chuan boralna mai a ni \hin si. Mihringte hi duham chin lem nei lo leh duhtawk chin nei lo, pianni a\anga thihni thlenga beisei nei kan ni a, chu kan beisei chu LUNGAWINA a ni e an ti \hin.
    Lungawina umin kan hmanhlel a, kan um nasat poh leh min hlat emaw tihtur a ni si. Chuvangin, kan chantawka lungawi kan zir hi mihring nunah hian thil pawimawh ber a ni hial awm e. Hausakna te, thuneihna te, Lalnate, finna te leh thiamna te hi a hunlaiin hlu hle mah se; kan hun hnuhnungah meuh chuan engmahlo mai a ni \hin. Adama thlah, Kraws in a sawizawi loh khawvel nun hi chuan khawvel tawpni thleng pawhin lungawina a hmu zo chuang law’ng e!!!

 

November ni 9 atanga ni 23, 2020 thleng
COVID-19 No Tolerance Fortnight khauh taka kalpui a ni dawn.
    November ni 6, 2020 chawhnu khan SAD Conference Hall, MINECO-ah  Aizawl Municipal Corporation (AMC) huamchhung inkharkhip mek dinhmun thlirhona leh hmalam hun kalpui zel dan tur sawiho a ni a. Meeting hian November ni 2, 2020 a AMC area inkharkhip pawhseina order tihchhuah a November ni 9, 2020 zing dar 4:30 atanga November ni 23, 2020 zing dar 4:30 thlenga AMC area-a COVID-19 No Tolerance Fortnight kalpui tur tih chu khauh taka hman turin a nemngheh a ni.
    Meeting hi Health & Family Welfare Minister Dr. R. Lalthangliana'n kaihruaiin, Home Minister Pu Lalchamliana, MOT Chairman Dr. ZR Thiamsanga, MLA bakah Chief Secretary, Mizoram Kohhran Hruaitu Committee, Jt. NGO Coordination Committee, Indian Medical Association aiawhte telin sawrkar official pawimawhte an tel bawk a ni.
    Meeting-ah hian AMC area a inkharkhip hun a zawh veleha COVID-19 No Tolerance Fortnight hman zui tur chungchang uluk taka sawiho a ni a, hemi hun chhunga inkaihhruaina tur atana pawimawh chi hrang hrang lirthei tlan dan tur, dawr hawn dan tur, thil man to lutuk chungchang leh thil pawimawh chi hrang hrang sawiho niin, State Executive Committee, Mizoram State Disaster Management Authority kutah a rang thei ang bera an duan fel turin an dah a, an ruahmannate Chief Minister Pu Zoramthanga'n a pawmpui chuan November ni 9, 2020 zing dar 4:30 atanga November ni 23, 2020 zing dar 4:30 thleng khauh taka kalpui a ni ang.
    November ni 6, 2020 meeting hian mipuiten inkharkhip leh COVID-19 No Tolerance Fortnight kalpui mek \ha taka an thlawp avangin lawmthu an sawi a, COVID-19 positive te phur \hintu ambulance driver, rim taka tlaivar \hak \hak a hahchawl hman lova thawk \hinte an chhuanawm thu an sawi a. Hunpui lo thleng chho turah mitin kan fimkhur a \ul zual a ni tih inhre thar turin an chah a, a bikin mi tlemte punkhawmna ang chi - hla zir, chaw eikhawm, picnic, party, zaiho leh a dangte laka insum rih turin an chah nawn a ni.

DAK (IPPB) ACCOUNT CHUNGCHANG
    Kum 11 chunglam tan Aadhaar card (Original) leh phone hmangin  ` 100 lekin account a hawn theih a. Electric bill, tui bill, phone recharge, Labour & Employment atan leh Education hnuaia zirlaite scholarship dil nan pawh a hman theih bakah Online Shopping atan peih tep a ni bawk.
LABOUR & EMPLOYMENT CHUNGCHANG : Labour & Employment hnuaiah Renew ngai, Scholarship leh thildang buaipui ngai pawh kan buaipui sak thei bawk e.
RENEW NANA DOCUMENT NGAITE : (1) Labour & Employment Card-Original (2) Passbook xerox copy-1 (3) Ration Card xerox copy-1 (4) I.D/Aadhaar xerox copy-1
    Registration leh Renew tura thehlut tawhte an la khawih mek chauh avangin lak theih hun tur kan inhriattir leh dawn nia.
SCHOLARSHIP DIL NANA NGAITE : (1) Labour & Employment card attested xerox copy-1 (2) Principal lehkha/Progress Report Card/Marksheet attested xerox copy-1 (3) Passbook xerox attested copy-1 (4) Birth Certificate xerox attested copy-1
    Zirlai dilsakte Scholarship hi tun session (Current Year) 2020-2021 tur a ni. Form hi kan hnenah a lak theih nghal bawk a, xerox pawh kan ti thei nghal bawk e.
    AADHAAR CARD CHUNGCHANG : Aadhaar card siamtir duh tan Kulikawn Dak Inah a lak theih tep bawk e.
    
    Lalzarliana leh Lalmuanpuii
    Dak In (Post Office)
    Hlimen, Damveng    
    Ph.no-9862221750/7005679597

 

PAGE - 3

HRIATTIRNA :

Local Council hriattirna
1.    Bawlhhlawh hi a thliar dan tur angin thliar vek zel tur a ni a, bawlhlawh paih turin mahni bawlhhlawh hi buaipui zel tur a ni a, Sanitation Point ah bawlhhlawh lo chhawp lawk tawh loh tur a ni.
2. Kan khawtlang a lo thianghlim zawk nan kan ranvulh te chu \henawm khawveng leh khawtlang tana hnawksak lo thei ang ber enkawla vulh turin kan in hriattir a, faina leh thianghlimna kawngah khawtlang kan \anrual a pawimawh hle dawn a, November thla a\ang chuan bawlhhlawh hi thliar vek tawh tur a ni tih kan in hriattir nawn leh e.
    Local Council, Hlimen

UPHC hriattirna
    Hlimen UPHC-ah karleh Thawh\anni a\angin OPD hawn a ni tawh dawn a, Doctor awm thar Dr. Lalbiaksangi a \hu dawn a ni.
    OPD Card lak hun    :    9:00 Am - 12:00 Noon
    Dressing    :    2:00 Pm - 4:00 Pm
    PMSMA (naupai inentir) naupai thla 4 chin inentir hunah khan Investigation (test) ho kha Fund a lo thlen theih loh avangin a thlawnin a tih theih tawh dawn lo a nih tih kan in hriattir e.
- UPHC Staff

Vawk pul hri chung chang
    Tunlai hian Mizoramah vawk natna hri Classical Swine Fever (CSF) leh PRRS a leng mek a. Tin, hri hlauhawm tak, a vei za a za thihna African Swine Fever pawh \henawm State-ah te leh Myanmar-ah te a leng mek tih hriat a nih bawk avangin DC Aizawl chuan hetiangin thuchhuah a siam :-
1. Ram dang leh State dang a\angin vawk leh vawksa a\anga siam thil engpawh lakluh khap tlat a ni.
2. State pawn a\anga vawk lalut duh chuan AH&Vety Deptt. phalna an la hmasa phawt tur a ni.
3. Vawk damlo reng reng chu talh emaw a thi emaw a nihin a sa chu ser emaw rep emaw thil danga siam danglam leh hralh khap tlat a ni.
4. Vawk damlo thi ruang chu a neitu in khur thuk taka laiah a phum ngei tur a ni a. Hmun dangah thehthang khap tlat a ni.
    Dan bawhchhia chu na taka hrem a ni ang.
 

Advertisement...

MD  Septic  Tank  Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.
Regd. No MSR542,                      Ph.No
(23-15)    9436199884, 9862476439

F.K. SEPTIC TANK SERVICE
    Septic Tank khat paih, commode block, soak pit hlui leh thar kan siam theiin pipe fitting kan thawk thei e.
    Regn. No. MSR 524 of 15 of 2013
    Rate - Inbiak remna

(45-38)                         Ph. 7085521791/9615920739

 

LAWRKHAWM :

Hma la zel
    Nungcha Humhalh Pawl, Hlimen chuan theihtawpin Serlui a humhalh chhunzawm zel a, nungcha humhalh lama tui mite pawh Serlui humhalh tura inpe zelin Serlui lamah hian an duty \hin a, Zirtawpni kalta pawh khan Vengchhak Football Club member 5 lai te chu Sangha fuan veng turin an riak lut a,Inrinni hian mi 3 dang riah luh leh beisei a ni bawk. Kar hmasa lam khan Hlimen Football Club member engemaw zat chuan Serlui hi an lo riahchilh tawh bawk a ni. Kan veng \halai, thaza rual; heti taka nungcha humhalh kawnga theihtawp chhuah a, a hmatawnga an \ang hi a lawmawmin hma pawh nasa takin kan sawn ngei ang tih rinhlelh rual a ni lo.
    Tlangkam a\anga kan hriat dan pawhin, a lui kal \hang/ram lama chetla \hangte pawh nungcha humhalh kawngah hian an phur hle a, veng chhung mi Serlui kal ru, nghafuan ven tum ru thawm hriat tur a awm lo ringawt pawh hi a hahdam thlak  hle a ni. Tun\um hi nghafuan lai te a nih avangin lui a chengte humhalh lamah insawrbing a ni a, nakin zelah pawh sava, nungcha dang leh  thing leh mau chen a humhalh kawngah a hun lai a zir zel a beihpui kan thlak zel a \ul  dawn a ni.  Pu R. Lal\anpuia Buala Sec. a mi chu Nungcha Humhalh Pawlin a \ul apianga a hman atan ` 1000 a pe a,  Nl Baryl Vanneihsangi Tlau, AMC, Ward XIX atana ZPM Candidate tur chuan  ` 2,000 a pe bawk a. Tin, Hlimen Vollyball Club ten NHP-ah a \ul apianga hman turin  `1000 an pe bawk. Hruaitu ten lawmthu an sawi tak meuh meuh a ni.a chungah NHP an lawm hle a ni.
 

Chhiatni Report
    Tv. Thangkunga puala buhfai leh pawisa khawn khawm dan ziaka hmuhtheih chin :-
    Section       Chhungkua    Buhfai    Pawisa           
    

Buala                  123         120      1,140        

Damvea              144         151      1,390        

Kapdaia              121         127      1,160        

Lalsavunga           37         40         370        

Saichhuma         103         105       990        

Vawmphunga       61          63         600                       

           Total       589         606     5,650

Stonedust paih chungchang
    Quarry neitu ten Kawng sira  Stone dust (Balu) an paih \hin hi  Lui dung ah tla thla in, thil hnawk tak leh harsatna thlen \hin niin hriat a ni a, Local Council leh YMA chuan Quarry neitu te kawng sira balu (Stonedust) paih tawh lo turin a ngen/hriattir a ni.

Positive belh awm hrih lo
    Covid 19 hri darh kal zelah kan veng mite pawh Positive contact kan awm ve deuh reng mai a, Swab Sample pawh a khat tawkin lak a ni fo a, chutihrualin, Pathian khawngaihna a zarah Covid 19 Positive kan belh  rih lo a, a lawmawm takzet a ni.

Thlai man a to
    Tunlai kan ram boruak avangin thil man a to chak hle mai a, a bikin chawhmeh lam man chu a sang chak hle a ni. Hei hian vengchhunga thlai man pawh nasa taka nghawngin thlai thar man nasa takin a sang chho a, kan veng dinhmun te thlirin hetiang lutuk lo hian thlai thar man hi sang chho lo se a duhawm hle a ni.

 

PAGE - 4

KEIMAHNI :

Hlimkhawpui Budget
    Hlimkhawpui  September & October 2020  thla Budget  pe tla tawh te:
1.    Kapdaia Sec.    2. Damvea Sec.

CYMA CHETVELNA
31.10.2020 : Assam leh Mizoram ramri buai chungchang sawihovin Chief-Secretary Conference Hall-ah Meeting neih a ni a, CYMA, MZP, MSU hruaitute an tel a, CYMA aiawhin Pu Vanlalruata President, Prof. Lalnuntluanga Gen. Secretary, Prof. Malsawmliana Asst. Secretary leh Er. H. Duhkima CEC-te an tel.

2.11.2020 : AMC huamchhunga Lockdown puan tur chungchang sawihoin Secretariat Conference Hall, MINECO-ah Home Minister, Health Minister hovin meeting neih a ni a, Pu Vanlalruata President a tel.

4.11.2020 : Chief Minister, Mizoram chu a Office Chamber-ah Central YMA Office Bearers ten an hmu a, Mizoram chak lakna kawngpui dan pin chungchanga hmalak zel dan tur an sawipui.
 
4.11.2020 : Phaisen a Assam hovin kawng an dan pin, an mahni vekin an \hiah leh tak a hmuna  boruak awm dan thlithlai turin Central YMA hminga fehchhuah a ni a, Tv. Lalhmachhuana Vice President, Prof. Malsawmliana Asst. Secretary, Pu Fabian Lalfakawma Treasurer, Tv. Zochhuana CEC, Pu R. Lalduhzuala CEC, Pu R. Lalpeka CEC leh Pu H.F. Lalrinpuia CEC te an kal.

OB MEETING thuchhuak |henkhatte
1. Pêm lehkha Pu Tommy Malsawmdawngliana Tuikual South a mi te chhungkua hnen a\angin pêm lehkha dawn a ni a, pawmsak an ni. (Hei hi OB in a rel nachhan pawh an nu ber hi damlohna avangin ICU ah a awm mek a, zankhat mitchhin tawk thei reng an ni a, an mahni in ngei a ruang hi dah an duh vang a ni. Kapdaia Sec. ah awmin Pi Zaliani te in bula in sa thar te hi an ni.)

2. Thlan laih sa te hi enfel a buaipui leh deuh a ngai ni a hriat a ni a, a \ul angin Thlanmual Sub-Committee ten lo buaipui se tih a ni.

3. Committee in a lo rel tawh angin Thlan laih sa ah hian inphum zel tur a ni a, hei hi a bikin Thlanmual Sub-Committee ten lo hriat mai ni se.

 

Advertisement....

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

      VL-a,
(10-7)    Ph.No : 9402344486, 9615266170

 

KAN THEN TAK

Tv. THANGKUNGA kum 48:    
    Tv. Thangkunga hi kum 1962 ah Pu Thangphuta (L) leh Pi Sawichhungi (L) te fa Sawm leh pathum zinga Pakuana ni turin Rallen khua ah a lo piang a, naupang harhvang leh hrisel tak \hin a ni. Zirna lamah hian Middle School thleng kalin, chhungkaw dinhmun ten a zirloh avangin zirna chawlhsanin a nu leh pa te tha chhangdawlin a phak ang tawkin a pui \hin a. Ama tawkah mi taima, a hma zawn a tihtur awmte pelhe san duh lo mi a ni.
    A taksa ah harsatna te a neih chhoh tak avangin inpui nghaktu berah \angin, a phak ang tawkin inlamah tih tur awm ang ang te tiin, in lam enkawltu ber a ni. Inpui a u leh nau, chhungkhat lo kal te lo dawngsawnga lo chhawntu ber \hin a ni.
    Kum 2020 October thla a\ang khan thil ei lamah harsatna neiin a insawisel \an a. Doctor te rawnin a in entir anih hnu ah hrawk cancer a ni tih hmuhchhuah a ni a. A natna hi a lo nasat deuh tawh avangin damdawi hmanga enkawl awmzia a awm lutuk tawh lo ani tih te hriat anih tak zel avangin, inlamah in enkawl mai chu \ha a hriat niin theih leh phak ang tawkin enkawl zui a ni a. A natna lo zual zelin a ni telin a chau ve zel a, Oxygen te pek a theih ang tawka enkawl anih laiin November ni 1, 2020 (Pathianni) tlai dar 4:35 khan Chatuan a Pa angchhunga chawl tawh turin min lo kalsan ta a ni.

Lawrkhawm chhunzawmna.....
Fimkhur zel ang aw
    Kan hriat \heuh angin Covid-19 chuan zual lam a pan chho leh ta a, Aizawl veng tam takah hri kai thar; natna langchhuak an tam leh ta hle mai a. Tam tak hian an kaina  awm an hre mai lo lehnghal a, nunna chan pawh pahnih lai kan awm ta; fimkhur a va ngai em!!
    Heng te hi kan hriat hnu mah nise zawm tlat tur a ni :-
1. Mask vuah uar :- Hei hi chindan phung pangngai (Habit) a neih khawpa kan chin uar a pawimawh hle mai. Khawilo chhuahna apianga pakhat mai ni lo, a \ul dan a zira a thlakna tur pahnih pathum tal ah/ken \hin nise a \ha hle ang.
2. Midang nena inkarhlat a awm (Social distancing) :- Kan khawtlang nun nen inpersan em em ni mah se hei hi kan himna atan pawimawh em em mai a nih avangin mahni inthununna nen ataka kan hman deuh deuh hi kan tihmakmawh tur a ni.
3. Sahbawn hmanga insilfai leh Sanitizer hman :- Hei pawh hi kan nitin nunah bet tlat rawh se. Sanitizer phei chu khawilo chhuahna apiangah ah/ken mai tur a ni.
4. Kut hlei loh :- Kan kut hi engkim kan khawihna a nih avangin mitin hian kan mit, kan hmui leh kan ká te hi kan khawih nasa em em mai a. Pawnlamah kan tei chhuak a nih chuan  a \heih hram chuan kan kut kan tifai hmasa a nih loh chuan hmui hmai khawih loh tawp tum tur a ni.
5. Thuawih :- Sawrkar leh LLTF te thuchhuah awih hi kan himna tur atana pawimawh em em mai a ni a, tin, Positive Contact in report tur a tih ah kan tel emaw in rinhlelhna kan neih emaw chuan a rang thei ang ber a in report na tur a in report thuai hi hri darh zel tur venna atana pawimawh ber te zing a mi tih i hre nawn leh ang u.
    Tin, a \ul viau a nih loh chuan pawn lama chhuah  loh hi kan tihmakmawh a ni tih i hre bawk ang u.