Thintin thla (August) Ni 29,2020, Issue No. 35

PAGE -1

TUALCHHUNG :

Damlo : Pi Chhiari M/o Ramlawmi, Buala Sec. chu damlohna avangin Civil Hospital-ah admit niin enkawl chhunzawm a ni.

##    Pu C.Zosangzuala H/o Pi Lalzarlawmi, Saichhuma Sec. a mi chu taksa lam harsatna avangin Zemabawk Hospital-ah Treatment lain enkawl mek a ni.

Hun hmang leh dawn : Hlimen Local Level Task Force ruahmanna in tun Pathianni hian vantlang information centre a\angin Pathian thu chah puanchhuahna hun hman a ni leh dawn.
    Aug. ni 29, 2020 (Pathianni) chawhma lamah Isua Krista Kohhran a\angin Upa Lalramdina’n hun a hmang ang a, zanah  Task Force atangin Pu R.Lalngheta’n tunlai hrileng chung chang awareness a rawn nei bawk dawn a ni.

Nâu nei thar : Pu Lalawmpuia leh Pi Lalnunpari te nupa, Damvea Sec. a mite chuan Aug. ni 25, 2020 khan Civil Hospital-ah naute mipa duhawm tak an nei thar.

YMA in râl : Aug. ni 19,2020 khan Pi Lalremtluangi ralna hun hman a ni a, chhungtin a\anga pawisa khawn ` 4,925 leh Chhiatni Fund sum a\angin ` 2,000, a vaiin ` 6,925 chu a chhungte hnenah hlan a ni a, Pi Maremi chhungte hian  YMA ah puan 2 an hlan bawk.

Ui pawn chhuak : Ui pawn chhuak a tam leh ta hle a, mihring tan a him loh bakah mi varandah leh kawng sirah te an inthiar mai \hin a, hriselna atan pawh a \ha lo hle. Hetiang ui pawnchhuak chungah hian eng pawh thleng se phun nawi chi a ni lovang. Inthiartir tura ui kaichhuak \hinte pawhin hmun ualau laiah inthiartir lo ila, hmun fianrial panpui hram \hin ang u. Kan ui vulhte midangte tan ninawm leh tenawm a ni thei a ni tih hre reng ila, i khuahkhirh tlat ang u.

Lalsavunga Park chung chang : Hripui leng avangin Task Force chuan Lalsavunga Park chu tlawh a khap chhunzawm zel a, veng dang a\anga rawn kal tum kan hriatte hnenah pawh tlawhpawh phal loh thu hi hrilh hre \heuh turin Task Force te chuan mitin min ngen a ni.

 

HEADLINE :

LOCAL COUNCIL INTHLAN ZAWH A NI TA

MNF IN SORKARNA SIAM
    
    Aug. ni 27, 2020 (Ningani) khan Local Council inthlan chu zawh fel a ni ta. Zing dar 7:00 atangin Booth-I (Primary School-I) leh Booth-II (Middle School-II) ah te vote thlak \an a ni a, zan dar 11:00 khan vote thlak zawh a ni. Heng mite hi tling a puan an ni:-

General :
1.    Zosangzuala    INC     41.07 %
2.    Ro\huama    ZPM     40.38 %
3.    J. Vanlalbiakdika    MNF    37.51 %
4.    Lalhmingliana     MNF    37.14 %
5.    Joshua Zotea     MNF    35.26 %

Reserved Seat:
6.    Lalsangzuali    INC    35.14 %
7.    Laltlanmawii    MNF    34.64 %

    Tin, Candidate te vote hmuh dan hetiang hi a ni :-
    HMING                     PARTY    VOTE
General :
1.    Zosangzuala    INC    658
2.    Ro\huama    ZPM    647
3.    J.Vanlalbiakdika    MNF    601
4.    Lalhmingliana    MNF    595
5.    Joshua Zotea    MNF    565
6.    Lungmuanzova    INC    550
7.    Pachhunga    INC    496
8.    Vanlalhruaia    MNF    450
9.    Lal\anpuia    INC    436
10.    C.Lalhmingthanga    MNF    406
11.    Nicky Lalthanpara    ZPM    336
12.    R.Lalchhandama    INC    324
13.    Lalremliana    ZPM    310
14.    Laltlanhlua    ZPM    292
15.    Lalthanpuia    ZPM    189

Reserved Seat:

1.     Lalsangzuali    INC    563

2.     Laltlanmawii    MNF    555
3.    Lalhmingthangi    MNF    549
4.    Zazawni    ZPM    532
5.    Lalrempuii    INC    527
    General-ah 5, Reserved-ah 2, a sang sangte hi tling an ni. Tun \um inthlanah hian Hlimen ah voter 2275 awmin, vote tla zawng zawng hi 1602 (70.41 %) niin, vote thi 257 lai a awm bawk a ni.

 

PAGE - 2

EDITORIAL :

HMEL THLAK NGAI
    Min thlahtute kha raldo nei reng an ni a, ram sakawlh tamna rama cheng an ni. Eizawn a harsa a, ram chhengchhia, doral hlau reng renga an khawsakna-ah khan damkhawchhuah kha thil pawimawh ber a ni a, damkhawchhuak tur chuan khawtlang \anho a ngai a, huaisen leh tawrhchhel a ngai a. Inpeizawn a, inhmangaihtawn a, neih in\awma an khawsakho loh chuan damkhawchhuah kha thil har tak a ni. Damkhawchhuak tura an beihna ah chuan nun mawi tia kan sawi; kan chhuan leh kan lamrik chhen TLAWMNGAIHNA hi a lo chhuak ta a ni.
    Kan tunlai hun hi han thlir ta ila, sa kaptu aiin a humhalhtu nih a ropui tawh zawk a, ruang hmuh veleha bawisawm nghal mai lova, police leh mithiam zawkte kuta dahtu pawh mi fing an ni tawh zawk a ni. Chuvangin,  tlawmngaihna kan thlirna mit kan thlak a ngai tawh a, hmanlai anga kalpui tum tlat a fuh tawh lo niin a lang.
    Thel mam eih pawh tum lovin pî pûte huna tlawmngaihna ngai ngai kha kaihthawh leh kan tum a, tarmit hlui vuah chungin mi kan han thlir a; tlawmngai lo, Mizo nun pawh hre lo kan hmu ta \euh a. Tlawmngaihna a chuai ta, zonunmawiin mual a liam ta kan ti mai \hin. Mobile Phone awm tawh hnua love letter kher hmanga nula chhai tumte pawh a a’n theih dawn dawn awm e.
    Zirna lama theihtawp chhuah kawngah te, mi rethei leh \anpui ngai ngaihsak kawngah te, nawhchizuar leh ruihhlo ngaiten nun kawng pangngai an zawh theih nana beihna kawngah te, eiru lova hna rinawm leh taima taka thawhna kawngah te tlawmngaihna hi kan teh a hun ta a ni mai lo maw???  Tuna kan eizawnna, kan khawsakphung leh kan ngaihtuahnate mila tlawmngaihna hi kan hrilhfiah a; kan thlir loh chuan tlawmngai kan hmu lo tial tial ang.

 

#######################################

 

LABOUR & EMPLOYMENT CHUNGCHANG
    Labour & Employment hnuaiah Registration kan tihsak thei bakah Renew ngai, Scholarship leh thildang buaipui ngai pawh kan buaipui sak thei bawk e.
1.Kum 18-60 inkar 2.Thing Mistiri 3.Lungrem Mistiri 4.Cement Mistiri 5.Rawnghnawih 6.Helper 7.Electrician 8.Wireman 9.Fitter 10.Welder 11.Plumber 12.Iron & Aluminium work 13.Thirchher 14.Thingzai 15.Balu la 16.Lung la 17.Rora chhu 18.Kawng leh lei laia inhlawh 19.JCB Operator 20.Construction Machine Operator 21.Tripper Driver 23.Leirawhchan leh Chinai siam
    Heng tarlante hi Kum1 a Ni 90 tal thawk an ni ngei bawk tur a ni.

DOCUMENT NGAITE- (1)  Aadhar xerox attested xeox copy-1 (2)  I.D xerox attested copy-1 (3) Ration Card attested xerox copy-1 (4)  Bank Passbook attested xerox copy-1 (5) Passport  copy-2 (6) Local Council hriatpuina

RENEW NANA DOCUMENT NGAITE- (1) Labour & Employment Card-Original (2) Passbook xerox copy-1 (3) Ration Card xerox copy-1 (4) I.D/Aadhar xerox copy-1

SCHOLARSHIP DIL NANA NGAITE- (1) Labour & Employment card attested xerox copy-1 (2) Principal lehkha/Progress Report Card/Marksheet attested xerox copy-1 (3) Passbook xerox attested copy-1 (4) Birth Certificate (Zirlai dilsakte)  Scholarship hi tun session (Current Year 2020-2021) tur a ni a, Report card neilo tan kumin 2020 a admission titen Principal signature hmangin a dil theih bawk e.
Xerox hi kan tih thei nghal bawk e

Lalzarliana leh Lalmuanpuii, Hlimen, Damveng
Ph.No-9862221750/7005679597

 

#######################################

 

2020 - 2025

Hlimen Local Council thlan tharte :

 

Tlar hma (L-R) : Lalhmingliana, Lalsangzuali, Laltlanmawii, Rothuama, Joshua Zotea
Tlar hnung (L-R) : Zosangzuala, J.Vanlalbiakdika  

 

PAGE - 3

HRIATTIRNA :

HRIATTIRNA
    Pu Zaithangmawia S/o Mama (L) of Chawlhhmun hian LSC/House Pass/Shop Pass/ Stall Pass/P.Patta No. AZL-3086 of 1986 of S. Hlimen Veng ami hi a tibova rawn insawiin Office-ah re-issue a rawn dil a. A dil anga tihsak a rem lohna tur chhan eng pawh hria chuan Chanchinbu a chhuah a\anga ni 30 hma ngeiin a hnuaia address ziak ah hian hriattir tur a ni. Hetiang LSC/House Pass/Shop Pass/ Stall Pass/P.Patta pek chhuah leh a lo nih chuan LSC/House Pass/Shop Pass/ Stall Pass/P.Patta  hmasa chu cancelled nghal a ni.
    Sd/-
    Settlement Officer
    Land Revenue & Settlement        Aizawl District : Aizawl.

Kimkhur a ngai tak zet
    Hripui lengin kan khawtlang pawh min hnaih sawt hle, kan hriat lohin min lo luhchilh tawh pawh a ni thei, mimal tin kan fimkhur a va ngai ta em.
    Pawimawh tawpah lo chuan chhuakvak lo ila, kan chhungkaw member nilo chu hrikai angah ngaiin kan fimkhur a pawi lovang. Inlen pawh te phei chu tun dinhmunah chuan kan tih loh tawp tur a ni. Miin inleng atan min duh lo tih hi kan rilruah awm se a \ha hle awm e. Kan taksa a hri luh theih na kan hmai bawr vel khawih hi thil awl tak a ni a, chuvangin kan kut kan silfai em em tur a ni.
    He hri danna (Vaccine) hi hmuh a la ni lo, chuvangin fimkhur hi kan tih theih awm chhun a ni, i fimkhur em em ang u.

Malaria lakah Fimkhur ila
    Thosi tam lai a ni a, Malaria hrik thehdarhtu thosi nu (anopheles) pawh he hun hian a pun lai a ni a, mitin kan fimkhur a ngai hle. Hengte hi kan rilru awm se, zawm ngei bawk ila :-
1. Inah leh ramriahna ah thosilen hnuaiah mut tur.
2. Mahni in leh a velah Thosi pian leh inthlahpun theihna - tui tling leh hmun hnawng reng reng tihfai tur a ni.
3. Chhan hriat loh a khawsik hi Malaria vang a nih theih avangin Health Worker emaw ASHA te hnenah a rang thei ang berin in reprt vat tur a ni.

Home quarantine chung chang
    Hripui leng avangin kan khawtlangah pawh Home Quaratine ngai kan awm ta zeuh zeuh a, kan chhungkua mi pakhat avangin home quarantine kan ngai a nih pawhin midang tan pâwn chhuah a tihchi loh tih hria ila, hruaitute thu awih a pawimawh a ni.

Sim atan |ha
    Kan thu dawnna in a tarlan danin tunlaiin zan rei lamah rui bengchheng hriat tur a awm leh zauh \hin a. Heng mite hi mi tlemte an ni a, a bul vela awm tan ninawm tak a ni. Hetiang a mi dangte tana harsatna siam hi sim ila, kan rui a nih pawhin pangngai takin a awm theih tih kan hriat a pawimawh hle awm e.

 

LAWRKHAWM :

Chhiatni Report
    Pi Lalremtluangi puala buhfai leh pawisa khawn khawm dan ziaka hmuh theih chin :-

    Section       Chhungkua    Buhfai    Pawisa                

Buala                   155             155        1,100        

Damvea                 88               85          830        

Kapdaia                129             139       1,175        

Lalsavunga             41              43           380        

Saichhuma           102             102          880        

Vawmphunga         52               52           550                       

                Total    567    576    4,925

MPF LAWMTHU SAWINA
    Pathian kaihhruai leh enkawlnain tunlai Covid -19 hripui leng karah Local Council Inthlan chu tluang takin kan lo zo leh ta a. He inthlanah hian Inthlanna fel leh thianghlim kan neih theihna tura \hahnemngai taka beitu NGO hrang hrang, Kohran leh Pol.Party-te, Hlimen khawtlang mipuite chungah MPF Hlimen Local Forum chuan Lawmthu kan sawi e.
    Sd/- J.K.LALENGZAUVA
    Secretary
    MPF Hlimen Local Forum

LAWMTHU SAWINA
    Kan hriat angin tun \um Local Council thlannaah Hlimen ZPM Party chuan kan han chuh ve a, Candidates pawh kan han siam ve ngial a. Result puan an nih khan rin phak leh beisei phak hauh loh a tam votes kan lo hmu ve in, thlan tlin pawh kan awm ve hial ta mai hi kan lawm em em mai a. Votes hlu tak min petute zawng zawng chungah thinlung takin Hlimen ZPM party chuan lawmthu a sawi tak meuh meuh a ni.
    Hun lo kal zel turah pawh min \awiawm chhunzawm zel turin kan sawm a che u.
Kan lawm e
    Sd/- Ro\huama,
    Secretary, Hlimen ZPM Unit

Lawmthu sawina
    Hlimen Local Council inthlan kan hman zawh takah khawtlang tana ding kan candidate zingah Pi Lalsangzuali leh Pu Zosangzuala te chu Hlimen khawtlang mipuiten in khawngaihna vote  hlu tak min pek vangin thlan tlin an ni a,  kan lawm tak zet zet a. Tin, Party tana \hahnem ngai taka thawktu zawng zawngte chungah kan lawm tak zet zet a ni. Tin, inthlanna felfai kan neih theih nana thawktu zawng zawngte chungah lawmthu kan sawi bawk e.
    - Hlimen Congress Unit

 

Advertisement...

MD  Septic  Tank  Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(23-5)    9436199884, 9862476439

 

PAGE - 4

KEIMAHNI :

Hlimkhawpui Budget
    Hlimkhawpui  July & August 2020  thla Budget  pe tla tawh te:
1.    Kapdaia Sec.    2. Saichhuma Sec.
3.    Damvea Sec.    

Branch YMA Committee nei
    Aug. ni 26, 2020 zan khan Hlimen Branch YMA Emergency Committee YMA Hall-ah neih a ni a, Local Council inthlan a YMA Duty dan tur ruahmanna siam a ni.
    Committee in an rel ang hian Local Council inthlan niin Branch YMA chuan Duty a kalpui a, inthlanna felfai a nih theih nan Committee Member te duty in an hah hle a, Branch YMA hruaitu te chuan Duty hahte chungah lawmthu an sawi a ni.

CYMA CHETVELNA
20.8.2020 : State Election Commission (SEC) Mizoram Office Chamber-ah Central YMA leh MPF OB te nen LC/VC inthlanah mipuite inhnaih lutuk lo leh felfai leh \ha taka kan neih theih dan tur an sawi ho.

21.8.2020 : Chief Secretary Conference Hall-ah Committee on Utilisation of CM’s Relief Fund for Covid 19 meeting neih a ni a, Pu Vanlalruata President a tel.

22.8.2020 : Chief Minister, Mizoram-in inhmuhpui atana a sawm angin, Central YMA OB te CM Office-ah an leng a, tunhnaia Assam Rifles sipai chetdan chungchang an sawiho a, Chief Secretary, Mizoram pawhin a telpui.

26.8.2020 : Assam Rifles hotute - Capt. Baby Lalduhsangi, Staff Officer, Jacob Lalmalsawma, CMO, 4G AR, Brig. Vinod S,SM,VSM, Commander, Hq 23 Sector, AR, Maj. Arvind Kumar Singh, GSO-2, Hq 23 Sector, AR te Central YMA Office-ah an lo leng a,Central YMA OB ten an lo dawngsawng. AR te hian 18.8.2020-a Vairengte Check Gate an paltlang luih avanga Mizote rilru an tihnat avangin ngaihdam an dil a. Ni 15.8.2020-a Sesih a Mizo hmeichhia zahawmna tibawrhbang zawnga AR Sipaite chetna chu an dem thu leh a titute chungah hremna an lekkawh tur thu an sawi a, AR te hi August thla ral hma ngeia Central YMA hnena ziaka ngaihdam dil tura hrilh nawn leh an ni.

 

Advertisement...

F.K. SEPTIC TANK SERVICE
    Septic Tank khat paih, commode block, soak pit hlui leh thar kan siam theiin pipe fitting kan thawk thei e.
    Regn. No. MSR 524 of 15 of 2013
    Rate - Inbiak remna.

(45-28)                         Ph. 7085521791/9615920739

 

Lawrkhawm chhunzawmna.....
Mizoram Village Council/ Local Council 2020 Result
    Mizorama District pakuaa Village Council leh Local Council Inthlan chu nizan khan zawh fel a ni.
    Aizawl khawpui chhunga Inthlan neih theihna LC 59 ah MNF party chuan LC 50 ah hnehna changin , INC in LC 4 ah hnehna an chang a, ZPM in LC 1 ah hnehna an chang a, Party mal chak bik awmlohna LC 4 a awm bawk . Aizawl Khawpui Local Coucil huamchhungah hian Vote 90926 a tla a , vote tla zat hi za zela 60.34 a ni a. Heti hian party hrang hrang LC Seat lak dan chu ; MNF in seat 262, INC in seat 84, ZPM in seat 23 leh Independent in seat 12 an la a ni . Puan tawh angin Aizawl khawpui chhunga LC 83 zingah , hripui avangin LC 59 ah chauh inthlan a ni.
    Kolasib District ah chuan Vote Zaa  73.50 % a tla a,  VC 56 ah hian Voter 60666 awmin Vote tla hi 44589 a ni a . Kolasib District ah hian MNF in VC 32 ah Sorkar na an siam a, Indian National Congress  in VC 11 , ZPM in VC 3 , Independent VC awmna khaw 2 a awm bakah Sorkar na siam thei lo VC 8 an awm mek bawk a ni.
    Mamit District ah chuan  VC 90-a Seat awm zawng zawng hi 394 niin, General Seat 299 leh Reserved 95 a ni. BJP Party-in Seat 11, INC-in Seat 112, MNF Party-in Seat 227 lain ZPM-in Seat 13 an lak bakah Independent Candidate te'n Seat 31 an la a. MNF pary chuan VC 56 ah hnehna an chang a, Congress in VC 19 ah, ZPM in  VC 1 ah sawrkarna an siam a, indepenent candidate sawrkarna siamna tur VC 3 a awm a, chak bik awmlohna VC 11 a awm bawk .
    VC 54 awmna Serchhip District ah chuan MNF in VC 34-ah hnehna an chang a, ZPM in VC 6 , INC VC 9  ah hnehna an chang a ni. Serchhip District puma Vote nei zat chu 47,070 niin mi 37,920 ten Vote thlakin Vote tla zawng zawng hi 80.56% a ni
    Hnahthial District a VC 30 ah Vote za a 77.97 a tla a,  MNF party in khaw 21-ah sorkarna siamin, INC in khaw 8-ah sorkarna an siam a, ZPM leh Independent Candidate ten khaw khat ve veah sorkarna an siam bawk a ni. Hnahthial District Bawrhsap leh District Election Officer ni bawk Pu Vanlalmawia chuan District tharah Election Commission ruahmanna anga a vawikhat nana inthlan tluang taka an nei thei chu lawmawm a tih thu a sawi.
    Khawzawl District ah chuan VC 38 ah MNF in  VC 22-ah hnehna an chang a, ZPM in VC 5 la in INC in VC 3 an la a, Independent Candidate in VC 1-ah hnehna an chan bakah chak bik awm lohna VC 7 a awm a . Vote nei 26233 awmin 20268 in Vote an thlak a, vote tla zawng zawng hi Zaa 77.26 a ni.
    Champhai District a VC 62 ah Rorel lai MNF chuan VC38 ah hnehna an chang a. INC in VC 7 ah hnehna an chang a, ZPM in VC 5 ah , Independent In  VC 2 ah hnehna changin, Party mal chak bik awmlohna VC 10 a awm bawk. Champhai Dist. ah hian vote nei 50,453 awmin  vote Zaa 74.03 a tla a ni.
    VC 44 awmna Saitual District ah chuan MNF Party in VC 27 ah hnehna changin , INC leh ZPM in VC 4 ve veah hnehna an chang a , Independent in VC pathumah hnehna changin Party mal chak bik awmlohna VC 6 a awm a , Vote Zaa 76.05 a tla a ni.
    VC 113 awmna Lunglei District ah chuan Vote 87,773 awmah ,Vote 67,225 tlain za zela 76.59 vote a tla a ni. Lunglei Dist ah hian khaw 54 ah MNF an chak a, khaw 30 ah INC chakin khaw 8 ah ZPM an chak, Chak bik awmlohna VC 20 a awm bawk a ni. Puan tawh angin Sethlun veng VC member 5 awmna ah MNF candidate te chu chuhpuitu nei lovin chaka puan an ni a, Thehlep khua VC 3 awmna ah pawh INC candidate te chu chuhpuitu awm lo bawkin chaka puan an ni bawk.

Thitin thla (August) Ni 22, 2020, Issue No. 34

PAGE - 1

TUALCHHUNG :

Boral : Pu K.Mangpuia H/o Pi Rallianzuali, Saichhuma Sec. a mi chu Aug. ni 15, 2020 khan Cancer natna avangin a boral. A ruang hi lumen niin a tuk Aug. ni 16, 2020 khan vuiliam a ni.

##    Pi Lalremtluangi W/o Pu K.Lalropara, Vawmphunga Sec. a mi chu Aug. ni 20, 2020 zing khan Cancer natna avangin a boral. Hemi ni vek hian vuiliam a ni.

Damlo : Pi Lalhmunmawii D/o Chalbuanga, Damvea Sec. a mi chu pum lam fello avangin Alpha Hospital, Kulikawn-ah admit niin he thu buatsaih lai thleng hian enkawl mek a ni.

Nâu nei thar : Pu Hmingthanglura leh Pi Lalrinngheti te nupa, Lalsavunga Sec. a mite chuan Aug. ni 5, 2020 khan Civil Hospital-ah fanu duhawm tak an nei thar.

YMA in râl : Aug. ni 19,2020 khan K.Mangpuia ralna hun hman a ni a, chhungtin a\anga pawisa khawn ` 5,750 leh Chhiatni Fund sum a\angin ` 2,000, a vaiin ` 7,750 chu a chhungte hnenah hlan a ni a, Pu K.Mangpuia chhungte hian  YMA ah puan 2 an hlan bawk.

Hun hmang leh dawn : Hlimen Local Level Task Force ruahmanna in tun Pathianni hian vantlang information centre a\angin Pathian thu chah puanchhuahna hun hman a ni leh dawn.
    Aug. ni 23, 2020 (Pathianni) chawhma lamah Hlimen Damveng Presby. Kohhran a\angin Upa Lal\huamliana’n hun a hmang ang a, zanah  Hlimen Presby. Kohhran a\angin Tv. F.Laltlanhlua’n hun a hmang bawk ang.

Fimkhur ila : Thosi tam lai a ni a, Malaria hrik thehdarhtu thosi nu (anopheles) pawh he hun hian a pun lai a ni a, mitin kan fimkhur a ngai hle. Zan mutna-ah thosilen zar \ha ila, ramriak mite tan phei chuan thosilen zar a pawimawh zual hle. Thosi inthlahpunna tui tling awm lo se, kan tuizem te khuh \ha ila a \ha hle awm e.

Hnatlangin paih fai : Aug. ni 20, 2020 zana ruahsur avang khan Pi Malsawmi Buala Sec. a mite inbul kawngko chu a min a, hemi zan vek hian Silpouline a khuh hul nghal niin a tukah Buala Section YMA ten kawnga lei tla hi an paih fai nghal a ni. 

HEADLINE :

HRIPUI LENG CHUNG CHANGA
CENTRAL YMA THU CHHUAK
   
    Hripui (Covid-19)-in Mizoram min chenchilh mek laiin, mipuite himna tura Sawrkar Department hrang hrangte leh Local/Village Level Task Force-te hmalakna avangin, Central YMA chuan lawmawm a ti hle a ni.  Kan nitin mamawh phuhru tura thawktu zawng zawngte chungah thinlung takin lawmthu kan sawi e.

    Hripui laka kan himna tura tawrh pawh huam a, Zoram mipuite’n sawrkar hmalakna \ha taka kan \awiawm laiin, Assam Rifles 46 Batallion, mi sawmpanga ten  August 18, 2020 (Thawhlehni) tlaidar3:30pm-a sawrkar ruahmanna dodal a, dan an bawhchhia hi kan dem tak zet a ni.

    Sawrkar dan dinglai anga Mizoram chhunga lut tur ten Rapid Antigen Test (RAT) ti ngei tura Police leh sawrkar aiawh ten an ngenna pawisa lova, 46 Assam Rifles mi sawmpanga ten endikna paltlang lo a, an lirthei MN-07C-4127 hmanga Mizoram an rawn lut lui hi Mizo mipuite leh Sawrkar zah lohna lian tak ni-ah kan ngai.

    Ruahman lawk ni anga lang thei, Assam Rifles Captain pakhat leh a hote, mi sawmhnih panga laiin motor pathum (NL-11-2828; MZ-01-8988 leh Hyundai car dum registered loh) hmanga lo hmuaka,Vairengte Police Duty-te ralthuam nena rikrapa, dan pawisa lova Gate paltlang lui tura an ruahmanna siam hi dan zahlohna lian tak niin, vanduaithlak kan ti hle a ni.

    India  rama  State  ralmuang  bera  Assam  Rifles-te  chet  dan  hi  Mizo  mipuite  hmuhsitna  leh thamlohnaah kan ngai a, Dan bawhchhetute hi an phu tawk hremna an hmuh ngei theih nana hma lathuai turin kan phut tlat a ni.
   
    Sd/- Prof. LALNUNTLUANGA
    General Secretary,Central YMA.
    Dated Aizawl the 21st August, 2020

PAGE - 2

EDITORIAL :

Vanglai hun a pawimawh
    Kan vanglai hunte hi kan hmang nawn dawn si lo. Thuhriltu 11:9 kha han chhiar la, Thuhriltu chuan \halaite hnena a thurawn kan hmu a, kan \hatlai hun kan chen a phal a, hlim taka awm turin min duh. Mahse rorelsakin in la awm dawn a ni tih erawh hre reng ang che u tiin min chah zui a ni.
    He thu kan chhiar hian min ngaihtuahchhuahtir \hin, siam \hat leh theih bawk si loh a awm a, chu chu hei hi a ni - nu leh pa min hmangaihna chhanglet a duat let nachang ka lo hre tawk lo lutuk te, midangte tana theih ang tawka ka lo inhmang lo lutuk te kha tunhnu hian pawi ka ti a, ka rilru hi a na ngawih ngawih mai \hin.  Siam\hat leh chakin au vak vah mah ila kohkir theih a ni tawh si lo.
    Tun a \halai; vanglai nun hmang mek tute u, nangni chuan tunah hian hun\ha in la nei a, \ha takin bul i la \an thei reng a ni. Vanglai hunte hi i hmang nawn dawn silo tih hriain nakin a i rilru tina leh thei; i inchhir vawng vawngna tur thil lakah in veng\ha hle ang che. Inchhir leh sim tumin awmzia a neih theih loh hun i thleng palh ang e. Vanglaini te hi a liam thei dawn lo emaw i lo ti palh hlauh ang e.
    Sana i kawl chuan han en teh, a lo chek ri kauh kauh i hria ang. Second khat lek lek a rik kauh kauh apiang khan i thih hun a hnai zel a, i vanglai hun a liam hret hret zel a ni, Chu chu tuman chelhdin theih a ni lo. Tunah leh nakin hun lo awm zel tura inchhir lo tur leh hlim taka awm theihna thuruk chu nang i ni bawk a ka’n hrilh mai ang che - tun dinhmun i thlen theih nachhan i nu leh pa ten an enkawlna leh an hmangaihna che hi i theih anga tamin chhanglet rawh. Tin, midangte \anpui nan i theih anga tam i hun pe bawk ang che. Nu leh pá hmangaihna chhanglet tam apiang an nun a hlim \hin a, mite \anpui nana inpe tam apiang an lawmna a tam bawk a ni. I vanglai hun hmang\ha la, i vanglai a pelh hunah i chungah miten an vanglai hun an rawn hmang\ha ve mai dawn a ni. Vanglai hun i hmang nawn dawn si lo.

 

MPF LEH POLITICAL PARTY-TE
 THAWHHONA  THUTHLUNG
1.Inthlan  chungchâng : 1)Inthlanna thianghlim, dik leh felfai tak a awm ngei theihna tûrin mi tinin theihtâwp chhuah\heuh ni se.2)Inthlanah hian khua leh tui dik tak, vote neite chuan vote thlâk theuh tur a ni.3)Vote thlâk tura hmun dang atanga anmahni khaw lama kalna leh hawna tur ngaihtuahsak leh inthlanni a vote thlak tura motor-a inhruaite hi Election Dan in a phal loh avangin tumahin ngaihtuahsak loh ni se.
2.Inthlan  sênso  chungchâng: Election Commission of India/State Election Commission-in a phal bak inthlan senso atan an hman lohna turin tan lak theuh ni se.Hetiangin:-1)MPF-ten Candidate-te leh party-te hnenah pawisa dil emaw, dawn emaw khap tlat a ni.2)Election puan a nih hnuah House to House campaign hi Candidate-te tan phal a ni ang.Amaherawhchu sum leh therhlo nena len ni lo se. Party Workers ten Candidate-te tel lova house-to-house campaign neih loh nise.3)Sum leh therhlo dang hmanga vote lei leh hralh hi Election Dan in a phal loh avangin tihhauh loh tur a ni. Mipui, pâwl hrang hrang leh kohhrante pawhin party leh candidate-te hnênah thil phût neih tur a ni lo. Chutih rualin thil chi hrang hrang sem, (Entîr nan-Silpouline, Jersey, Football,  Mobile handset etc.) leh sawrkar development kallai leh thil dang sem te, buh leh thil dang inphurhsak te hi Election Model Code of Conduct-ina phal loh avangin tih loh tur a ni.4)Mipui vantlang tana ruai theh leh picnic hi a hautak em avangin tih loh ni se.5)Candidate-te rulh tura dawr leh hmun danga thil lo lak leh pukte pawh hi tih hauh loh tur a ni.6)Candidate-te tana inthlan tihautaktu, hêng- banner, flag leh poster-te hi vêng tina târ zât tûr hetiang hian bithliah a ni a. Election Model Code of Conduct hman a nih a\anga hman nghal tura ni ang:-
*VC/ LC member pasarih nei chinah Banner - 5, Flag - 50 leh Poster - 30 thleng.
*VC/ LC member panga nei chinah Banner - 4, Flag - 40 leh Poster - 30 thleng.
*VC/ LC member pathum nei chinah Banner - 3, Flag - 30 leh Poster - 20 thleng
*Banner hi ft. 4 x 8 aia lian lo ni se. Poster hi ft. 3 x 4 aia lian lo ni se.
*Flag siam dan tur: Two wheelers - Flag 1, ft 1 x 2 aia lian lo. Three wheelers leh fourwheelers - flag 1, ft. 2 x 3 aia lian lo. Flag san zawng hi ft 3 aia sang phal a ni lo.Note : Central/State dang a\anga party hruaitute campaign-a an lokal pawhin flag leh banner te hi meeting na hmun bakah tar loh tur a ni.
3.Inthlan  Campaign  chungchâng : 1)Sawrkar dan dinglai angin, vote la nei theilo te chu inthlan kaihhnawih thilah hman phal a nilo.2)Party ten tul an tih chuan Election Information Centre neih theih a ni ang a. Aurinna(Loud speaker) hman phal a ni lo.3)Inthlan puan hnuah kawngzawh hi tih loh tur a ni.4)Social Media hmanga dik lo taka thu thehdarh hi Sawrkar dan in a phalloh avang leh atheh darhtute chu na taka hrem theih an nih avangin tih hauh loh tur a ni. Dik lo taka thu thehdarh an awm chuan rang taka bawhzui nghal a ni ang a, a \ul anga puanzar a nih bakah Election Commission-ah emaw CID-Cyber Crime-ah emaw hriattir nghal zel a ni ang.5)Zu leh ruihhlo (drugs) hmanga vote zawn hi Election Commission phal loh a nih avangintih hauh loh tur a ni a. Election Information Centre-ah leh Polling Area bul hnaiah zu leh ruihtheih thilin a tih buai mek te awm phal a ni lo.6)Vote nei zawng zawngten zalen taka vote an thlak vek theih nan theihtawpa tan lak theuhtur a ni.
4.Zalên taka inthlan leh vênhimna chungchâng : 1)Invau leh inrîkrâp awm lo tûrin theihtâwp chhuah theuh tur a ni a, security duty-te chauh lo chuan silai leh puakthei thil ken loh tur a ni.2)Helte hmanruaa hman leh râlthuam chelekna awm thei te huai taka dodâl theuh tur a ni.3)Border leh sensitive area-ah te a tûl leh mamawh anga vênhimna a awm theih nân hmalâktur a ni.4)Vote thlak hi secret ballot a ni a, Dan dinglai angin tuman Polling Booth chhungah mobilephone ken luh loh tur a ni.
- Phek thumna-ah chhunzawm a ni..

PAGE - 3

HRIATTIRNA :

Phek 2 na chhunzawmna.......
5.Policy  siam  chungchang :  1)A  tak  ram  thleng  thei  tur  leh  tihhlawhtlin  theih  tur  chauh  -  manifesto,  policy  leh programme duan ni se. 2)Mimal chungchâng leh tualchhûng thil chauh ni lovin, party policy leh programme hi campaign-na leh inzawrhna atân hman ni se. Dâwt leh thu belhchian dâwl lo leh finfiahnghâl mai theih loh hmanga inbeih hi tuman tih loh ni se.
6.Candidate  chungchâng: Political Party tinin candidate an siam laiin hetiang mi hi candidate atân ruat tûra beisei an ni.1)Mi hmingtha, mize nghet leh rilru puitling.2)Mi taima leh rinawm.3)Dik lo leh kut tling lova sum leh thil dang hmuh tum lo mi.4)Zû leh ruihtheih thil dang laka fihlim.5)Mipat hmeichhiatna kawnga sawisêl kai lo.6)Ram leh hnam Dân pawisa mi leh dikna ngaisâng mi.7)Khawtlâng leh mahni mihring puite \hatna tur duha, chumi atâna inhmang peih mi.8)Mahni sakhua leh kohhran zah thiam a, pâwla mi hming\ha leh rinawm.
7.Thawhhona  chungchâng : 1)Inthlan puan a nih hnuah chuan Joint Platform hi MPF leh Candidate-ten \ul leh rem an tihtlan chuan Central Forum, Constituency Forum leh Local Forum ten anmahni area theuhahan buatsaih thei ang a, MPF hruaituten an kaihruai zel ang.
2)Party malin emaw Independent Candidate in emaw, Public Meeting neih an duh chuan MPF kaihhruaina hnuaiah neih a ni ang a,State pawn lam atanga Campaign tura lo kaltepawhin public meeting an koh pawhin MPF-in a kaihruai zel ang.3)Vantlâng tân thingpui lum loh ni se; polling booth area bul hnaia electoral roll en leh number pek chhuah hi Political Party ten a mala buaipui lovin, MPF kaihhruainain, fîmkhurtaka buaipui ni se.
8.Tlângkawmna : 1)A  chunga  ‘Thawhhona  Thuthlung’  târ  lan  piah  lamah  hian  MPF  District  Forum,Constituency Forum leh Local Forum ten ruahmanna hran siam loh ni se.2)Heng ‘Thawhhona Thuthlung’ hi bawhchhia an lo awma, finfiah ngei a nih chuan, MPF-inan bawhchhiatna constituency/Area huam chhûng mai bakah a tul angin a puangzâr ang.3)He ‘Thawhhona Thuthlung’ hi MPF leh Political Party tinin a zau thei ang berin theh darhni se.4)Inthlanna  thianghlim  kan  neih  theihna  tura  MPF  leh  Political  Party-te  thuthlung  hianIndependent Candidiate-te pawh a huam ang.Thawhhona  Thuthlungah  hian  Political  Party  tin  President  \heuhte  leh  MPF  hotuten hetiangin hming an ziak.

Advertisement...

MD  Septic  Tank  Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(23-5)                                      9436199884, 9862476439

 

LAWRKHAWM :

Chhiatni report
    Pu K.Mangpuia puala buhfai leh pawisa khawn khawm dan ziaka hmuh theih chin :-
    Section           Chhungkua    Buhfai    Pawisa           
    

Buala                       129          143      1201        

Damvea                   122          126      1250        

Kapdaia                   128           137      1250        

Lalsavunga                41            42        410        

Saichhuma               107          119       980        

Vawmphunga            65             68       610                       

Total                        592          635       5750

|anpuina lut
    Hlimen Local Task Force ten an Duty-na a a\ul apianga hman turin hetiang hian thilpek a lut e :-
1.    Pu Lalramchuana, BS    `    1,000
2.    Pi Darrotluangi, DV    `    500
3.     Pu Duhthusama, DV    `    1,500
4.    Pu Zoramkalsiama, SCS    `    1,000
5.     Pu N.Zoliansanga, SCS    `    1,000
6.     Pi Lalfakawmi, VP    `    1,000
7.     Pu F.Zosangzuala, DV    `    500
8.    Pi Mazuali, SCS    Cake
9.     Pu Zothansanga H/o Mapuii, SCS    `    1,500
10.     Pu Ro\huama, BS    `    500

Road Protection
1.    PWD ten kawng an siam hi mipui ten dim taka enkawl tur a ni a, a bikin Two Wheller ten Free Turn leh Stand chunga tuaiher phal a ni lo.
2.    Motor Jam kam nan lung hman phal a ni lova, thing tum chauh hman phal a ni.
3.    Helmet khum lo leh kum tling lova lirthei khalh khap tlat a ni a, dan bawhchhia man an nih chuan action lak (chawitir) an ni ang.
4.    Motor zan riaka kawngpui dungah dah khap tlat a ni.

LABOUR & EMPLOYMENT CHUNGCHANG
    Labour & Employment hnuaiah Registration kan tihsak thei bakah Renew ngai, Scholarship leh thildang buaipui ngai pawh kan buaipui sak thei bawk e.
DOCUMENT NGAITE- (1)  Adhar xerox attested xeox copy-1 (2)  I.D xerox attested copy-1 (3) Ration Card attested xerox copy-1 (4)  Bank Passbook attested xerox copy-1 (5) Passport  copy-2 (6) Local Council hriatpuina
RENEW NANA DOCUMENT NGAITE- (1) Labour & Employment Card-Original (2) Passbook xerox copy-1 (3) Ration Card xerox copy-1 (4) I.D/Adhar xerox copy-1
SCHOLARSHIP DIL NANA NGAITE- (1) Labour & Employment card attested xerox copy-1 (2) Principal lehkha/Progress Report Card/Marksheet attested xerox copy-1 (3) Passbook xerox attested copy-1 (4) Birth Certificate (Zirlai dilsakte) Scholarship hi tun session (Current Year) 2020-2021 tur ani. Scholarship hi tun session (Current Year 2020-2021) tur a ni a, Report card neilo tan kumin 2020 a admission titen Principal signature hmangin a dil theih bawk e.

Xerox hi kan tih thei nghal bawk e
Lalzarliana leh Lalmuanpuii, Hlimen, Damveng
Ph.No-9862221750/7005679597

 

PAGE - 4

KEIMAHNI :

Hlimkhawpui Budget
    Hlimkhawpui  May & June 2020  thla Budget  pe tla tawh te:
1.    Kapdaia Sec.    2. Vawmphunga Sec.
3.    Damvea Sec.    4. Saichhuma Sec.
5.    Lalsavunga Sec.    6. Buala Sec.
    Kapdaia Sec. leh Saichhuma Sec ten August, 2020 thleng Budget an tlak fel ta bawk.

Chhiatni Fund khawn leh dawn
    Section tin ten an mahni Area-ah tuk bik leh tuk zat awm lovin remchan ang khawn tura ruahman a ni. August 2020 chhunga khawn hman tum a ni. Hun tiam chhung a ral \ep a, a khawntute lam pawhin August thla chhunga thehluh hman tum ila, chhungtin ten tlawmngaih chhuaha lo pe \heuh turin Branch YMA chuan min ngen a ni.
    Kum 1 chhung atana Chhiatni Fund kan lo inkhawn tawh chu hrileng avanga kum danga kan la hman ngai lohna lamah sum hman a nih tak nual avangin Chhiatni Fund hi Branch YMA Committee chuan khawn leh mai nise a ti a ni. 

KAN THEN TAK

 
K.Mangpuia (kum 74) :
    Pu K.Mangpuia hi kum 1948 khan Pu Chawnzama leh Pi Kamthluaii te inkarah Chawngte khua-ah a lo piang a, an unau hi mipa 3 leh hmeichhia 2 an ni. Pawl kua thleng lehkha a zir a, a lehkha zir lai hian Champhaiah a awm a ni.
    Kum 1981 khan Pi Rallianzuali Hlimen nen inneiin fa pahnih - Lalmuanpuia leh Lalnunsangi te an nei a, Pu K.mangpuia hian tu 3 a nei bawk a ni.
    Kum 2019 a\ang khan a in sawisel \an tawh a, doctor te pawh an lo pan fo tawh \hin a. Mahse, \hat tak tak a nei thei chuang lo a ni. Nov. ni 15, 2019 khan State Referral Hospital, Falkawn-ah admit a ni a, hetah pawh hian a dam \ha tak tak thei chuang lova, in lama enkawl zui turin chhuahtir a ni leh a ni. Kum 2020 February leh March thla a\ang khan zual lam a pan hret hret reng a, theih ang anga enkawl zel niin August ni 15, 2020 tlai dar 4:00 a lo nih meuh chuan a natna chu tuar chhuak zo lovin chatuan ram min lo pansan ta a ni. A tuk Aug. ni 16, 2020 khan ui tak chungin vuiliam a ni ta a ni.

 

Advertisement...

ADMISSION OPEN FOR CLASS IX, X, XI & XII (Arts)
    Zirna leh nungchang \ha uar taka in zirtirna hmun, zirna leh zirlaite ti buai thei tur pawn lam boruak chiahpiah tu awmlohna leh discipline ngaihpawimawh em em na school ah seat tlem a la awm e.
    2018 & 2019 Results : 100% passed
    Sd/- Principal
    Biakliana Memorial Higher Secondary School,
    Kulikawn, Aizawl.
(4-4)    Contact : 9862792471/8837276476

 

KAN THEN TAK

 
Lalremtluangi (kum 54) :
    Lalremtluangi hi Upa N. Siamliana leh Pi Zohmingliani-te fa hming koh niin November ni 27, 1966 khan Synod Hospital, Durtlangah a lo piang a, an unau hi hmeichhia 5 leh mipa 2 an ni.
    Kum 1997 July ni 31khan K. Lalropara nen inneiin Ramthar Veng, Aizawl-ah an khawsa a, fa mipa pahnih leh hmeichhia pakhat neiin tupa pahnih a nei tawh bawk.
    Zirna lamah Hlimen-ah Primary a\anga High School thleng a kal a. Aizawl College a\angin B.A. a zo va. Amah hi mi rilru chak leh lehkhathiam thei tak a ni a. Sawrkar hna pawh hi a thawk hma hle a. Kum 1988 khan PHE Department-ah Sample Collector-in a lut a, kum 2010-ah kaisangin Serchhipah kum June thla thleng khan Bacteriologist niin a natna avangin July thla khan Aizawl-ah transfer leh a ni.
    Pi Lalremtluangi hi a phak tawkah khawtlang leh infiamna lamah a inhmang ve nasa hle thin a. Hlimen Branch YMA-ah hian Office Bearer hna hun engemaw chen a thawkin, chanvo pawimawh tak a lo chelh tawh a. Hlimen Games & Sport Asociation-ah pawh hruaitu hnate chelhin Hockey-ah phei chuan Mizoram aiawhte pawhin a lo zin tawh \hin.
    Kum 2018 August thla a\ang khan insawisel \anin, test chi hrang hrangte an tih hnuah ril cancer tih hmuhchhuah a ni a. Chemo-te la-in, amah pawn ziaawm lamte a pan ve a. Mahse, a thinah a \ai darh tawh avangin duh angin hma a sawn chak thei lo va. Kumin kumtir lam khan a pumte puarin Damdawi Inah vawi hnih lai siaksak a ni a. That lam pan zel tura kan ngaih laiin August 14, 2020 (Zirtawpni) zan khan a pumte na-in a kua te a dik lo va. Engmah ei thei lo va a chauh chhoh vel tak avangin August ni 17, 2020 (Thawhtanni) khan Damdawi In panpui a niin City Hospital-ah admit a ni a. Doctor leh Nurse te’n theih tawp chhuaha an enkawl laiin August ni 20, 2020 (Ningani) zing dar 5:50 khan Pathian hnenah min lo chawlhsan ta a ni.

 

Advertisement....

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

      VL-a,
(10-10)    Ph.No : 9402344486, 9615266170

F.K. SEPTIC TANK SERVICE
    Septic Tank khat paih, commode block, soak pit hlui leh thar kan siam theiin pipe fitting kan thawk thei e.
    Regn. No. MSR 524 of 15 of 2013
    Rate - Inbiak remna.

(45-26)                         Ph. 7085521791/9615920739 

Thitin thla (August) Ni 16, 2020, Issue No. 33

 

PAGE - 1

TUALCHHUNG :

Damlo : Pi Lalengmawii W/o R.Lalnunzira, Damvea Sec. a mi chu a mit a lungte awm Aug. ni 12, 2020 khan Civil Hospital-ah zai a ni a, in lamah enkawl chhunzawm mek a ni.

##    Pu Hmingthantluanga H/o Pi Ateii, Saichhuma Sec. a mi chu pum lam fello avangin Kulikawn Hospital-ah Admit niin enkawl mek a ni.

Hun hmang leh dawn : Hlimen Local Level Task Force ruahmanna in tun Pathianni hian vantlang information centre a\angin Pathian thu chah puanchhuahna hun hman a ni leh dawn.
    Aug. ni 16, 2020 (Pathianni) chawhma lamah UPC (NEI) Kohhran a\angin Evan Pahlira’n hun a hmang ang a, zanah  Isua Krista Kohhran a\angin Pastor Lalramliana’n hun a hmang bawk ang.

Ban phun thar :     Quarry a 250 KVA Transformer zawm pheina tur ban 5 chu April 13, 2020 khan phun zawh a ni ta a. Tun a\anga hun reilote ah Department lamin hmabak hi an rawn thawhzawh thuai beisei a ni.

Fimkhur ila : Thosi tam lai a ni a, Malaria hrik thehdarhtu thosi nu (anopheles) pawh he hun hian a pun lai a ni a, mitin kan fimkhur a ngai hle. Zan mutna-ah thosilen zar \ha ila, ramriak mite tan phei chuan thosilen zar a pawimawh zual hle. Thosi inthlahpunna tui tling awm lo se, kan tuizem te khuh \ha ila a \ha hle awm e.

Hlimkhawpui hriattirna : Kan hma lawkah Local Council inthlan kan hmachhawn dawn a, Hlimkhawpui Chanchinbu-ah hian party dang chirhthehna leh mahni insawimawina lam chi reng reng chhuah a rem dawn lo a ni tih kan inhriattir e.

VC/LC inthlan leh a kaihhnawih
##    Inthlan vote thlak ní-Aug. 27, 2020, 7:00 Am - 5:00 Pm
##    Vote chhiar hun-August 27, 2020
##    Inthlan \hat ngai a awmin-August 28, 2020
##    LC din fel hun hnuhnung-September 4, 2020
##    Inthlan kaihhnawih zawh hun- September 7, 2020

HEADLINE :

BRANCH Y.M.A. EMERGENCY COMMITTEE THUCHHUAK
    Aug. ni 11, 2020 (Thawhlehni) zan khan Hlimen Branch YMA Emergency Committee YMA Hall-ah neih niin, hemi huna thurel pawimawh zual chu a hnuai a tarlan hi a ni e :-

1. ILP Check tura ruahman chu tunlai hrileng (COVID-19)avanga nunphung a buai leh thiltih a harsat avangin check hrih loh mai ni se, ILP nei lo leh renew ngai te hi a ruaitu ten August thla chhungin tih fel sak vek tur.

2. Thlanmual Sub-Committee ten Dt. 15.8.2020 (Inrinni) zing kara Thlanmual sâm an rawt chu a hun a tepter deuh avangin Dt. 22.8.2020 (Inrinni) zingkar ruat a ni a, Thlanmual -II hi Kapdaia Section ten an sam anga, Section dang zawngin Thlanmual - I an sam ang. Mahni chhungte Thlan \heuh lo tihfai bawk tur.

3. Hetiang hian Section te Thlan laih hnatlan hun tur siam a ni.
a) Dt. 17.8.2020 (Thawh\anni) - Buala Section
Enpuitu tur te : Pu Zolianchhunga & Pu Ngurchhuana
b) Dt. 17.8.2020 (Thawh\anni) - Kapdaia Section (Thlanmual-II ah)
Enpuitu tur te : Pu Zolianchhunga & Pu Ngurchhuana
c) Dt.18.8.2020 (Thawhlehni) -  Saichhuma Section.
Enpuitu tur te : Pu Lalbiaknunga & Pu Lalrinmawia
d) Dt.19.8.2020 (Nilaini) - Damvea Section.
Enpuitu tur te : Pu Jerome Lalduhbika & Pu Lalhminghlua
e) Dt.20.8.2020 (Ningani) -  Lalsavunga Section.
Enpuitu tur te : Pu Lal\anzuala & Pu Lalramenga
f) Dt.21.8.2020 (Zirtawpni) - Vawmphunga Section.
Enpuitu tur te : Pu RC Lalroliana & Tv. C.Lalrinpuia
    Thlan laihna hmun leh a \ul ang lo buaipui turin Thlanmual Sub-Committee ten ruat an neih sa hi rin nghal tur a ni a, Section  hnatlang te an ei leh in senso atan ` 1,000.00 \heuh pek ni se.

4. Task Force Committee a thu thlen tur.
a) |hianho, Chhungkua leh pawl anga intihhlim khap
b) Outdoor Games ah veng pawn mi te inkhel lo tura khap.
c) Hlimen a MVI  rawn dawr tu te Social Distancing ngaipawimawh tura ngen.

5. Central YMA a\angin tunlai hrileng mek laka invenna kawnga hma la tura ngenna leh LC inthlanna lo awm tura thianghlim leh felfai taka inthlan a nih theih nana hma la tura tih chu OB ten a \ul angin hma lo la se tih a ni.

PAGE - 2

EDITORIAL :

         Engnge kan mamawh
    Hlimen \halai zingah zirna lama hlawhtlingna \ha tak nei te, infiamna kawnga chhuanawm tak tak te, eizawnna leh politics lam thleng a mi ngaihtuah awm lo fe fe sawi tur kan kat ve ta nuk mai. Heti lam kawngah hi chuan Hlimen hi veng/ khaw malah chuan a duailo pawl tak tling pha in ka hria. Chuti chung si a kan khawtlang nun leh kan khawsazia te han thlir chuan duhthu a sam lovin zir tur kan la ngah hle in ka hria. Zirna lam leh kawng hrang hrang a mi chhuanawm tak tak awm na veng ni ve si a, khaw \hanglo / veng \hang lo ber ber te zing a sawi kan ni fo reng mai hi chu \an lak a hun tak zet niin ka hria. Enge kan mamawh a enge kan tlakchham ?
    Ram leh hnam, khawtlang leh chhungkua min suat a, kan finna leh tha chakna min tihchhiat sak tu Ruihhlo zak miah lova zuar ngat ngat tute, mipui hmuh thei reng a khawlai a lo in ngang ngang duh tu te leh Drugs a lo inchiu duh tawk engemaw zat tualchhung mi  la awm fo mai te hi kan \hanmawhbawk leh khawtlang nun hmuhsitawm a min siam tu chu a ni mai ti ila a sual lo vang.
    Tin, kan khawtlang \hanmawh em em  na chhan hi khawtlang \hatna leh hmasawnna tur sawrkar a\anga sum lo kal hmanga hnathawktu tualchhung mi ni ve tho si, khawtlang \hatna leh hmasawnna a ni tih hre duh lova, rintlak loh taka hna an thawh chhiat \hin vang em ni ang?
    Heng kan sawi tak khawtlang \han theih lohna/ hmasawn theih lohna  chhan ni a lang tlem te pawh hi a lo bo theih nan leh khawtlang a lo \han a, hma a sawn theih nan Hlimen hian enge kan mamawh ? He zawhna hi engtin nge i chhan ve ang ?

ZIAKTUTE HUANG :

A VA NUAM DAWN TAK EM

- Robuanga
    Kan hma lawkah Local Council, khawtlang min enkawltu tur thlan hun a lo thleng \an mek anih hi. Kan khawtlang \hatna tur leh hmasawnna tur a tha leh zung, finna leh chakna senga hnathawh tum tu te, khawtlang hmangaihtu an rawn inlar sup sup ta mai. Mi chhuanawm tak tak leh mifel tak tak heti zat lai mai khawtlangin, hmangaihtu an nei hi a thlamuanawm tak zet a, chutih mek lai erawh chuan hnathawh a che chhuak tur atan thlan sen an ni dawn silo erawh chu a hrehawm in a pawi hle thung a ni.
    Vawiin a khawtlang hmangaih a hmasawnna lam hawi a hruai duh tu mi chhuanawm tak tak te zingah thlan chhuah loh engngemaw zat chu awm loh theih a ni dawn lo, thlan chhuah te leh thlan zinga la tel lo te pawhin, vawiin/tun huna \hahnem ngai tak leh inpe taka khawtlang nun siam\ha a hmasawn tir tum ran a \an lak anih zel chuan Hlimen mi nih chu A VA NUAM DAWN EM.
    Chuti nilo a inthlan zawh a khawtlang kan hmangaihna leh \hahnemngaihna thu kan sawi te kha, dawta chantir leh mai tu kan nih chuan fak hla siamtu in Hmangaihna mak tak chu a lo ni  a tih ang deuh khan miten hmangaihna ngah leh \hahnemngaia an hriatna che chu  hmangaihna mak tak chu a lo ni an ti ngei dawn che a ni. Inthlan hi kan ram/khawtlang hian a hmachhawn zing hle tawh a, chungah chuan ram leh hnam khawtlang hmangaih inti te thlan sen loh, an inlar \hin. Chuti chung chuan kan ram dinhmun te, kan khawtlang dinhmun te chu a hretu leh hmutu te chu nang leh kei hi kan ni lawm ni, Hmangaihna mak tak chu niin i hre \hin em?
    Election, MLA ani emaw LC/VC a ni emaw Election dawn a Party hrang hrang te leh Campaigner ten ram leh hnam, khawtlang tan a \hahnemngaih thu au pui a, member tam thei ang ber lak tum a phu sup sup \hin te, inthlan zawh anih a, kum pawh a vei hma a khawtlang leh Kohhran, Sawrkar duhloh leh phalloh zawng ti a YMA, JAC, VDP leh Police ten an um a an veh an veh leh \hin ang hi ni tawh lo a, inthlan dawn hnaia Ram leh Hnam, khawtlang an hmangaih lai ang a inthlan zawh hnu pawh a hmangaihtu hi ni reng hlawm chu nita \heuh se Hlimen khawtlang chu  A VA NUAM DAWN EM

Advertisement...

ADMISSION OPEN FOR
CLASS IX, X, XI & XII (Arts)
    Zirna leh nungchang \ha uar taka in zirtirna hmun, zirna leh zirlaite ti buai thei tur pawn lam boruak chiahpiah tu awmlohna leh discipline ngaihpawimawh em em na school ah seat tlem a la awm e.
    2018 & 2019 Results : 100% passed
    Sd/- Principal
    Biakliana Memorial Higher Secondary School,
    Kulikawn, Aizawl.
(4-3)    Contact : 9862792471/8837276476

PAGE - 3

HRIATTIRNA :

LABOUR & EMPLOYMENT CHUNGCHANG
    Labour & Employment hnuaiah a hnuaia tarlante chiah hi Registration kan tihsak thei bakah Renew ngai, Scholarship leh thildang buaipui ngai pawh kan buaipui sak thei bawk e.
(1) Kum 18-60 inkar (2) Thing Mistiri (3) Lungrem Mistiri (4) Cement Mistiri (5) Rawnghnawih (6) Helper (7) Electrician (8) Wireman (9) Fitter (10) Welder (11) Plumber (12) Iron & Aluminium work (13) Thirchher (14) Thingzai (15) Balu la (16) Lung la (17) Rora chhu (18) Kawng leh lei laia inhlawh (19) JCB Operator (20) Construction Machine Operator (21) Tripper Driver (23) Leirawhchan leh Chinai siam
Heng tarlante hi Kum1 a Ni 90 tal thawk an ni ngei bawk tur ani.
DOCUMENT NGAITE- (1)  Adhar xerox attested xeox copy-1 (2)  I.D xerox attested copy-1 (3) Ration Card attested xerox copy-1 (4)  Bank Passbook attested xerox copy-1 (5) Passport  copy-2 (6) Local Council hriatpuina
RENEW NANA DOCUMENT NGAITE- (1) Labour & Employment Card-Original (2) Passbook xerox copy-1 (3) Ration Card xerox copy-1 (4) I.D/Adhar xerox copy-1
SCHOLARSHIP DIL NANA NGAITE- (1) Labour & Employment card attested xerox copy-1 (2) Principal lehkha/Progress Report Card/Marksheet attested xerox copy-1 (3) Passbook xerox attested copy-1 (4) Birth Certificate (Zirlai dilsakte) Scholarship hi tun session (Current Year) 2020-2021 tur ani.
Xerox hi kan tih thei nghal bawk e
Lalzarliana leh Lalmuanpuii, Hlimen, Damveng
Ph.No-9862221750/7005679597

Road Protection hriattirna
1.    Venglai kawn leh kawngpui dungah motor lian a bungrua unload tur ten hunbi siam chhung chauhah unload tur a ni, hetiangin :-
March - Oct, 2020 chhungin 8:00 Pm - 6:00 Am
Nov. 2020 - Feb., 2021 chhungin 7:00 Pm - 7:00 Am
        Hun tiam bawhchhia te chungah action lak a ni ang.
2.    PWD ten kawng an siam hi mipui ten dim taka enkawl tur a ni a, a bikin Two Wheller ten Free Turn leh Stand chunga tuaiher phal a ni lo.
3.    Motor Jam kam nan lung hman phal a ni lova, thing tum chauh hman phal a ni.
4.    Helmet khum lo leh kum tling lova lirthei khalh khap tlat a ni a, dan bawhchhia man an nih chuan action lak (chawitir) an ni ang.
5.    Motor zan riaka kawngpui dungah dah khap tlat a ni.

ADVERTISEMENT...

MD Septic Tank Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(23-4)                                      9436199884, 9862476439

LAWRKHAWM :

Local Council inthlan

    Local Council inthlan a hnai ta hle mai a, kan veng chhunga Candidate tur ten Nomination an file hnu-ah endikna leh symbol pekchhuahna hun hman a ni leh a ni.
     Inthlanna hmun atan hian Govt. Primary School-I leh Govt. Middle School-II hman tur a ni a, Aug ni 27, 2020(Ningani) zing dar 7:00 a\anga tlailam dar 5:00 thleng Vote a thlak theih ang.
    Local Council atana Candidate te :
Indian National Congress (INC):
General Seat :    (1) R.Lalchhandama S/o Vanlalvena
    (2) Lal\anpuia S/o Laldailova                (3) Lungmuanzova S/o Lalhmangaiha
    (4) Pachhunga S/o Romawia (L)
    (5) Zosangzuala S/o Lalchhuana
Reserve Seat :    (1) Lalrempuii D/o N.Siamliana
    (2) Lalsangzuali W/o Zarzoliana

Mizo National Front (MNF):
General Seat :    (1) Joshua Zotea S/o Hrang\huama (L)
     (2) Lalhmingliana S/o Thansanga
    (3) C.Lalhmingthanga S/o C.Lianzuala (L)
    (4) J.Vanlalbiakdika S/o Lalchhanhima
     (5) Vanlalhruaia S/o Liannghawra
Reserve Seat :    (1) Lalhmingthangi D/o Rualchhina (L)
    (2) Laltlanmawii D/o Vanlalchhuanga

Zoram People Movement (ZPM) :
General Seat :    (1) Laltlanhlua Chhangte S/o Malsawma
     (2) Lalremliana S/o Lalkamlova (L)
    (3) Nicky Thanpara S/o Vungdailova
    (4) Ro\huama S/o Khuanga (L)
    (5) Zothanpuia S/o Khuangtuahchhunga
Reserve Seat :    (1) Zazawni W/o Zaikunga

    Tin, Symbol atan hian Congress Candidate ten Kutphah, MNF Candidate ten Arsi, ZPM Candidate ten khumbeu an hmang dawn a ni.

Task Force chung chang
    Hripui (Covid-19) leng avanga Local Level Task Force  din chu Local Council inthlan boruak avangin Model Code of Conduct hman a ni ta a. Hemi avang hian Local Level Task Force on Covid-19 chu a hnuai ami ang hian siam danglam a ni a. Hei hian Aug. ni 5, 2020 a\anga Sept. ni 7,2020 thleng a huam ang a, hemi hnuah hi chuan a pangngaiin a kal leh ang.
    Chairman    :    President YMA Branch
    V.Chairman    :    President MUP Unit
    Member Secretary    :    Secretary YMA Branch
    Member    :    
    1. YMA Office Bearer a\angin aiawh pahnih zel.
    2. President MHIP
    3. Kohhran, vengchhung a Biak in nei chin a\angin aiawh pakhat
    4. Medical Personel (Doctor/Nurse/Health Worker/ASHA

PAGE - 4
KEIMAHNI :

Hlimkhawpui Budget
    Hlimkhawpui  May & June 2020  thla Budget  pe tla tawh te:
1.    Kapdaia Sec.    2. Vawmphunga Sec.
3.    Damvea Sec.    4. Saichhuma Sec.
5.    Lalsavunga Sec.    6. Buala Sec.
    Kapdaia Sec. leh Saichhuma Sec ten August, 2020 thleng Budget an tlak fel ta bawk.

Chhiatni Fund khawn mek
    Kum 1 chhung atana Chhiatni Fund kan lo inkhawn tawh chu hrileng avanga kum danga kan la hman ngai lohna lamah sum hman a nih tak nual avangin Chhiatni Fund hi Branch YMA Committee chuan khawn leh mai nise a ti a ni.
    Section tin ten an mahni Area-ah tuk bik leh tuk zat awm lovin remchan ang khawn tura ruahman a niin khawn mek a ni. August 2020 chhunga khawn hman tum a ni. Chhungtin ten tlawmngaih chhuaha lo pe \heuh turin Branch YMA chuan min ngen a ni. 

*****************************************

Bawlhhlawh paih chung chang
    Tuna kan bawlhhlawh paih danah hian a \awihthei leh \awih thei lo kan thliar a, tun hnuah chuan a \awih thei lo ho bik hi hetiang hian thliar tur a ni e:-
1.|awih theilo bawma paih tur : Lehkha leh lehkha hmanga siam ho, savun a siam bag, pheikhawk etc. leh rexine,  darthlalang a siam chi ho reng reng, Thir lam chi, eiin bur sangha \in, Pepsi Can etc., meizial lam chi, sanitary pad, Diaper etc. sam, Tyre chhia, rubber, glove. heng bakah hian \awithei leh plastic a tello zawng zawng.
2. Plastic bawm a paih tur : Plastic kaihnawih zawng zawng, sarang lam chi, disposal plate & Cup(Thermocol lam chi zawng zawng), wai wai/rumpum kawr, satha ip leh Plastics glove etc.
3. Electronic Waste  bawma paih tur : Electronic lam bungraw chhia- TV chhia, Computer chhia, phone chhia, etc., battery, Oil, insecticide, pestiside, rawng lam chi, cables.
    Heng \awihtheilo hrang hrang te hi bag/ip hranah khung hrang thliah thliah in bawlhhlawh \awihtheilo paih niah a paih theih vek a, sawi tawh angin ip hranah mumal taka khung vek tur a ni.
    Lehkha hi a mah ngau ngau chuan a \awih thei a ni na a, amaherawhchu saranga laminate, leh thir lam chi a kilh na a tam avang te, lehkha chhia kan tih te hi khawltui dum(Ink) a thutam tak chhutkai  a ni a, heng ink te hi tawih thei lo a nih avangin lehkha lam chi hi \awihtheilo bawmah paih \hin tur a ni.
    Heng a chunga tarlan bak, \awihtheiho - choka ningnawi, kuhva khehna, arhmul, chengkawl, saruh etc.zawng zawng te chu \awihthei bawmah paih vek tur a ni.

Advertisement....

F.K. SEPTIC TANK SERVICE
    Septic Tank khat paih, commode block, soak pit hlui leh thar kan siam theiin pipe fitting kan thawk thei e.
    Regn. No. MSR 524 of 15 of 2013
    Rate - Inbiak remna.

(45-25)                         Ph. 7085521791/9615920739

Lawrkhawm chhunzawmna.....
Task Force Meeting neih a ni
    Aug. ni 14, 2020 (Zirtawpni) zan khan Hlimen Local Level Task Force Meeting YMA Hall-ah neih a ni. Thurel tlangpuite :-
1. YMA \anga lehkha hmuh : Branch YMA a\anga lehkha hmuh angin hetiang hian a \ul dan anga hma lak a ni.
    (a) |hian ho, pawl leh chhungkua anga intihhlim vengchhungah khap a ni a, veng chhung mite tan bik special programme nilo insiam chawp hi phal loh a ni.
    (b) |halaite infiamna, Out Door Games-ah veng dang mite tan inkhelh phal a ni lo.
    (c) Hlimen a MVI rawn dawrtute hi Social Distancing ngaipawimawh tura ngen nise.

2. Hlimen Presby. Kohhran a\anga lehkha hmuh : Hlimen Presby. Kohhran a\angin Aug. ni 31, 2020 (Thawh\anni) Ramthar Ni zanah hian Task Force in programme a neih loh chuan Information Mike a\anga Pathian thu sawi an rawn dil chu remtihsak an ni.

3. Chhiatni inkaihhruaina : Sawrkar in chhiatni inkaihhruaina a siam mi 50 aia tam lo kal khawm leh vuina hmunah Kohhran Hall emaw YMA Hall emaw hman nise tih chu Kohhran tinah leh YMA-ah lehkha pek nise, Kohhran Hall remchang lo tan YMA Hall-ah invuina hi neih nise tih a ni a. Chhiatni inkaihhruaina leh enkawlna hi YMA kut leh mawhphurhna a nih angin an kutah dah a ni. Tin, mitthi in a kalte social distancing leh mask vuah ngaipawimawh tura inzirtir thar leh nise tih a ni.

4. Member lak belh : Local Council Member leh mi \henkhat Local Council inthlan a nih dawn avanga Election Conduct rule in a phuar tak avangin heng mite hi Task Force Committee Member turin ruat belh an ni :-
(1) Pu G.Lalzahawma (2) Pu Ramnundanga (3) Pu J.Vanlalhruaia (4) Pu Zolianchhunga (5) Tv. Zonunsanga

5. Kharchhawng chung chang : Vengchhung a thlai, kharchhawng \hinten an rawn lak \hin hi phal a ni lova, anmahni ngeiin veng pawnah an pe tur a ni.
    Dawra hmawmsawm rawn zuar kual \hin hi khap a ni bawk.

6. Chanvo in ruat belh : Task Force Committee chak zawka a kal theih nan hetiang hian chanvo inruat belh a ni. Vice Chairman- Pu R.Lalngheta, Asst. Secretary- Tv. Lalkhawmawia. 

Advertisement..

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

      VL-a,
(10-9)    Ph.No : 9402344486, 9615266170
 

Thitin thla (August) Ni 8, 2020, Issue No. 32

 PAGE - 1

TUALCHHUNG :

Damlo : Pu Lalnghakliana H/o H.Lalhming-mawii, Damvea Sec. chu pile lam fello avangin Aug. ni 2, 2020 khan Civil Hospital ah admit a niin Hospital lamah hian enkawl chhunzawm mek a ni.

##    Pi Nunhlimi W/o Lalramhluna Kapdaia Sec. a mi chu Aug. ni 7, 2020 khan  Aizawl Civil Hospital-ah rilphir zai niin enkawl chhunzawm mek a ni.

Nau nei thar : Pu Lalremruata leh Pi Zonunmawii te nupa, Saichhuma sec. chuan Aug. ni 5, 2020 khan fanu duhawm tak Aizawl Civil Hospital ah an nei thar.

##    Pu Lalremsiama leh Pi Lallawmsangi te nupa Kapdaia Sec. a mite chuan an fahmingkoh atan Aug. ni 5, 2020 khan BN Hospital-ah naute mipa duhawm tak an nei  thar.

Electric ban tlu :  Aug. ni 7, 2020 zing khan Hlimen High Sikul veng leh Damveng \henkhat  chawmtu Electric line chu thingtlu in a vuak avangin electric ban pathum a tlu awn a, a hrui a vaw chat bawk a ni. Hemi ni vek hian Deptt. a thawkte leh High Sikul veng \halai ten Local Council hovin an siam\ha leh nghal a ni.
    Local Council te hian ban phunna tur cement, balu leh rora an tum mai bakah chhun ei tur sawhchiar tuihnai tak an siam a, Deptt. a thawkte an lawm hle.

Hun hmang leh dawn : Hlimen Local Level Task Force ruahmanna in tun Pathianni hian vantlang information centre a\angin Pathian thu chah puanchhuahna hun hman a ni leh dawn. Aug. ni 9, 2020 (Pathianni) chawhma lamah Hlimen Damveng Presby. Kohhran a\angin Upa H.Lalnunzira’n hun a hmang ang a, zanah  Hlimen Presby. Kohhran a\angin Tv. Lalawmpuia Hauzel chuan hun a hmang bawk ang.

Passed thar : Issue hmasa lama HSSLC passed kan tarlan bakah Kirti Dhamala D/o David Dhamala (LSV)  chuan Arts Subject 1st division-ah a passed a,  Jyoti Dhamala D/o David Dhamala (LSV) chuan Arts Subject  2nd division-ah a passed bawk.
    Passed tharte Hlimkhawpui EB te chuan kan lawmpui tak zet zet e.

 HEADLINE :

Hlimen Local Level Task Force on Covid 19 thuchhuak

1.    Pawn lama chhuak reng reng ten Mask leh Inkarhlat ( Social Distancing) ngaih pawimawh em em tur a ni.

2.    Vengpawn lam mi, intin lutchhuak a thilzuar kual a vak kual chi ( Home Deliver ni lo) te,  Company thil zuar emaw pawh nise , tu a te pawh nise \ha takin an let leh vang vangna tura hrilhin  hnar haw nghal zel mai tur a ni.

3.    |ul bik thil a nih loh chuan pawn chhuah tam loh tur a ni a, \henawm khawveng ah pawh chuankai tlem a \ha. Veng pawn lamah ngat phei chuan \ul bik tak tak lo ah chuan chhuah loh tum tur a ni.

4.    Sawrkar thuchhuak angin mi 5 aia tam punkhawm loh hram tum tur a ni. Chuvangin, Venglai kawna zinglam leh tlaidaia kan pungkhawm viau \hin pawh hi kan himna zawk tur a ni tih hriain insum tlan a \ha a.  Hmun dangah pawh mi 5 aia tam punkhawmna chi chu pumpelh dan zawn a \ha.

5.    Hri kai hmuhchhuah an nih a, hmuhchhuah te awmna hmuna kal/ awm ve palh te kan awm chang a awm \hin a, hetiang thil kan tawng a nih chuan a chhui a chhui chhuichhuah kher nghak lovin a ranglama Task Force te emaw Damdawi in lam emaw biak vat \hin tur a ni a,  tin, chutiang kan tawng palh a nih chuan Damdawi in lam emaw Task Force emaw te kan hrilh chian hnuah  mahni chenna ah emaw remchang \ha tawk takah emaw midang tlawhpawh lovin inkhunghran hrih phawt tur a ni. Thu kan ngaichang \hin tur a ni.

6.    Eizawnna leh mamawhna avangin hnamdang (vai) te chhawr loh theih an ni lova, amaherawhchu,  veng chhunga awmsa leh vengdanga awm,  Covid 19 vanga an awmna veng Task Force emaw YMA in anmahni an him a ni tih a tihchianna ID nei ni lo hnamdang lo chawkluh ngawt kha a him lo a, tih miah loh tur a ni. Tilui kan awm chuan Action lak a ni ang. Veng chhunga hnamdang awm te pawh Task Force chuan a \ul angin a enfiah chhunzawm zel dawn a ni. 

7.    Kan hrileng kal zelah Lalsavunga Park chu Task Force chuan a tu a te tan pawh tlawh a khap ta bur a, hei hian August 2020 chhung a awh ang. Tun thla chhung chu Vengchhung mite pawhin mahni chhung leh khat te nen emaw \hianho te nen emaw a Park area a chaw eikhawm, intihhlim lam chi eng mah tih loh tur a ni. A \ul angin Task Force in duty a siam dawn a ni. Panga (5) aia tam punkhawm khap a nih tih thupek a awm tih hriat tur a ni.

8.    Veng chhungah a tua te tan pawh Task Force chuan Home Quarantine chu khap tlat a ni.
    He hri laka nang leh kei kan him tlat hian kan ram  himna ah thui tak a \ha zawngin kawngro a su  tihna a ni.
Fimkhurna leh thuawihna hmangin he hri hi kan hneh thei.

 

PAGE- 2

EDITORIAL :

        Hlimna kawng |ha
    Duhamna khawvelah kan lo piang a, duh tawk leh chin tawk nei lovin nun hahchawlhna leh hlimna a nih beiseiin hring nun hi a phi ruai ruai \hin. Hlimna te, chawlhna te lawmna te chu nei thei dawn a in hriain hmalam pannin beiseina chuan min hnuk ruak ruak a. Mahse, van hnuai ah hian hahchawlhna, hlimna leh lawmna tluantling reng a awm si lo. Tin, hmalam beiseina duhamna chu thlan khur thlengin kan um zui zel mai dawn a lo ni.  Nun hahchawlhna leh hlimna, thlamuanna leh lawmna neih duhin mahni theihna zawn \heuh ah theihtawpchhuah in kan tlan suau suau mai chu a ni si a.
    Miin sum a khawl chhan te, in leh lo \ha a din chhan te leh hna thawh a thil eng pawh(i ti mai ang) a tih chhan chu kan sawi sawi tak nun hlimna, lawmna leh hahchawlhna beisei vang a ti a ni.Mahse, chu chu a zawng nasa leh a bei nasa a piang an beidawnna a nasa emaw tih mai tur a ni si. Sum leh pai duh ang ang a hman tur nei; mahse, duhamna avang a nun hlim thei lo, lungawi lo te, in leh lo changchang  \ha pui pui nei si a duhamna avang nun hahchawl chuang si lo hi kan ram hian engzat tak awm ang i maw?
    Sum leh pai ngah te, in leh lo ropui leh \ha neih te hi a hlu em em a, an awhawm em em bawk. Mahse, heng mite hi nun hlim leh nun hahchawl an ni vek lo. Sum ngah mah se rethei si; in leh lo, rohlu tak tak nei, nun hlim thei chuan si lo; nun hah chawl reng reng lo, mi rethei sawi tur kan ram ah hian an va tam em. Hlimna kawng \ha hriat i duh chuan \anpui ngai te puih nan i hun leh i nun a tam thei ang ber pe la, mi lawmna i siam tam leh i lawmna a sang anga, midang tana malsawmna thleng tam a piang te hian mi lawm an hlawh tam a. Chu chuan an nunah hlim leh lawmna, lungawina a thlen let \hin a lo ni.

ZIAKTUTE HUANG :

ZONUN  ZEMAWI
R. Lalngheta
Chhunzawmna.....
6.    Induhsak tawnna :
    Kan pi pute nuna mawi leh duhawm tak chu induhsak tawnna hi a ni. Sem sem dam dam, ei bil thi thi tih tawngkam mawi tak hi a takin an lo nun chhuah pui a, an thil neih te inhlan tawnin, thlai thar an neih pawh inthartem thin an ni. Thenawmte bai insuahte hi an uar hle. Hei hian an nunah thenawm khawveng induhsak tawnna nasa tak an nei tih a ti lang chiang hle awm e. Mahni chhungkua chauha ei bikte, neih bikte hi nuam an ti lova, a Mizo lo a ni tih an tilang chiang hlein ka hria. Vawiinah chuan keimah ka din chhuaha ka neih dawn phawt chuan, thenawm khawvengte chuan nei ve lo mahse pawi tih lohna a lian sawt hle niin a lang. Mi thenkhat ten an sawi thin angin, kan bang a inhnaih tual tual a, kan rilru erawh a inhlat tual tual an lo tih hi thil dik a ni thei mai a ngem. Mahni thenawmte pawh hre mang lote hi a awm theih hial ta em ni le. Kan pi pu ten induhsak tawn taka an nun an lo hman thin ang hian, vawiinah pawh hian induhsak tawnna nun hi uar leh thei ta ila chuan kan ram hi a va nuam dawn em. Hemi kawngah hian YMA ten tan kan lak hi a tul hlein ka hria.

    Tlang kawmna :
    Zonun zemawi tam tak kan pi pu ten an lo hman thin chu famkim lo takin kan han tarlang ta a, heng atangte hian thahnemngaihna thar kan neih a, tan kan lak a ngai hlein ka hria. Aia upa zahte, tlawmngaihnate, rinawmna kawngah te hian a bik takin tan la thar ta ila, kan ram chu tun ai hian a nawm ngei ka ring tlat a ni. Hla siamtuin "Harhna  rawn thlen ang che, keimahah hian thawk tan rawh" a tih ang hian keimahniah bul tan ta ila, keimahni zing atang hian aia upa zah zir thar leh ila, tlawmngaihna leh rinawmnate pawh zir thar leh ila a duhawm hle mai. Central YMA, Sub-Hqrs. YMA, Group YMA leh Branch YMA hruaitute ngei pawh hian keimahni chhungah ngei hian zonun zemawi kan sawi tlemte atang hian in en let ila, kan lo tih ngai tawh lem lohte a awm a nih pawhin, tih thar leh ni thei se ka duh tak zet a ni. Keimahni ngeiin bul kan tan phawt chuan hma kan sawn ngei ka ring tlat a ni. Mizote hi zirtir nuam leh thuawih thei tak kan niin ka hria. Chuvangin hruaitu ten bul kan tan phawt chuan member ten min zui ngei ang. Tumkhat meeting-a kan kalnaah Sawrkar Department-te tan lak ngaih thu leh dik taka tih a tul thute kan sawihonaah Officer pakhat tawngka vawiin thlenga ka benga la ri nawn fo chu "YMA te pawh hi in inen a ngai ve tho, in dik vek bik lo a nia" tih a sawi hi a ni. Kan thiltha tih tam tak karah thil pahnih khat kan tihsual hian kan pawl a ti hmaimawk thei tih hi i hre reng ang u. YMA tih chu a dik a ni, mitinin an tih theih nan dik chu dik, dik lo chu dik lo ni mai se, thahnemngaih luat leh veng hmingthat leh mawi kan duh luat vanga YMA Tournament-a mahni veng dik tak ni lo kan la telh thinte pawh hi Zonun zemawi chu a ang lo deuhin ka hria. Kan chhungkhat lainate kan duhsak luat a, thil dik hlel deuh tih sak mai kan hreh lohnate pawh hi paih bo ngam ila a duhawm khawp mai. Zonun mawi hloh thak khawpa Polictics tuinu a kan inchiah thinte pawh hi YMA tan chuan a tul ber loin ka hria. Mi pamham leh duhamte kawng dika hruaitu tur ber ten, kan tih loh tur niawm tak kan tih thin hian kan zonun zemawi a ti chhe thin a ni. Chuvangin kan zonun zemawi hi mawi taka a lo parvul zel theih nan, hawh u ka YMA pui duh tak te u, YMA takin kan puanven i sawi chhing ang u hmiang.
YMA vul zel rawh se.
 

PAGE - 3

HRIATTIRNA :

Local Council inthlan
    State Election Commission thuchhuak angin August ni 27, 2020 hian Hlimen Local Council Member, General Seat 5 leh hmeichhe reserve seat 2 atan inthlanna neih tur a ni a. Heta inthlan chuh turte chuan Returning Officer hnenah nomination form August ni 11, 2020 aia tlai lovah office kai ni apiangin chawhma dar 11:00 leh tlai dar 3:00 inkarah lakchhuah leh thehluh theih a ni. Form lachhuak tur ten Social Distancing zawm tur a ni a, vawi khatah mi 5 aia tam kal loh nise, hmai tuamna hman bawk tur a ni. RO Office atan Hlimen YMA Hall hman a ni ang.
    Sd/- Joseph K.Lalfakzuala
    Returning Officer
    XIX/6 Hlimen LC Constituency

Hriattirna
    Pi Juliet Fanai D/o P. Lalchhunga of Hlimen hian a LSC No. 1045/16 of Hlimen veng a mi hi a tibova rawn insawiin Office ah re-issue a rawn dil a. A dil ang a tihsak a rem lohna tur chhan engpawh hria chuan Chanchinbu a chhuah atanga ni 30 hma ngeiin a hnuaia address ziak ah hian hriattir tur a ni. Hetianga LSC pekchhuah leh a lo nih chuan LSC hmasa chu cancelled ngal a ni.
    Sd/- Director,
    Land Revenue and Settlement
    Mizoram Aizawl

Road Protection hriattirna
1.    Venglai kawn leh kawngpui dungah motor lian a bungrua unload tur ten hunbi siam chhung chauhah unload tur a ni, hetiangin :-
March - Oct, 2020 chhungin 8:00 Pm - 6:00 Am
Nov. 2020 - Feb., 2021 chhungin 7:00 Pm - 7:00 Am
        Hun tiam bawhchhia te chungah action lak a ni ang.
2.    PWD ten kawng an siam mek hi mipui ten dim taka enkawl tur a ni a, a bikin Two Wheller ten Free Turn leh Stand chunga tuaiher phal a ni lo.
3.    Motor Jam kam nan lung hman phal a ni lova, thing tum chauh hman phal a ni.
4.    Helmet khum lo leh kum tling lova lirthei khalh khap tlat a ni a, dan bawhchhia man an nih chuan action lak (chawitir) an ni ang.
5.    Motor zan riaka kawngpui dungah dah khap tlat a ni.

 

Advertisement...

MD Septic Tank Service
    Septic Tank khat paih fai , Commode block, pipe fit, soakpit \halo leh a thar siam pawh kan ti thei reng e. Kan sulhnu a felfai a, senior leh rintlak  kan ni e. Kan rate a tlawm bawk.

Regd. No MSR542,                      Ph.No
(23-3)                                      9436199884, 9862476439

 LAWRKHAWM :

Vai enfiah leh ID siam
    LLTF, Hlimen te chuan Aug. ni 4, 2020 khan vengchhunga vai Misitiri leh Helper awm te chu an chenna hmunah kalchilha enfiahna an nei. Task Force te hian heng Vai te hi ID an lo siam sak tawh a. Thawhlehni zan hian ID neilo vai dang an awm leh awm loh hi an enfiah a, tundinhmunah Task Force siam ID neilo an awm lo a, kan vengah Cement misitiri/ helper te hi 25 lai an awm mek a ni.
    Tin, Task Force chuan santal (Dumka kan tih mai ho) te pawh mumal taka chhinchhiah \ha a ti a, Aug. ni 5-7, 2020 zan te khan santal ho (Quarry hnathawk) hi anmahni chhawrtute nen YMA Hall-ah kohkhawm an ni a, an vaiin mi 36 an ni a, hri leng avanga fimkhur a \ul zia te leh fimkhurna tur kawng hrang hrangte hrilhfiah nghal an ni. Heng vai ho te hi ID mumal tak Task Force chuan a siamsak bawk dawn a ni. 

Kawng tlang
    Damveng Presbyterian Kohhran Biakin chhak, vengchhak panna kawng leitawlhin a hnawh chu lirthei kaltlang theihin haitlang a ni ta.

Chhiatni Fund khawn leh dawn
    Kum 1 chhung atana Chhiatni Fund kan lo inkhawn tawh chu hrileng avanga kum danga kan la hman ngai lohna lamah sum hman a nih tak nual avangin Chhiatni Fund hi Branch YMA Committee chuan khawn leh mai nise a ti a ni.
    Section tin ten an mahni Area-ah tuk bik leh tuk zat awm lovin remchan ang khawn tura ruahman a ni. August 2020 chhunga khawn hman tum a ni. Chhungtin ten tlawmngaih chhuaha lo pe \heuh turin Branch YMA chuan min ngen a ni.

UNIT  ding thar
    Aug. ni 6, 2020 zan khan Hlimen ah Political Party thar Zoram Peoples Movement Unit din a ni a, heng a hnuaia hming tarlan te hi Office Bearer te an ni:-
    President    :    Pu C. Lalhmingliana
    Vice President    :    Pu Zothanpuia
    Secretary    :    Pu Ro\huama
    Asst. Secretary    :    Tv. Laltlanhlua (Valpuia)
            Pu Lalchansanga
    Fin. Secretary    :    Pu Lalrinzuala
    Treasurer    :    Pu Lalthanpara
    Adviser    :    Pu J. Hnuna

 

Advertisement...

ADMISSION OPEN FOR
CLASS IX, X, XI & XII (Arts)
    Zirna leh nungchang \ha uar taka in zirtirna hmun, zirna leh zirlaite ti buai thei tur pawn lam boruak chiahpiah tu awmlohna leh discipline ngaihpawimawh em em na school ah seat tlem a la awm e.
    2018 & 2019 Results : 100% passed
    Sd/- Principal
    Biakliana Memorial Higher Secondary School,
    Kulikawn, Aizawl.
(4-2)    Contact : 9862792471/8837276476

 

PAGE - 4

KEIMAHNI :

Hlimkhawpui Budget
    Hlimkhawpui  May & June 2020  thla Budget  pe tla tawh te:
1.    Kapdaia Sec.    2. Vawmphunga Sec.
3.    Damvea Sec.    4. Saichhuma Sec.
5.    Lalsavunga Sec.    6. Buala Sec.
    Kapdaia Sec. ten August, 2020 thleng Budget an tlak fel ta bawk.

Saichhuma Section Lawmthu
    Ni 7.8.2020 (zirtawpni) Section sumtuak hnatlang kan neihna a tlawmngaia thawkchhuak zawng zawng te chung ah Section Committee chuan lawmthu a sawi tak meuh meuh a. Tin, inhlawhna min hmuhsaktu Tv. R. Lalawmpuia (Branch Secretary ) hnen ah lawmthu kan sawi tak meuh meuh bawk a ni e.      
    Sd/- Secretary

CYMA CHETVELNA
31.7.2020 : SP Aizawl Conference Hall-ah Programatic - Mapping & Population Size Estimation 2020 tlangzarh leh Community Advisory Board meeting cum Sensitisation hun hman a ni a, Pu F. Lalfakawma CEC a tel.

5.8.2020 : Minister Social Welfare Department  leh Minister Rural Development Department-te chu Central YMA OB ten an Pisa-ah an kawm.

7.8.2020 : Mizoram khawchhak lam - Tuipuiral Group YMA, Vanhnuailiana Group YMA leh Tuichangral South Group YMA huamchhunga khaw hrang hrang, tunhnaia lirnghingin a sawite tlawhchhuaka thlamuan turin Central YMA OB leh CEC member-te Team 4 (Khawbung, Vanzau, Zokhawthar, Farkawn)-ah inthenin, an fehchhuak. Group YMA 3 te hnenah hian hnatlang thingpui lumna tur `10,000.00 (Cheng singkhat) theuh an hlan.

Advertisement...

Electric Wiring/Repairing mamawh tan koh theih
    Electric short avanga chhiatna kan tawh \hin pumpelh theih nan House wiring dik leh \ha, him bawk si; Indian Electricity Rules (ISI) in a phut anga dik taka  circuit \hen, load lak a zira MCB rating dik thlap hman, Earthing \ha leh felfai takin kan fit sak thei reng e.

    Experience :2 years Training (ITI)
    Lalmuanpuia, Hlimen Vengthlang
(4-4)    Contact : 9774648240/7005259628

F.K. SEPTIC TANK SERVICE
    Septic Tank khat paih, commode block, soak pit hlui leh thar kan siam theiin pipe fitting kan thawk thei e.
    Regn. No. MSR 524 of 15 of 2013
    Rate - Inbiak remna.

(45-24)                         Ph. 7085521791/9615920739
 

Lawrkhawm Chhunzawmna..... 

THLAN LAIH HNATLANG

    Section tin te thlan laia in hnatlan chhawk leh tur a ni a, Sec. hnatlan hma hian Thlanmual Sub-Committee Member ten Aug. ni 8, 2020 hian thlan laiin an hnatlang dawn a ni. Hetiang hian Section hnatlan hun ruahman a ni :-
Aug. ni 10, 2020-ah    -    Buala Section
Aug. ni 11, 2020-ah    -    Saichhuma Section
Aug. ni 12, 2020-ah    -    Damvea Section
Aug. ni 13, 2020-ah    -    Lalsavunga Section
Aug. ni 13, 2020-ah    -    Kapdaia Section
        (Thlanmual-II-ah)   
Aug. ni 14, 2020-ah    -    Vawmphunga Section
    Section hrang hrang thlan lai enpui turin heng mite hi ruat an ni :-
Aug. ni 10, 2020    -    Pu Zolianchhunga & Pu Ngurchhuana
Aug. ni 11, 2020    -    Pu Lalbiaknunga & Pu Lalrinmawia
Aug. ni 12, 2020    -    Pu Jerome Lalduhbika &
        Pu Lalhminghlua
Aug. ni 13, 2020    -    Pu Lal\anzuala & Pu Lalramenga
Aug. ni 14, 2020    -    Pu RC Lalroliana & Tv. C.Lalrinpuia

Duty in siam
    Hlimen LLTF chuan thu leh awm hma chu  Lalsavunga Park a len luh a khap ta a, Park a lenglut an awm loh nan Duty pawh insiamin a \ul angin an duty a. Park a leng tur te hi an hnar haw let \hin a ni. Park ah hian vengpawn mi chauh nilovin vengchhung mite pawh lenluh hi khap vek a ni a. Park lenluh khap a nih thu hi veng dang kan chhungte emaw kan \hian te emaw pawh hrilh hriat zel a \ha khawp mai.

VC/LC inthlan leh a kaihhnawih
##    Inthlan puan ní --August 5, 2020
##    Nomination thehluh hun hnuhnung-August 11, 2020
##    Nomination endik hun-August 11, 2020
##    Inhnuhdawh hun hnuhnung-August 13, 2020
##    Symbol siam leh candidate tár chhuah-Aug. 13, 2020
##    SEC-a candidate list thehluh hun-August 14, 2020
##    Inthlan vote thlak ní-Aug. 27, 2020, 7:00 Am - 5:00 Pm
##    Vote chhiar hun-August 27, 2020
##    Inthlan \hat ngai a awmin-August 28, 2020
##    VC/LC din fel hun hnuhnung-September 4, 2020
##    Inthlan kaihhnawih zawh hun-September 7, 2020

 

Advertisement....

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

      VL-a,
(10-8)    Ph.No : 9402344486, 9615266170