Tâu thla (April) Ni 25, 2020, Issue No. 17

PAGE - 1

TUALCHHUNG :

Boral :  Pu Zothanmawia H/o Lalduhawmi, Saichhuma Sec. a mi chu April ni 20, 2020, zing dar 9:30 khan Cancer natna avangin a boral a, hemi ni vek chawhnu dar 1:00 khan vuiliam a ni.

##    Pi R.Lalthangmawii W/o Lal\anpuia(L), Kapdaia Sec. a mi chu April ni 24, 2020 tlai dar 5:30 khan Cancer natna avangin a boral a, hemi ni vek zan dar 10:00 khan vuiliam a ni.

##    Pu Lalkunga H/o Pi Nubawihi, Saichhuma Sec. a mi chu April ni 25, 2020 (Inrinni) zing dar  6:45 khan lungphuchawl in a boral. Hemi ni vek chawhnu dar 1:00 khan vuiliam a ni.

Damlo :  Pi Lalsangzuali W/o Lalrimawia(L), Lalsavunga Sec. a mi chu thisen sang leh zun thlum avangin Durtlang Hospital-ah admit niin enkawl mek a ni.

##    Lalnunthara S/o V.L.Malsawma, Damvea Sec. a mi chu thin lam fello avangin BN Hospital-ah admit niin enkawl mek a ni.

YMA in ral :  April ni 20, 2020 zan khan Branch YMA chuan Tv. P.C.Lallawmzuala, Vawmphunga Sec. ralna hun a hmang a, Chhiatni Fund sum a\angin ` 4,000 leh buhfai bag 1 a chhungte hnenah hlan a ni. A chhungte hian \angkai taka hman atan YMA ah puan pahnih an hlan let bawk.
    Tin, April ni 21, 2020 zan khan Branch YMA chuan Pu Zothanmawia, Saichhuma Sec. ralna hun a hmang a,  Chhiatni Fund sum a\angin ` 4,000 leh buhfai bag 1 a chhungte hnenah hlan a ni. A chhungte hian \angkai taka hman atan YMA ah puan pahnih an hlan let bawk.  Ralna hun hi Branch OB ten an hmang a ni.

Thlai chi sem :  April ni 22, 2020 (Nilaini) khan Prof. F. Lalnunmawia, Bialtu MLA in thlai chi a rawn dah chu Task Force kaihruaina hnuaiah a mamawh te hnenah sem a ni.

Hlimkhawpui Chanchinbu :  Tunlai hri leng boruak avangin Hlimkhawpui Chanchinbu hi Press lamah Print tir theih a ni lova, March & April chhungin vawi 3 chanchinbu sem a ni chungin hemi thla 2 chhung atana Section tin Budget pawh chhun luh a ngai dawn lo a ni.

HEADLINE :

Ramri venbuk tlawh thawh hnihna 

hun hmana ni

     Central YMA chuan tunlai hripui leng (Covid-19) avanga RAMRI a venhim hnathawk mek Sub-Headquarters/Group/Branch YMA-te tlawhchhuah thawhhnihna hun a hmang leh a.  April ni 23, 2020 (Nilaini) zing dar 6:00 khan Central YMA Office, Tuikhuahtlang a\angin heng Group hrang hrangte hi an chhuak a ni.

Group-I : Tuivai Group (Daido & North Khawlek)
    Leader: Tv. Lalhmachhuana
    Secretary : Pu R. Lalrinmawia
    Member-te:
Pu Peter Chhakchhuak    Pu Lalbiakzuala
Pu J. Lalsailova    Pu Lalngaihawma
Pu F. Lalfakawma    Pu H.F. Lalrinpuia
Pu R. Lalduhawma    Pu K. Lalrinawma

Group-II : Tuiphai Group (Thingsai N & S;Ngharchhip, New Ngharchhip, Cherhlun; Cherhlun Bethlehem, Bualpui H & Muallianpui)
    Leader: Dr. Malsawmliana
    Secretary : Tv. Zochhuana
    Member-te:
Pu R. Lalngheta    Pu K. Darthantluanga
Pu B.C. Tawna    Pu Joseph Lalnunmawia
Pu Joseph Lalmalsawma    Pu Lalchhuanmawia
Pu C. Lalfakzuala  

Group - III: Khawthlangtuipui Group (Tlabung, Chawilung)
    Leader: Pu Roneihthanga
    Secretary : Pu Lalsawma Ralte
    Member-te:
Pu Lalrochuanga Pachuau    Pu Lalbiakkunga
Pu C. Lalchhanhima    Pu Lalrempuia

Group-IV: Tuisual Group (Sakawrdai, Vervek, Khawpuar, Vaitin, Mauchar, Zokhawthiang)
    Leader: Prof. Lalnuntluanga
    Secretary : Pu R.S. Lalrinsanga
    Member-te:
Pu Lalhmangaiha    Er. H. Duhkima
Pu Romawia Pachuau    Pu J. Lalramthara
Pu Lalchuangliana    Pu C. Vanlalruata
Pu C. Laldinliana

    Ramri a Duty te hi Central YMA chuan an tlawh branch tinah ` 5,000/- \heuh an pek bakah hengte hi sem tel a ni :-Silpoulin - 126, Odomos, Thosilen chiahna

PAGE - 2

EDITORIAL :

           Social Media hi
    Social Media hi kan \angkaipui in,  kawng hrang hrangin hmasawnna leh awlsamna min thlen a, a hmang \angkai thiam zual te phei chuan sum leh pai tam tak hmuh nan leh eizawnna atan an hmang \angkai mek a, chu erawh chu mi zawng zawng theih leh thiam zawng erawh a ni kher lo. Chutiang chiah chuan he Social Media hi hmang thei kan tam tak em em avang hian kan hmang thiam vek tihna erawh a ni hauh lo mai.
    Chuvangin, Social media hmangtute hian ‘eng thil nge ka tih a, chu chuan enge a nghawng ang’ tih hi kan chhut fo tur a ni. Thudik tawk lo thehdarh avanga buaina leh harsatna tawk sawi tur a awm fo mai te hian a \ha lo zawngin nghawng a neih nasat theih zia a tilang awm e.
    Kan khawtlangah pawh Social media hmangtu kan tamin \halai mai bakah nu leh pa, kum upa zawk te thleng pawhin kan khawih ta fur a, changkanna kawng khat chu a ni ngei mai. Sawi tawh angin Social Media a kan ngaihdan puanchhuahnaah zalenna kan nei a ni tih kan hriat rualin kan thu leh hla (Thu dik tawk lo) in emaw mi thlalak leh  Video kan pho chhuah  in mi zalenna leh dikna a khawih pawi a nih chuan mi zalenna kan tihchhiatsak a, min khing let a nih a, thiamloh kan chang anih  chuan dan anga nataka hrem theih kan ni tih te pawh i hre nawn fo teh ang u.
    Chuvangin, thufingin ‘ I zuan hmain i tlakna tur en hmasa rawh’ a lo tih hi a dik a, Mizo thufingin ‘ Mi â in a at man a chawi seng lova, mi fingin afin man a ei seng heklo’ a lo tih angin  Social Media kan hman dan kawngah hian  fimkhur zual ila, kan khawtlang lungrualna tichhe thei  leh khawtlang hmel timawilo lam chi ah phei chuan i fimkhur tlang lehzual teh ang u khai.

CHHIATTAWH/MITTHI AWM A
BRANCH YMA THUCHHUAK
    Vengchhungah Chhiattawk/Mitthi an awm in hetiang hian Branch YMA chuan a kalpui nghal dawn tih khawtlang mipuite kan inhriattir a, hei hi tun a\anga hman nghal tur niin, tunlai hrileng (COVID-19) a reh hma chu hman tur a ni.

1. Mitthi vui hun leh tlaivar :
Dar 5:00Am - 10:00Am inkar a thi chu 1:00 Pm a vui tur.
Dar 10:00 Am - 1:00 Pm inkar a thi chu 3:00 Pm a vui tur.
Dar 1:00 Pm - 4:00 Pm inkar a thi chu  8:00 Pm a vui tur.
Dar 4:00Pm - 8:00 Pm a thi chu Dar 10:00 Pm a vui tur.
Dar 8:00 Pm - 5:00 Am inkar a thi chu Dar 10:00 Am a vui tur. (Hei hi tlaivar pui tur a ni)

2. Thlanlai & vur chung chang :
    Thlan hi hlawhfa hmanga laih lawk a nih hnuah Section hrang hrang ten hnatlang a laih tur a ni a, a vur hi chhiattawk Section mawhphurhna a ni anga, Mask leh Glove hi Branch in a ngaihtuah ang.

3. Zan lam YMA hun hman chung chang :
    Zan lama YMA hun hman \hin hi, tih hrih loh tur.

4. Buhfai leh pawisa chhungtin a khawn :
    Hei hi khawn loh tur, Branch hmingin Buhfai bag 1 (50 kg) leh ` 4,000/- hlan tur.

5. Tlaivar tur :
    Mitthi an awmin Branch Committee leh Section hruaitu te chauh tlaivar tur.

6. Thingpui sem :
    Thingpui sem  \hin hi sem hrih loh tur.

7. Thlalak dan tur :
    Thlalak hi 10 aia tam lak loh tur. (A bak kan duh a nih chuan In lamah a hmain a theih dan anga lo tih tum tur)

8. Kuang zâwn/nawr :
    In a\anga Thlanmual lamah kuang kan zâwn/nawr \hin hi a theih chin chinah Motor hmanga phurh hram tum a ni.
    COVID-19 avanga boral kan awm chuan Sawrkar ruahmanna leh hmalakna anga kalpui tur a ni.

*******************************************************

Fimkhur ila
    Tunlaiin in kang leh ram kang hriat tur a tam chho hle, in lam leh ram lamah kan chet fimkhur a ngai takzet a ni. In kan chhuahsan dawn leh zan mut dawnah kangmei tichhuak theite enfel hmasa \hin ila. Tin, ram lamah pawh kan meizial bung paih chung changah leh kangmei tichhuak thei dang dangah i fimkhur lehzual teh ang u.
    Mitkhap kar lekah kan neih rohlu mai bakah nunna hlu tak kan chân thei a ni tih hriain mitin te i fimkhur tlang ang u.

PAGE - 3

HRIATTIRNA :

Dawr hawn hun
    LLTF, Hlimen thuchhuak angin April ni 22, 2020 a\anga thu leh awm hmaa hman \an turin hetiang hian dawr hawn theih hun  siam a ni:-
Zinglamah - Nitin zing dar 6:00 am-10:00 am ah hawn theih a ni ang.
Tlailamah - Thawn\anni, Zirtawpni leh Inrinni tlai dar 3:00pm- 5:00pm chhungin hawn theih a ni bawk ang.

Tanpuina pek  dan
    Hlimen Local Level Task Force chuan a theih ang tawkin \anpuina a hlan ve zel a, tarlan hmasak baka \anpuina an pek dan chu hetiang hi a ni :-

    Buala     -     6
    Damvea    -    7
    Kapdaia    -    5  
    Saichhuma    -    1
    Lalsavunga    -    3
    Vawmphunga    -    1
    Hnamdang pek zat : mihring 18.
    Pawisa faia sem chhuah -  ` 20,000
He ti hian sum fai ` 74,000 sem ral tawh niin buhfai 37 bags, alu 1 bag leh dal 10 bags vel chu sem ral a ni tawh a ni.
    A chunga tanpuina semchhuah bakah hian sawrkar a\anga dawn chhuanchham tanpuina a\angin ` 18,000 chu chhungkaw 12 hnenah ` 1500 \heuha sem a ni bawk. 

Advertisement...

Admission Open
    Solomon’s H/S Kulikawn Aizawl, RANGA BUILDING ah kum 2020-2021 session atan Class-IX & X tan Office hun chhungin admission a tih theih reng e. Mathematics leh Science subject a harsatna neite duhsak an ni a, Mathematics subject bikah free tuition kan pe thei a Mathematics subject a fail tan Admission kan free bawk e.

    1.  Admission fee : ` 2000
    2. Admission timing - 9:00 Am- 3:00 Pm
Contact : 7005684281/6909913910/8729897656
    H.C THAWNGA
(15-15)    TOP TEN, MATHS TUTOR

F.K. SEPTIC TANK SERVICE
    Septic Tank khat paih, comode block, soak pit hlui leh thar kan siam theiin pipe fitting kan thawk thei e.

    Regn. No. MSR 524 of 15 of 2013
    Rate - Inbiak remna.
(45-10)                         Ph. 7085521791/9615920739

LAWRKHAWM :

Chhiat tawh a chunga LAWMTHU SAWINA
    Kan pa Zothanmawia thihna chungchangah Hlimen khawtlang chungah hian lawmthu sawina tur tamtak kan nei a. Tha leh zung, sum leh pai tam takin min \anpui a, a mimalin kan sawiseng lo, hei hi kan lawmthu sawina ah min lo pawmsak turin kan ngen tak meuh meuh che u a ni e. Lalpan a let tam takin a rul vek ang che u tih hi kan \awng\aina a ni.
   
    In khawngaihna dawngtu,
    Lalduhawmi leh a fate,
    Hlimen, Venglai.

Tanpuina lut zel
    Hlimen Local Task Force ten an Duty-na a a\ul apianga hman turin hetiang hian thilpek a lut zel :-
1.    Pu Zoramkalsiama, Scs    `    500
2.    Pu Zothansanga (Vala), Scs    `    3000
3.     Kharchhawng (Vengchhung)    `    1000
4.    Pu N. Zokunga, Vp    `    1000
5.     Pi Rami (Vengpawn)    `    3000
Sum fai bakah eitur hrang hrang pe tu te chungah LLTF te chuan lawmthu an sawi tak meuh meuh a ni.

Thlai zawrh
    Local Level Task Force on Covid-19, Hlimen chuan sawrkar ruahmanna zulzulin bazar chaw lak chung changah ruahmanna a siam zel a, kan vengchhungah sum tam zawk a luh theih nan Direct a hmundanga kharchhawngho pe lovin vengchhunga kharchhawng te kutah thlai lakkhawm hi a hlan a, tin,  a hlawm pui ber behlawi pawh a rate pawh a tlakhniam mai loh a, rate \ha zawk a tihral a nih theih dan kawng a dapsak  bawk a ni.

LAWMTHU SAWINA
    Kan nu damloh leh boral thuah lawmthu sawina tur tam tak kan nei a, a damloh \an tirh a\angin \henawm khawveng leh \henrual \ha bakah veng hrang hrang leh Kohhran hrang hrang ten min \awng\ai pui reng a. A boral  a ni tih hriain YMA nula leh tlangval ten kan mamawh apiang min tihsakin min thlamuan reng a, bialtu MLA in ruang phurhna motor min tum sak bawk a, a chungah pawh kan lawm hle a ni. Kan tan a in \hatna zawng zawngah Lalpan a let tam takin malsawmna tam takin vur che u rawh se.

            R. Lalthangmawii fate,
            Hlimen, Vengthar

Advertisement....

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

      VL-a,
(10-5)    Ph.No : 9402344486, 9615266170
 

PAGE - 4

KEIMAHNI :

Hlimkhawpui Budget
    Hlimkhawpui  Jan. & Feb. 2020  thla Budget  pe tla tawh te:
1.    Kapdaia Sec.    2. Vawmphunga Sec.
3.    Saichhuma Sec.    4. Lalsavunga Sec.
5.    Damvea Sec.    6. Buala Sec.

    Kapdaia Sec. ten August, 2020 thleng Budget an tlak fel ta bawk.

Thlan laih chung chang
    Tunlai kan hrileng boruak avangin Branch YMA chuan thlan laih sa neih nise a tih angin hlawhfa te lain laihtir \hin a ni a. Amaherawchu, hlawhfa lak nan sum a hautak deuh avangin Section te thlan lai hian in hnatlan chhawk mai nise tiin rel a ni a, hetiang hian hnatlan dan tur ruahman a ni :-
1. Dt.25.4.2020 (Inrinni) :
     Buala Section. Kapdaia Section.
2. Dt.27.4.2020 (Thawh\anni) :
    Damvea Section
3. Dt.28.4.2020 (Thawhlehni) :
    Vawmphunga leh Lalsavunga Section.
4. 29.4.2020 (Nilaini) :
    Saichhuma Section.
    Hnatlang turte hi mi 15 aia tam lo nise, ei leh in senso atan ` 1,000 zel ruahman a ni. Tin, Kapdaia Sec. te hi Thlanmual-II ah thlan lai hian hnatlang tura beisei an ni a, Section dang zawng chu Thlanmual-I ah an hnatlang ang.

New Kawnpui lamah
    18th April, 2020 tlai dar 4:00 vela  New Kawnpui Thaidawr Road-a Covid-19 avanga duty 5 IR Bn. mi  C/405 Zairemmawia S/o R.Vanlalsawma, Hlimen leh a \hianpa te chu Chakma mi nia hriatten an sawisak rawn. Hemi chung chang hi a hmunah zuk hrechiang leh an thlavang hauh turin April ni 20, 2020 (Thawh\anni) zing dar 6:00 khan Pu R.Lalngheta CEC, Pu Peter Chhakchhuak CEC, Tv. C.Lalhmingthanga, Member LC, Hlimen leh Pu Lalrinmawia Fin. Secy. Hlimen Br. YMA te an chhuak a, Hlimen Local Task Force te chuan ` 20,000 paiin he pawisa hi ram ri a Task Force Duty hrang hrang te hnenah \anpui nan an hlan a ni. Heng hliam tuar pahnihte hi Hlimen Local Task Force te chuan ` 1,000 ve ve in an kan bawk a ni.

Kuang siam
    Kuang siamna tur thingzai phek chah thlen a ni a, April ni 23, 2020 khan Branch Committee Member ten seng hawiin an dah fel a ni. Hlimen Branch YMA Kuang Sub-Committee chuan remchang hmasa berah kuang siam hnatlang neih an tum.
    Kan hriat \heuh angin hrileng boruak avangin chhiat tawk (mitthi) te a rang lama in vuiliam a in phum \hin a ni a, hemi avang hian kuang siamsa hi a tam thei ang neih an tum a ni.

KAN THEN TAK
Pu Zothanmawia (57)

 
    Pu Zothanmawia hi kum 1957, September ni 6 khan Pu Palala (L) leh Pi Thangdailovi (L) te inkarah a lo piang a, an unau hi mipa 2 leh hmeichhia 2 niin an fa upa ber dawttu a ni.
    Kum 1999 ah Pi Lalduhawmi nen inneiin fa hmeichhia hlir 5 an nei a ni. Amah hi mi ngawichawi leh \awng tam lo, mi pawisawi hlau tak mi a ni.
    Kum 2019, April thla khan Cancer natna a vei tih hmuhchuah a ni a, Cancer Hospital-ah hun engngemaw chen an in enkawl a, mahse ziaawm lam a pan hleithei lova. A kum leh kum 2020, March thla tawp lam a\angin a natna chuan zual lam a pan zel in, April 2020 khan chatuan ram min lo pan san ta ni.

(Pu Zothanmawia hi Kum 2020 chhunga Hlimen Branch YMA hnuaia Kuang Sub-Commitee member ni lai a ni e)


KAN THEN TAK
Pi R.Lalthangmawii (73)

 
    Pi R.Lalthangmawii hi Pu R.Lalvana leh Pi Rallianchawngi te inkarah an fa upa ber ni turin kum 1947-ah Mualvaiphei (Manipur)-ah a lo piang a, an unau hi pariat an ni. Kum 1985-ah Aizawl lamah pem thlain Hlimen-an an in bengbelin fa paruk an nei a ni.
    Amah hi mi hrisel leh taima tak niin kut hnathawh nuam timi niin mi kawm nuam leh fiamthu duh tak, a bula awm nuam leh \henrual kawm thiam tak a ni. Kum 2018 Dec. ni 9 khan a pasal Lal\anpuia’n a lo boralsan tawh a ni.
    March ni 23, 2020 khan a nawm sam loh avangin State Referral Hospital, Falkawn-ah Admit a ni a, tunlai hrileng avanga damlo awmte an sawnchhuah avangin a ni pawh Civil Hospital lamah sawn niin Doctor ten theih tawp chhuahin an enkawl a, test hrang hrang an tih hnuin chhul cancer a ni tih hmuchhuah a ni. April ni  21, 2020 khan chemo khai turin Zemabawk Hospital panpui a ni a, a natna hi a lo nasat tawh avangin doctor leh nurse ten theihtawp an chhuah chung pawhin zual lam a pan zel a, April ni 24 tlai dar 5:30 khan chatuan ram min pansan ta a ni.

Tau thla (April) Ni 18, 2020, Issue No. 16

PAGE - 1

TUALCHHUNG :

Boral :  Tv. P.C.Lallawmzuala S/o Laibata, Vawmphunga Sec. a mi chu April ni 17, 2020 zan dar 9:35 khan kal \halo avangin ebenezer Hospital-ah a boral. A ruang hi lumen niin a tuk April ni 18, 2020, 10:00 Am khan vuiliam a ni.
    Tv. P.C.Lallawmzuala hi kum 2009 - 2011 chhung khan  ‘Hlimkhawpui’ News Editor a lo ni tawh a, tunah hian Vawmphunga Sec.-ah kan Agent a ni mek bawk a ni. Hlimkhawpui E.B. te chuan kan ui tak zet zet a ni.

Damlo :  Nl. Ethel Zotluangpuii D/o Lalzarliana Saichhuma Sec. a mi chu April ni 16, 2020 khan hmeichhe lam \hat lohna avangin Alpha Hospital, Kulikawn-ah zai a ni a, enkawl chhunzawm mek a ni.

Retailer hriattirna :  Ration Card var hmang si, Building & Other Construction Worker  Welfare Board  a in ziak lut, a thlawn a buhfai la zawng zawng ten mahni retailer te hnenah April ni 19, 2020 ( Pathianni) ral hmain  heng te keng hian in report tur a ni.
    1. Building & others construction worker welfare board a in register na card.
    2.  Building & other construction worker welfare board a in register ngei te adhaar card.
    3. Ration Card number.

Tawng\ai rualna hun hmang dawn :  Synod Exe. Committee chuan April ni 19, 2020 (Pathianni) zan dar 7:00 hian Kohhran chhungtinte \awng\ai rualna hun hmang turin thuchhuah a siam. |awng\ai rualna thupui tur hetiang hian siam a ni :-
(1) Covid-19 hrileng a lo reh thuai theih nan.
(2) Damlo leh Covid 19 vanga thi chhungte tan.     

(3) Damdawi lama thawkte, Task Force Duty-te leh Sorkar hotute tan.

Fimkhur ila :  Tunlaiin in kang leh ram kang hriat tur a tam chho hle, in lam leh ram lamah kan chet fimkhur a ngai takzet a ni. In kan chhuahsan dawn leh zan mut dawnah kangmei tichhuak theite enfel hmasa \hin ila. Tin, ram lamah pawh kan meizial bung paih chung changah leh kangmei tichhuak thei dang dangah i fimkhur lehzual teh ang u.
    Mitkhap kar lekah kan neih rohlu mai bakah nunna hlu tak kan chân thei a ni tih hriain mitin te i fimkhur tlang ang u.

HEADLINE :

Lock Down thawh hnihna kalpui dan tur
    April ni 16, 2020 leh May ni 3, 2020 inkara Mizoram chhunga Lock Down kalpui dan tur chung changah Hlimen Local Task Force chuan hetiang hian ruahmanna a siam :-
1.    D.C a\anga phal na nei te chuan lung an her in lung an la thei ang a, vengchhung mi nilo erawh hnathawkah chhawr theih a ni lo ang. Sawrkar atanga phalna nei pawh nise, vantlang himna tiderthawng emaw dan palzutna, Task Force in kan him tlanna atana ruahmanna zawm tha duh lo a an awm a nih chuan Task Force in a tul angin hma a la ang. Hnathawh hun chhung hi zing dar 7:00- tlai dar 5:00 ( Nitinin) a ni anga, a \ul anga ennawn leh theih a ni ang.

2.    Dawr hawn hun : Dawr hi zing dar 7:00- tlai dar 5:00( Nitinin) thleng tunkar chhung chu hawn theih a ni ang a, hei hi enchhinna a ni anga, kan hman thiam dan a zirin tih chhunzawm emaw huntiam/ bituk neia hawn  emaw a ni leh thei ang. Dawr hawn hun tihzauh  a nih tak avang hian a duh duh thil lei tura chhuah ngawt tur tihna a ni lova, chhungkaw khat atangin mi 1 in tirh \hin tur a ni. Khawlai a chhuak ten mask vuah ngei bawk tur a ni a, social distancing  ngaihpawimawh em em tur a ni bawk.

3.    Electrician, plumber, cement mistiri & helper, carpenter etc. te chu Task Force te hriatpuina in hnathawh phalsak an ni ang.

4.    Ruihhlo leh rukruk case bik ah Hlimkhawpui chhantu, Hlimen Branch YMA chuan a \ul angin hma lo la se tih a ni.

5.    LPS ( Etv) in fee khawn leh an line siam chungchanga task force a dilna an thlen chu remtih sak an ni bawk.

    Lockdown thawhhnihna atana  sawrkarin thupek a chhuah angin Task Force chuan a \ul ang angin hma a la zel dawn a, kan him tlanna atan a nih avangin sawrkar thupek zawm a, Task force ten ruahmanna an siam chu zawm \heuh turin kan in hriattir a, mipui vantlang himna tiderthawnga, hri pu darh leh hri keng lut thei zawnga thupek zawm lo te chungah Task Force chuan hma a la zel dawn a ni.
    Hlimen Local Level Task Force thu hi a \ul angin tihdanglam theih a ni ang.

PAGE - 2

EDITORIAL :

I pawimawh
    Khawvel mihringte hi engtik lai pawh a suangtuahna thar nei reng; thil thar zawk hmuha hriat chak leh tawn chak a bei a, hmanhlel kan ni deuh vek mai awm e. Hunbi a lo inher dawn pawhin engemaw a thlen turah ngaiin kan nghakhlelin kan urlawk nasa hle \hin. Naupangin nulat tlangval hun a nghakhlel a, nula leh tlangval ten nupui pasal neih hun tur an thlir a, nupui pasal nei tawh ten chhungkaw hmalam zel tur thlirin an hmanhlel a, chu chu mi pangngai kan tih ten an thil thlir chhoh dan kalphung pangngai, khawvel pianken pakhat chu a ni.
    Engpawhnise, thilthar a lo thlenin chona thar kan hmachhawn tel fova, kan hmachhawn thil avangin thil thar a lo chhuak thei bawk a, chuvangin, engkimah nang leh kei chu a pawimawh ber te zinga mi kan lo ni ta a ni.
    Kan khawtlang pawh hian nangmah avangin hmai uanna leh hmai huhna a tawng thei a, nang leh kei avangin kan khawtlang hi a nuamin a nuam lo thei tih hi thil chiang tak a ni. Han chhut vang vang la, kan khawtlang tan hian enge i thlen a, kan chhungkua ah engdinhmun nge ka chelh tih hi ngun takin in zawt fo teh? I chhanna chuan i zawhna pek chu a chhang fuhin i lung a awi em le?
    Pathianin he khawvela awm tura a duan bik liau liau i ni a. I hlu  a ni. Chutihrualin, hla thu in i thawh loh avangin tam tak an boral e.. a tih ang khan kan khawvel hman mek kan hman thiam loh avangin he khawvel, kan khawtlang, kan chhungkua leh keimahni ngei pawhin kan chhiatna tur thil kan thlen tir fo a\ang hian harh chhuak ila, Ram leilung fa, roluahtu kan ni tih i hre teh ang u. 

ZIAKTUTE HUANG :

 ZIRNA UAR
    Kum 2019-a YMAGeneral Conference vawi 72-na chuan kum 2019-2021 chhunga YMA Kumpuan thupui atan “ZIRNA UAR” tih a thlang a, Zirna uar tih hi kum 1996 leh 1997 khan YMA kumpuan atan hman a lo ni tawh a, he zirna uar tih hian a tum ber chu zirna kawng hrang hranga Mizo faten hma kan sawn theih nana hmalak a ni. Zirna hi hlawm lian tak pahnihah a then theih a, zirna pangngai (formal education) leh remchan dan anga zir (Non formal/informal education)-te a ni. Hengte hi YMAkumpuan hian a huam vek a, zirna in a tum ber chu hriatna tih zau, kawng hrang hranga mi hman tlaka buatsaih leh mahni kut kea ding thei tura inchher puitlin hi a ni ber awm e.

BRANCH YMATIH TURTE :
Kumpuan bawhzui turin Kumpuan Committee a din ang a, kumpuan pual inkhawm buatsaihin, he inkhawmah hian zirlaite kokim taka an tel theih nan hma a la ang. A hnuaia tarlante tihlawhtling turin theihtawp chhuahin hma a la ang.

I.     Zirna hmasawn nana hmathlir leh ruahmanna :  
1.     Zirna kawnga khawtlangin hma a sawn theih nan mi bik, pawl leh vengchhung zirna ina thawktute nen inrawn khawmin, thawhho dan kawng a zawng ang.
2. Kum khatah Branch huam chhunga zirna inte a tam thei anga tlawh chhuakin, kumpuan zirtirna te a nei ang a, an dinhmun a zirchiang ang.
3. Zirlaite entawn tlaka zirtirtuten nungchang tha an neih theih nan leh an hnathawhna hmunah thahnemngai taka an thawh ngei theih nan hma a la ang.
4. Vengchhung zirna in tlabal leh zirna ina thawktute mamawh phuhru turin a theih dan angin hma a la ang.

II. Zirlaite hmakhua leh hmasawn nana hmalak :
1. Zirna boruak tha zirlai ten an neih theih nan, zirlaite tibuai thei ang programme siam loh thin nise, zirlaite zan lama tei rawlai mai mai an awm loh nan leh zing lama an thawh hma theih nan a tul angin hma a la ang.
2. Zu leh ruihhlo laka zirlaite an fihlim theih nan hma lain, zirna in bul hnaiah zuk leh hmuam, ruih theih thil zuar an awm loh nan hma a la ang.
3. Zirlaite dawm kang turin a tul angin zir bingna (Remedial class/ tuition class) a buatsaih thin ang.
4. Ziak leh chhiar thiam rual, thiam loten an thiam theih nan hma a la ang.
5. Naupang sikul kai rualin sikul an kai vek theih nan hmalak nise, harsatna avanga sikul lut thei lote chu an kal theihna tur theih angin ngaihtuahsak nise.
6. Zirna lama mi bik (talent nei tha) zir zelna atana sum leh pai lama harsatna neite chhawm dawlna kawngah hmalak nise.
7. Zirlai ten lehkha chhiar an uar deuh deuh theih nanYMA Library awm sate tihchangtlun a, a la nei loten an neih ngei nan hmalak nise.
8. Zirlai ten tum fel tak nen lehkha an zir theih nan, an kalna awm kawng kawhhmuhna (Career awareness) a remchan dan anga buatsaih thin nise.
9. Zirlai nawlpuiin eizawnna tlak thiamna an neih theih nan zirna tluang tlam piah lamah (Co Curricular Activities ) hmalak a, tan lak thar nise.
10. Taima leh thahnemngai taka hlawhtling ngei tura zirlaiten zirna an kalpui theih nan infuihna a nei thin ang.
- Phek 4 naah chhunzawm a ni.....
 

PAGE - 3

HRIATTIRNA :

Nungcha humhalh ila
    Kan tunlai boruak avangin boruak leh lui tui te a thianghlim chho viau a, hun khirh tak kan tawh laiin nungchate tan hun nuam tak a ni ve bawk a ni. Veng chhung leh dai velahte sava an rawn kai nasa em em a, mi \hekhat  silai nena sava changa kap \hin kan awm niin a hriat a, tun chinah chuan ti tawh lo ila a finthlak hle ang.

LLTF ten |anpuina pek tawh dan
    Covid -19 nghawng avangin Hlimen Local Level Task Force te chuan tun thlengin chhungkaw 64 hnenah \anpuina thil pek an hlan tawh, hetiang hi Section hrang hranga \anpuina an pek tawh dan a ni :-

    Buala     -     12
    Damvea    -    9
    Kapdaia    -    20  
    Saichhuma    -    11
    Lalsavunga    -    6
    Vawmphunga    -    6
    Vengpawn ah buhfai 1 bag leh alu bag khat pek chhuah a ni bawk. Hnamdang pek zat : mihring 57.
    Pawisa faia sem chhuah -  ` 54,000
    Buhfai -1250 kgs ( 25bags)
    Dal - 160kgs (8bags).
    Alu - 1bag

    |anpuina hi pek chhuah mek zel a ni a, Issue lehah rawn update zel a ni ang.

Advertisement...

Admission Open
    Solomon’s H/S Kulikawn Aizawl, RANGA BUILDING ah kum 2020-2021 session atan Class-IX & X tan Office hun chhungin admission a tih theih reng e. Mathematics leh Science subject a harsatna neite duhsak an ni a, Mathematics subject bikah free tuition kan pe thei a Mathematics subject a fail tan Admission kan free bawk e.
    1.  Admission fee : ` 2000
    2. Admission timing - 9:00 Am- 3:00 Pm
Contact : 7005684281/6909913910/8729897656
    H.C THAWNGA
(15-14)    TOP TEN, MATHS TUTOR

F.K. SEPTIC TANK SERVICE
    Septic Tank khat paih, comode block, soak pit hlui leh thar kan siam theiin pipe fitting kan thawk thei e.
    Regn. No. MSR 524 of 15 of 2013
    Rate - Inbiak remna.
(45-9)                         Ph. 7085521791/9615920739

Pâwn chhuak lo tura sorkar in thu a chhuah hi nang leh i chhungkua tan a ni.
Inah inkhung la, i taksa ti thianghlim la, hripui lakah hian lo him ta che...

LAWRKHAWM :

RAMRI VENHIM HNA THAWKTUTE CYMA IN TLAWH
    Ni 15.4.2020, Nilaini khan Central YMA hruaitute chu tunlaia hripui leng mek Covid-19 laka kan ram a him theihna tura kan Ramri a tlawmngaia venhim hna thawktute tlawhin an chhuak. Ramri ven pawimawh zual - Assam, Tripura leh Myanmar nena kan inrina lai hmuna Duty te tlawh chhuah an ni. Hemi hunah hian CYMA OB leh CEC rual mi 45 te Team 4 ah in then a ni a.
    Team 1-na te hian Champhai Sub-Headquarters YMA huamchhung an tlawh a. Group 3 ah inthenin, Group tin te hi Tv. Zochhuana, CEC, Dr. Malsawmliana, Assistant Secretary, CYMA leh Pu Peter Chhakchhuak, CEC ten an ho a ni.
    Team 2-na te hian Mamit Sub-Headquarters YMA an tlawh thung a. Anni pawh hi Group 3 ah inthenin, Group tin te hi Tv. Lalhmachhuana, Vice-President, CYMA,  Pu K. Darthantluanga, CEC leh Pu Lalbiakzuala, CEC ten an ho a ni.
    Team 3-na hian Serchhip Sub-Headquarters YMA tlawhin Group 1 ah chauh insiamin Pu R. Lalngheta, CEC in a ho a ni.
    Team 4-na hian Kolasib Sub-Headquarters YMA an tlawh veleh a. Group 2 ah inthenin, Pu Roneihthanga, Finance Secretary, CYMA leh Prof. Lalnuntluanga, General Secretary, CYMA ten an ho thung a ni. Tichuan, CYMA hruaitute hi avaiin Group 9 ah an inthendarh ta a ni.
    CYMA hruaitu te thlahliamna hi Nilaini Zing Dar 6:15am khan CYMA Hall-ah CYMA President Pu Vanlalruatan a nei a. Fuihna leh tawngtaina a neih zawhin Team/Group tin te hian Zing Dar 6:30am khan CYMA Office an chhuahsan ta a ni.

Tanpuina lut zel
    Hlimen Local Task Force ten an Duty-na a a\ul apianga hman turin hetiang hian thilpek a lut zel :-
1.    Bialtu Councillor, AMC    `    10,000
2.    Pu F.Zosangzuala (DV)    `    3,000
3.    Pu Maruata, SA PHED    `    4,000                                                      (chawhlui buatsaih na tur)
4.    CM Relief Fund    `    40,000
5.     Pu Lalramhluna (LSV)    `    500
6.    Pu Lalrindika, MLA    `    2,000
    Heng bakah hian ei tur leh in tur pe mi engemaw zat an awm bawk a, an zavai chungah Hlimen Local Level Task Force chuan lawmthu a sawi tak meuh meuh a ni.

Advertisement...

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

      VL-a,
(10-4)    Ph.No : 9402344486, 9615266170
 

PAGE - 4

KEIMAHNI :

Hlimkhawpui Budget
    Hlimkhawpui  Jan. & Feb. 2020  thla Budget  pe tla tawh te:
1.    Kapdaia Sec.    2. Vawmphunga Sec.
3.    Saichhuma Sec.    4. Lalsavunga Sec.
5.    Damvea Sec.    6. Buala Sec.

    Kapdaia Sec. ten August, 2020 thleng Budget an tlak fel ta bawk.

Chhiatni Fund luh dan
1.    Buala Section     `    45,300
2.    Damvea Section    `    49,600
3.    Kapdaia Section    `    42,450
4.    Lalsavunga Section    `    15,900
5.    Saichhuma Section    `    52,200
6.    Vawmphunga Section    `    21,750
                               Total    `    2,27,200

YMA-ah pe 
    Pu Lalramchuana (Chuantea) Buala Sec. ami chuan Thlanmual 1 Toilet a hman tur Plastic tuizem litre 500 dawng \ha zet mai YMA ah a rawn pe a, ava ti ropui tak em. A chungah YMA hruaitute an lawm tak zet zet a ni.

Phek hnihna chhunzawmna.....
III. Ram leh hnam tana zirna kalpui :
1. Ram leh hnam hmakhua thlir chunga thahnem ngai taka zir tura infuih a, zonun zemawi chawisang a, Mizo tawng hmang uar leh hmang dik tura infuih thin nise.
2. Khua leh tui tha ni tura inzirtir a, vantlang tana thiltha tih kawngah tan la zel tura infuih fo nise.
3. Zirna lama tithate leh zirtirtu thate chawimawi a, lawmman siamsak thin nise.
4. Eizawnna kawng hrang hrang leh chenhona atana kan mamawhte, a taka inzirtirna a tam thei ang bera buatsaih nise.
5. Lehkha zirna pangngai/tluang tlam bakah a tui mite tan kut themthiamna lam kawhhmuh turin a remchan angin hma a la ang.
6. Zirna bultanna hi chhungkua a nih avangin nu leh pate?n chhungkua uap lum tam tura infuih thin nise.
7. All India Service leh Central Service-ah a tam thei ang ber lut tura infuih a, central sorkar hnuaia hna awm leh hna dangah pawh a tam thei ang ber lut tura infuih thin nise.
8. YMA DAY-ah “ZIRNA UAR” thupuia hmangin programme a siam ang a, kum tin September thla ral hmain Central YMA-ah report a pe ang.
9. Heta tarlan bakah hian a tul angin kumpuan tihhlawhtlin nan hma a la ang.
 

 KAN THEN TAK
P.C. LALLAWMZUALA (KUM 42) :

 
    Tv. P.C. Lallawmzuala hi Pu Laibata leh Pi Laltanpuii-te fa hming koh ni turin June 12, 1978 khan Civil Hospital, Aizawl-ah a lo piang a, an unau hi mipa 3 leh hmeichhia 2 an ni.
    Lawma hian zirna lamah J.L. Higher Secondary School-ah Class 12 thleng zirin; City Computer Academy, Khatla, Aizawl-ah Diploma in Computer Application (DCA) \ha takin a zo bawk.
    Lawma hi ngainatawm tak, bula awm nuam em em mai a ni a, thil phal tak leh mi ingaitlawm tak a ni. A phak ang tawka khawtlangah inhmangin Hlimen Branch YMA Committee Member, Vawmphung Section Leader leh Secretary nihnate lo chelh tawhin, tunah hian Vawmphunga Section YMA-ah Secretary nihna a chelh mek bawk.
    Kohhran lamah pawh a tleirawl chhuah a\anga inhmangin rawngbawlna hna pawimawh tak tak a lo chelh tawh a. Hlimen Presbyterian Kohhran Naupang Sunday School zirtirtu nihna chelhin Department hrang hrangah a thawk kual a, Naupang Sunday School pumpui Secretary nihna pawh a chelh tawh bawk. Hlimen Kohhran aiawhin Bial Sunday School Committee Member nihna pawh a lo chelh tawh bawk. Hlimen Branch K|P Committee-ah pawh hun rei tak awmin Branch  Secretary leh Asst. Secretary nihnate a lo chelh tawh bawk a ni. Heng bakah hian Group Office Bearer nihna pawh a chelh nual tawh. Tin, Hlimen Presbyterian Kohhran Chanchinbu- Kohhran Entu-ah hian Board Member nihna zawng zawng a chelh kim vek tawh bawk. Masihi Sangati rawngbawlna lamah pawh ke penin Bial Masihi Sangati Committee-ah te, Aizawl South Area Masihi Sangati Committee-ah te telin, Hlimen Pastor Bial Masihi Sangati Zaipawl din a nih tirhin Director nihna a chelh nghal a, he nihna hi hun rei tak a chelh a ni.
    Kum 2018 kum tawp atang khan a insawisel \an a, theih ang tawkin a in enkawl a. Kum 2019 March thlaah khan Doctor-ah inentirin In lamah enkawl a ni a.  Kumin February thla lai hawl vel khan a hnathawk lo haw chu a taksa a lo chauvin; February 20, 2020 khan BN Hospital Kulikawn-ah kalpui a ni a, BN Hospital-ah hian ni hnih awmin a pum a \ha lo hle tih hriat a ni a. Hemi hun hian Civil Hospital-ah kar hnih vel enkawl a ni a, hetah hian a pumpui a lâwng nasa hle tih leh a kalah lungte a awm tihte hriat a ni leh a. Theih tawka Doctor leh Nurse ten an enkawl hnuah ziaawm lam a pan avangin In lama enkawl a ni a. Hemi hnu hian a hna Labour & Employment Department-ah a kal chhunzawm  leh a. Amaherawhchu, April thla tirte khan insawlsel lehin In lamah Damdawite pe a, drip-te khai a ni a, a thil ei te tui lovin a thawte a lo hah a. April 10, 2020 (Good Friday) khan a HB hniam avangin Civil Hospital panpui a niin thisen Unit 3 pek a ni a, khum a ruah loh avangin In lamah haw pui leh a ni a. April 12, 2020 khan Ebenezer Medical Centre panpui a niin, thisen Unit 4 pek a ni leh a. A tukah High Dependency Unit (HDU)-ah dah a niin, CT Scan tih leh a ni a. Hetah hian thin tha lo, kal tha lo, chuap tha lo leh Pneumonia a ni tih hriat a niin, a kawchhungah thi a put nasa hle bawk a, hemi avang hian thisen pawh pek belh leh a ni. April 15, 2020 khan ICU-ah dah a niin Ventilator pek a ni a, heta tang hian that lam pan tawh lovin April 17, 2020 (Zirtawpni) zan dar 9:35 khan chatuan ram min lo pansan ta a ni.
 

Tâu thla (April) Ni 15, 2020, Issue No. 15

PAGE - 1

TUALCHHUNG :

Damlo :  Pi Thangmawii W/o Lal\anpuia(L), Kapdaia Sec. a mi chu hmeichhe lam \hatlohna avangin Civil Hospital-ah admit niin enkawl mek a ni.

##    Tv. PC Lallawmzuala S/o Laibata, Lalsavunga Sec. a mi chu taksa lam chaklohna avangin April ni 10, 2020 khan thisen unit 3 pek a ni a, in lamah enkawl mek a ni.

## Lalhruaimawia S/o Vanlaltluanga, Vawmphunga Sec. a mi chu Mar. ni 18, 2020 khan mitliam avangin BN Hospital-ah admit niin hun engemaw chen enkawl a nih hnuin Aizawl Hospital-ah dah luh leh a ni.

Nâu nei thar :  Pu J.Vanlalbiakdika leh Pi Lalhunmawii te nupa, Buala Sec. a mite chuan an fa 3 na atan April ni 6, 2020 khan Alpha Hospital-ah naute mipa duhawm tak an nei thar.

##    Pu Rosangliana leh Pi Lalchhuanawmi te nupa, Vawmphunga Sec. a mite chuan April ni 8, 2020 khan Civil Hospital-ah fapa duhawm tak an nei thar.

Tanpuina hlan :  Hlimen 407 Assn. te chuan April ni 9, 2020 khan an member chhungkaw 17 te hnenah \anpui nan Dal, Tel, Purunsen leh Tomato te an sem.

Vawk chaw: April ni 11, 2020 khan Task Force chuan vawkchaw mamawh te tan vawkchaw a ngaihtuah sak. Vawkchaw(amrit) 34 bags chu vawk vulh tute hnenah sem a ni a, bag khat hi ` 1600+ 50 (transportation) -  ` 1650 in an khul  a ni.

Sim atan \ha :  Tunlaiin zan rei lamah ruihhlo ti \hin \henkhat ruk ruk ching an awm nia hriat a ni a. Kan bungraw dahte fimkhur ila. Tin, hetiang tih ching kan hria a nih chuan thuneitu lamah report vat \hin ila, dan angin na taka action lak zel mai tur a ni.

Fimkhur ila :  Tunlaiin in kang leh ram kang hriat tur a tam chho hle, in lam leh ram lamah kan chet fimkhur a ngai takzet a ni. In kan chhuahsan dawn leh zan mut dawnah kangmei tichhuak theite enfel hmasa \hin ila. Tin, ram lamah pawh kan meizial bung paih chung changah leh kangmei tichhuak thei dang dangah i fimkhur lehzual teh ang u.
    Mitkhap kar lekah kan neih rohlu mai bakah nunna hlu tak kan chân thei a ni tih hriain mitin te i fimkhur tlang ang u.

HEADLINE :

YMA MOTTO THLIRZAUNA

    Hman lai kan pi leh pute hun lai, nunchan zirna rûn Zawlbûk a nih lai khan rawltharten tlawmngaihna nun chu val upate kiangah an zir a, an nunpui \hin a nih kha. Kha hunah khan rinawmna te, tlawmngaihna te, hawihhawmna te, induhsak tawnna te chuan khawtlang nun chu a tuam hlup mai a, chuvang tak chuan ‘|henawm do aiin khaw sarih do a thlanawm zawk’ an lo tih \hin ni. Hun leh ni, kumte lo herin khawvelin hma a sawn zel a, he tlawmngaihna nun mai bakah, Zonun Zemawi keng nunga chawinung tur leh phurrit phurte chhâwka \anpui ngaite \anpui turin pawl pakhat a rawn ding ta a, chu chu YMA (Young Mizo Association) hi a ni.
    Chu pawl duhawm tak leh hnamchawmte thleng phak YMA chuan thuvawn leh thiltum (Motto) ril tak leh belhchian dawl em em mai a rawn nei a, hei tak hi Zofate kan vanneihna em em chu a ni a, tuna thlirzau kan tum tak pawh hi a ni. Mi tam takin YMA Motto hi mu chungin a tihhlawhtlin vek theih tiin fiamthu narân mai ni lovin an sawi \hin. Pawn láng taka han ngaihtuah mai chuan a dik hmel fu, mahse chiang zawk leh a rilzia ngaihtuah chuan heng Motto pathum (3) ten a tum rilzia leh pawimawh si zia hi famkim lo zetin i han belchiang dawn teh ang.

1. Hunawl hman \hat : Hman kum 1970 vela Zofa ten ‘hmasawn’ kan hriat dan leh 2000 hnu lama ‘hmasawn’ kan tih hi inang tawh lo tak a ni. Engvangin maw??? 1970 vela khawtlang, ram hmasawnna aiin tunah chuan sang tak kan ni tawh tihna a ni. Hunawl a tih pawh hi a inang thei tawh lo vang. Mitinin eizawnna, a te emaw a lian emaw kan nei vek a, eizawnna nei lo te pawhin eizawnna bul\hut Zirna rûn sang an bel a, naupang kum 5 chin chunglam a\ang hian tih tur pual hran \heuh neia hun hmang kan ni deuh vek a ni. Kan hunawl hnawhkhah nan mai ni lo, kan khawsak inrelbawl nan te, kan nun kal zel tur atana pawimawh tak, loh theih loha kan tihmakmawh hi a awm a, chu hun chu kawla ni chhuak kan chhiar \hin dan pawh a ni \hin. Chung kawla ni chhuak kan chhiarpui \hin baka hunawl kan tih chu sual tih nan te, awm mai mai nan te, mut mai mai nan te, ho lam taka hmanral hi YMA chuan uihawm a ti a ni. Chu hun chu a \angkai thei ang bera khawtlangin emaw, chhungkuain emaw a chhawr theih tur thil \angkai (a te leh lian lam sawi ka tum lo) ti turin min fuih a ni. I mut mai mai emaw khan i hunawl kha i hmang \ha tihna a ni lo tihna a nih chu.

2. Zofate hmasawnna ngaihtuah : A chunga kan sawi tawh ang khan hmasawnna tehfung hi tawp chin nei lo a ni ti ila, kan sawi sual tam awm love. Khawvel a \hang zel a, thil chi hrang hrangah hmasawnna namen lo chuan he Zoram khawvel pawh hi a chiah ve reng a, hman laia hmasawnna an teh dan lakah chuan tun lai khawvelah hi chuan hmasawn lehna tur chuang a awm em ni le? a tih theih hial awm e.
-Phek 4 naah chhunzawm a ni.

PAGE - 3

EDITORIAL :

Mahni insiamchawp hmelma
    Mitin hian huat zawng leh ngei zawng kan nei fo \hin, chu chu khawi atanga lo chhuak nge? I ngaihtuah ngai em? a tam ber hi chu mahni insiamchawp hmelma zuk ni tlat a.
    |henawm khawveng ten min ngeih loh nachhan te hi mahni insiamchawp a ni fo mai nia. Mi chanchin emaw, an thiltih emaw a \ha lo zawng hlir a phuah chawp a sawi \hin mi ka nih chuan ka sawina ten an hrilh hun hun chu hmelma ka nih hun chu a ni mai. Chutiang  a lo nih chuan ka hmelma chu kan \awng tam lutuk leh dawt sawi tamin a rahchhuah a lo ni reng mai. Mahni insiamchawp hmelma tih chu hnial thei ka lo ni lo.
    Tin, \awngka ni kherlo pawhin hmelma hi a lo insiamchawp theih tho mai. Kan khawtlangah pawh in \ha pui pui pawh a lo ding ta khup mai, a va ropui em!! Engemaw zatin In an sa \an mek bawk. Hengah te hian vantlang leh \henawm khawveng te ram emaw nek leh hnawhchep zawnga In kan din a nih chuan \awng miah lovin, thil tihin vantlang leh \henawm khawvengte chu hmelma ah kan siamchawp a lo ni reng mai a ni. Mahni insiamchawp hmelma tih chu a dik a ni lawm ni?
    Tin, vantlang hmelma a insiamna dang leh chu khawtlang/vantlangin a duh loh leh a remtih loh zawng a ni tih hrereng chung si a pawisakna nei hauh lova khawtlang duh loh leh remtih loh zawnga che lui tlat \hin ka nih chuan khawtlang/vantlang chu hmelma ah ka siam chawp tihna a lo ni reng mai.
    MAHNI INSIAMCHAWP HMELMA han tih ngawt chu dik theiin i hre lo a ni mai thei. Hmelma- i ngei leh i huat zawngte kha han chhut  vang vang teh, nangma zir loh vang a tam ve hle lo maw?
    Mihring hmelma chu mihring a ni a, mahni hmelma pawh mahni bawk a nih thu an sawi kan hriat fo \hin kha.

ZIAKTUTE HUANG :

Aia upa i zahthiam ang u
-Hruaia Pa
   
Zofa ten YMA/YLA kan neih hma chuan thangtharte leh naupangte hi Zawlbukah an nunkawng kal zel danturte kawhhmuhin tlawmngaihna, rinawmna leh hawihhawmna leh aia upa zah dan turte an zirtir thin a. Aia upa zah hi an hmangtha hle thin a ni. Chu chu chhawmnun zel atan pawimawh tak a ni. Chhuahkhawmna hmun leh thil tihna hmun hrang hrangah upa berin ro a relin, upa thu ang zelin thil an ti thin a, tin, chhungkua-ah pawh Pa te hi an lal em em a, fa nei fel deuhte chuan an pate chu tarin engmah ti thei tawh lo pawh nise, an zah em em a, an sum lakluhte hi an nu leh pa engmah ti thei tawh lo, khuma mu reng ringawt tawh pawh nise an bulah an hmuh leh hriat turin an chhiarsak thin, chu chuan hringtu nu leh pate an pawisak zia leh an zahthiam zia a lantir hle.
    Lehkhabu pakhat ka chhiarah chuan heti hian a inziak, 1965 khan Pachhunga Aizawl pa hausa te chhungkua chuan ni khata an sum lakluh chu an Pitar chaklo tak tawh, khuma mu reng tawh mai hmuh tur leh hriat turin an chhiarsak thin an ti a. Chu chuan tar pawh nise hmusit mai lova an zahthiam zia a tilang a, vawiin ni a nula leh tlangval  thalaite hian zirtur leh entawn tur kan ngah hle lo maw? Vawiin a nula leh tlangval tam takte hi chu aia upa chu sawi loh, min hringtu nu leh pa ngei ngei pawh zahnachang kan hre tawh lo. Nu leh pate vau khur khur mai leh an khum bawrh bawrh ching hmuh leh hriat tur a va tam ta em. An tan dam reng pawh hrehawm ti khawpa siam kan pung tual tual ni ten alang.
    Hmanlai chuan upa leh tar ten zah leh chawimawi an hlawh thin a ni ngai a, vawiin kan tun hunah chuan upa ten Thing nih an hlawh a, an fate bula chen an inthlahrungin hrehawm ti takin nun an hmang mek ni ten a hriat ta. Hetiang reng a aia upa leh tarte zahna kan tlakchham zel chuan kan chi tuh rah hi kan la seng leh ngei ang. Kan faten THING lutuk tiin hnawksak min tih hun kan tawng ngei ang. Kan damlai ni a tlak hma zawng a, hlim leh lawm taka nun kan hman theih nan Aia upa zawkte zah thiam hi a va pawimawh em!!

PAGE - 3

HRIATTIRNA :

Task Force hriattirna
1.BAZAR CHAW LAK : April ni 13, 2020 (Thawhtanni) a bazar chaw la ten Task force te pek leh vek tur a ni a, Task force phalna lova dehral a rem dawn loh avangin duty mumal tak siam a ni dawn a, man buai ngai lova \ha taka Task Force a pe vek turin kan in hriattir e.
2. DAWR HAWN HUN : Thu thar a awm a nih loh chuan dawr hawn hun hi a ngai, nilaini leh inrinni zing kar dar 7-9 Am a la ni ang.
3. State dang mi, hnamdang kan venga awm te: Veng chhunga hnamdang awm te chu mumal tak a chhinchhiah vek an ni ang a, a thar lo luh belh leh a awmsa te chu an chhuak hlen dawn a nih loh chuan hmundangah chhuak lo tura tih an ni ang. Ruahmanna dang chu sawrkar in thu thar a neih loh chuan a ngai anga kalpui a ni ang.
    Tun dinhmunah task force kaltlanga thiltih ngai deuh vek a nih avangin kan chetchhuahna tur ah reng reng task force te rawn hmasak a tha. Mask hreng/ vuahlo pawn chhuah khap tlat a ni tih kan in hriattir nawn leh a, Social distancing ngaihpawimawh turin mitin te kan inchah nawn leh a ni. I inah tawmin la, i kut silfai tha la, lo dam zel ang che.
Sd/-Member Secretary.

Bawlhhlawh hal chung chang
    Hmun \henkhatah bawlhhawh hal mai \hin kan awm a, chin tawh loh a \ha hle. A halna hnaih, a khu ur phakah nausen/naupang emaw thawklama harsatna nei emaw te an awm thei a, tin, mi hrisel pangngai tan pawh hriselna khawih pawi thei a nih avangin bawlhhlawh hal mai mai loh nise a \ha a ni. Bawlhhlawh hal hi Solid Waste Management Rule hman anih tak avangin khap a ni a, a tilui man te chu dan anga na taka hrem theih kan ni.

Nungcha humhalh ila
    Kan tunlai boruak avangin boruak leh lui tui te a thianghlim chho viau a, hun khirh tak kan tawh laiin nungchate tan hun nuam tak a ni ve bawk a ni. Veng chhung leh dai velahte sava an rawn kai nasa em em a, mi \hekhat  silai nena sava changa kap \hin kan awm niin a hriat a, tun chinah chuan ti tawh lo ila a finthlak hle ang.

Advertisement....

Admission Open
    Solomon’s H/S Kulikawn Aizawl, RANGA BUILDING ah kum 2020-2021 session atan Class-IX & X tan Office hun chhungin admission a tih theih reng e. Mathematics leh Science subject a harsatna neite duhsak an ni a, Mathematics subject bikah free tuition kan pe thei a Mathematics subject a fail tan Admission kan free bawk e.

    1.  Admission fee : ` 2000
    2. Admission timing - 9:00 Am- 3:00 Pm
Contact : 7005684281/6909913910/8729897656
    H.C THAWNGA
(15-13)    TOP TEN, MATHS TUTOR

LAWRKHAWM :

THILPEK HLAN
    April ni 6,2020 (Thawh\anni) khan Hlimen Branch YMA chuan |awng\ai Bethel Camping Centre, Sakawrtuichhunah Buhfai 30 bag leh Alu 5 bag hlanna hun neih a ni.
    Hemi atan hian mi inphal te hnen a\angin pawisa leh Buhfai engemawzat dawn a ni a, kan thilpek kaltlangin ei tur nei lo ten eitur an lo neih phah a, thilpek pe tu te zawng zawng chungah lawmthu  Branch YMA chuan lawmthu a sawi tak zet zet e.
    Tin, Issue hmasa lama tarlan bak TBCC Sakawrtuichhun \anpuina tura thilpek petu te.
1. Pi Zonunkimi (SCS)    Buhfai bag 1
2. Pu BK Remmawia (SCS)    ` 1000
3. Pu N Zonunmawia (SCS)    ` 500
4. MHIP Hlimen Br.    Buhfai bag 1
5. Local Task Force a\angin    Alu bag 1
   
Tanpuina lut zel
    Hlimen Local Task Force ten an Duty-na a a\ul apianga hman turin hetiang hian thilpek a lut zel :-
1.    Hlimen Vengthar K|P    `    1,000
2.    K.Lalchhuanawma (LSV)    `    1,000
3.    Pi Lalsangliani (DV)    `    500
4.    Pu Rokamlova (KD)    `    1,000
5.    Aizawl DC a\angin    `    5,000
6.    Hmingthup (KD)    `    500
7.    Bialtu MLA     Buhfai bag 10
8.    Bialtu Councillor    Buhfai bag 5
9.    Pi Sanghliri (VP)    `    200
10.     RD Lalrammawia (Vengpawn)    `    2,000
11    Hming thup (BS)               ` 1,000 leh frooti case 1
    Heng bakah hian duty te ei tur hrang hrang leh petrol pe mitam tak an awm bawk a, Task Force Duty ten lawmthu an sawi tak meuh meuh e.
    Tin, Task Force a pawisa tlingkhawm a\ang hian chhungkaw 32 hnenah \anpuina pek ni tawhin pawisa 20,000, dal 63kgs, buhfai 320 kgs sem ral a ni tawh a, chhawmdawl ngai an awm chuan Task Force chuan \anpuina a hlan zel dawn a ni.
    Issue hmasa lama \anpuina petu Hnehzova (Vengpawn) tia tarlan kha tihsual palh niin Hnehzova (BS) tih zawk tur a ni a, tihsual palhah ngaihdam kan dil e.

Kristian-te ni pawimawh
    Zirtawpni kha Kristiante ni pawimawh Good Fri day a ni a, inkharkhip leh curfew vangin Biak inah hman theih ni lo mah se Kohhran mipuiin a remchan dan angin he ni hi an hmang.
    Covid-19 vangin pawn chhuah leh punkhawm te a theih loh chungin Kristian te ni pawimawh hi theih ang angin hman a ni a, Good Friday-ah hian TV leh Youtube hmangtein programme an siam a, keini veng pawhin YMA Information a\anga Sermon pek chhuah chu chhungtinin an hlut hle niin thu kan dawng. Chhung inkhawm pangngai bakah Good Friday puala mahni chhungkuaa hun hmang an \hahnem nia hriat a ni.
    Tin, tun Pathiani (Easter Sunday) hian YMA Information Center a\angin hun hman leh a ni ang a, chawhma dar 10:00-ah Upa N.Siamliana hnen a\angin Pathian thu chah ngaihthlak  a ni ang a, zan dar 7:00-ah Upa Rinngaia hnen a\angin Pathian thuchah ngaihthlak leh a ni ang. Chhungtin ten he hun hi urhsun takin hmang \heuh ila a lawmawm hle ang.

PAGE - 4

KEIMAHNI :

Hlimkhawpui Budget
    Hlimkhawpui  Jan. & Feb. 2020  thla Budget  pe tla tawh te:
1.    Kapdaia Sec.    2. Vawmphunga Sec.
3.    Saichhuma Sec.    4. Lalsavunga Sec.
5.    Damvea Sec.    6. Buala Sec.

    Kapdaia Sec. ten August, 2020 thleng Budget an tlak fel ta bawk.

YMA in ral
    April ni 6, 2020 zan khan Branch YMA chuan Lalmuanpuii, Damvea Sec. ralna hun a hmang a chhuntinah pawisa leh buhfai khawn a nih loh avangin Chhiatni Fund sum a\angin ` 4,000 leh buhfai bag 1 a chhungte hnenah hlan a ni. A chhungte hian \angkai taka hman atan YMA ah puan an hlan let bawk. Ralna hun hi Branch OB ten an hmang a ni.

Branch YMA lawmthu
    Tunlai hrileng avanga chhungkaw harsa  tak takte chhawmdawlna atana pawisa leh buhfai Branch YMA a hlan zawng zawngte chungah thinlung takin Branch YMA chuan lawmthu kan sawi a. Tin, |awng\ai Bethel Camping Centre, Sakawrtuichhun ten kan tunlai boruak avangin ei leh in tur an tlakchham deuh avangin an tan hian mi  inphal tam takin Branch YMA kaltlangin \anpuina in rawn hlan ruih ruih mai hi a ropui tak zet a, Hlimen Branch YMA chuan in za a chungah lawmthu a sawi bawk e.

    Sd/-Secretary
    Hlimen Branch YMA

YMA MEMBERSHIP FEE & CHHIATNI FUND 
    Kum 2020 chhung atana YMA Membership Fee chu Section tin ah khaw zawh thawkhat a ni a, tarlan tawh angin kan veng chhungah YMA Member 2136 kan awm a, luh belh tlem a zawng la awm tura beisei a ni.
    Tin, Chhiatni Fund pawh Section tam zawkah khawn zawh a ni tawh a, khawn zawh fel a ni veleh Chhiatni Fund luh dan kimchang rawn tarlan a ni ang. La thehlut lo Sec. ten chinfel mai theih a nih chuan a rang lama thehluh tum bawk ila a \ha ang e.

Advertisement...

F.K. SEPTIC TANK SERVICE
    Septic Tank khat paih, comode block, soak pit hlui leh thar kan siam theiin pipe fitting kan thawk thei e.
    Regn. No. MSR 524 of 15 of 2013
    Rate - Inbiak remna.

(45-8)                         Ph. 7085521791/9615920739

Septic Tank khat tan
    Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

      VL-a,
(10-3)    Ph.No : 9402344486, 9615266170
 

Phekhma chhunzawmna..........
    Mahse, chutiang a ni lo. Thiamna leh finna hian tawp chin a nei lo va, neih belh zel tura awmsa, khuanu duan a ni a, chutiang bawkin hmasawnna pawhin chu thil chu a kaikawp reng a ni. Hmasawnna kan tih hian tih dan thar hman avanga tih dan hlui hmuhsit zui kher tur tihna a ni lo. Kan chhunzawm a rem ta lo a nih pawhin dem mai lova hriatthiam leh sawimawi dan tawk kan thiam a \ul. Chu thil chu YMA chuan a hmu chiang em em a, tun lai \awng\ial takin in up-date ve zel a ngai tihna a ni. Chu dinhmun nei tur chuan chawpchilh leh hnawhsarum a va neih mai theih a ni lo va, tihlawhtling tura awmze nei taka fimkhur taka ngaihtuah a ngai a, bawhzui leh hmalak ngai a ni. Suangtuahna (Dream) ang mai maia kalpui chi a ni lo tihna a ni. Heta ngaihtuah a tih hi hlenchhuah tur, tihhlawhtlin tur leh kan neih theih ngei tura ngaihtuahna hman lam a kawk a ni. Thut mai mai a hun tawh lova, mut hmuna dawráwm taka ngaihtuah lam a kawk fahran lo tihna a ni.

3. Kristian nun dan \ha ngaihsan : Kristian tih chu Krista zuitu te tihna a ni. Tirhkoh thianghlim Paula’n Philipi khuaa mite hnenah, “Engpawh ni sela, in awm dan chu Krista chanchin \ha nen inmawi phawt rawh se...” a tih angin keini Zofa, Kristiante hian Krista hnung kan zuinaah, khawtlangah Krista rilru pu a kan nun dan leh awm dante kan lantir a \ulzia a sawina a ni. Kan mi ngaihsante tih dan leh nihphung chu lakchhawn nuam kan ti \hin a, chumi ang chuan awm kan tum zawk em em \hin. Jakoba’n “Thil tha tih tur hria a, ti si lo chu a tan sual a ni” tia min hrilh chu keini Krista zuitu, ngaisangtute thupui tur a ni a. Chutiang anga kan awm lo a nih chuan Krista, kan zuia chu kan ngaisang tawk lo tihna a ni. “Ram hi a chhiat loh nana daitheu tur mi a zawng mek...” tih sawi a, Sawiluaia ni mai lo va, a taka thawka rilru ngaihtuahna senga beitute hian Krista rilru an pu a, Krista an ngaihsanna chu thu mai ni lovin a takin an lantir zawk \hin. YMA thuvawn “|anpui ngaite \anpui” tih lanchhuahna tur chu Khawhar chhungte thlamuan tura Krista hmanrua atana mi inpe te, mitthi lumen a ngai a, a hrehawmzia leh taksa pawhin a tuarzia hria a, chumi huama tlaivar hram hram te, thlân khur chhunga mahni hrehawm pawh pawisa lo va, hun hmang te, chutianga midangte tana malsawmna ni tura insen huam leh inpe te, roreltute thu leh hla ngaichang thiam a, dawhtheihna nun neitute hian Kristian nun dan \ha chu an ngaisang a, an ngaihsanna chu a takin an lantir \hin a ni. Mu chunga awlsam taka “Ka ngaisang êm..!” tih lam a kawk lo tihna a ni.
    Heng YMA Motto ril leh thuk takte hi awlsam tea tihhlawhtlin chi a ni lo tih hriain a taka hunawl hmang \ha tu, Zofate hmasawnna ngaihtuahtu leh Kristian nun dan \ha ngaisangtu ni a fimkhurna nen, YMA member rinawm kan nih hi a va hun ta em!. Chu nun chu Krista rilru a ni a, Tirhkoh thianghlim Paula’n “Thil \ha ti atan Krista Isuaah chuan siama awmin ama kutchhuak kan ni si a; chu thil \ha tih chu kan awmna turin Pathianin a buatsaih lawk a ni” tia fuihna duhawm min pek, kan awmna tura Pathianin a buatsaih lawk hi YMA member ten kan motto a ni tih kan hriat thar a, a nunpuitu kan nih hi a YMA em em a, a Kristian êm êm zawk bawk a ni.

Tâu thla (April) Ni 4, 2020, Issue No. 14

PAGE - 1

TUALCHHUNG :

Boral :  Lalmuanpuii C/o Nikhuma, Damvea Sec. a mi chu April ni 4, 2020 (Inrinni) zing dar 5:30 khan Seventh Day Hospital-ah a boral. Hemi ni vek hian vuiliam a ni.

Damlo :  Pu C.Lalzuiliana H/o Lalthani, Damvea Sec. ami chu taksa lam harsatna avangin March ni 31, 2020 khan Aizawl Hospital-ah admit niin April ni 4, 2020 khan lo chhuakin in lamah enkawl mek a ni

## Pu K.Mangpuia H/o Pi Râli, Saichhuma Sec. a mi chu taksa lam harsatna avangin Doctor te rawnin investigation hrang hrang tih a ni a, tunah in lamah enkawl mek a ni.

## Pu Zothanmawia H/o Pi Maduhi Saichhuma Sec. a mi chu April ni 4, 2020 khan  Zemabawk  Hospital-ah admit niin enkawl mek a ni.

Chhawmdawlna hlan : Hlimen Local Task Force te chuan mi inphalte thawhkhawm a\angin chhawldawl ngai chhungkaw 17 te hnenah buhfai, pawisa leh dalte an hlan tawh a ni.

Tanpuina hlan : Hlimen Branch K|P te chuan Coronavirus (Covid-19) hri leng avangin Dilzau khua (Pu Lalthlamuana, Damvea Section, Missionary awmna) ah \anpuina thil pek an hlan. Pu Lalzuala, Buala Sec. ` 2,000/-, Local Task Force buhfai bag 1 leh Pi Lalnuntluangi, Saichhuma Sec. alu bag 1, Hlimen 407 Association buhfai bag 2 dawn nen buhfai bag 20, alu bag 1 leh chi pack 30 zuk pek an ni. Heng an thilpek turte hi Pu David Rualtinkhuma, Saichhuma Sec. chuan a motor 407 in a thlawnin a zuk dah sak bawk a ni.

Branch Comtt. in râl : Branch YMA Committee Member Pu Lal\anzuala chu a pa in a boralsan avangin March ni 30, 2020 khan Branch Committee Member te ralna pawisa thawh tlingkhawm hlanin OB \henkhat ten ralna hun an hmang.

Thlalak \ha lawmman : Mizo Photographers' Society Week Theme thlalak intihsiakah Pu David Vanlalhuma, Saichhuma Sec. chuan lawmman pathumna a dawng. Thlalak 42 lut a\angin he result hi siam a ni. Tunlaia hrileng mek Conoravirus (covid19) laka kan fimkhur dan tur leh kan fihlim dan chung chang pholang thei thlalak hmangin he thil hi buatsaih niin thu kan dawng.

HEADLINE : 

CHHIATTAWH/MITTHI AWM A 

BRANCH YMA THUCHHUAK

Vengchhungah Chhiattawk/Mitthi an awm in hetiang hian Branch YMA chuan a kalpui nghal dawn tih khawtlang mipuite kan inhriattir a, hei hi tun a\anga hman nghal tur niin, tunlai hrileng (COVID-19) a reh hma chu hman tur a ni.

1. Mitthi vui hun leh tlaivar : 

Dar 5:00Am - 10:00Am inkar a thi chu 1:00 Pm a vui tur.

Dar 10:00 Am - 1:00 Pm inkar a thi chu 3:00 Pm a vui tur.

Dar 1:00 Pm - 4:00 Pm inkar a thi chu  8:00 Pm a vui tur.

Dar 4:00Pm - 8:00 Pm a thi chu Dar 10:00 Pm a vui tur.

Dar 8:00 Pm - 5:00 Am inkar a thi chu Dar 10:00 Am a vui tur. (Hei hi tlaivar pui tur a ni)

2. Thlanlai & vur chung chang : 

Thlan hi hlawhfa hmanga laih lawk tur a ni a, a vur hi chhiattawk Section mawhphurhna a ni anga, Mask leh Glove hi Branch in a ngaihtuah ang.

3. Zan lam YMA hun hman chung chang : 

Zan lama YMA hun hman \hin hi, tih hrih loh tur.

4. Buhfai leh pawisa chhungtin a khawn :

Hei hi khawn loh tur, Branch hmingin Buhfai bag 1 (50 kg) leh ` 4,000/- hlan tur.

5. Tlaivar tur : 

Mitthi an awmin Branch Committee leh Section hruaitu te chauh tlaivar tur.

6. Thingpui sem :

Thingpui sem  \hin hi sem hrih loh tur.

7. Thlalak dan tur : 

Thlalak hi 10 aia tam lak loh tur. (A bak kan duh a nih chuan In lamah a hmain a theih dan anga lo tih tum tur)

8. Kuang zâwn/nawr :

In a\anga Thlanmual lamah kuang kan zâwn/nawr \hin hi a theih chin chinah Motor hmanga phurh hram tum a ni.

COVID-19 avanga boral kan awm chuan Sawrkar ruahmanna leh hmalakna anga kalpui tur a ni.

################################

He thu buatsaih laia Covid 19 chung changa India ram dinhmun :-

Hrivei hmuh chhuah tawh zawng zawng - 2,902

Thi tawh zat - 68

Damchhuak tawh zat - 184

Mitthi  zat Percent - 2.3 %

Source - wikipedia.org

PAGE - 2

EDITORIAL :

Hringnun

Mihring hi Siamtuin a siam a, bawhchhiatna a thlen hma loh zawng; saruak ngal ngatin an khawsa niin a lang a, a chhia leh a \ha hriatna an lo neih hnu khan, saruak an nih zia hriain; intuammawi nan, Theipui hnah an in siam a, Eden huan a\anga hnawhchhuah an nih khan Siamtu chuan Savun Kawrfualin a tuam mawi tak thu chu Lehkhabu Thianghlimah kan hmu leh a nih kha.

Ni e, hemi hnu a\ang hian mak tak maiin mihring chu chawmhlawm/faisa ring  nilovin bek a thlan chhuak a eizawng a lo ni ta a, a lehlam kawng a ngaihtuah chuan mahni inhaikawchawp a mihringin nunkhua a chhiar chho takah chuan hmasawnna tam tak a chharin; a pianken nihphung mai bakah a rilru leh ngaihtuahna a zirin hma a lo sawn deuh deuh a, tunthlengin mihringte chuan kan damkhawchhuahna tur dapin kan la hmanhlel ta zel a nih hi.

Kan hria emaw kan hrechianglo emaw mitinin kan zawn chu damkhawchhuahna a ni a, chu chuan eizawnna a kawk a, ei leh in nei tur chuan hnathawh a lo \ul ta a ni. Ei leh in tur kan hmuh hnu chuan nawmsakna/awlsamna lam kan hawi leh a, chutiang reng reng chuan hun kan hmang chho ta zel a, dam sen lul si, he hringnun kawng zawh zo a, tihtur nei ta miah lo erawh tunthleng hian kan la awm awm love. Kan thi a, kan boral der \hin tih in hre mah ila, tu’n kan thih hun tur kan hre lova, hmanhlel reng reng in hun kan hmang a, kan hun neih hmang thiam leh thiam lo erawh kan awm chiang khawp. 

Chuvangin, ngun takin ngaihtuah la. I hun i hmang \ha em? A \ha zawngin emaw a chhe zawngin emaw he khawvel a i lo awm ve avang hian thil danglam enge i thlen le?

 In zawt nawn fo \hin ang che.

YMA LEH KHAWTLANG NUN

Hruaia Pa

YMA hi kan khawtlangah, rual û te khan lo din lo ni ta se, eng dinhmunah nge kan khawtlang hi a din ang aw! tiin ka ngaihtuah \hin a, kan Hlimen khawtlang tan hian YMA hi ROHLU a ni zual hlein ka hria.

Kan Pathian thu, BIBLE-a kan hmuh angin, ‘nang malsawmna ni ang che,’ tih leh ‘midangte tana nun’ tih thute chu a taka luhchilh hmaktu a ni \hin a, a la ni zel dawn, chuti chung pawh chuan a thunawn atan heti hian a la ti cheu mai, ‘Bawih thahnem lo ka ni’ a la ti leh zel nia mawle, khawtlangah, chhiat tawk, thih ni a ni emaw, Accident thil a ni emaw, damlohna thil leh eng thil dang emaw avanga \anpuingai an awm ni a hriat a nih chuan, khawi hmunah leh eng hunah pawh nise, YMA chuan laklawh a nei ngai lo. Tawrh tur leh tawntlang tur thil pawh awm se, chu chuan a ti tim ve ngai lo. Chuti khawpa ROHLU tling YMA, khawtlangin kan nei hi a va hlu tehlul em!

Hetiang ema khawtlang hmangaihtu leh siam \hatna thawk a, \anpui ngaite \anpuitu, veng dangte mit hmuha kan lan mawi loh hlauva thi leh thau pawlha thawktu,  YMA hi  khawtlang \halai, mimal tinte hian thlahthlamin, nu leh pate hian hawisan ni ila, engtiangin nge kan khawtlang hi a dinchhuah tehlul ang. Kum 45 liam ta maia Ruihhlo avanga khawtlang nun hniam lutuk, \henawm veng tereuh tete te pawhin nuihza siam nana an lo hman hial, an hmuhsit tawh chu, YMA chuan theihtawpin, ruihhlo leh sualna chi hrang hrang do kawngah khawtlang tlu chhe mek tundin nan thapui thawhin hma a la a. Duhthusam ram thleng em lo mah ila, tunah chuan infiamna leh kawng hrang hrangah, veng chhuanawm leh veng entawntlak ni turin \halaite pawh kan lo harhchhuak tan mek a ni.

Veng dang ten Hlimen veng chu \hang lo leh hmasawn lo, entawn tur thil awm mang lohna hmun ang hiala min lo hmuh tawhna chu nawhrehin a awm \an a, hmasawnna kawngah pawh khawtlang inlungrualna zarah chak takin a tlan mek avang hian min chung en ta mah mah tawh zawk a ni. Tunah chuan a mawl zual tlemte te leh awm \ha duh lo zualpui ten Zu leh Ruihhlo chi hrang hrangte chu lo buaipui ve nak nak pawh ni se, YMA leh khawtlang chuan Saipui kal ang maiin, a ke pen a thulh \hiang tawh lo, YMA leh khawtlangin lungrual taka ke a pen chuan, tuna suahsual tukhum pawn la chhuah lui leh tuang la tichhah luite pawh hian mi pangngai nuna rawn nungin, khawtlang tana \angkaina pakhat tal neih hi an la rawn intihhmuh ngei ang tih hi i ring ngam ang u.

PAGE - 3

HRIATTIRNA :

Mipuite hriat tur

Thawh\anni bazar chaw lak chu Task Force te hnenah pek leh tur a ni a, Task Force te hian a tihralna an ngaihtuah leh dawn a ni. |ul dang chu information. mike hmangin puan zar leh a ni ang. 

Dawr hawn hun : Kar leh a\ang chuan dawr hi vawihnih - Nilaini leh Inrinni ah te hawn theih a ni tawh anga. Zing dar 7:00 - 9:00 inkarah hawn theih a ni ang.

Palm sunday : Zing dar 6 :30 ah Palm Sunday puala hun hman tum a ni a. Zing dar 10: 00 ah Pastor Lalchhuanawma’n ( Bialtu Pastor, Presbyterian) Pathian thuchah a sawi anga, tlai dar 6:30 ah Pastor Lalramthara ( Isua Krista Kohhran) chuan Pathian thu chah a sawi ve thung ang.

Duty Post hi Damvengah siam belh niin ngawrh taka duty a ni. Chetchhuah phal lai pawh nisela,  Mask vuah lova pawn chhuak te chu haw tir zel an ni ang. Mipui inkarhlat zawng fts 6 hi ngaipawimawh deuh deuh turin kan in hriattir nawn leh e. Thudang chu thudinglai angin kalpui zel a ni rih ang.

Veng chhunga quarantine te hun chu a tawp fel ta nia hriat a ni a, an hriselna a \ha, a lawmawm khawp mai. 

Nimin khan LLTF, Hlimen chuan veng chhungah Disinfectant a kap leh. Vengchhunga dawr kai, sazuar leh thlaihnah bazarna nei ten thu kan awih , a lawmawm. Mipui lamin thu kan awih viau rualin inkarhlat zawng (  6fts )  leh mask vuah i uar deuh deuh ang u. 

Sd/-Member Secretary

LLTF on Covid-19, Hlimen

Hrileng laka i him theih nan i kut fai takin sil \hin la,  inah inkhung rawh.

Advertisement.....

Admission Open

Solomon’s H/S Kulikawn Aizawl, RANGA BUILDING ah kum 2020-2021 session atan Class-IX & X tan Office hun chhungin admission a tih theih reng e. Mathematics leh science subject a harsatna neite duhsak an ni a, mathematics subject bikah free tuition kan pe thei a Mathematics subject a fail tan Admission kan free bawk e.

1.  Admission fee : ` 2000

2. Admission Timing - 9:00 Am- 3:00 Pm

Contact : 7005684281/6909913910/8729897656

H.C THAWNGA

(15-12) TOP TEN, MATHS TUTOR

F.K. SEPTIC TANK SERVICE

Septic Tank khat paih, comode block, soak pit hlui leh thar kan siam theiin pipe fitting kan thawk thei e.

Regn. No. MSR 524 of 15 of 2013

Rate - Inbiak remna.

(45-7)                         Ph. 7085521791/9615920739

LAWRKHAWM :

Tanpuina pe

TBCC Sakawrtuichhun \anpuina tura thilpek petu te :

1. Branch YMA Buhfai Bag 10

2. Pi Lalzamliani (SCS) Buhfai bag 5

3. Pu Duhthusama (DV) ` 1,000

4. Pu R. Lalngheta (SCS) ` 5,000

5. Lalthanpuii (KD) ` 3,000

6. Pu F. Zosangzuala (DV) ` 3,000

7. Pu Robuanga (BS) ` 500

8. Pu Lalruatdika (VP) ` 500

9. Pu H. VL Hmangaiha (SCS) ` 500

10. Pu R. Lalremruata (DV) ` 200

11. Pu Ro\huama (BS) ` 1,000

12. Pi Zirnunmawii (DV) ` 1,000

13. Pu Zoramkalsiama (SCS) ` 500

14. Pu Lalhriatpuia (DV) ` 1,000

15. Pu K. Lalmuankima (KD) ` 1,500

16. Pu |huamluaia Sailo (DV) ` 1,000

17. Pu H. Lalrammawia (KD) ` 2,000

18. Baptist Kohhran ` 1,000

19. Pu N. Zoliansanga (SCS) ` 1,650

20. Pu Laltleipuia (BS) ` 1,500

21. Pu Zoramhmangaiha (BS) ` 1,000

22. Pu Laltlanmawia (Tetea) (DV) ` 1,000

23. Pu Lalbiaknunga (SCS) ` 500

24. Pu Lalrinmawia (SCS) ` 1,000

Thilpek pe tu te chungah lawmthu kan sawi a, a la pek zel theih e.

Tanpuina lut zel

Hlimen Local Task Force ten an Duty-na a a\ul apianga hman turin hetiang hian thilpek a lut zel :-

1. R. Thangmawia (LSV) ` 500

2. Jeff Lalhmingsanga (DV) ` 500

3. Pu RSA (PHE) ` 500

4. Maruata (PHE) ` 1,000

5. Hnehzova (Vengpawn) ` 2,000

6. Solin MS Dawngliana (KD) ` 1,500

7. R. Lalremsanga (DV) ` 2,000

8. Hlimen Vengthar Presby. ` 5,000

9. B. Lalbiakmawia (KD) ` 5,000

10. Nl. Lalremruati (SCS) ` 500

11. Zolianchhunga (VP) ` 500

12. Lalfakzuala (BS) ` 1,000

13. Pastor Lalchhuanawma ` 5,000

14. Ramfangzauva (DV) ` 500

15. Saikapkunga (BS) ` 200

16. Lalmuanawma (SCS) ` 1,000

17. Melody (KD) ` 500

18. Hlimen Damveng Kohhran ` 10,000

19. Hlimen Damveng K|P ` 1,000

20. Lalzamliani (SCS) ` 1,000

21. C. Lalengzauva (DV) ` 1,000

22. Hlimen Taxi Welfare ` 1,000

23. Tlangnuam \hianho ` 3,000

24. Lalzamliana (DV) ` 1,000

25. Lalsanga (DV) ` 1,000

26. Hlimen Presby. Kohhran ` 20,000

27. Hlimen Sazuar Assn. ` 3,000

28. Zaikunga (BS) ` 1,000

29. Hmangaiha (BS) ` 100

30. Pu Lalruatdika (VP) ` 500

31. Pu H.Lalrimawia (BS) ` 1,000

Heng bakah hian ei tur pe leh thingpui lumsak mi engemaw zat an awm a, an chungah lawmthu an sawi.

PAGE - 4

KEIMAHNI :

Hlimkhawpui Budget

Hlimkhawpui  Jan. & Feb. 2020  thla Budget  pe tla tawh te:

1. Kapdaia Sec. 2. Vawmphunga Sec.

3. Saichhuma Sec. 4. Lalsavunga Sec.

5. Damvea Sec. 6. Buala Sec.

Kapdaia Sec. ten August, 2020 thleng Budget an tlak fel ta bawk.

TBCC-ah |anpuina hlan dawn

|awng\ai Bethel Camping Centre, Sakawrtuichhun ten tunlai hian ei tur lamah harsatna an tawh avangin Branch YMA chuan \anpuina pek nise a ti a. Hemi atan hian mi inphal tam takin pawisa an thawhkhawm a. Pawisa tlingkhawm a\ang hian buhfai bag 28 leh alu bag 4 lei niin April ni 6, 2020 (Thawh\anni) hian Branch hruaitu ten an hlan dawn a ni.

Budget tlak

Saichhuma Sectionte chuan kum 2020 chhunga Branch YMA a an budget ` 4,500/- an tlak fel ta.

YMA hall hnuai Dawr

April 2020 - March 2021 luahtu tur te :-

Shop No 1 :- Pi Lalengmawii

Shop No 2 :- Pi Lalnghakliani

Shop No 3 :- Pi Kaptluangi

Shop No 4 :- Pu C. Zosangzuala

Shop No 5 :- Pu R. Lal\anpuia

Shop No 6 hi Committee in a lo rel tawh angin YMA Library atan a zuah a ni

THILPEK HLAN

COVID-19 puala YMA in chhawmdawlna tur a buatsaih ah Pu Lalthantluanga Vawmphunga Section hnen a\angin ` 2,000 dawn a ni a, Branch YMA chuan lawmthu a sawi e.

2020 YMA Member dinhmun

1. Buala Section

Mipa : 240 Hmeichhia : 222 Total : 462

2. Damvea Section.

Mipa : 243 Hmeichhia : 226 Total : 469

3. Kapdaia Section.

Mipa : 223 Hmeichhia : 250 Total : 473

4. Lalsavunga Section.

Mipa : 66 Hmeichhia : 74 Total : 140

5. Saichhuma Section.

Mipa : 204 Hmeichhia : 201 Total : 405

6. Vawmphunga Section.

Mipa : 104 Hmeichhia : 83 Total : 187

Mipa zawng zawng           : 1080

Hmeichhia zawng zawng : 1056

G. Total                     : 2136

Hun a kal anga, lak hmaih leh tih hmaih palh a la awm mai thei, hei ai hian la tam leh tura ngaih a ni.

KAN THEN TAK

LALMUANPUII (30) CHANCHIN TLANGPUI

Lalmuanpuii hi Lal\anpuia leh Zohmingmawi(L) te inkarah kum 1989 khan a lo piang a, an unau hi hmeichhia 2 leh mipa 1 niin a upa ber a ni.

Muani hi naupang tet a\angin naupang harh vang leh hlim thei tak a ni a,tin, \hian kawm nuam timi leh \hiante tana ngainatawm tak leh fel tak a ni a, mi thilphal tak mai niin, a neih zawng chu ui miah lova midang pe mai chi a ni. A dam \hat lai chuan Section YMA-ah te pawh \angkai tak niin hnatlan nikhua pawha taima tak leh midangte chawkhlimtu ber a ni \hin.

Lalmuanpuii hian fa hmeichhia 2 leh mipa 2 a nei a, a fa û ber Lalnuntluangi chuan kum 2010 khan chatuan ram min lo pansan tawh a ni. Muani hi khawvel lamah han tlan vein chaklohna tam tak a nei ve a, amaherawhchu amah hmangaihtu kohhran mipui leh \henrual \ha \awng\aina zarah Pathianah nun duhawm tak neiin a awm a ni.

A taksa-ah hian natna chi hrang hrang neiin Durtlang Hospital-ah hun engemaw chen enkawl niin \ha takin a lo chhuak a, kum 2020 kumtir lam a\angin chaklo zual lehin March ni 14, 2020 khan Seventh Day Hospital-ah admit leh a ni a, \hat lam pan tura beisei a nih laiin March ni 30, 2020 khan zual lam a pan zel avangin ICU-ah dahluh a ni. April ni 4, 2020 khan thisen unit 2 pek a ni a, \hat lam pan aiin zual lam a pan zel a hemi ni zing dar 5:30 khan chatuan ramah a lo chawl ta a ni.

Advertisement....

Electric bungrua

Z.S. Electricals Saikhamakawn-ah Electric Bungraw chikim kan nei ta e. A man tlawm a\anga a to ber thlengin kan nei a, wiring pawh kan tihsak nghal thei bawk e. Tin, min dawrtu te tan Discount Item zawng zawngah kan pe zel e.

Min rawn dawr ve teh u.

(5-5) Contact : 8787781843/9862054655

Septic Tank khat tan

Septic Tank-ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

  VL-a, 

(10-2) Ph.No : 9402344486, 9615266170